السلام عليكم :
(الموضوع طويل بس بيستاهل تقراءه)
أجتمعنا اليوم في المدرج السابع للنتاقش بعمل مجلة الهندسة المدنية الجزء الثاني
الموضوع من دون مقدمات و لقد قسمته إلى أربع محاور :
1- وصف الإجتماع :
اليوم أجتمعنا شباب العمل و كان عددنا 8 بالإضافة إلى ضيف من المعلوماتية (بوجهلوا تحية ) مع غياب لبعض العناصر الهامة
دام الإجتماع حوالي 3 ساعات
بدأنا الإجتماع بمشاهدة عمل المبدع بكل معنا الكلمة زميلنا بالمنتدى محمد النجار
يعني ما بعرف كيف بدي أوصف العمل يلي شاغلوا قد ماحكيت مارح أعطيه حقوا للزلمة
يعني كان عم يشتغل حوالي 5 أشهر أي بعد توزيع العدد الأول مباشرة ً
و الله شغل بجنن
مفاجائات بالتصميم دهشتني و دهشت الحاضرين مع أكتر من خيار
يعني بيطير مخك من محلوا و صدقوني ما عم بالغ و أنا متل ما قلت نحن بدنا نتحدى العالم بهاد الشغل
و كمان التعليمات البرمجية يلي فرجانا ياها ما شاء الله عنجد تعبان تعب مو طبيعي حتى كل ما يفرجنا محمد شغلة اسئلوا للضيف يلي معنا بالمعلوماتية أنتوا أخدين هيك شي يضحك ويقولي لأ
يعني رح تشوفوا أسلوب بعرض المجلة و شغلات بحياتكون كلها مشايفنا لو بتفتلوا سوق البحصة بدمشق وسوق الجميلية بحلب ما رح تلاقوا ديفيدي بالقوة البرمجية والتصميمة يلي متل
بالمجلة
يعني أنتوا شفتوا تصميم المجلة بالعدد الأول و قديش حلوة بس هاد العدد رح يطلع أحلى مليون مرة
و أنا قلت بدنا شغل بروفيشنال بس يبدو محمد عمل شغل أكتر من بروفيشنال بكتيرررررررررررررر
صدقوني ما عم بالغ بكرا إن شاء الله بتشوفوا الشغل و أنا وا ثق رح تنبهروا
2- التصميم
بنجي للحكي المفيد
من ناحية التصميم
فمقدمة الفلاش أصبحت جاهزة
انحلت جميع المشاكل البرمجية التي وقفت عائقا ً أمامنا في الجزء الأول في استخدام برنامج flash في عمل الأتوران
أما الآن وبفضل الله أولا ً ومحمد يمكننا استخدام هذا البرنامج طبعا ً ما أنا رح بقوم بتصميمم القوائم و البرمجة بالبرنامج لوحدي رح ساعد كل من محمد النجار و محمد زهرا و بالتالي رح
تشوفوا شغل أغرب من الخيال بس طبعا ً هاد بدوا عمل أكتر من جبار و بدو تعب كتير و كتير و كتير نظرا ً لضخامة العمل لهيك نحن التلاتة ما بنكفي
و هنا بوجه رسالة لكل مين بيعرف بالتصميم و بيعرف يشتغل على برنامج ADOBE FLASH يساعدنا .
و هي الرسالة موجه بالأخص إلى الغالي || CIVIL KNIGHT || يلي عندوا مواهب و طاقات رائعة
من شان logo المجلة ففي logo بس ما عجب الشباب بتمنى من محمد يحط logo لنفرجي للشبلب لتعطونا رآيكم و أقتراحاتكم لتعديله لأن الشباب ما وافقوا عليه وقال بدو تعديل
هلأ بقي لدينا بالتصميم كما قلت ُ لكم
1-الأتوران وهي أصعب خطوة و محمد عمل شغل جبار لحتى حط الأساسات البرمجية للأتوران و بقي تصميم القوائم ووضع الروابط ,
2- تعديل logo المجلة وعمل أيقونة
3- تصميم بوستر وهون بدنا نشوف مواهبكون و إن شاء الله ما بصير مشكلة متل ما صار بالعدد الأول و هون بعتذر من شخص فعلا ً بيستحق العتذار وقد ما أعتذرت أنا بعرف ما بكفي بس
رح قول كلمة : " و الله العظيم أنا ما كان ألي علاقة و ما أنا كنت صاحب القرار بأختيار البوستر ".
بنرجع لموضوعنا يلي بيجد بنفسه القدرة على عمل بوستر أحترافي أو بيعرف حدا يمكن يساعدوا فياريت يطوع بهاد العمل و لازم البوستر يكون جاهز بأقرب وقت لتعليقه في حرم الكلية وفي
مكتبة ركن الهندسة و هون بوجه تحية لكادر العمل فيها و لعراب الكلية السيد أبو محفوظ . و من شان نص الإعلان تبع البوستر فأنارح حط النص و بعطي للشخص يلي بدوا يشتغل بتصميم البوستر
و أخر شي وهي كمان شغلة مهمة وهي تصميم غلاف للمجلة كمان بنطلوب من يلي عندوا قدر على ذلك يطوع .
