ياجماعة في حدا ممكن يعطيني وقت تقديري لامتحان الفصل الثاني
لانو انا بدي انزل من الرياض وقدم كل المواد دفعة وحدة

وشكرا لمساعدتكم

أهلا زميل عامر ...

امتحان الفصل الثاني بيبدأ فعليا من بداية الشهر السادس لنهايته ..

تحيتي لك ..

ياصديقي اهلا وسهلا فيك
هلأ انا بتوقع انو في كليات بتبدأ
بنهاية الشهر الخامس
يعن بعد يوم 25 والشهر السادس لنهايته
انا بشوف انك تنزل ب 10 /5 يعني بتزبط امورك
ابل الفحص وبتأدم موادك ونشالله موفق

متل ما ذكر أخي عيسى ...
واذا بدك التاريخ بدقة .. من المقرر أن تبدأ امتحانات الفصل التاني بـ 1/6/2010 حتى 28/6/2010
بس للعلم هالتاريخ أو هالمواعيد غير دقيقين ..

بالفصل الأول لهي السنة كان مقرر أن تبدأ الامتحانات بـ 3/1/2010 .. بس بالواقع هي رح تبدأ بـ 27/12/2009
وحتى السنة الماضية بدأت امتحانات الفصل التاني بـ 24/5   

لهيك اذا بدك نصيحتي :: خلي حساباتك تقريباً بين 25/5/2010  لآخر شهر 6 (حزيران)

ومشان الدورة التكميلية من المقرر انها تبدأ بـ 31/8/2010 حتى 6/9/2010


بالتوفيــــــق ...

مرحبا أخي عامر

بالنسبة لسؤالك حابة قلك شي

تقديم الإمتحان بالفصل التاني شي عادي كتير حتى وإن كان عندك  12 مادة تبع الفصلين الأول والتاني سوا
أنا السنة الماضية عملت نفس الشي
قدمت الفصل التاني 12 مادة سوا
المواد تبع أولى كتيير سهلةوما بدها غير دراسة بجدية وشوية تركيز
وعلى فكرة الفترة اللي بتكون بين كل مادة والتانية بتكون كافية جداً للدراسة
يعني ما تخاف من إنو عدد المواد كتير
إنت بس لازم تنزل عالفحص وإنت دارس كل المواد على الأقل مرة وحدة
يعني لما يجي الإمتحان بتكون آخد فكرة عن كل مادة وعرفان شو فيها
وبما إنو في 8 مواد إختياري يعني إن شاء الله بتترفع بكل سهولة

ومو ضروري تنزل قبل الفحص بوقت كبير
يعني اسبوعين بالكتير بيكفو وزيادة
بتزبط أمورك وبتجيب المحاضرات والأسئلة اللي ناقصتك
وبتدرس
وهاد كل شي
موفق ان شاء الله