بسم الله الرحمن الرحيم



السلام عليكم



الصراحة ........................ ما بعرف من وين بدي بلش

و لكن إليكم التالي :

أسم المشروع : برج الحزين الضاحك

الكلفة الإجمالية للمشروع : 100 ليرة سورية 

مدة التنفيذ : تقريبا 20 ساعة غير متواصلة   

منفذ المشروع : عبد الله (الحزين الضاحك)  

العمل للمهندس (الغير مهندس): الحزين الضاحك   

الأفتتاح بتاريخ : 9 آذار 2010  (الدعوة عامة) " اليوم يعني ....... لحقو حالكون"






طبعا و هي صور المشروع  تفضلوا

هي الصورة كاشفة للبرج كلو



و هي صورة بالهيلوكبتر  الخاصة تبعي من فوق   



و هي صورتين جانبيات رأسيات من اليمين و اليسار





المشروع  يمكن فاشل

و لكن تبقى المحاولة أفضل من لا شيء


و إن شاء الله  قريبا سيكون هناك المزيد

مشاريع مختلفة بنفس المبدأ (نكاشة سنان  و لحسة شعلة)

و ينكون ........... أنا عم أستنى المباركات ............... يعني الكل بدو يباركلي


يعني و الله إنجاز




و بالنسبة لشباب الهندسة

بدي رايكم

يعني هيك شغلات معم نشوفها بهل الأيام


و أنا أتقبل أرائكم و تعليقاتكم



و بالنسبة للبوفيه المفتوح فبدكون تعذرونا ما لقينا حجز بروتانا كافيه 

المهم

أنا عن حالي إن شاء الله ألف مبروك إلي










(حقوق أستخدام الصور محفوظة  "فهذا جهدي الشخصي " و لن أسامح من ينسبه إلى نفسه " حقي و لا لأ ")

السلام عليكم


شو هاد يا عبد الله


ما شاء الله
يا هيك الأبراج يا بلا

لمشروع حلو كتير (( هاد رأي.. ))

اقتباس

و لكن تبقى المحاولة أفضل من لا شيء

كلامك من ذهب

اقتباس

(حقوق أستخدام الصور محفوظة "فهذا جهدي الشخصي " و لن أسامح من ينسبه إلى نفسه " حقي و لا لأ ")

والله بيطلعلك




الله يعطيك العافية
شي حلو

تقبل مروري

السلام عليكم


كيفك بشمهندس عبد الله

إن شاء الله ما تكون حزين على مشروعك لأنو مافي كتير داعمين

مبلغ 100 ل.س بيكسر الميزانية المرة الجاية اطلب استثمار من شي مهندس مدني أو عمارة

بس بتوقعك تكون عم تضحك على فشـ........ قصدي نجاحك المبهر في غير الرياضيات

هيك أنت ........حزين ضاحك!!!!   

عفكرة .......اطلب نكاشات سنان من طلاب طب الأسنان بيعملولك حسم 50%

بانتظار ابداعاتك الهندسية...  

   

لازم يحطوها ببرنامج إنشاءات عملاقة على الجزيرة الوثائقية!!!

   

تقبل مروري ......................تحياتي

الاخ المبدع

  الحزين الضاحك 


مشروع جميل...وباستطاعتك استثماره جيداً...

لما لا؟؟؟...

يبعث فينا الله فنون لا حصر لها....

لكن لا بدّ أن ننميها...بالجهد والبحث...

عليك الاستمرار أخي....

فغداً ستبلور مشروعك على أرض الواقع...

بإذن المولى...

  السوسنه الحزينه 

اي شو هالبرج لك عبد الله ...

ريتو ما يبلى ...

احلى من برج خليقة ...

عنجد حلو و ناجح ...

تقبل مروري ...

اي شو هالابداع هاد ياعبدالله

يخزي العين يخزي العين  

والله طالع منون شباب الرياضيات وصاروا يضاربوا عطلاب الهندسة

بس عنجد برافو عليك والبرج كتير حلو وواضح انو تعبان عليه
عكل الاحوال انا عتبانة عليك بشغلة

يعني قلت انو الدعوة عامة وليكني حضرت   بس معقول يعني مابضيفنا شي لك عالقليلة كاسة عصير  

المهم انو البرج حلو وبرافو وناطرة جديدك

سلاااااااااااااااااااااااام

الله يبارك فيك حسام بيك و عقبال عندك

بس بتعرف بدي نزلك شريك النص بالنص أنت و إياد


الله يبارك فيك إياد و إن شاء الله المشروع التاني بدي سلمك إدارة المشروع



سجى الطراونة شكرا كتير


عيسى  أسعدني وجودك بالأفتتاح 

خلص و هبتك البرج معد بدي شي بهل الدنيا

اقتباس

يعني قلت انو الدعوة عامة وليكني حضرت بس معقول يعني مابضيفنا شي لك عالقليلة كاسة عصير

أنا شو دخني إذا روتانا كافيه ما رضي أحجز عندو

على كل خيرها بغيرها و الجايات أكتر من الرايحات

و شكرا نيبو لمرورك

و عقبال عند الجميع إن شاء الله

الأخ عبد الله ....والله شي كتييير حلو جد  يعني واضح انو عندك موهبة ولازم تنميها ..

و لكن تبقى المحاولة أفضل من لا شيء....اكييييد معك حق 100%  وبرافو عليك    ....بس شو مشان

انو عرفنا بالافتتاح متأخرين ؟ يعني لو عرفنا من الصبح كنا قمنا بالواجب يعني بعتنا بوكيتات ورد       وهيك

شي يعني .... والأهم تحلينا ...ولا ما في حلو كمان  ؟؟؟؟ اي يلا  بالبرج الجاية ان شا الله  ;i

(22;  ..... بتمنالك التوفيق من كل قلبي   دمت بود تقبل مروري 

السلام عليكم ورحمة الله وبركاته

كيفك أخي عبد الله

اقتباس

إفتتاح برج الحزين الضاحك (الدعوة عامة)

يعني مافي كروت خاصة

اقتباس

الأفتتاح بتاريخ : 9 آذار 2010  (الدعوة عامة) " اليوم يعني ....... لحقو حالكون"

حظي حلو إني لحقت الأفتتاح

بس وين الكاتو والعصير وله رح تمرئها بدون حلوان

اقتباس

(حقوق أستخدام الصور محفوظة  "فهذا جهدي الشخصي " و لن أسامح من ينسبه إلى نفسه " حقي و لا لأ ")

خلص وكليني على القضية إذا حدا لطشلك الموضوع

في النهاية لازم أشكرك على الجهد والتصميم الرائع

الله يعطيك العافية


بكل أحترام تقبل مروري

اقتباس

كيفك أخي عبد الله

مشتقلك معلم

اقتباس

يعني مافي كروت خاصة

صاحب البرج و بدك كروت دعوة شلون هي صارت

بما أني و هبت البرج لعيسى

فئلوا ينزلك شريك معو

اقتباس

بس وين الكاتو والعصير وله رح تمرئها بدون حلوان

حكينا بالعربي و ئلنا أنو الروتانا كافيه ما في حجز

خيرها بغيرها

مشكور يا غالي

و عقبال عندك إن شاء الله