السلام عليكم ...
انا بدي اسأل سؤال...
ليش ما بتكون عنا المحاضرات على شكل سلايدات ...
مع العلم ان  كليات الطب و الاسنان و الصيدلة و المعلوماتية و الاداب ( الانجليزي)
بتنزل محاضراتون هيك
فلماذا لاينطبق نفس الكلام عنا ؟؟؟
ولماذا بدل ما تنكتب المحاضرات بخط اليد تنكتب بكمبيوتر
بيكون شكلها ارتب و احسن
مع العلم اني بعتمد على حالي في كتابة المحاضرات
ما بستعين بمحاضرات الكشك ابدا ...
بس في طلاب كتير غيري بيدرسو منا
كمان بلنسبة لاسئلة الدورات : لماذا لايكون لها حلول ؟؟؟
انا لست مع الطالب الذي يأخذ الاسئلة و يقرأ اجاباتها ثم يحفظها من دون تفكير او محاولة للحل
لكن في عدة كليات بتنزل اسئلة الدورات مع حلولها ع النت
و هذه الكليات لا تقل اهمية عن كليتنا
الاحسن انو الواحد يفكر و يجتهد لحتى يلاقي الحل واذا عجز ..
بيكون الحل موجود...
في طلاب رح يقولو احنا ما بنثق بحل الاخرين !!!
مافي مشكلة
بس احيانا اذا سأل حدا منا الدكتور عن فكرة او حل مسألة
ثم حلها الطالب و ناقشها مع الطلاب المتميزين عندو بلقسم
اكيد رح يكون الحل صح!!
وبعدين ينزل هلمسائل اللي حلها بلكشك ؟؟؟
اكيد ما حدا رح يعترض على حكيي...

فلماذا لانطور كلية العلوم ؟؟
و خصوصا قسم الفيزياء
اسف على الاطالة
و ارجو التفاعل مع الموضوع ...

سوري
خطأ مطبعي
الخط صغييير ؟؟
رح اكتب الموضوع بخط اكبر
وين التفاعل مع الموضوع
ولا الخط مأثر ...

أخي/أختي برج ايفل

(أعتذر بجد لأني لا أعلم إن كنت شاباً أو فتاة)

بالنسبة لموضوع المحاضرات المكتوبة بخط اليد فبإمكانكم أن تفعلوا مثل ما كنا نفعل أنا وأصدقائي

كنا نتشارك في كتابة المحاضرة أثناء إلقائها -وذلك على نفس الدفتر-

ومن ثم نقوم بعمل دور بيننا بحيث تأخذ كل واحدة منا هذه المحاضرة مرة وتقوم بطباعتها على الكمبيوتر ..وبعد ذلك نضع نسخة في مكتبة الكلية (الكشك المحترم تبعنا) من أجل جميع الطلاب

ماأريد أن أصل إليه بأنكم بالتعاون تستطيعون أن نقعلوا أي شيء

نحن كنا -طلاب الدفعة كاملة- نعمل كل شيء بأنفسنا من سلايدات وصور لمحضرات العملي

لأنه لن يأتينا أي شيء نريده على طبق من فضة

حاولوا أن تنظموا فريقاً بينكم و وزعوا المهام بينكم واشتركوا في هذا العمل لأنه ليس خير لكم وحدكم بل لكل زملائكم في الدفعة نفسها

تحيتي

انا شب لو سمحتي ...
انا اصلا مو من الشام ...
و ساكن بلسكن الجامعي...
يعني الكمبيوتر مو جنبي...
انا وجهت هلموضوع للطلاب اللي قاعدين ببيوتن ...
مو الطلاب اللي متل حالتي ...
شكرا على مرورك ..
و بتقبل رأيك ...

