تحياتي ابو الزوز
الشغلة مو شغلة فضايح الشغلة شغلة سسبنس زيادة .........
عم ضارب عليك بالسسبنس
لازم تولع  ..... موهيك بكرا بصير الموضوع ممل ..............

مرحبا جميييعا , كيفكم , ماشاء الله كلو بالأسماء المستعارة
حبيت شوف محمد النجار معنا بالمعسكر لنشوفو
المعسكر الحمد لله خلص ولا قرصة عقرب لحقت فينا
بتذكر قتلنا حية (حنش رمادي وبني طوله بحدود المتر) وشوية صواريخ بالأرجل بتطير النوم من العيون
الحلو أنو كانت عيلة المدني غرييييييبة كتيييير بالمعسكر يعني إذا عديتهم ما بيطلعو 150 واحد من أصل 2530 نفر من كليات الحقوق والأداب والشريعة ومن الناقلين من المعاهد والكليات الأخرى
أكتر شي حبيتو سماء الضمير بالمساء لأنو واضحة كتيير
بتذكر دوريات الضابطة بالليل و 777/1 التنبيه اللي أعطي للطلاب بغرض فصلهم و نفدو بريشهم لأنو كان العقيد حباب كتيير
المجموعة 15 مين ما بيتذكرها ما تركت شي ماهربتو لجوا المعسكر وبالأخير اتنين أخر يوم كانوا بالسجن وحالة كان اخراجهم ويا ما ضاع منهم غراض (جزادين وغاز وأركيلة وباكيتات الدخان)
بتذكر أنو بالمعسكر مابقي مجموعة مابعرفها إلا ودعتني لشرب متة أوشاي أو غناء أولعب شدة
اللي بعرفو أنو صار عندي زيارات بهالمعسكر أكتر من النسوان
كتيير ناس عرفو اسمي وللأسف أنا من النوع اللي بتضيع منو الأسماء متل المي من اليدين
كان صوت الكتيبة السادسة أعلى صوت بالنسبة لي و هي كانت كتيبة المواجهة
العقداء اللي كانو علينا هم
العقيد أحمد زاهر قائد الكتيبة
العقيد راسم حسن من مصياف عقيد الذاتية
العقيد البرازيلي مين مابيعرفو وماذاق البربيج تبعو أو أحد عقوباتو (واقفا منبطحا جالسا جاثيا ورا بعض)
أصعب شي عليي كان المي بالمعسكر من المليحة ثقيلة جدا لحد أنو وقت رجعت لبيت وشربت من المي الساخنة وأنا عم بتغسل و لقيتها طيبة و رحت بكيت عالنعمة الموجودة عنا
هادا اللي خاطر ببالي حتى الأن                    

مرحبا شباب..

بحب اعتذر من الشباب (بس المحترمين يلي بيستاهلو) على التهائي عن الموضوع لمدة طويلة جدا..

و بحب اتشكر برو على هالصور الحلوة يلي خلتنا نسحب بخيالناباللاوعي لأماكن كتير حلوة و ملعوبة يا برو و شكرا للطافتك..و بحيي سامي و منصور على مشاركاتن اللطيفة و الحلوة..

و بحب رد على (بعض عالم ) يلي ما بعرف شلون بدي رد عليه بدون ما نزل مستوايي

بس على كل حال كل واحد بيحكي بمستواه و يعني بال level يلي عايش فيا..
أنا عم احكي هالحكي لأنو في ناس بيمزحولك كل مزحة أكبر من التانية.. و بتتحملا لأنو بتعرف أنها مزحة.. و هالشي بيكسر الحواجز بينك و بينهم و بوطد الصداقة يلي بتخلينا اخوة.. و عيلة وحدة

أما لما واحد بيحكي حكي أكبر منو و بيغلط بحق الناس  لحتى يعمل رجل و بتاع سسبينس على حساب الاخرين .. انا عم عقب عالحكي بس الصور ماني مستحي وعلى قولة أدم (هذا أنا).. و بعاتبو ليش ما طلع الوجوه؟؟. يعني عمل عملتو.. بس يكملا..

