و الله انا ما عم اتذكر ...

بالسموم1 الدكتور جاب شي من منشأ الانسمام

   

مو معقول هالدنيا كيف معاكستنا هالأيام ..... 


حتى أهلي عم يقولولي "يعني كتير حاططينا بضغط نفسي هالفصل! ... لسه كل

مادة بتقوليلنا انشالله انجح أو الأسئلة مفتاح فظيع بست احتمالات على الأقل

وهالمفاتيح مو مطبقة غير بكليتنا وبأكتر من مادة أو يا دوب انجح ......

مو متعودين عليك انو تحكي هيك ..."


وأنا طبعا ما عندي جواب ......... لأنو كل يلي عم قوله حقيقة ... ما عم اخترع أو جيب شي من عندي ... تمنيت هالفصل تجي شي مادة نحس انو الغرض فعلا منها هو الفهم ومو مسح الأراضي بالطلاب بأسئلة تعجيزية ... ولا حتى بأسئلة دورات ...

طيب ليش؟؟؟؟

ليش ما في حل وسط ........ طول عمرها الأسئلة لازم تجي بمستويات ...

رح اختنق وحياة الله


لأ وفوق هيك بيجوني قرايبين ... وبيقولو ... آل الأطباء والصيادلة ما بيسوو شي بدون الأجهزة يلي عم يستخدموها!!!!
يعني الدراسة والجلطة لفوق الخمس سنين من عمره للواحد طلعو بنظر العالم عم يلعب فيهن وعم يتسلى!!!!

ليش هيك نحنا ... ليش ما نتطور بتفكيرنا .... ليش ما عنا إيمان بإنو الحياة مشاركة ... وانو كل واحد منا محتاج لكل المهن والاختصاصات التانية؟؟؟؟؟؟؟
لأ .. كل واحد بفكر حاله فوق الكل وعلى مبدأ:

أنا ومن بعدي الطوفان 


يعني كنت دارسة محاضرتين ... آم قلت بما انو بعد كل هالدراسة مارح اسوى شي بدون الجهاز ..... اي لشو التعب ... !!! 

منجيب شي عامل .. أو أنا نفسي معي سرتفيكا ... بتعلم كبس زرار الجهاز ... وبلا وجع القلب كلو بهالكلية ...

وطبعا النقاش العقيم مع هيك أشخاص ... ما اله طعمة .. لأنو في أفكار متجذرة بعقولهن ... أفكار رجعية ومتخلفة بانو الأرض بتدور حواليهن وبس ,,, وما رح تتغير

بس آآآه شو بدو يحكي الواحد؟؟؟


لك أنا يلي بحياتي ما حبيت تابع أخبار أو مباريات الرياضة أول بأول ... قررت اتفرج على مباراة نصف النهائي بين مصر والجزائر ... وهلأ لسه ما خلصت المباراة صار الحكم طارد 3 من منتخب الجزائر  وواحد منهن الحارس ... مع ضربة جزاء لمصر ... والنتيجة 4-0 ... وما أحلاهن يقدروا يفوتو غوال وهنن 8 لعيبة ..
اي شو هااااااااااااد؟؟؟
هاد غير مباراة مصر مع الكاميرون يلي هلك فريق الكاميرون فيها ... وكان ما عم يلعب من الفريق المصري غير الكابتن والحارس ... آم بفوت عل الكاميرون هدف مرة غلطة دفاع والتاني خطأ حكم ......
وأحلى شي .. حدا ما اتعذب بالهدف بنوب بينزل ببوس الأرض وبنط ساعة على انو هو البطل يلي فوت الهدف....


لك الدنيا كلها حظ .................

وحاجي بقا نضحك على بعضنا ونقول كون منيح واجتهد بتجيك الفرصة

أنو فرصة هي؟؟؟

عم نموت مية موتة .... وآخر شي يا منطلع بنظر العالم بياعين بالدكانة ... يا أما ما نسوى شي بدون الأجهزة ..........


كنت عم فكر شو بدي ادرس بعد الصيدلة .... بس بدي شي شغلة بتسوى بدون جهاز ..

أو أحسن شي بتعلملي شي صنعة ...  خياطة مثلا

لأ ... لأ ... صحي الخياط ما بيسوى بدون الماكينة ...!!!!!!!!!

خلوني روح فكر بشي شغلة تانية أحسن

السلام عليكم................

مها اضحك عليكي و على حالي و قلك حكيك مو صحيح و إنتي مكبرة القصة, و الله ما فيني لأنو

هالشي يلي قلتي عم يصير معي بالحرف, و صرت متأكدة إنو يلي بايع الدنيا و آخدها أنغلة هو يلي

عم يمشي بهالدنيا, و عم يكون أحسن من الدريس و يلي قابضها جد..............

