كيف الدورة متل قلتها؟
                                                               
يعني مافي شي عملي
                                                         
كلو شغلات نظرية؟

السلام عليكم:

اقتباس

السلام عليكم يلي بعرفو أنو حتى لو كان معك شهادة بالتمريض أو الإسعاف الأولي ما بحقلك تعطي إبر بالصيدلية لكون الصيدلية بالأساس مكان غير مؤهل بهيك حالة

بهالحالة بكون اكلت مقلب مرتّب

اقتباس

كيف الدورة متل قلتها؟ يعني مافي شي عملي كلو شغلات نظرية؟

نحنا ما أخدنا غير نظري

وإعطاء الإبر عالاسفنجة

والممرضة يلي عملتلنا الدورة كنا مرات نصححلها بعض الشغلات لأنو الدورة كانت كلها طالبات صيدلة.... بعدين صرنا نهز راسنا ونقلها اي صح

بس هو في دورات تابعة للهلال الأحمر بتكون منيحة وبيعملوا تدريب بمجمع العثمان

بس كنا كل ما نتصل مشان نسجل بالدورة يقولولنا الشهر اللي بعدو

اتصلوا بأخر الشهر

اتصلوا بعد شهرين

اتصلوا بالشهر الفلاني

بعدين فقدنا الأمل وعملنا الدورة بالاتحاد النسائي

وبالمناسبة هيي الممرضة ما رضيت تاخدنا تدريب عالمشفى لأنو قال هونيك بيقولولها خدي بناتك وخلي يغيرو الشراشف

وهاد أكتر شي رح يخلونا نساويه

على فكرة هلأ صار في دورات خاصة عم يحطوا إعلانات عنها بالدليل بس كمان يمكن مو معترف فيها

السلام عليكم:

مشان الحالة الماضية ...

هيي حمى قرمزية.. وهاد رابط عن المرض

http://www.sehha.com/diseases/id/scarletfever.htm

لأ روقو ولو ...

كورسات الإسعاف بتختلف من مكان لتاني .. يعني هي أنا عملت دورة بالاتحاد النسائي (تابعة للدفاع المدني) ودورة بالهلال الأحمر

تبع الهلال للمبتدئين ما بيعطو فيها ضرب الابر لحتى تصير بالمتقدمة .. ومع انو كنت من الاوائل عالدورة ما عملو دورة متقدمة لبعد فترة طويلة (إلا إذا عملو وما بيقبلو فيها إلا يلي بدهن) وكانت خالصة مدة الشهادة ... بس للحق انو الخبرة يلي بيعطوها بالإسعاف عملياً كبيرة وفيها حزم وكأنك عنجد بنص الحدث ... (حروق وجروح ونزوف وكسور وصدمة وحمل ونقل ... إلخ)

أما دورة الاتحاد النسائي ... كان النظري ممل مع انو مختصر كتير وهي حلاوته وبعدين العملي .. (طبعاً الشاش ومراهم الحرق وهيك هدول متعارف عليهن) .. أول شي جربنا على بعضنا ابر مي بالعضل وتحت الجلد ... وكمان علمتنا شغلة حلوة كيف بتعبي ابرة الأنتي بيوتيك البودرة المعلقة وهي شغلة مو سهلة .. وكتير تفاصيل .. وبعدين داومت أسبوع بالمواساة .. أول يومين اتبهدلت كتير بقسم ال----- والممرضات مانن متعاونين أبداً وفعلاً بعاملو الواحد كأنو عم يشتغل عندهن ... على لف شاش وحمل غراض وكتير اتزاحنت ... بعدين قلتلها للمدربة ونقلتني عالإسعاف المركزي مع انو مو مسموح كتير لمسعفي الدفاع المدني انو ياخدو مكان الممرضات بهالمكان ... بس كتير استفدت .. خططت قلب وسحبت دم من الوريد وعطيت ابر بالعضل وبالوريد وبالقثاطر وفتحت وريد مرة أو مرتين .. وعنجد كانت تجربة قاسية ومتعبة بس حلوة ..

بعرف حكيت كتير .. بس لحتى تكون الصورة واضحة ومكتملة ..

بالتوفيق للجميع

هلأ بالمناسبة إسعاف التحسس كيف بشكل كتير بسيط؟

السلام عليكم:

والله أنا الدورة اللي عملتها بالاتحاد النسائي .. ما طلعنا من الغرفة يلي كنا ناخد فيها النظري ..ويلي فيها فيترينا مصمود فيها شغل صوف.. وإلها باب على غرفة ثانية لتعليم الحلاقة...!!!

أما بالنسبة لحقن الإبر .. كان الشخص الوحيد يلي أخد إبرة هو عمو اسفنجة

السلام عليكم:

هي حالة جديدة.. والطفل عندو ارتفاع حرارة وصعوبة بالبلع

                                                                                                 

السلام عليكم
                                           
عرفت الحالة
                                             
بس بستنى حدا تاني يجاوب
                                                 

يااااي وأنا عرفتها ... (مع انو بس ملاحظة مو شغلتنا نشخص .. يعني شبكن شيب حمى قرمزية .. شي هي الحالة ... بدنا العلاج .. ملعبنا يعني

الحالة هيي التهاب لوزات ..

مع انو التضخم يلي صاير بالرقبة كأنو معو غدة كمان ... معناتا حالة اللوزات متفاقمة كتير وبعتقد لازمهن عملية وما بكفي أي علاج دوائي...

شو رأيكن انتو؟

والله أنا توقعت " فرط نشاط الدرق"




وبظن بعد الفحوص السريرية والتحليلية بقرر الطبيب شو الخطة العلاجية

اما من الصورة بس فمافينا نحكم

بفرط نشاط الدرق بتكون الرقبة حول الرغامى كبرانة ومحززة تقريباً وجحوط بالعينين


أما هي فحالة نكاف "أبوكعب" .....


وما بدها دواء بس مسكنات وخلال 3 - 7 أيام بتكون شفيت


لكن بينخاف لما يكون المصاب ذكر بالغ عندها بتأثر على الخصية.....أما بالأعمار الصغيرة فما فيها مشكلة ومعظم الصغار بتصير معهم

أوقات بتكون من طرف واحد أو من طرفين (متل هالحالة)