أنا من العيلة هة

فكرة دورة الاسعاف كتيررررررر حلوة وضرورية للصيدلي بصيدليته بس اذا ساواها بصير بحقلو يعطي ابر  (مثلا) بدون مسؤولية عليه و لا لأ ولا بضل بس بحقلو يبيع ومعلومات الاسعاف خاصة فيه

صباح النور

L . KH    و    sweetlife

     

===============

اقتباس

و نجم إن شاء الله بيزبط الشغل ( بس بدنا الحلوان )
و اللي ما عم يعمل شي ( مثلي يعني ) يحاول يلاقي له شي شغلة يتسلى و يستفيد منها ( و الله أنا عندي مشاريع كتيرة بس مو عرفانة بلش لحتى ينزلوا هالمادتين البقيانيين )

خلص تكرم عيونكم

بس ادعولي

   

===============

دورة التمريض مو مخصصة للإناث بس

.............................؟؟؟؟؟؟؟!!!!!!!!!!!!!!!!!!!

كأنو رؤى قالت هالشي من قبل ....؟؟؟؟!!!

مو ....؟؟؟؟؟؟!!!!!!!!!!!!!!!

طوق الياسمين ... شكرا عالرد ...

على كل حال ... لو سمحتي ...

عندك فكرة إذا في رسم للتسجيل ولا لأ ... وإذا في أديش ؟؟؟

وإذا بتعرفي رقم تلفون للاستفسار ... أو أوقات وأيام التسجيل ... ممكن تسجليه أو تبعتيه عالخاص؟؟

على كلن أنا رح دور على رقم السفارة واسأل  ... وانشالله خير

***************************************************

اقتباس

مها

الله يسامحك

هيك بتحكي عن طلاب دفعتك

بالنسبة للشباب بالتالتة سابقاً و هلأ رابعة مافي أروق منهم

بنص الفحوصة بنتفرج عأفلام و بنطلع مشاوير

و بندرس و غذا لقينا المادة بنوب ما بتندرس بنصير بنضحك و بنقول "دورات دورات"

زيد .... الله يخليك .... شايفين بعيوننا ما حدا قلنا ,,

إذا قصدك عالشباب ... فهنن قلال وبينعدو عالأصابع ... وأنا قليل اللي بحكي معهن منهن
أما البنات (الأغلبية الساحقة) .... فتلات ارباعهن فاقسين وشغل دراسة وبس ..
هي الحقيقة ... لمن شاء أو أبى

لكن بدهن يصيروا صيادلة وهنن ما بفوتو عالنت .. يعني كيف بطوروا حالهن ولا ما في داعي .. علماء الشباب!!! ...
لأ وما بهمهن غير مصلحتهن ... وعم يركضو ركض ليجيبو علامة زيادة ... وكأنو ما في شي تاني بالدنيا غير "اللهم أسألك نفسي" .. و"أنا ومن بعدي الطوفان"

ومع هيك الدنيا ما بتخلى




سلام
مها

السلام على العائلة الكريمة..

هلأ مشان المخابر لح حاول أحكي باختصار...

في بالبلد نوعين من المخابر ( الخاصة)

مخابر آلية : التحاليل فيها تجرى على أجهزة ضخمة جداً و بشكل بسيط يعني بس بتحط المصل ضمن الآلة و بتكبس كم زر بتطلع النتيجة فوراً ...و بشكل سريع...

إيجابياتها : بتعطيك النتائج بسرعة فائقة و بأقل جهد و لا تمسها الأيدي...

سلبياتها: الأجهزة هي غالية و مكلفة جداً و بعدين النتائج ما كتير بتكون دقيقة مية بالمية يعني اذا الكهربا بتأثر عالجهاز و لو بشكل بسيط يمكن تعطي نتيجة قريبة من الصحة...

مشان هيك هي المخابر قليلة بالبلد و بتلاقوها بالمشافي الخاصة و بعض المخابر اللي بتشتغل بشكل فظيع و الدكاترة ما بيلحقو...

المخابر اليدوية ( تلات ارباع مخابر البلد هيك) متل مخبرنا منشتغل بالإيد بس طبعاً مع أجهزة..بس الأجهزة مو متل ضخامة الآلية يعني أجهزة متوسطة الحجم متل جهاز الروبي للكيماويات و جهاز الشوارد العادي...

