السلام عليكم

هي البوستر وهو كمان من تصميم صيدقنا حمزة العز الدين





بتمنى تعطونا رآيكم بصراحة وبدنا نقد ,,وعنجد أنا انبسطت وفرحت لما قراءت ردود الشباب ,وشفت النقد و الأقتراحات بموضوع الغلاف و أنا بعتت الأقتراحات للمصمم و هو هلىء عم يعدل عليه


هلأ بعرف أنو البوستر أكيد بدو تعديل ,,,,,,,,,,,,

خصوصا ً عبارة " العلم يسابق الزمن "  وكمان لازم نضع اللوغو بشكل أوضح ,,,,,,,,,,,

المشكلة أنو المصمم ما دخلوا ,,,انا أقترحت عليه الستايل و العبارات ,,,,,,,,,بصراحة ,,,,,,,,,,أجتمعنا حوالي خمس أشِخاص بالمطالعة من شان نحط نص الإعلان على البوستر و ما طلع معنا غير هيك

بقى بتمنى لعندو نقد ,, او أقتراح ما يبخل علينا


وشكر ا ً سلفا ً


كل عام وأنتو بخير
سلاممممممممم

يعطيكون العافيه التعب واضح والمجهود مبين بس عندي كم ملاحظه ( تبقى وجهة نظري)

- إذا منقسم  البوستر طولياً بيطلع متناظر تماماً وهاد بخلي جامد بعيد عن الحركه وحسب معلوماتي أنو التصميم الحديث صار يبعد عن مبدأ التناظر يعني صارو يعتمدو على الحركات والشي المجسم والنافر
- بالنسبه للخلفيه باعتقادي في شي مناسب أكتر من رقعة الشطرنج يلي كانت سائده بأغلب التصاميم
- العبارات : مناسبه
وبالتأكيد دائماً نسعى لأن نصل بهذه المجله إلى أعلى الدرجات
ومشكورين على المجهود المبذول (آسف على الإطاله )

السلام عليكم:


برايي اللون  غامق  شوي 


وبتمنى  انو  يكون  سماوي  فاتح




وبالنسبة  للكتابة  ما  الها  داعي

ولازم  الرسومات  تشرح  المحتوى  الا  اذا  اضطرينا

لا تواخذوني  اذا  تقلت  عليكن




         

الله يعطيكم  العافية  على الشغل فعلاً حلو..

بس في كم ملاحظة ما بعرف إذا بتوافقوني فيهن:

بالنسبة لصور  الأبنية الموضوعة حلوين ومعبرين عن الهندسة بس برأيي ما لازم ينحطو بهالمكان هاد..بقصد بين علم وثقافة وترفيه..

لأنهن بعبروا عن شي هندسي بحت فبرأيي يا ينحط رمز صغير جنب كل قسم يعبر

عنه أو أنو ما ينحط شي  وإنما  الكلمات (علم _ثقافة_ترفيه)ينكتبوا بطريقة ملفتة

للنظر ..مثلاً ينحط إطار إلهن ويتكبر الخط شوي بما أنو ما رح يكون في صور  وينحط

تحت  كل قسم العبارة المميزة لإلو..


والغلاف محطوط بالقسم الأعلى من البوستر فإذا احتوى صور معبرة عن الهندسة

بظن بيمشي الحال وما في داعي لإضافة شي تاني..


ونقطة تانية :
انا معك أخ زياد بأنو عبارة (العلم يسابق الزمن) ما كتير مناسبة 

وإذا طلع معي شي بقترح عليكن ..

اقتباس

عطيكون العافيه التعب واضح والمجهود مبين بس عندي كم ملاحظه ( تبقى وجهة نظري)

هلا أخونا روميو الله يعافيك

اقتباس

- إذا منقسم البوستر طولياً بيطلع متناظر تماماً وهاد بخلي جامد بعيد عن الحركه وحسب معلوماتي أنو التصميم الحديث صار يبعد عن مبدأ التناظر يعني صارو يعتمدو على الحركات والشي المجسم والنافر
- بالنسبه للخلفيه باعتقادي في شي مناسب أكتر من رقعة الشطرنج يلي كانت سائده بأغلب التصاميم
- العبارات : مناسبه
وبالتأكيد دائماً نسعى لأن نصل بهذه المجله إلى أعلى الدرجات
ومشكورين على المجهود المبذول (آسف على الإطاله )

مشكور على رآيك هاد و أتأكد رح يتاخد بعين الأعتبار

اقتباس

السلام عليكم:


برايي اللون غامق شوي


وبتمنى انو يكون سماوي فاتح

وعليكم السلام أهلين أخيGHOST 87 ,,وومن شان اللون فهاد اللون مبدءي و إذا الشباب أجمعت على تغيروا بنغيرو ليش لأ

شكرا ً على أقتراحاتك 

اقتباس

الله يعطيكم العافية على الشغل فعلاً حلو..

الله يعافيك ,هاد من ذوقك

اقتباس

بالنسبة لصور الأبنية الموضوعة حلوين ومعبرين عن الهندسة بس برأيي ما لازم ينحطو بهالمكان هاد..بقصد بين علم وثقافة وترفيه..

