مشان الله حدا يجاوبني لإنو عن جد صرت شك بقدراتي العقلية

   

حدا عم يحس بصعوبة بفهم كلام الفلسفة بمحاضرات الدكتورة؟؟؟

درست شي 14 صفحة و والله رح أبكي منهم

يعني ما كان ناقصنا غير ينعاد فلم مادة الإعلام و التسويق بمحاضراته اللي بتخلي الواحد يطق منهم

آسفة عالإزعاج بس عن جد صرت شك بقدراتي العقلية

اقتباس

عن جد صرت شك بقدراتي العقلية

شووووو

قدرات شو

الله يرضى عليكي كأنك مخربطة بالكلية
 

بدنا نمشي حالنا
بجي رح نام وأنا وعم إقرأ
بعدين فجأة بتنط كلمة للحفظ

هو أصلاً إلها 33 سؤال
الشغلات يلي ممكن تجيبها:
-كم سؤال على أجهزة التقطير
-كم سؤال على درجات الهواء (تبعات عمو عموري)
-كم سؤال من الشغلات الخارجية (كلهم سهلين)
-كم سؤال عن اللصاقات (ما بعرف ليش لعو قلبنا بهاللصاقات ومافي صيدلي بالعالم بساوي لصاقات....حتى بالمعمل ما بطبقو نظام اللصاقات)
-شوية تعاريف من المحاضرة الأولى (صحيح كتار بس نصهم سهلين وفي شغلات آخدينها بالميكرو)

الله يريحنا ونخلص بقا

شكراً زيد و كمان شكراً لغولدن بل لدعمها إلي عالتلفون

بس معلش سؤالين:

1- مواد التعبئة و التغليف مرة بقولوا إنو هي مو من المواد الأولية ( المحاضرة 7 ص9 بأولها) و مرة بقولوا أنها من المواد الأولية( بغير فقرات ما بذكر بالضبط وين )

يعني شو الصح؟؟؟؟

2- شو مشان إنو الكلام عن التقطير كتير فيه تخبيص!!!
المحاضرة 8 صفحة 9

أول شي ليش الماء المقطر غير مجرد؟!!!

تاني شي شو طلع الفرق بين الماء المجرد و الماء المحلى؟

تالث شي كاتبين إنو يزود حلزون المبرد بماء المدينة البارد!!!
مو المفروض  إنو يزود بالماء المجرد؟؟؟؟

اقتباس

مواد التعبئة و التغليف مرة بقولوا إنو هي مو من المواد الأولية ( المحاضرة 7 ص9 بأولها) و مرة بقولوا أنها من المواد الأولية( بغير فقرات ما بذكر بالضبط وين )

أكيد بدها الدكتورة أنو هي مواد أولية لأن أكتر من مرة هيك قالت بالشرح

اقتباس

أول شي ليش الماء المقطر غير مجرد؟!!!

ما بعرف
مع أنو الماء المقطر H2O نقي

اقتباس

تاني شي شو طلع الفرق بين الماء المجرد و الماء المحلى؟

يلي بعرفو أنو نفس بعض
هنن بيعملو تحلية للمياه (صار ماء محلى) بأنو بقطروه
يعني صار ماء مجرد

اقتباس

تالث شي كاتبين إنو يزود حلزون المبرد بماء المدينة البارد!!!
مو المفروض  إنو يزود بالماء المجرد؟؟؟؟

إي ماء المبرد بس بكون ماء مدينة
لأنو ماء المكثف عم ننقلو لأوعية التقطير
أما ماء المبرد عم يدور بدارة مغلقة

رح يلعولنا قلبنا بأجهزة التقطير
كأنو مفكرينا بدنا نشتغل بشي محطة تحلية مياه
((كأنو على أساس عنا هيك محطة))

اقتباس

تاني شي شو طلع الفرق بين الماء المجرد و الماء المحلى؟

                                                                                                                             
يمكن بيقصدو بالماء المحلى هو الماء الخالي من أملاح الكالسيوم
                                                                                                                             
لأنو بجوز عكس الماء القاسي

شكراً عالإجابات

اقتباس

أول شي ليش الماء المقطر غير مجرد؟!!!

لقيت الجواب بالصفحة8

قايلين إنو ممكن الماء المقطر أن يحوي أملاح منحلة بمقدار 2 غ عالليتر و اللي بتجي من الغلي الصاخب يعني فيه شوارد و بالتالي غير مجرد...

