اقتباس

شو حفظتو من هالشغلات تبع المركب الفلاني أقوى بكذا مرة من الفلاني...أو تأثيره المضاد للالتهاب أقوى بـ3 من الأسبرين...

هدول ما بينحكى فيهن فراطة      


على فكرة أنا حطيت مشاركة قبلك زيد يمكن بتفيدكن شوفوها    

حنان

والله مالي متذكر أنو شرحو

بس هو انشرح هالقسم شبل بشبل و يمكن كنت مضيع لحظة ما شرحو

بس هلأ عرفت ليش نور الهداية حطت الديكستروبروبكسيفين و بلشت عمناقشة فيه
                                                                                                                                         
                                                                                                                                           

اقتباس

هلق ببحث المقهمات و الأمفيتامين

وقت المحاضرة كل شوي كنت قول لحالي هلق رح يحكي عالسيبوترامين

هلق هو محدث عن نسخ قديمة....بس ما بعتقد كل شي جديد تعدل فيه....ما شفت الملاحظة يللي ذكرتها بموضوع (NSAIDs) عنم النابروكسين!!

بس إذا جاي ع بالك تعرف عن هالمركب....شوف موضوع الملازمة شارحين عنو أكتر من لو أخدتو بالمحاضرة...

اقتباس

  شبل بشبل

وهي رح ضيف كلمة جديدة لقاموسي

غولدن انا مأجلة اموري (الثقافية ) وأشغالي وأعمالي ( الترجمة) للعطلة

والله يساعد هالعطلة شو بدها تحمل لتحمل

موفقين

أنا و الله هالفراطة يا حنان.....already تركتها بلا حفظ ....بس قلت إذا في شي عبارة منهن مهمة لأعرفها قبل الفحص..

لأنو أنا من أول ما دخلت الجامعة اتخذت كلمة د.جمعة شعاري (الشي يللي ما رح تفهموا لا تحفظوه) فهالمقارنة بالفاعلية بعرف ما بتنفهم بدها حفظ و بس...فما رح عذب حالي...لأنو ما رح أتذكر شي....

عندك

نالوكسون اقوى من نالورفين من 10-30 مرة

فينتانيل أقوى ب50مرة من المورفين(هي مهمة)

وكمان ليفورفانول اقوى من المورفين

وإذا مر معي شي كمان بحطو 0 بظن هدول أبرز اللي حكى عنن الدكتور)

كيفكن يا علماء الكيميا الصيدلية 

حاسة إنو تلافيف مخي زادت تعقيد من هالمادة

يعني زاد الذكاء عندي

شايفين هالمادة شو فادتني

   

يلا يارب تمر على خير...

____________________________________

لنبدأ بالأسئلة :

صفحة 66
مكتوب إنو تثبيط اصطناع الترومبوكسان يؤدي إلى زيادة اصطناع البروستاغلاندين!!!

صفحة 130
مكتوب إنو الكلونيدين ينقص الإفرازات
مع إنو المفروض العكس( بسبب سيطرة النظير الودي)..

هرمونات :

1- صفحة 451
مكتوب بمشتقات الاستروجينات الطبيعية للحصول على مركبات ذات تأثير استروجيني ضعيف أو معدوم بالإضافة للإعطاء الفموي
طيب الإيتينيل استراديول و الميسترانول هنن أقوى من الاستراديول من حيث الفعالية الاستروجينية
يعني المفروض هالجملة يكتبوها بالاستروجينات الاصطناعية

2- صفحة 452
بنص الصفحة مكتوب بين قوسين إنو الاستراديول لا يعطي هذا التفاعل
مع إنو هو بيعطي هذا التفاعل مع حمض السلفوريك بالصفحة 448 

3-صفحة 509
بنص الصفحة مكتوب إنو D.O.C  يلعب دور أكبر من الألدوستيرن في احتباس الماء
طيب مو قلنا إنو هو دوره ثانوي عند الإنسان و الأساسي هو الألدوستيرون

4- صفحة 515
شو يعني إنو الكورتيزول يبطئ عملية التندب
أنا ما كنت حاضرة هالمحاضرة و ما فهمت شو يعني
_____________________________________________________

سامحوني

كترت الأسئلة....

بس اذا ممكن حدا يحكيلي الملاحظه الموجود عند هيدروكسي 17-الفا بروجستيرون وشكرا     

السلام عليكم

حول تثبيط الترومبوكسان

صراحة بعرف أنو سبيل اصطناع البروستاغلاندين هو نفسو لاصطناع الترومبوكسان فبيتثبطو التنين مع بعض..... بس صراحة مريت عالفكرة و سطحت

حول الكلونيدين

هو الدكتور بس قال أنو خافض ضغط لأنو منبه لألفا 2
بس كمان تنبيه ألفا 2 بثبط العقد الودية و نظير ودية لهيك بقل التأثيرين
متل حالة النيكوتين بأثر عالعقد الودية و نظير ودية
"هو صراحة عقلي مو بالأدوية هلأ"

حول صفحة 451

هو قلت لحالي أنو هنن حاولو يقللو التأثير الإستروجيني بس ما حسنو "هادا بالمشتقات الطبيعية"
آم بالمشتقات الصناعية زبطت معهم

حول صفحة 452

ليش هو الدكتور حكا شي عالتفاعلات الكيميائية تبع الكشف
يعني أنا حافظ الشغلات العامة متل تفاعل زيمرمان"حلو أسمو" و التفاعلاتن المميزة التانية
بس حسب ما فهمت من الكتاب أنو الإيتينيل ستراديول بيعطي راسب بالأخير أما الباقين لأ

حول صفحة 509

هو كمان أستغربت من هالجملة و كنت بدي إسأل عنها هون بس قلت طنييييييش
بس هو الشغلة بدها بحث

حول صفحة 515

هو قال الدكتور أنو الكورتيزون بثبط التفكك و التندب بآن واحد
و قرأت حول هالشغلة قبل هيك بس صراحة نسيان و برجع بشوفها
"عندي 100 شغلة بدي شوفها بالإجازة"

حنان

شو عم تعملي قاموس مصطلحات شامية

طيب خدي هي

"جأجأة"

"لي عم تشلو عليي"

بالتوفيق

شكراً زيد عالمصطلحات الشامية

ص515 رح قلكن شو مكتوب عندي

يمنع شدة التفكك ويمنع شدة الالتحام حتى لا تترك العمليات أثر
(بظن قصدو عالندب بعض العمليات الجراحية)

موفقين