أول شي شكرا ع الردود الحلوة.........وأهلا وسهلا فيكي أوسكار........نورتي الموضوع

و تاني شي .........عنجد فوتوني بالحيط.... .....و ما كتير فهمت عليكون بس اقتنعت......


و تالت شي الأسئلة:
1) بالنسبة للمفاعل...........بيكفي مفاعل واحد لكل العالم......ولا بدو يصير احتكار...؟؟؟

2) مشان الجاذبية الكبيرة للشمس...........ليش ترتيب الكواكب مو من الأصغر للأكبر ........يعني في أصغر من الارض بس الأرض أقرب......؟؟؟؟

3) بس كأنو الأخطار يلي ممكن تنتج عن المفاعل الاندماجي.........بتخوف... ......بئى كيف بدنا نحصل ع طاقة نضيفة ما بتئذي البيئة........؟؟؟؟

4)

اقتباس

ايتر بس يا ترى ,,, هل برأيكون ,,, عند تشغيل ,,, هذا المفاعل ,,,, طيعا بعد استكماله أن ينتج ,,, الطاقة النظيفة التي ,,, نريدهاااا ,,,,

أم أنه سيحدث مثل ,,, تجربة ,,, LHC ,,,  التي ,,,, لم تكلل باالنجاااح ,,, بسبب عطل  صغير ,,,,

أنا برأيي........لأ..........بس شو هيي تجربة LHC .........؟؟


5) أنا ما بعرف شو هوي زمن الاحتجاز يلي حكت عنو أوسكار........يا ريت شرح بسيط شوي.....يعني احسن افهمو.......


6) كيف حسنو يعرفو تركيب الشمس بهالدقة..........هل هالشي أكيد ولا مجرد اعتقاد......بلكي كانت التفاعلات بتم ع السطح بس.....و بتهيأ الشروط المناسبة للطبقة يلي بعدا.......؟؟؟؟؟






و الله هالموضوع معقد أكتر بكتير من موضوع اليورانيوم..........مشان هيك حكو بلغة بسيطة شوي...عيوني انتو....


بتعرفو........اذا في شغلة بتخليني حب البحوث واتمنى انا تطعلي.........هيي المستوى العلمي العالي للدراسة........يعني الواحد بيصير فهمان........و هادا الشي بينسي عذاب الدراسة والغربة وكلشيييييييييي.................ادعولي.......


بانتظار الردود......

تحياتي لألكون أحلى أعضاء. .........نايت رايدر.......فتاة الفيزياء......أوسكار........

بس وينون 007 و زهرة الكاميليا.........انشالله يلحئو حالون........الموضوع صار كبير

سلاااااااااااااااااام

مسا الخير ,,,, كيفكون ,,, يا شباب ,,, ويا صبايا ,,,,
عساكم ,,, بصحة ,,, وخير ,,,, وسلام ,,,, في رمضاااان ,,,,

المهم ,,, لنعود إلى حوارناااا ,,, الذي بدأناه ,,,,,

اقتباس

ليش ,,, ما بيتم ,,, تحول الهيدروجين ,,, بشكل كامل إلى هيليوم ,,,, في التفاعل الذي يحدث في الشمس ,,, دفعة واحدة ,,,,لا على شكل تفاعلات متتالية ,,,,
سؤال بيحط العئل باالكف ,,, ولة أنتو شو رايكون ,,,,

اقتباس

لأنو حسب قوانين الإنحفاظ النووية لأزم يكون هناك(( إنحفاظ بكميات المواد الداخلة في التفاعل مع المواد الناتجة عن التفاعل ))

أخت فتاة الفيزياء ,,,,  هذا تماما ,,, ما كان يدور في خلدي ,,, ولكن ,,, سأصيغه بطريقة مختلفة ,,,, حسب ,,, ما أرتأيت ,,,, وأرينا رأيك بعدهااااا ,,,, 

ضمن دراستنا سابقا ,,,, في الجامعة ,,, وحتى في البكالوريا ,,, أميروا ,,,, 
مر معنا ,,, شيء يسمى سرعة التفاعل ,,, وانه لكل تفاعل سرعة معينة ,,,,
إما أن تكون ,,, طويلة  ,,,, أو أنها ,,, قصيرة ,,,, تبعا  لشوط التفاعل ,,, والمواد المتفاعلة ,,,