و الله جنيت من كتر مالي عم حاول لاقي مثال واحد يثبت العكس, بس عبس ما في أمل........ 

مرحبا

اقتباس

وطبعا النقاش العقيم مع هيك أشخاص

إنتي قلتيها

فلا يهمك هيك حكي

أنا طالعولي روحي كل الناس و هنن بقولو أنو أنتو جماعة الخليج بنجحوكم و مناهجكم سهلة

إي بدي "تووووووووووووووووووت"

وبعد هيك صارو يقولو أنو الصيادلة بياعين معلبات

في مقولة حطها فارما 87 بوحدة من محضراتو

"لا تجادل الأحمق فقد يخلطو بينكما"

فبدك تسمعي و تسطحي

واحد فوت بنتو هندسة إتصالات ونفش ريشو و أنو هادا علم العصر

وكل شي تاني بلا طعمة وما بطعمي خبز

اقتباس

لك الدنيا كلها حظ .................

وحاجي بقا نضحك على بعضنا ونقول كون منيح واجتهد بتجيك الفرصة

أنو فرصة هي؟؟؟

هلأ هو صراحة كنت فكر هيك كمان

بس تعرفي

كون فهمان باختصاصي بيحترموني الناس من أصغرهم لأكبرهم

أما بالحظ أو شي تاني "ما بعرف إذا فهمتو عليي"

بصير هالواحد محط سخرية و انتقاد لآخر عمرو

وفي كتير أمثلة معروفة عنا

------------------------------------

شو هاد

شكلك مشجعة لكرة القدم عالمزبوط

أنا مالي علاقة بهي الشغلة المدورة يلي اسمها طابة

أنا لا تحاكوني غير بالسيارات و خصوصاً بالراليات

بس ما صاير بتابع

-----------------------------------------------------

بالتوفيق بالسموم

صحيح

هلأ كبريت الهيدروجين حمضي ولا قلوي

مرة قايلين أنو حمض ضعيف جداً

و مرة أنو بخرش الطرق التنفسية بسبب تشكل قلوي كاوي

هو ما فرقت عهالسؤال لأنو كل المادة فايتة بالحيط و نحنا وراها

اقتباس

بالسموم1 الدكتور جاب شي من منشأ الانسمام

مالي متذكر

بس يمكن ما جاب

كمان ما جاب معادلات أو صيغ

و أنا حضرتي كنت عم احفظهم

و ما جاب غير سؤال واحد حول الأرقام

بس والله خايف يغير اسلوبو هي السنة

مها ما رح عاتبك على حكيك باعتبار كلياتنا سمعنا حكي و حكي و حكي ما لو طعمة انتقاداً للصيدلة و لقلة أهميتها بالنسبة لغيرها....

بس بدي ذكرك بشغلة أنو : إرضاء الناس غاية لا تدرك....يعني لو فتي طب أسنان في تعليقات اختصاصية سلبية (دكتورة سنان ما حدا بيثق يفوت لعندها) و الطب نفس الشي (لإيمتى رح تضلي تدرسي) و الهندسة و الحقوق (هي شغل رجال) و ... و ...و ..............الناس بهمها تحكي و تنقدبسسسسسسسسسسس.....

و بيرتاحوا لما يشوفوكي بايعتيها و ما عم تعملي شي مفيد و عم "تصغري عقلك" و تجادليهن...........للأسف نسبة كبيرة من شعبنا لا بيشتغل و لا بدو حدا يشتغل...


فأول نصيحة :  لا تجادلي حدا ما بدو يقتنع......بتوفري ع حالك وقت و حرق أعصاب ...


تاني نصيحة: حددي لحالك هدف و لا تعطي أذنك للتعليقات الهدامة

ثالث نصيحة: هي تعلمتها حديثاً.....نحن لسا "صغار" و عم نتعرف عالعالم الخارجي حديثاً و هدول الناس نموذج متكرر ممكن تتعرضيله كتييييييييير لسا...فممكن تسببي لحالك أمراض الضغط و السكر إذا تأثرتي بكل موقف مشابه


رابع شي: هواياتك الكروية أجليها ليوم الأحد.......


--------------------------


و بالنسبة للحظ صدقيني بيظبط لحالو إلا بموقف أو كم مادة و بس ..... بس ما فيكي تعتبري الإنسان المحظوظ الفاشل ..إنسان رح يضل ناجح بحياتو.....

أما الإنسان تبع "الواسطة" فهاد على مين عم يضحك إلا ع حالو.....يعني والله أنا بفرح بعلامة الـ 61 لأنها بتعبي أكتر من طالب "الواسطة" يللي بيجيب 100  و بعدين بالحياة العملية : مين رح يثق بشخص بناءً ع واسطتو!!! بالعكس تماماً..... ما حدا بيطلع بوشو..................