و اسف اذا في ناس لح تعتبر ردي لئيم.. بس يلي بيعرف بيعرف و يلي ما بيعرف بقول كف عدس..
ترقبو جديدنا..
سلام

شكرا كتير على الموضوع المشوق 
وبما إننا بنات سليتونا كتير ونقلتولنا المواقف بشكل مشوق
بس بتمنى هاد الموضوع ما يسبب مشاكل وتبقوا محافظين على الصورة الحلوة الي رسمتوها لهلأ والصداقة الي تعمقت بأيام المعسكر والي الصراحة عم نحسدكم عليها
وبشكر كتير ابراهيم على الصور الي كانت رح تخلينا نصدق  وبشكر زياد لأنو لحق يصلح الوضع قبل ما حدا يحسدنا على معسكراتنا   وبشكر سامي صاحب الموضوع وصاحب الكتابة المشوقة

بجد بجد لا يمل

   

والله هي المعسكرات بجد غير شكل .... نيالكن   

شكلها كانت ايام من العمر


وبانتظار باقي القصص والصور 




وسلامي للكل

 

أول شي بحب أشكر كل واحد كتب بهالموضوع لأنو عن جد كان حلو وممتع
وأهم شي فيه انو كنتو طالعين أحلى عيلة وأكيد حتضلو    أحلى عيلة 
لأنو بالعيلة ما حدا بيزعل من حدا وبيطول
شكرا ابراهيم-سامي-زياد-وباقي الأسماء يلي ما عرفت صحابها

السلام عليكم
بحب خبر العالم أنو الحمد لله الأمور رجعت لمجاريها
و صافي يا لبن و هلأ عم أحكي على ا ل م ا س ن ج ر مع صديق

مرحبا شباب  ..............................
يعني كان الموضوع  حلو بالبداية بس ............................  

صار في ريحة مشاكل    ..............................................

وعنجد مو حلوة منكن  يعني يلي شافنا بالمعسكر كيف كنا متل العيلة بجد

ما بيتخيل يطلع منا هيك 

بعدين لا تنسوا الخبز والملح يلي بيناتنا ...وكمان الطون والبطاطا......

عن جد    ما بيصير هيك  وانا ما عم اقصد حدا  معين لآنو  الكل عليه حق

الموضوع كان بس للننقل الا جواء الحلوة يلي  خلقنها نحنا بالمعسكر رغم الوضع السيء يلي كنا عيشين فيه
                       
شباب  لاتشمتو ا العدا فينا  ;      
وانا  اسف للوضع يلي وصل الو المستوى  يلي موخرج طلاب جامعة 

         

مرحبا للكل..
بحب علق عالمشادة يلي صارت بيني و بين ابو الزوز.. انو كانت سوء تفاهم و الحمد لله انحلت حبية ..
و كان الفضل للماسنجر يلي عمللنا (reconnection) كتير قوي..
و لقلوبنا البيضا..
و بعتذر كتيييير انو ما انحذف التعليق تبعي و ذلك بسبب مشكلة بالمنتدى!!!
سلامي لكل الطلاب..

كانت أحلى أيام والله وذكرتنا فيها    بس لو مو الصواريخ  
أنا كنت بالكتيبة السادسة الجماعة 11 أحلى شباب وأحلى أصدقاء
بس بتعرفو في شوية شباب كانوا شوي مطنطينها زيادة ....   يعني تصوروا العقرب شي وحش كاسر      أي والله البرازيلي بيخوف أكتر ..... ما هيك ؟؟؟
بيحييكم كلكم (وائل, أديب,راتب,محمد,أيهم,طارق,أحمد,مارينا,فادي,علاء,عبدالرحمن.عامر,زهير,القاضي....وأخيرا ......شطو مطو وماننسا طارق وهشام)



مع حبي  أسامة العلي