ولكن الفكرة هاهنا ,,,, أن ,,,, التفاعل الذي يتم في الشمس ,, له سرعة ,, معينة ,,, ربما يستغرق ,,, ثانية ,,, أو اكثر ,,,,

وهذا التفاعل ,,,, هو التفاعل الوحيد الذي يحدث ,,, في الشمس ,,,
يعني ,,, لا يوجد سوى تفاعل واحد ,,,  يستهلك ,,, كميات الهيدروجين الموجودة ,,,
في الشمس ,,,,

فاالتفاعل الحاصل ,,, هو فقط استهلاك لكميات الهيدروجين ,,,, بشكل تدريجي ,,, وبسرعة تفاعل معينة ,,,
أربع ذرات أربع ذرات ,,,, ولا يتم استهلاك أربع ذرات هيدروجين حتى يتم ,,, استهلاك الاربعة التي قبلها ,,,, استهلاكا تاما ,,,,,




وهيك ,,, بتوقع ,,, وضحت الفكرة ,,, لألي ,,, لأنو كانت غامضة شوي  ,,,,
فشو ,,, مشااانكون   ,,,, بتمنى تخبروين ,,,, 



تحيتي ,,, 

لك أميروا الغالي ,,,, إذا في شي مو واضح ,,, حبذا لو تقف عنده ,,, ونقف نحن الآخرين عنده ,,,, ليتم الشرح والتوسع والتفصيل ,,,لنصل إلى التوضيح ,,,, وبتمنى ,,, أنك ,,, تحكي  ,,, وما تخجل    ,,,, 

هلأ ,,, لح نبلش باسئلتك ,,,  واحد واحد ,,,, وباالدوووور ,,,, 

اقتباس

1) بالنسبة للمفاعل...........بيكفي مفاعل واحد لكل العالم......ولا بدو يصير احتكار...؟؟؟

هلأ ,, مفاعل واحد ,,, هو كااافي باالتاكيد ,,,, لتقديم الطاقة اللازمة ,,, لكل سكان العالم ,,,, ولكن ,,, الفكرة أنت ذكرتها ,,,,  الاحتكار ,,, الاستغلال ,,,,
يعني بكرا يلي بيصير ,,, الدول اصحاب هذا المفاعل الاندماجي ,,, سيتحكمون باالاسعاااار ,,, لتوزيع الطاقة ,,, وسيوسيسوها ,,, لتخدم مصالحم السياسية ,,,
والسيطرة على الاقتصاد العالمي ,,,,

والمفاعل الاندماجي يلي هلأ عم يصير ,,,,و هو عبارة عن مفاعل مشترك  ,,, بين الدول العظمى الثمانية ,,,,

يعني ,,,, راحت علينا ,,, نحن دول العالم الثالث ,,,,   

اقتباس

2) مشان الجاذبية الكبيرة للشمس...........ليش ترتيب الكواكب مو من الأصغر للأكبر ........يعني في أصغر من الارض بس الأرض أقرب......؟؟؟؟

هلأ السؤال هاد حلو ,,, وجواابوا ,,, لح يكون أحلى ,,,,

جميع العلماء ,,, والباحثين ,,, أخذوا يضعون قوانين ,, في الفيزياء ,,,,  وما شابه ذلك,,, لتفسير الظواهر التي نراها ,,,,

ترتيب الكواكب ,,, نحن ,,, رأينه هكذا ,,, وعرفناها هكذا ,,, وفسرنااا ,,, على أساسه ,,, لما ترتيبهم هكذا ,,,,

لو رجعنا قليلا ,, إلى قانون نيوتين ,,,, الشهير ,,,,

F = G M1M2 / r^2

نجد أنه بتناسب طردا ,,, مع الكتلة ,,, ولا ننسى ,, انه يتناسب عكسا مع مربع المسافة ,,, صح ,,, ولة ,,,, شوووو ,,,,

وباالتالي ,,,, كلما زادت المسافة ,,, قلة الجاذبية ,,,, وباالتالي ,,,,


إذا أردنا أن نحسب قوة جاذبية الشمس ,,, لأي كوكب ,,, ستتعلق مربع بعده عن الشمس ,,,, والذي هو تناسب عكسي ,,,,