3- محتوى المجلة :
هلأ خلصنا الحكي بالتصميم
بنجي على الشي الأهم و هو محتوى المجلة
رح أشرح محتويات العدد الأول لحتى يساعدوكن و تشوفوا الأقسام يلي بدنا نحطها بالجزء الثاني طبعا ً بأسلوب مختلف جذريا ً
كلنا بنعرف تقسيم المجلة بالعدد الأول رح ذكر فيه
أول شي كانت تطلع شاشة ترحيب و فيها بعض البرامج كان لازم تنزلها لحتى تشتغل المجلة بشكل صحيح بس بفضل الله أولا ً ومحمد تمكنا من حل هذه المشلكة ما عاد في ضروري تنزل أي
برنامج يعني بيكفي يكون عندك نظام تشغيل للجهازwindows وأكيد كل واحد عندو !!!!!!
وبعدين بتطلع مقدمة الفلاش الرائعة : كما موضوح بالصورة
و في العدد يلي عم نشتغل عليه رح تشوفوا مقدمة فلاش أجمل و أحلى وأروع بكتير إن شاء الله
بعد ذلك بتطلع الشاشة الرئيسية للأتوران وفيها ثلاث أقسام كما هو موضوح بالصورة
و كل قسم بينقلنا لقسم جديد و بالعدد يلي عم نشتغل عليه لحد الآن لم نعتمد طريقة لعرض هذه الأقسام
ونحن لا نريد شي تقليدي لهيك إذا في حدا عندوا فكرة فياريت يخبرنا و يساعدنا
أولا ً : القسم العلمي :
بنلاحظ أنو كل قسم يحتوي على عدة أقسام كما هو موضح بالصورة
و كل قسم بيفوتنا لقسم جديد على سبيل المثال لو ضغطنا على قسم البرامج الهندسية بتظهر لنا الشاشة التالية
هلأ كل هالحكي من شان تشوفوا مواضيع المجلة يلي بالقسم العلمي و يلي عندوا أي شغلة بتفيدنا و بتتبع لهي الأقسام فبتمنى لا حدا يبخل علينا فيها
يعني كتب هندسية , مقالات هندسية (أنا عندي 72 مقالة حاليا ً ) برامج هندسية صغيرة الحجم , صور هندسية كتب تعليمية لبرامج هندسية , محاضرات , دروس , يعني أي شي بفيد للأقسام
الموجودة للقسم العلمي
وهون بوجه رسالة إلى M07MMAD " لك شو صار بلفلم الوثائقي "
ثانيا ً : القسم الثقافي :
ويضم الأقسام الموضحة بالصورة
و كمان أي شخص عندوا أي شي مناسب لهي الأقسام فياريت يشاركنا فيه ,ملاحظة : يلي عندوا قصائد من أبداعوا : أو شي خاطرة فياريت يتشجع و يشاركنا فيها
ثالثا ً : القسم الترفيه :
القسم الذي أحبه الكثيرين توقع فيه مفاجائات رائعة و يلي بحب يشارك فيه فأهلا ً و سهلا ً و هو يضم الأقسام التالية و كل قسم يحتوي على تفرعات كبيرة و صفحات أخرى كما بقية الأقسام
4- الدعم المادي :
رح نتكلم بكل شفافية : المجلة قامت على فكرة و هي فعل الخير و نشر العلم للجميع و نقصد بالجميع زملاءنا بالكلية فالمستفيدين من هذا العمل هم طلاب الهندسة المدنية لجميع السنوات في
جامعة دمشق هذه الفائدة العلمية , الثقافية , الترفيهية نحن بحاجتها , لذلك فالمجلة مجانية لتغطي أكبر قدر ممكن من الطلاب, هذا العمل ليس له أي أهداف تجارية أو ربحية أو إعلانية أو
شخصية
أنما قائم على فعل الخير و على تبرعات أعضاء هذا المنتدى الكريم , لذلك يلي بحب يساعدنا بفعل الخير و يكون جزء بهاد العمل الجماعي يتبرع للمجلة دون أي إحراج أو ضغط يعني يلي
بحب يتبرع بتمنى ما يدايق حالوا ماديا ً و على قد المستطاع و الحمل يلي بيقدر عليه
برجع بكرر و بأكد ليس كل من يريد أن يشارك بعمل المجلة وجب عليه التبرع و أنما هي إرادة شخصية على قد المستطاع و سيجد الثواب عند الله عز وجل
أنا هلأ ما رح أحكي بالتفاصيل لأن بكير جدا ً جداً جدا ً عن آلية التبرع إن شاء الله بالوقت المناسب بنزل موضوع و بنتكلم عن جمع التبرعات.
الخاتمة
بالنهاية بتمنى كون وضحت تساؤلات أفراد عيلة المدني و أنا آسف جدا ً جدا ً على الإطالة بس صدوقني أنا عدت كتابة الموضوع بعد إنقطاع الكهرباء يعني و صلت إلى أخر خمس أسطر و
أنقطعت الكهرباء و أضطرت عيد الكتابة من جديد , و حاولت أختصر قد ما فيني
وأخيرا ً
بوجه تحية خاصة إلى joker يلي كان بغير محافظة و قدم لحضور الإجتماع
وتحية لجميع يلي حضروا لإجتماع اليوم
يلي عندوا استفسار أنا جاهز وأنا بإنتظار ردودكون
سلامممممم 
دلـيــل الفـصـل الثـانـي-السنة الثانية 2011/2012... كلية الهندسة المدنية
شرح ليكيفية العمل بمجلة الهندسة المدنية 2 
)..أنا رح حاول متل مالت 
