بس لو سمحتوا كيف بدنا نعرف انو عم تداولوا المرجع لانو بلاحظ بعض الطلاب ما بحبو يفيدوا غيرهم  

السلام عليكم


يمكن مشان المراجع يلي ذكرهن الدكتور أنا بعرف انهن تلاتة

McMurry

Organic Chemirtry

Thomson2008

وهو ذكرهن مشان الثقافة و بس....... او إذا حبينا نبحث عن الموضوع عالانترنت مو اكتر !!!!!!!



يعني يمكن نلاقي فيهن الصور اللي عرضلنا ياها الدكتور



بالتوفيق

السلام عليكم 

بدي رحب بالأعضاء الجدد ( xoxo وندى الأيام ) بس هي الساحة مكان غير مناسب للترحيب

بقى بتمنى من الأعضاء الجدد أنو يشاركونا بساحة طلاب السنة الأولى الجديدة

كأني حسيت من كلامو أنو مهم هالمرجع وأنو كتير من حكي الدكتور موجود فيه

وبعدين مشان اللغة الأنكليزية لازم نقويها ونزيد المصطلحات العلمية ...

اقتباس

بس لو سمحتوا كيف بدنا نعرف انو عم تداولوا المرجع لانو بلاحظ بعض الطلاب ما بحبو يفيدوا غيرهم

هون بالمنتدى والحمد لله ما حدا بيقصر والكل متل الإخوات بيحبوا يفيدوا بعضهم 

وأول ما بيوصلنا إن شاء الله منوصلك ياه لا تخافي 

أنا عندي رفقات بشعبتك ويمكن يكونوا بفئتك وإن شاء الله بوصلك كل شي
(ملاحظة أنا لأنو بالشعبة الأولى)

سلام

السلام عليكم

بدي رحب بالأعضاء الجدد (xoxo وندى الأيام) بس هي الساحة للمناقشة بمادة الكيمياء العضوية ومو للترحيب
مشان هيك بتمنى من الأعضاء الجدد يشار كونا بساحة طلاب السنة الأولى الجديدة  

السلام عليكم

بالنسبة للمراجع فالدكتور حكى على مرجع واحد هو:

McMurry Organic Chemistry Thomson 2008

وأكيد هالحكي لأنو حسام عندو المرجع ومكميري مؤلفه وتومسون هو دار النشر

والمرجع منتداوله بيناتنا أحسن لأنو الكشك بينصب على الطلاب   وطبعا منحاول نوصله للجميع

(هاد رأي حسام) هو كله 70 ميغا يعني ممكن نبعته بسهولة على فلاشات أو سيدي أو بالبلوتوث

طبعا نحنا لازم ننشر كلشي بفيد الطلاب وأكيد الأخبار حتنتشر عن طريق المنتدى وبالجامعة وبين الطلاب وأكيد ما حنخبي شي على حدا

وكل واحد ما بيحب ينفع غيره لازملو  

اقتباس

وهو ذكرهن مشان الثقافة و بس....... او إذا حبينا نبحث عن الموضوع عالانترنت مو اكتر !!!!!!!

يعني يمكن نلاقي فيهن الصور اللي عرضلنا ياها الدكتور

بالمناسبة حسام قال أنو الصور اللي حطهن من المرجع والمرجع مهم كمان.......

ونحنا كمان نقوي حالنا بالانكليزي والمصطلحات الدولية........لأنو عاجلا أم آجلا بدنا نحفظهم وهلأ أنسب وقت....................مهيك!!!

باختصار نحنا لازمنا تثقيف ذاتي لأنو إذا ضلينا على منهاج الجامعة ماحنتعلم شي!!!!!
((طبعا هيك رأيي............. ))



   

السلام عليكم

بالنسبة لموضوع الطنين عندي كم ملاحظة:

بتذكر الدكتور حكى التالي:


بس أول شي تذكرو أنو للكربون 4 الكترونات سطحية وموزعة بالشكل:
الكترون واحد بالمدار الفرعي 2s
3 الكترونات بالمدار الفرعي 2p

أما الكترونات الطبقة الفرعية 1s فتبقى ثابتة

وبالتالي بالميتيل ch3 بيكون 3 الكترونات مرتبطة بالهيدروجين والكترون وحيد غير مرتبط:

الميتيل مثلا يكون على أحد الأشكال الثلاثة التالية:((هيك قال الدكتور))

1-موجب
2-جذر
3-سالب

أولا:e=0
يكون موجب عندما يتخلى عن الالكترون السطحي الأخير من الطبقة الفرعية 2p (عندما يرتبط برابطة تشاركية مع عنصر شديد الكهرسلبية كالفلور ينجذب الزوج الالكتروني للفلور) ويبدو وكأن الكربون فقد الكترونه


ثانيا:e=1
يكون الميتيل جذر عندما يكون الالكترون غير المرتبط موجود بالمدار الفرعي 2p لوحده وبالتالي نقول جذر الميتيل عندما يرتبط مع سلسلة كربونية أخرى ch3-ch2-ch3 أو عند ذكره لوحده مثال:

جذر الميتيلCH3-
جذر الايتيلC2H5-
.
أو عند ارتباطه بوظيفة غولية أو كربوكسيلية .................الخ

..