أخي برج ايفل

كنت قد اعتذرت عن جهلي بأن شاب في بداية ردي السابق

ولكن لا بأس.... أعتذر الآن إن أزعجتك

بالنسبة لوضعك فيجب عليك أن تطرح هذا الأمر في الكلية وليس هنا

حاول مع اصدقائك في العملي

وصدقني لو أن بمقدوري المساعدة لفعلت

ولكني أنهيت دراستي هذه السنة

كما قلت...حاول مع من معك في العملي

علهم يعملون ويساعدون الجميع

تحيتي

صديقي برج ايفل
بشكرك على هاللفتة الحلوة

بصراحة انا اول ما قريت العنوان , فكرت رح شوف طلب غير هالطلب
صحيح ان معك حق بكل كلمة قلتها
بس بظن هالشغلة مقدور عليها تقريبا 

انا توقعت اقرأ شي عن الحمامات يلي دايما مسببة مشكلة عندنا كنا شباب ام بنات
او مثلا هالاجهزة القديمة بمخابر الفيزياء ويلي نضطر بسببها انو نعيد التجربة ونضل ساعتين زيادة
او على الاقل المقصف ................... شو بدو يحكي الواحد
انا بحس ان كليتنا بالذات عايفة حالها
حتى طلاب الحقوق صحيح عم يداموا بالهنغارات بس كل خدمات كلية الهندسة بكاملها تحت تصرفهم وبتضل متطورة اكتر من عنا



تقبل مروري
طالبة من طلاب كلية ................. ا ل ع ل و م ...................

تحيــــــــــــــــــ الرومانتكيــــــــــــة ــــــــــــــــاتي .....................................

اقتباس

ولماذا بدل ما تنكتب المحاضرات بخط اليد تنكتب بكمبيوتر

اخي برج ايفل هيك قصص لازم تكون نتيجة عمل جماعي طلابي

و كل شي لازم يكون متفق عليه مشان تتم القصة على خير

انا براي اعملوا هيك شلة شي 15 واحد وبلشوا بهي السنة و انشا الله بتتوفقوا

علما انو نحنا بكليتنا كتييييير عنا شغل جماعي للطلاب
من حل دورات و كتابة محضرات وحل مسائل الكتاب ووضع الملخصات النظرية للكتب و تجميع البرامج

ممكن تكون الشغلة صعبة بداية بس خلال فصلين دراسيين تقريبا بتتوضح جميع الخطوات واسلوب العمل

و انشا الله بالتوفيييييييييق للجميع

والله  المحاضرات المرتبه والواضحة الها دور كبير في نجاح المادة
عم نتعب
حتى نتعرف على واحد بدوام كل المحاضرات
لحتى نصور منو
وهي عقدة كل طالب علوم
وبدك تابع الوام كلو مشكلة
فيا ريت يصير هيك
مع انو راحت علينا

أحب أن أقول أنني طالب متخرج من كلية العلوم قسم الجيولوجيا
وأعلمكم بأني ذقت الأمرين حتى تخرجت
فغالبا ما أصاب بنوع من الاحباط والضغط النفسي في الفترة التي تسبق الامتحان بشهر والتي كنا نسميها فترة تجميع النوط وغالبا ماكنت أستأجر سوزوكي من الجامعة الى البيت وذلك عند استكمال مرحلة تجميع النوط والدفاتر والشذرات والاوراق المتناثرة ونوطة الدكتور ونوطة أشطر طالب و نوطة السنوات السابقة كل ماذكرته مضروب بعدد مواد الفصل + المواد لمحمولة وبالنهاية أعمل تصفية وأساوي النوطة الخاصة فيني ومن ثم ارسب بالمادة 

معك حق زميل برج إيفل بكل كلمة حكيتا وفعلا ياريت يتحقق طلبك لانو احيانا الطالب بيطر يغيب عن شي محاضرة ويشتريها من الكشك واحيانا ما بتكون واضحة والدراسة فيها صعبة
وكمان انا مع الزميلة romantic girlبموضوع أجهزة العملي بالفيزيا لانو كتير احيانا برحلنا علامات بالعملي بسبب الاجهزة اللي عايفة حالها
ياريت صوتنا يوصل
مع تمنياتي بالتوفيق للجميع