يعني احتمال ,,, تكون ,,, كتلتين متساويتين ,,,, ولكن البعد هنا يؤثر على جاذبية الاولى ,,,باالنسبة للثانية ,,,,
واحتمال كمان تكون ,,, الكتلة الاولى ,,, اكبر من التانية ,,, ولكن الصغيرة ,,,, اقرب للشمس من الكبيرة ,,,, وباالتالي ,,, تكون ,,, هنا ,,, الجاذبية باالنسبة للكتلة  الصعيرة ,,, أكبر من الكتلة الكبيرة ,,,,

يعني ,,, عندما نريد تحدد ,,, جاذبية ,,, كوكب باالنسبة للشمس ,,,,
يجب مقارنة الكتلة ,,, والبعد ,,, بينهما ,,, لأنهما يعاكسان بعض ,,,,

عسى أن أكون قد وفقت ,,, في التوضيح  ,,,,, وإذا ما في شي واضح ,,,, احكوووا ,,,

اقتباس

3) بس كأنو الأخطار يلي ممكن تنتج عن المفاعل الاندماجي.........بتخوف... ......بئى كيف بدنا نحصل ع طاقة نضيفة ما بتئذي البيئة........؟؟؟؟

طاقة الاندماج النووي ,,, هية طاقة ,,, نظيفة ,,,, ولا تؤذي البيئة ,,, مشان هيك ,,, العلماء ع يحاولوا ,,, يكتشوفوا هي الطاقة ,,,,,,  ويطبقوها على أرض الواقع ,,,,

اقتباس

أنا برأيي........لأ..........بس شو هيي تجربة LHC .........؟؟

تجربة ,, مصادم الجزيئات(الهيدرونات ) الكبير ,,, يلي عم يشتغل يه العلماء ,,,, لمعرفة ,,, كيف ولد الكون ,,,, وهي لح جبلك رابط لهاالموضوع ,,, مشان تطلع عليه ,,, وتخبرنا رأيك ,,,,

https://www.jamaa.net/art14035.html

اقتباس

6) كيف حسنو يعرفو تركيب الشمس بهالدقة..........هل هالشي أكيد ولا مجرد اعتقاد......بلكي كانت التفاعلات بتم ع السطح بس.....و بتهيأ الشروط المناسبة للطبقة يلي بعدا.......؟؟؟؟؟

صديقي ,,, وئت ,,,نحن ,,, بدنا,, نعرف ,,, ما هي مركبات مادة معينة ,,,,
نقوم ,,, بتحليلها ,,, تحليل طيفي ,,,,
وذلك عن طريق تحليل الاشعاع ,,, أو الضوءالوارد ,,,, من أي مادة ,,,

نعلم أن الضوء هو شكل من أشكال الطاقة ,,,,  والطاقة قابلة للانتشااار ,,,,
فهلأ ,,, كيف تم تحليل المواد المكونة للشمس ,,,,
المواد بشكل عام  تصدر اشعاع ,,,, وتمتص اشعاع ,,,, صح ,,, 

هلأ ,,,, التلسكوبات ,,, او الاقمار يلي عم ترصد الشمس ,,, عم تاخود الضوء يلي جاي من الشمس ,,, وتحللو ,,, تحليل طيفي ,,,,

ولكل ,,, مادة من المواد ,,,, لها طول موجة معين ,,, وطيف موجي محدد ,,,,

عن طريق معرفة طول الموجة يمكن معرفة ,,,, المادة التي سببت اصدار هذا الضوء ,,, والذي هو بحد ذاته طاقة ,,,,

وهيك ,,, تم التعرف على المواد المكونة للشمس ,,,,,

ما تم التعرف عاالشمس عن طرق الطبقة الرئيسية ,,, بل عن طرق الضوء الذي تصدره الشمس ,,, والذي يشترك فيه كل المواد الموجودة في الشمس ,,,


وبتمنى يكون كل كلااامي واضح ,,, مافيه أي التباساات ,,,,

وإذا في أي مشكلة ,,,, أو أعتراض ,,,, أو حدا عندو توضيح ,,, فأنا باالانتظااار ,,,,