ثالثا:e=2
يكون الميتيل سالب عندما يرتبط مع عنصر معدني مثلا بحيث يتشارك معه بزوج الكتروني يكون ضمن المدار الفرعي 2p وأقرب للكربون الكهرسلبي بالمقارنة مع المعادن الكهرجابية ..........

بصراحة هذا الشي اللي طلع معي وبإذن الله يكون صح..................

وإذا في مشكلة أو خطأ خبروني فورا..................  

=====================================================

على أساس أنا درست المحاضرة منيح ...............يلي عندو أسئلة أو ملاحظات أو إفادات يتفضل :

((وبإذن الله كلنا هون مع بعض لنساعد بعض  ................. لذلك أرجزكم لا تبخلو بشيء))

ودمتم سالمين

السلام عليكم ورحمة الله وبركاته

المحاضرات مضمونة وأنا واثق من الطالب يلّي كاتبها

بالنسبة لشموليتها
تقريباً المحاضرات شاملة لـٍ 95% من يلّي بيحكي الدكتور ..

اقتباس

حسام من وين جايب هالرسمات يعني كتير بتشبه يلي عرضهم الدكتور

الرسمات تمّ لطشها من مرجع أجنبي اسمه
McMurry Organic Chemistry Thomson 2008

طبعا هو ذاته المرجع يلّي حكا عليه الدكتور
والمرجع بيفيدنا كتير كتير كتير.........

بتمنى كلّ الطلاب يستفيدوا منّو
اللغة الأجنبة المستخدمة ضمن المرجع سهلة وبسيطة
وأعتقد كلّ الطلاب بامكانهم فهم المعنى المقصود بسهولة

اقتباس

الشرح الجميل وارجو من صاحب المرجع ان يضعه بالكشك حتى نستفيد نحن وجميع الطلاب طبعا لو سمحت

سعر السيدي بالكشك 50 ليرة
يعني والله حرام هالشي

اقتباس

بس لو سمحتوا كيف بدنا نعرف انو عم تداولوا المرجع لانو بلاحظ بعض الطلاب ما بحبو يفيدوا غيرهم

هالشي مو موجود هون
ان شاء الله كلّ شي بيوصلنا.. منوصلوا لكل الاعضاء

اقتباس

باختصار نحنا لازمنا تثقيف ذاتي لأنو إذا ضلينا على منهاج الجامعة ماحنتعلم شي!!!!!
((طبعا هيك رأيي............. ))

     
   
 

السلام عليكم

       

آسفة بس يمكن ما وصلت لعندي التغطية تمام ببداية  المحاضرة ...............


وكمان مشان موضوع الطنين .............. أقنعتني  ............. يعني يمكن حكيك الصح............

بقى شكرا على التوضيح لأنو عنجد كنت هيك فهمانتها


إذا بتحبو أنا عندي اقتراح   ..............وهو  إنو نحذف المشاركات يلي بيصير فيها لبس أو أي حكي علمي خاطئ (( متل مشاركتي السابقة )).............. مشان ما يتثبت الخطأ بعقولنا .......................... هاد طبعا بعد إذن منسق الكيمياء 




عم انتظر الرد .............. وجاهزة لحذف المشاركة


بالتوفيق للجميع 

السلام عليكم



أولا:

شكرا لك ميمو.......وإن شاء الله يكون حكيي صحيح...


وبالنسبة إلي حعدل مشاركتي..............وبإمكانك حذف الرد الخاطئ ولكن خلي الأسئلة ليستفيدو منها الباقين....


ثانيا:

بالنسبة للمرجع تبع الكيمياء العضوية بكرة حسام حيجيبه معه على فلاشة............

وحندبر لاب توب....................مشان هيك اللي بحب فينو يجيب معه فلاشه حتى ياخذه

بس لازم كل واحد يعطيه لكل رفقاته ومعارفه حتى ينتشر يالكلية.......

وكمان حنحاول تأمينه عن طريق الموبايل بالبلوتوث..........


موفقين

أنا رح جيب معي اللاب توب بكرا وبحاول وزع المرجع ليلي بدو ياه بس لا تنسو تجيبو فلاشات

ويا ريت إذا حدا سجل المحاضرة يعطينا ياها كمان

درسو منيح
موفقين