لأنهن بعبروا عن شي هندسي بحت فبرأيي يا ينحط رمز صغير جنب كل قسم يعبر

أختي , انا برآي لازم يكون على البوستر في صور ,,,,,,,,,,,, وإلا صار جامد

اقتباس

انا معك أخ زياد بأنو عبارة (العلم يسابق الزمن) ما كتير مناسبة

وإذا طلع معي شي بقترح عليكن ..

we r waiting u

شكرا ً أختي ملك على أقتراحاتك


و على فكرة المصمم عم يفوت على الموضوع و يشوف الردود ,,,,,,,,,,,, و عم ياخد بالمقترحات و يعدل وفقا ً للأساسها


شكرا ً من الجميع


و بتمنى من الجميع يعطونا رآيهم لأنو ضروري  وأكتر من ضروري ,, البوستر رح يتعلق بعد العيد مباشرة ً (إن شاء الله)        لذلك بتمنى ما حدا يطنش عن الأقتراح و إبداء الرآي


سلامممممممممممممممممم

اقتباس

نـص

السلام عليكم ورحمة الله وبركاته

الغلاف رائع قياسا إذا ما قارنا بغيره

وبالفعل حمزة بيستاهل لقب المصمم
ما بعرف أذا منقدر نتساعد مع حمزة بالمنتدى هون لاسيما أنو عنا نقص بالخبرات على صعيد الفوتوشوب

لذلك أنا بدي أدعو حمزة لنحط ايدينا بأيدين بعض لنتساعد بالمنتدى

النقد ..باعتباره ضرورة من ضرورات العيلة

ولا يدع مجالا للزعل

1- الأبنية ممكن نبدلها بخمس أشكال هندسية تكون كل وحدة منها من فرع

يعني جسر-نفق-بناء-سد...يعني منوعين

2- الكلمات ..حتى الطريق الى المعرفة الغير محدودة

طبعا أنا م من حقي احكي بالكلمات حتى أوجد البديل ونقارن
أذا طلع معي شي بحكي ..اذا لأ ..فمو مشكلة

الله يعطيكم العافية .....أنتو بتستاهلوا كل خير

اقتباس

1- الأبنية ممكن نبدلها بخمس أشكال هندسية تكون كل وحدة منها من فرع

يعني جسر-نفق-بناء-سد...يعني منوعين

حلوة هالفكرة عجبتني ,,,,,بس لازم نأمنلوا الصور ,,,,,,,,,,,,,,, يا ترى مين خرج ,,,,,,,ومين ,,,,,,,,,,,,,,,,,,,,,,,, ها ,,,,,,,,,,,,,,,,,,,, عمو جوكر ,,,,,,,,,,,

اقتباس

الله يعطيكم العافية .....أنتو بتستاهلوا كل خير

الله يعافيك خالد ,كلك ذوق

اقتباس

أختي , انا برآي لازم يكون على البوستر في صور ,,,,,,,,,,,, وإلا صار جامد

مزبوط أخي ...أنا معك 100%

أنا كتبت مشاركة كمان بموضوع الغلاف ..فما بعرف إذا انفهمت وجهة نظري ..

اللي كنت بدي قوله :

برأيي أنو  عالغلاف يكون في صور  ...وبما أنكن حاطين صورة الغلاف عالبوستر وأنت

قلت أنو لازم تكبرو صورة الغلاف عالبوستر  أكتر ,فالصور إلى حد ما بتصير ظاهرة

أكتر  هادا بحال ما حبيتو تحطو لكل قسم رمز لإله متل ما اقترحت بمشاركتي

السابقة...

بس حبيت وضح وجهة نظري وحتى ما أنفهم أني عم ناقض حكيي ..

اقتباس

حلوة هالفكرة عجبتني ,,,,,بس لازم نأمنلوا الصور ,,,,,,,,,,,,,,, يا ترى مين خرج ,,,,,,,ومين ,,,,,,,,,,,,,,,,,,,,,,,, ها ,,,,,,,,,,,,,,,,,,,, عمو جوكر ,,,,,,,,,,,

اوكي زياد , رح شوف شو عندي صور ممكن تنحط , سلااااااااام ...

السلام عليكم
يعطيك ألف عافية أخ حمزة العز الدين عم نغلبك معنا


البوستر كفكرة عامة كتير حلو بس لازم ينضاف عليه صور ملفتة للنظر أكتر من العبارات
يعني الصورة لازم تشد الشخص تاخد انتباهه بعدين بيجي دور الكتابة

اقتباس

بالنسبة لصور الأبنية الموضوعة حلوين ومعبرين عن الهندسة بس برأيي ما لازم ينحطو بهالمكان هاد..بقصد بين علم وثقافة وترفيه..
لأنهن بعبروا عن شي هندسي بحت فبرأيي يا ينحط رمز صغير جنب كل قسم يعبر
عنه

أنا بأيد أختي ملك برأيها
صور الأبنية ما عم تعبر عن المضمون الفعلي للمجلة المجلة أكتر تنوع

هاد بيضل رأي شخصي
وجد شكرا أخ حمزة وآسفين إذا عم نتقل عليك

ومشان العبارات إذا طلع معي شي جديد بوعدك أخ زياد ما أبخل عليكم

  وكل عام وأنتم بألف خير