مسا الخير صيادلة المستقبل
كنت عم فكر بما إنه الأغلبية عم يلازموا و حتى نستفيد من ملازمتنا بالصيدلية و كمان نفيد اللي ما عم يلازم وقت يفتح المنتدى و يحفظ له كم دوا
شو رأيكم بما يلي
كل فترة رح نختار مجموعة دوائية معينة و كل عضو منا بيكتب دوا من هالزمرة مرق معه بالصيدلية سواء شافه على الرف . باعه بوصفه . حدا طلبه منه هيك يعني بس ما بدنا كتير معلومات لأنه خلينا نكون واقعيين ما رح نقدر نحفظ كل شيء عن هالدوا و مبدئياً اللي بيهمنا منه اسم الدواء و لأي شركة شو الاستخدام الرئيسي له ( في أدوية لها استخدامات كتيرة بس بيكون في استخدام هو الشائع و اللي أغلبية الناس بتستخدم الدوا بسببه هاد اللي بدنا ياه ) و بعدين إذا في شي مميز بيخص هالدوا ممكن نذكره . يعني بدنا شي نحفظ من خلاله الأدوية اللي بالصيدلية و نقدر بناءً على هالمعرفة نقرأ الوصفات و نصرفها . بنفس الوقت مو هالمعلومات الكتيرة مشان ما حدا يمل و يضل التفاعل موجود .
كمان ممكن نعمل جزء من الموضوع لنعرض حالات تعرضنا لها و شو هي الأدوية اللي انوصفت لهالشخص كحالات و سؤال على الحالة بيضل فترة و بعدين صاحب الحالة بينزل الجواب ( طبعاً بمساعدة الصيادلة اللي عم تلازموا عندهم ) .
و هيك بنستفيد و بنثبت كم معقول من المعلومات و بنخلي الملازمة تجربة مسلية
إن شاء الله تكون الفكرة وضحت و ناطرة آراءكم و موافقتكم حتى نبلش بإذن الله و أي عضو عنده اقتراح لتطوير الفكرة أو فكرة تانية بتصب بنفس النطاق و هو الملازمة بيقدر يعرض فكرته لأنه بالنهاية اللي بيهمني هو الفائدة لي و لكم .
ملاحظة :
من فترة مو كتير طويلة انعرض موضوع يشابه لحد كبير هاد الموضوع بعنوان ( صيدلية المنتدى ) للزميل فارس كان في عليه إقبال و بعدين للأسف انتسى مشان هيك حبيت ارجع اطرح الفكرة بأسلوب يمكن يشدنا أكتر و كرمال هيك أنا ما نزلت هالموضوع لحد ما أخدت رأي فارس و موافقته مشان الأمانة .
إعلان هام لطلاب كلية الصيدلة ( تم تعديل البرنامج النهائي لامتحان ف2 )
مـنـتـدى تـرجـمــة وتـدقـيـق أقــســام الـمـوســـوعـة 
للتواصل مع الهيئة الإدارية في كلية الصيدلة اضغط هنا 
تعوا نلازم كلنا سوا....
))