بس شو مشان إنو بالمايكروبيولوجي ما أخدنا هيك شي

يمكن كل مرجع بحكي شكل

اقتباس

يمكن بيقصدو بالماء المحلى هو الماء الخالي من أملاح الكالسيوم

لأنو بجوز عكس الماء القاسي

استنبطت من كلامك فرق يمكن يكون منطقي شوي و هو إنو الماء المحلى هو ماء خالي من شوارد الكالسيوم بشكل خاص و الماء المجرد هو الماء الخالي من الشوارد بشكل عام

   

بس هاد الكلام ما بناسب كلام الدكتورة و اللي قايلة إنو الماء المحلى هو الماء الخالي من الشوارد و الماء المجرد هو الماء الخالي من الشوائب!!!!!!!

بس مشان الواقي الشمسي ( أوكتيل دي ميتيل PAPA ) فأنا طلعت مخربطة و مزبوط متل مو متكتوب بالمحاضرة.......

   

بس سؤال :

بالمحاضرة 12 ص5 قايلين إنو ثاني أكسيد التيتانيوم واقي في مجال B و أكسيد الزنك بالمجال A

معنى هالكلام إنوأكسيد الزنك  أقوى من ثاني أكسيد التيتانيوم

بس بالمحاضرة 13 ص7 ( بوسطها ) مكتوب العكس!!!!

شو الصح؟؟؟؟؟

اقتباس

شكراً زيد و كمان شكراً لغولدن بل لدعمها إلي عالتلفون

لا تشكريني هلأ.....بترديلي ياها قبل فحصي السموم

--------------------------------------


أول 5 صفحات من المحاضرة الخامسة قرأتهن بس ما دررست منن شي.....يعني في شغلات أبدى منن....

ومشان الماء المجرد والمحلى فحاسة أنو هالبحث فيه كتير مشاكل وصراحة ما استوعبته تمام..........لأنو هلكت أنا وعيد فيه وما استوعب الفروق بين المياه ....يعني حتى الحكي يللي حاولتوا اتستنتجوا فيه الفروقات يوجد ما يناقضه بالمحاضرة..


=================

سؤال:

بالأسئلة يللي مراجعين فيها قسم الدكتورة في بالسؤال رقم 18 حاطين أنو في خطأ بالسلايد (ISO14000  والصح 9004)


طيب ليش؟؟؟

الـ 9004 دليل إرشادي.....

والـ 14000  هو للإدراة البيئية ......وحتى بآخر كم صفحة من هالسلايدات مكتوب (أنظمة إدراة البئية : 14001 - 1996  ISO)



يعني ما في خطأ بالسلايد......صح؟؟

اقتباس

يعني ما في خطأ بالسلايد......صح؟؟

إي لك شو بعرفني

ما عم تدخل هالمادة لعقلي

وبجيلي العصبي كل ما بقرأ اللصاقات والعنونة

إي مافي حدا بهالأيام بساوي لصاقات

حاسس أنو المادة فايتة ببعضها

الiso وأنواعها كل مرة بيشرحوهم شكل

لا أضحك شي

عم يحكو أنو بشراب الباراسيتامول أنو ما بدنا صمغ الكزانتان يتهلم

وعادوها أكتر من مرة

وبطريقة التحضير قايلين أنو لازم يتهلم

إي بالأصل إذا ما بدنا ياه يتهلم فليش حطيناه بالأصل


الله يمضّي هالمادة على خير

هلأ شفت بالصدفة ملاحظة بآخر المحاضرة 11 شكلو الطالب سأل الدكتورة عنها:

الماء المجرد: الماء الخالي من الشوائب.

الماء المحلى: الماء الخالي من الشوارد.
========================

سمعوا هالعبارتين:

يقوم المدير الفني بتسليم أمر التصنيع الصادر عن المدير العام إلى مدير الإنتاج الذي يقوم بكتابة التحضيرة وتسليمها إلى رئيس خط السوائل. الذي يقوم بالاطلاع على نتائج فحوص المياه المعدة لتحضير الشراب كمرحلة أساسية للبدء بالعملية الإنتاجية .........وأخيراً وصلنا للبدء بالعملية الإنتاجية


يقوم أمين المستودع بوزن مواد التحضيرة وذلك بوجود رئيس قسم الإنتاج ومندوب من المخبر وبتسليمها إلى قسم الإنتاج.....


أي شو هالمعاملة ؟؟!!!!

بس ما عرفنا شو الطوابع يللي استخدموها.......ومين معقب المعاملات!!!





على فكرة كتبتن هون حتى ساعد حالي على تذكر شيء منهم لأنو قرأت عليهن أنو مهمين.




موفقين جميعاً