كيف طلاب السنة الأولى

انا سنة أولى وعندي أربع لوحات رسم هندسي وماعم أعرف اعمل دائرة بالمنظور الأكسونومتري ممكن حدا يساعدني 

أول شي أهلين فيك crazy

أخ جديد بالعيلة وإن شاء الله بتفيد وبتستفيد


بالنسبة لسؤالك ياريت توضح أكتر


شو المنظور الأكسونومتري ؟؟


وكيف دائرة بمنظور!!!!


وإن شاء الله منساعدك


سلاااام ........

ولي كل شي الا الرسم الهندسي لا تزكروني لك انا هربت من العمارة منشان ماارسم بس الا ماطلع عنا مادة رسم بس عنجد حرام الأساتذة كتير مناح معماري ومغربي كمان منيح بس انا حاسة اني ضمنت الرسوب من هلأ بهالمادة اسفة مابدي شائم حدا بس اي حدا عندو معلوات عن الرسم الهندسي يفيدنا فيهون وشكرا للكل

أول شي مشان تفهم المنظور الأكسونومتري له ثلاثة أنواع و نحنا بهل المادة رح ناخود  بس نوع واحد وهو الأيزومتري
وشغلة تانية لازم تعرف أنو المنظور الأيزومتري للدائرة هو قطع ناقص ومشان ترسمو لازم تساوي ما يلي :
1. حدد أين يقع مركز الدائرة
2.حدد بنظرك أي مستوي بتوازي هل الدائرة(أفقي أو جانبي أو جبهي )
إذا الأفقي ارسم من مركز الدائرة مستقيمان واحد بيوازي المحور  x و واحد بيوازي y
إذا جبهي ارسم من مركز الدائرة مستقيمان واحد بيوازي المحور  x و واحد بيوازي  z
إذا الجانبي ارسم من مركز الدائرة مستقيمان واحد بيوازي المحور  y و واحد بيوازي z 
ملاحظة: لا يهم طول هل المستقيمان و ياريت ما تغمقهم لأنو لازم تمحيهم بعد ما ترسم القطع
3.إقرأ على الرسمة مقدار نصف القطر  و بعدين اضربه ب 2
مثال R10 نضرب ب 2 ليصبح 20
ملاحظة: ضربنا ب 2 لأنو المكتوب على مسطرة القطوع هو القطر مو نصف القطر
4.امسك مسطرة القطوع و دور على القطع المكتوب جنبوه 20
5.لاحظ أنو حوليه 8 مستقيمات يعبرون عن القطر الكبير و الصغير و الأقطار الثانوية
نحنا بيهمنا الأقطار الثانوية (4 مستقيمات صغيرة كل واحد  بأخره  دويرة صغيرة )
6. حط الأقطار الثانوية بالمسطرة على المستقيمان اللذان رسمتون من مركز الدائرة
ضل عم تحرك بهل المسطرة لحتى يطبقو على بعض و بعدين بقلم رصاص ارسم القطع
7. خالصين
8. إن شاء الله تكون فهمت و خبرني شو بيصير معك 

انا لقيت الرسم الهندسي من احلى المواد بصراحة
ليش متشائمين منها ما بعرف
بالمحاضرة الاولى عطتنا الدكتورةة قواعد للرسم وخاصة المنحنيات والدوائر
وعطتنا وظيفة صغيرة
انابقول انو العملي اهم شي بهي المادة تحديدا
وانشا الله بالتوفيق للكل

هاي ياغالي شكرا كتير إلك فهمت عليك وزبطت بس مافي بمسطرة القطوع قطر24 شو بدي اعمل واسف انو عم عذبك معي بس كتير محتاج اعرف كيف ارسمها


MR.RAB

ارسم تبع ال 25 لأنو نحنا مو مطالبين برسم الدوائر إلا عن طريق المسطرة
في طرق تانية بس هالسنة ما رح ناخدها وما دخلنا فيها

اهلين و سهلين  crazy
و الله مادة الرسم الهندسي من احلى المواد في السنة الاولى أنت بس حاول انو تتخيلها  و اذا كانت المهندسة قاسمية  بدرسك بالعملي فانا متأكدة انها ستساعدك كتير
و اتمنى لك التوفيق 
                                                                                          تحياتي

ما شاء الله عليكن ...   
طلاب السنة الأولى متحمسين كتير ...




Rosea   

لا تحكي هيك من هلأ ... لأنو بجد بتحمليها ... وحطي ببالك إنك طلعتي نزلتي بدك ترفعيها .. بقى رفعيها وأنتي معك وقت لإلها أحسن ما ترفعيها وقت بتكوني مضغوطة بغير مواد ... 


أنا هلأ سنة تانية وكنت احكي متلك بالسنة الأولى ( أنا ما فتت عمارة مشان الرسم وما بعرف شو) حتى إذا رجعتي على مواضيعي هون بالمنتدى لح تلاقي واحد إلو علاقة بهالمادة... بس بعدين انحطيت تحت الأمر الواقع ورفعتها مع أني ما اشتغلت عليها منيح حتى إني كنت رايحة على الفحص وحاطة احتمال كبير أني احملها... ولو اشتغلت شو صغيرة كمان كنت رفعتها بمعدل ... 


أنتي عملي يلي عليكي وابذلي جهد عليها ... وقد ما بتشتغلي عليها خلال الفصل على قد ما بتجيبي علامات بالفحص ... وبالأخير كلو توفيق من رب العالمين ... 


على فكرة هالمادة موجودة بأغلب الهندسات يعني وين ما كنت مفكرة تهربي لح تلاقيها يا بالسنة الأولى يا بالتانية    ( طبية .. حواسيب .. كهرباء .....  )


وقلك شغلة كمان .. ما حلك تكتئبي من المادة لأنو يلي عم تاخدوا هلأ ما لح يجي منو بالفحص أبدا ... يعني لسى ما بلشتوا بالمادة على أصولها .. بقى شدي همتك وامشي خطوة خطوة مع مهندس العملي واسأليه  ..



بالتوفيق rosea   

هلا كيفك؟
والله بعرف انو هالمادة كتير حلوة وكتير مرتاح فيها ومافي غير هالمادة حلوة عندي وبشتغل فيها بالبيت بس كنت عم استفسر على سؤال والحمد الله MR.RAP ساعدني واعرفت اعمل اللوحة

ميرسي إلك ولكل واحد حاول يساعدني

زمليكم في كلية المدني CRAZY