سلااااااااااااااااام كيفكون إنشالله تكونوا مستعدين لحلقة جديدة من النقاش

اول شي بحب رحب بالمناقشة المتحمسة Oscar  

يلى هلأ صرنا تنتين يعني *دبل* ومنشكل فريق أنا وياكي 

طبعاً مع الزملاء الأخرين من فريق الذكور (طبعاً الكل في الخير والبركة):

وهلأ الأسئلة مشان شرح الزميلة Oscar الخاص بإجابة سؤال الزميل نايت رايدر

يسلمو إيديك ويعطيكي العافية بس هو شوي بيخربط الأفكار ومشربك لأنو نحنا ما

حكينا عن البلازما أبداً ورح نحكي عن طريقة الإندماج وكيف بتصير بالمعادلات مشان

يصير الفهم اسهل وأحسن  ....

ومشان  الزميل أمير حمص  الأول
1) بالنسبة للمفاعل...........بيكفي مفاعل واحد لكل العالم......ولا بدو يصير احتكار)

وشوف لألك هلقصة
بأثناء المفاوضات الطويلة بشأن استضافة المشروع قدم الاتحاد الاوروبي وفرنسا تنازلات مالية وصناعية ضخمة الى الجانب الياباني ووافقوا  على دفع حوالي نصف تكاليف البناء البالغة 4.6 مليار يورو بأسعار عام 2000.

وكمان  حصلت اليابان على مشاركة أوسع لاطقمها في المشروع بما في ذلك منصب المدير العام. راحت علينا 

لكن شيراك بوقتها  أبرز المزايا الكثيرة يلي رح تجي من المشروع  لفرنسا وقال انه

سيوفر نحو ثلاثة الاف فرصة عمل في المنطقة.شو رأيك صار في إحتكار لما لأ

والطاقة بتم تقديرها بعد المفاعل ما يعمل لأنو الحسابات نظرية أكتر منها عملية بس

بظن الطاقة عالية وكتيييييييييييير كمان ...........وكمان القائمين على هالموضوع

ووبيقول مساندو المشروع انه  رح يكون أنظف من المفاعلات النووية القائمة,,

وبظن الزميل نايت رايدر كفى ووفى ببقية الأسئلة  ويعطي ألف عافية ,,,,,,,,,,,,,,,

أسفة لتأخيري للرد إعذروني ومستعدة لأي سؤال أخر  ولنقاش أخر   

شكرا كتير كتير كتير ع الأجوبة الحلوة.............و الحمدلله هالمرة كلو واضح.......


بس لسا في السؤال الخامس عن زمن الاحتجاز............ما حدا جاب سيرتو.......


نايت رايدر الغالي شكرا ع الرابط..........فعلا مشروع هائل........انشالله يظبط معون........لنشوف.......


منكمل بعدين هلأ بدي روح ع السحور.........


باااااي يا حلوين

السلام عليكم ,,,,

شو نسيت ,,, نسوة كتير كبيرة ,,,, فلا تواخذيني ,,, أوسكار خانوم ,,,,

برحب فيكي ,,, وبانضمامك ,,, الفعال ,,, معنا بهاالنقاش الحلو ,,,,

وإهلا وسهلا فيكي ,,, منورة على طووووول ,,,,

وان شاااا الله بتستفادي ,,, وبتنمي ,,, معرفتك  بهاالمواضيع ,,,, وعسى أن نستفيد  ,,,, مما عندك ,,,,

اقتباس

بس لسا في السؤال الخامس عن زمن الاحتجاز............ما حدا جاب سيرتو

هااااد السؤاااال ,,, أنا ما لح  أرب عليه ,,,, هاااد من حصة الآنسااات  ,,,,

يا فتاة الفيزيااء ,,,, يا أوسكااار ,,,, بانتظار حدا منكون ,,,, تحكيلناااا ,,, شي عنوااا ,,,,
فياالله ,,,, بانتظااااار ,,,, تحدثونااااا عن زمن الاحتجاز ,,,,,,

سلااااماااااتي ,,, الحارة ,,,, المعبقة بريح الياسمين ,,,, الشامي ,,,, 

سلام  كيفكون وأسفين كتير على نسيان سؤالك أمير حمص وبما  إنو الزميل من فريق الأساتذة أوكل المهمة لفريق الأنسات فنحنا مستعدين  للإجابة

