مسالخير
فعلا متل ما قالو ماشالله حولك : أختكم في الله
يعني مافي داعي بلمرة نرحب فيكي بلعكس رح نحس انو نحن ضيوف عندك
وعنجد متل ماقلتلي النشاط كتير خافف يمكن هلا في شغل بس مو متل قبل يعني انا اول ما سجلت كتير كنت متشجعة بس هلا احيان بحس  بلاحباط لما شوف  انو مافي كتير حماس
حتى أحيان بتحسي انو عم تخف الروح الرياضية بين الأعضاء
عكل إنشالله يتحسن الوضع ويرجع متل قبل واحسن
ومشان الوقت اللي حددتو فأنا مستعدة
وشكرا  الك

"أختكم في الله"

كلامك صحيح وأنا كمان كنت زائر ووقت سجلت ماعدت شفت هالنشاط فعلا ياريت يرجع نشاط الأعضاء يلي اختفوا فجأة بدون سبب أويلي مازالوا عم يدخلوا المنتدى بس بدون أي حس

وأنا سبق و قلت إني أكتر شي مستغرب نشاط الطلاب السنة الثالثة أنا وقت كنت إدخل المنتدى كانواسنة ثانية ياجماعة كانوا طلاب هالدفعة نشيطين ورائعين

والله كنت اتمنى كون واحد من هالدفعة بس فجأة ماعاد شفناحدا منهم


أكتر شي بذكر منهم:  pharmacy,nanon,بلسم الآلام, محمــد,الهدهد ,المرهم الشافي,banadol,Heart Less

هالأسماء بالذات كانوا عاملين شلة حلوة كثيـــــــــر
إذاأحدبيعرف أي شخص منهم أرجوكم أقنعوهم بالعودة

صحيح دخولي عالمنتدى بالفترة الحالية قليل بس ياليت تقبلوني  عضو بعيلة الصيدلة معكم         

مرحبا أنا نفسها أختكم في الله بس صار معي مشكلة صغيرة من شان هيك ما عد حسنت فوت على هداك الاسم
كل يلي حصل إنو كنت حاطة عنوان ايميل مو صحيح أول الأمر بعدين رجعت وعدلتو بايميل زوجي بس مدري شو صار ما عد إبل يفوت لا بالأول و لا بالتاني المهم حصل خير ففتت باسم جديد
بصراحة شكرا للترحيب الحلو بس بس  كأنو أكيد مستغربين ليش أنا بعرفكون وأنتو لأ
أنا من زمان كتير بفوت ع المنتدى بس المشكلة إنو بأول شي كنت فوت لشوف المواضيع الموجودة بساحات الحوارات الجادة بعدين كنت كمان اطلع على منتدى الصيدلة بعد مادريت إنو صار في إلها ساحة خاصة
بس بصراحة كنت حابة شارك من زمان بس زوجي ما بحب أنو شارك طبعا زوجي بيعرف وعلى اطلاع على المواضيع يلي كنت دائما خليه يقرأها بس كان ما بحب قصو الردود يلي بتصير بين الشباب والصبايا بصراحة ما بيحب هيك شي من شان هيك كان مخليني فوت بس اقرأ بس بدون مشاركة طبعا زوجي مهندس إنشائي وفكرو كبير بس هيك طبيعتو من شان هيك أنا ما بحب ناقشو بصفة هو بحب أنو كون عليها
المهم من شان هيك ما كنت شارك بس هلأ سمحلي شارك مشاركة وحدة بس من شان اسأل ليش ها الأعضاء مو مبينين
يمكن ما بحسن فوت وشارك بس أكيد لح كون موجودة يوم الجمعة لا تنسو أوعو ها
يللا بااي 

مرحبا
كلامك صحيح أختكم في الله 1

موضوعك كتير حلو
لازم ننشط الموقع أكتر من هيك والتقصير منا نحنا طلاب الصيدلة بينما شوفو طلاب الطب اديش نشيطين على حكيم ومابيملو ودائما في مواضيع حلوة ومشاركات جديدة سواء بالمجال الطبي أو العام 

بس المشكلة (بالنسبة الي) أنو الانترنيت كتير بطيء و بعزبك ليدخل فبتملي وبتقومي ولما بيخطر ببالك تدخلي بتقولي ولي بدو ساعة ليفوت     


على كل فكرة اجتماع الجمعة حاوة وانشاء الله بكون موجودة