سلبياتها : يعني منعطيك النتيجة حسب التحليل ( اذا عادي بولة كرياتين شغلة ربع ساعة.. أما هرمونات و TSH بدها عالأقل 3 ساعات)

و زرع البول بدو يومين....زرع الدم شي 4 أيام ( حسب نمو الجرثومة)

إيجابياتها : النتائج بتكون دقيقة أكتر من الآلية لأنو الدكتور عم يشتغل بإيدو ويحط هالمادة و بعدين كمان حسب الأجهزة يعني في مخابر عندها أجهزة من زمن ستي اي هيك ما بيشتغل أما كلما كانت الأجهزة أحدث و من دول متقدمة (يعني الجهاز الأمريكي غير الجهاز الصيني) و للأسف أمريكا هي الدولة الأكثر تطوراً في الأجهزة المخبرية.. طبعاً لح تكون نتائج غير شكل...

و بتصفى المحاكمة العقلية للدكتور وشطارتو هي منحكي عليها بعدين..ههههه


على فكرة:

لا تختلف أسعار التحاليل سواء في المخابر الآلية أو اليدوية

لأنو التحليل مسعر من قبل وزارة الصحة..



يمنع إجراء الحسم أو الزيادة على التحاليل تحت طائلة المسؤولية..







(باستثناء عيلة الصيدلة تبع المنتدى..هههههههه)

بما انو نحنا مشروع التانية لساتنا جدد عالمواد و ما منعرف شي

بتمنا من غير سنين

كل واحد يقول شو اكتر مادة حبها

وهي بالاصل عن شو

و شو اكتر دكتور حبو

و اذا بدو يعمل اختصاص انو مادة ممكن لهلأ يكمل فيها؟؟؟؟؟؟؟؟؟

و شو اكتر مادة و اكتر دكتور ما بيحبهن

و كمان شو هنن المواد يللي بيرفعو المعدل و المواد يللي بينزلو

كل واحد يحكي عن سنتو

و اذا بدو يحكي عن سنين سابقة ما في مشكلة

Rana

حبيت سؤالك وإجا على بالي جاوب عليه ...هو أنا كلي أكبر منك بس بسنة يعني ح إحكي عالسنة التانية :

من وين بدنا نبلش ؟؟؟ ...
أنا من كل هالمواد لقيت أكتر مادة ممتعة هي الكيمياء الحيوية 1 ...مع إنها صعبة بس فعلا ممتعة علامتي كانت فيا منيحة الحمدلله مع إني كنت متوقعة أكتر ...اللي درسونا المادة :الدكتورة سحر الشماع والدكتورة فايزة القبيلي وال 2 بينحبوا كتير ...

من المواد الحلوة واللي بترفع المعدل : إعلام وتسويق -صيدلانيات _ إنكليزي لولا الدكتور التحفة اللي جابولنا ياه و ضربلي معدلي فهي مادة حلوة وسهلة -الفيزيائية-الحاسوب  بس هي بقا كنت ما طيق إحضرا - والله كل السنة التانية تعتبر سهلة بس أكتر مادة سببتلي رعب  :الأمراض بس الحمدلله طلع رعب عالفاضي  بينجاب فيا معدل - يي والعقاقير مادة معدل بس ضمني العملي ......عن جد السنة التانية حتشوفو إنها حلوة وبيرتفع فيا المعدل   

نجم .........

مشان سؤالك

دورة التمريض للإناث فقط  أما دورة الاسعاف فما بعرف عنها شي ؟؟؟؟؟



اللي بيعرف الفرق بين التنين يخبرنا

   

اقتباس

بما انو نحنا مشروع التانية لساتنا جدد عالمواد و ما منعرف شي

بتمنا من غير سنين

كل واحد يقول شو اكتر مادة حبها

بالنسبة لمواد السنة الثانية (بما أنك هلق صرت ثانية ) أحلى مادة هي الحيوية بس صعبة كتير وبدا دراسة كتير

بس طبعا في مواد أحلى منها مثل الأدوية لأنك بتتعامل مع الأدوية ويلي هي مهنتنا

من جهتي أكتر مادة حسيت فيها اني صيدلانية  (مو كيميائية او فنية مخبر تحليل ) خلال هـ الأربع سنين  هي الأدوية والكيمياء الصيدلية 2

اقتباس

و شو اكتر دكتور حبو

مابعرف ................ كل الدكاترة عملو فينا فصل ناقص شكل (كلون متل بعض) وبالذات دكاترة الرابعة

ان شاء الله يتحسن الوضع