فلا تفكري بهالطريقة....و خلي دائماً ببالك:

"إن الله لا يضيع أجر من أحسن عملاً"



أما الدكاترة فما رح قول إلا............"منن لله".........بتفرج





كانت معك ماما golden pill 

أعتذر على الإطالة

السلام عليكم

ممكن سؤال مشان المحاضرة رقم 12  بالسموم الصفحه 3 فيها فكره عن املاح القلويدات الي بتنحل  في الماء والسطر الاخير بالفكرة مو مفهوم كامله وشكرا     

أنا لساتني بقسم د.ليلي

بس رح تطلع روحي

يعني مو ذكاء أبداً تكون الأسئلة كلها لاختبار قدرة الطالب على البصم

بمعلومات رح ينساها بمجرد ما يسلم الورقة !!!!!!!


عنجد  منن لله على طرق التدريس العظيمة المعتمدة عالبصم   

كليتنا غير شكل  الله يحفظها ويحفظ البصم

_________________________

كلامك جواهر ماماgolden pill 
     

اقتباس

عم حاول لاقي مثال واحد يثبت العكس, بس عبس ما في أمل........

سلام ,,,,, شو هي آخر كلمة ........... أمل؟؟؟؟

يا الله وين سمعانة هالكلمة بزمناتي؟؟؟  ;i(21

على كلن شو ما كان ... فأكيد متل ما قلتي:    أمل ما في!

عم بمزح ...... تفاءلي .. تفاءلي ... وما تردي عليّ

*******************************************************

اقتباس

كون فهمان باختصاصي بيحترموني الناس من أصغرهم لأكبرهم

أما بالحظ أو شي تاني "ما بعرف إذا فهمتو عليي"

بصير هالواحد محط سخرية و انتقاد لآخر عمرو

وفي كتير أمثلة معروفة عنا

معك حق ......... 100% ...... بس شلون بدي اوصل لمرحلة الاختصاص يااا حزرك؟؟؟

اقتباس

شكلك مشجعة لكرة القدم عالمزبوط

ودائما الفريق يلي بشجعه بيخسر !!!!!!!!!!!!!!!!!

فإذا كان عندكن عداء مع شي فريق خبروني لشجعه! 

********************************************************

اقتباس

رابع شي: هواياتك الكروية أجليها ليوم الأحد.......

والله ماما غولدن بل كل نصايحك على راسي من فوق ... وخصوصا بما يتعلق بهواياتي الكروية ...

بس بدي قلك سر >>>>>>

السهرة الكروية .. هي نهائي كأس أنغولا يوم الأحد !!! 

*******************************************************

اقتباس

كليتنا غير شكل الله يحفظها ويحفظ البصم

اي والله يا حنااااان ........ ايه ... في تفاعلات بهالسموم ... ما بيعرف الواحد شلون بدو يفوتها بمخه ..
يعني بسيطة
حط هاد مع هداك  وسخن بعدين برد .......بعدين فاعل الناتج مع هداك بيطلعلك هدلاك
... وهكذا يتم الكشف !!!! 

*****************************************************

شو هلمحاضرة رقم 12 ,,,,,,؟؟؟

رجعتني لأكتر مادة بكرهها ........ ألا وهي

العقاقير



بس شو بدي أعمل متل الحبابة .... بدي ادرسها غصب عني مو برضايي ,,,



يلا موفقين يا شباب  

هانت كلها شربة كم سم ومنخلص هالفصل المعت .. 

الله يكون معنا  

السلام عليكم...........

مها بتفاءل ما بتفاءل مو فارقة كلو ماشي و ما حدا سائل..............

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

و مشان المباراة و أنا كمان شفتها و انهز بدني وقتها من هالحكم يلي ما بيفهم.......

لاء و أهلي ما في غير بيسمعوني عم عيط و قول لاء............... ولي.......... الله ياخدك شو حمار.......

و من هالحكي............... مع العلم إنو أخي قاعد جنبي و استحى ينفعل كل هالانفعالات متلي...... 

صاروا ينادولي حسن صبي............... 

و مشان الأحد شو رأيك نحضرها سوا............ بس البوشار عليكي ها و الفرجة عندي............. 

و بركي بالصيف منسافر سوا مشان نهائي كأس العالم و نشجعون لايف............... 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

و مشان البصم لا تذكريني بالعقاقير لك عم احفظ و احفظ و عم يعلق شي بمخي......  الله يجيرني

يوم الأحد................ 

يلا كترت حكي و عليتلكون قلبكون.......... باااااااااااااااااي