شوف بتفاعل الإندماج النووي في شغلة إسمها الاندماج المتحكم فيه ورح فصل شوي :

في عدة طرق تمكّنا من احتجاز محيط التفاعل للقيام بتفاعلات اندماج نووية، من

الطرق هي  الاندماج عبر الاحتجاز المغناطيسي و غيره. بس مافي لهلأ  مادة بتقدر

احتجاز الطاقة الهائلة للاندماج النووي,,,,,,,,,,,,,
و كمان في تطبيقات تانية للاندماج،(( إنتاج النوترونات، وهادا هو الأساس  لاكتشاف المتفجّرات، و هو يلي  تم استخدماه منذ زمن بعيد في النطاق الصناعي.

وهلأ رح نحكي شو هو الاندماج بالاحتجاز المغناطيسي
التوكاماك،بيتم بإنو  يبحتجز خليط من مماثلات الهيدروجين بواسطة حقل مغناطيسي.

وأما زمن الإحتجاز فهو يعني الزمن يلي بيقدر الحقل المغناطيسي إحتجاز محيط التفاعل مشان يصير إندماج نووي بأفضل وضع ,,,,

إنشالله كون حسنت إشرح شو هو زمن الإحتجاز  وخبروني شو رأيكون

والمعامل هو Nt وt هي تبع زمن الإحتجاز  يلى عم إستنى مناقشة جديدة 

سلاااااااااااااااااااااااااااام   

شكرا كتير فتاة ع الاجابة..........بس ما بئى تطولو علينا........انتو الصبايا دمكون بارد....أما الشباب ولعانيييييييييييييين...........مو هيك نايت......


بس وين الصبايا زهرة الكاميليا وأوسكار........راحو وتركوكي وحيدة.....يا حراااااااااااااام......هههههههه


أنا مستعد لحلقة جديدة للنقاش..........


بانتظارك...


تحياتي.....

السلام عليكم  شكراً على رأيك امير حمص وأنا بحترم وجهةنظرك  مع إني بخلافها  بالمضمون لأنو نحنا البنات مو باردين  لكن نحنا متأنين و منفكر بتروي وبعمق وما بنحب العجلة وأنا قلت طبعاً الزميل نايت رايدر شاركني الرأي  إنو لازم نعطي كل شي حقو باوئت مشان نستوعب كل الأمور  وهادا الأحسن برأينا 

وهلأ رح نزل القسم التاني من الإندماج النووي :

شو هي آلية الاندماج:

يحدث تفاعل الاندماج النووي عندما تتداخل نواتان ذريتان. ولكي يتم هذا التداخل، لا بد من أن تتخطى النواتان التنافر الحاصل بين شحنتيهما الموجبتين (و تعرف الظاهرة بالـحاجز الكولومبي).

إذا ما طبقنا قواعد الميكانيكا الكلاسيكية وحدها، سيكون احتمال الحصول على اندماج الأنوية منخفضا للغاية، بسبب الطاقة الحركية (الموافقة للهيجان الحراري) العالية جدا اللازمة لتخطي الحاجز المذكور. و في المقابل، تقترح ميكانيكا الكم ، و هو ما تؤكده التجربة، أن الحاجز الكولومبي يمكن تخطيه أيضا بظاهرة النفق ، بطاقات أكثر انخفاضا.

وبالرغم من ذلك، فإن الطاقة اللازمة للاندماج تبقى مرتفعة جداً، و هو ما يقابله حرارة أكثر من عشرات أو ربما مئات الملايين من الدرجات المئوية حسب طبيعة الأنوية.

في داخل الشمس على سبيل المثال، يجري تفاعل اندماج الهيدروجين المؤين عبر مراحل  تؤدي إلى تولد الهليوم، في ظل حرارة تقدر ب 15 مليون درجة مئوية، ويحدث ذلك ضمن عدة تفاعلات مختلفة تنتج عنها حرارة الشمس .

و تُدرس بعض تلك التفاعلات بين نظائر الهيدروجين بغرض إنتاج الطاقة عبر الاندماج مثل الديوتيريوم-ديوتيريوم أو الديوتيريوم-تريتيوم .

أما في الشمس فتتواصل عملية الاندماج إلى العناصر الخفيفة ثم المتوسطة ثم ينتج منها العناصر الثقيلة مثل الحديد ،

و في بعض النجوم الأكثر كتلة عن الشمس، تتم عمليات اندماج لأنوية أضخم تحت درجات حرارة أكبر.

وعندما تندمج أنوية صغيرة، تنتج نواة غير مستقرة تسمي أحيانا نواة مركبة، ولكي تعود إلى حالة استقرار ذات طاقة أقل، تـُطلق جسيم أو أكثر (فوتون، نيوترون، بروتون، على حسب التفاعل)،
و تتوزع الطاقة الزائدة بين النواة و الجسيمات المطلقة في شكل طاقة حركيّة.

وفي المفاعلات الاندماجية الجاري تطبيقها حاليا يجتهد العلماء للحصول على مردود جيد من الطاقة خلال الاندماج ، أي من الضروري أن تكون الطاقة الناتجة أكبر من الطاقة المستهلكة لتواصل التفاعلات و استغلال الحرارة الناتجة في إنتاج الطاقة الكهربائية. كما يجب عزل محيط التفاعل و مواد المحيط في المفاعلات الاندماجية.

وهادا يلي حكينا عنو (الاحتجاز النووي) 


عندما لا يوجد أي وضع مستقر، تقريبا، قد يكون من المستحيل أن نقوم بإدماج نواتين

(على سبيل المثال : 4He + 4He).

إن التفاعلات الاندماجية التي تطلق أكبر قدر من الطاقة هي تلك التي تستخدم أكثر الأنوية خفّة لإنتاج الهيليوم ، لأن الهيليوم ونواته جسيم ألفا هي أقوى نواة ذرة على الإطلاق من جهة تماسكها ، فهي تحتوي على 2 بروتون و 2 نيوترون وهؤلاء الأربعة شديدو التماسك بحيث يتحول جزء يعادل 005و0 من كتلتهم إلى طاقة حركية تتوزع

بين نواة الهيليوم الناتجة والنيوترون .


و بالتالي فإن أنوية الدويتيريوم (بروتون واحد ونيوترون واحد) والتريتيوم (بروتون واحد و نيوترونان)، مستخدمة في التفاعلات التالية :

دويتيريوم (H(1,2+ دويتيريوم(1,2 )H--هيليوم  (He(2,3 + نيترون
دويتيريومH(1,2 + دويتيريوم( H(1,2-> تريتيومH(1,3 + بروتون
دويتيريوم H(1,2)+ تريتيومH(1,3 -> هيليوم He(2,4 + نيوترون
دويتيريوم H(1,2+ هيليوم3 -> هيليوم 4 ,He(2+ بروتون

و هذه التفاعلات هي أكثر التفاعلات دراسة في المخابر عند تجارب الاندماج المراقبة ، وكل منها ينتج نحو 17 MeV من الطاقة.

وإنشالله يكون مفهوم  ومستعدة لاي سؤال  ويلى نفتح باب النقاش 

السلام عليكم..........

أختي العزيزة فتاة..........أنا كنت عم أمزح   .......هادا مو رأيي ولا شي وانا بهالمواضيع ما بفرء بين الشب والبنت..........كلنا متل بعضنا.........وانتو الصبايا ع كلياتكون ع راسي و أولون انتي.....




القسم التاني من الموضوع حلو كتير.........يعني عطانا فكرة عن الاّلية يلي كنت عم فكر فيا من قبل.........


الموضوع بشكل عام واضح..... ...من عدا شغلة وحدة........

اقتباس

الحاجز الكولومبي يمكن تخطيه أيضا بظاهرة النفق

يا ريت اذا بتحكولنا أكتر عن الظاهرة ودورا بأنو تخلي الطاقة اللازمة أخفض.......



و في سؤال:


اذا كان المفاعل بدو هيك طاقة ليشتغل...........كيف بدو يكون المردود كبير وغير محدود متل ما ذكر نايت رايدر .........و كيف بدو يكفي مفاعل واحد.....


بانتظاركون .....نايت الغالي وفتاة العزيزة.......كل يووووووووم


تحياتي...