السلام عليكم :
بالنسبة للسؤال  الأول :
أنا بصلي بجامع الثقفي بساحة باب توما جنب بيتي ...
الشيخ اسمه  هشام صلاحي .....صوته كتير حلو وإلو عندي مكانة بقلبي غالية كتير.......
اليوم أول يوم بصلي بجامع لا لا باشا .........عنجد غير شكل والقرّاء ما شاء الله كل واحد صوته غير شكل.........
والحمد لله في خشوع......

أما السؤال الثاني :
بحب اسمع قرآن لمشاري ..........كمان في ماهر بن حمد  المعيقلي (يمكن هيك  اسمه) صوته بجنن ولا في أروع من هيك.........بحب اسمعله لما بكون متضايق.....
كمان بحب صوت الغامدي.....
ومبارح بالصدفة سمعت صوت أبو بكر الشاطري كمان مميز......
ومتل ما قالوا الزملاء قبلي السديس والشريم وبضيف عبد الباسط.....
وفي محمد أيوب بذكرني بطفولتي برمضان كنت اسمعه قبل الإفطار.....
هدون أكتر شي بحب اسمعلهم....
وبالنسبة للمنشدين مشاري بالدرجة الأولى.... بعدين أحمد أبو خاطر.......

كنت بدي اسأل سؤال من زمان ورجاء اللي ما بيعرف الجواب لا يجاوب ؟
ليش بأكتر الجوامع لما بيدعوا بيقولوا (بجاه سيدنا محمد)؟؟؟؟؟
مع انو هادا ما بيصير لأنو ربنا بيقول :
(وإذا سألك عبادي عني فإني قريب) ما في داعي نتوسل بالنبي أو بحدى عند رب العالمين .....
وبعتقد انو معظم إذا مو كل شيوخ الجوامع بيعرفوا هالشي ........
إذا حدا عنده تفسير لا يبخل علينا؟؟؟؟؟؟؟؟؟؟؟؟؟؟؟؟؟


لا تواخدونا طولنا عليكم .......

الاخت فريدة:

اقتباس

حدا بيعرف اذا نزل البرنامج و لسه واذا نزلت الفئات

والله انا ما بعرف أصلا انا مسافرة برات سوريا بس بالطب وطب الاسنان الدوام يبدأ 13-9وبظن نحنا متلهم بس ما بظن يصير دوام لبعد العيد

اما البرنامج و الفئات فأكيد بكونو نزلو لأنو بذكر السنة الماضية نزلو قبل اسبوع من بدء الجامعة

السلام عليكم :
اليوم كنت بالجامعة ونزل البرنامج.........
بس المفاجأة الكبرى أو بالأحرى الصدمة الكبرى......
انو في تغيير بالمواد         

يعني نحنا بالسنة الخامسة نزلت مادة من الفصل التاني على الفصل الأول وهي السموم الشرعي.......شو مشان انو صار عنا سبع مواد وأربعة عملي وعنا فحص ملازمة..........      

كمان السنة الثالثة في الإصطناع نزلت للفصل الأول........

أنا برأيي كل طالب ينزل على الجامعة ويشوف شو عم يصير .........
كمان المعدلات بعدها ما نزلت ولا الفئات.........

الله يكون معنا هالسنة........
بالتوفيق للجميع......
       

اقتباس

اليوم كنت بالجامعة ونزل البرنامج.........

يا ريت اذا حدا رايح عالكلية يجيب البرنامج و ينزلو عالمنتدى...

لأنو في كتير ناس بيتها بعيد و اذا نزل البرنامج عالمنتدى بيكون شغلة...

لح يخدم كتير طلاب و كلياتنا لح نستفاد منو...

أنا حاكيت ياسر ( فارماسي) و قللي لح ينزل الخميس يشوف البرنامج...

بس اذا في حدا بيقدر كمان ينزل أو في عندو نزلة عالكلية لا يقصر...

ينزل البرنامج عالمنتدى و الله يجزيكم ألف خير...

السلام عليكم :

بتمنى لو فيي نزل البرنامج هون بس المشكلة انو البرنامج كل سنة لحال مو متل المعتاد فما عندي غير برنامج الخامسة ........
وما عندي سكنر لحتى نزله أو بدي اكتبه كتابة...........

   

السلام عليكم...............

مشان سؤال بجاه سيدنا محمد,,,,,,

تخيل معي إنو إنت عامل ذنب كبير بحق شي حدا إلو مكانتو,, و إذا قصد يأذيك بيأذيك,,,,, و إنت

بتعرف إنو  في واحد مابيرفضلوا طلب إمت شرحتلوا قصتك و قرر يساعدك,,,,,, فهداك عفا عنك

يعني إنت رحت بشفاعتو,,,,,,,

فقيس هي على هي, و سيدنا محمد خير الأنام قدرا عند الله, فما فيها شي و الله أعلم إذا هيك قالوا

تقبل مروري.........      

السلام عليكم..........

ولييييييييييييييييييي مشان الله حدا ينزل و يقللنا برنامج السنة التالتة عل القليلة يومي الأحد و الاثنين

                     
و الله يجزيكون الخير.....................

أخ فارما .....
التوسل بجاه النبي صلى الله عليه وسلم محل خلاف بين الفقهاء ..
ونصيحتي أنا تسأل لذلك من تثق بعلمه من أفاضل العلماء وهم كثر ولله الحمد ..
أما ما أحب أن أكون عليه أن أدعو الله مباشرة دون واسطة ولا وسيلة ذلك أن الله قال كما تفضلت (( وإذا سألك عبادي عني فإني قريب )) علما أنه في كل الآيات التي ابتدأت بصيغة السؤال (( ويسألونك )) كان جوابها (( قل )) إلا الآية الآنفة الذكر ...
فمن يضرب مثلا ((أن تكون قد أذنبت بحق شخص ذي مكانة فلابد أن تأتي بآخر له مكانة عنده يشفع لك )) فهو مثل بين البشر كائن ولايكون مع رب البشر لأنه قال (( إن الله يغفر الذنوب جميعا )) ويقول أيضا ((  إن الله لايغفر أن يشرك به ويغفر مادون ذلك ))
ولابد هنا من التذكير أنه يجوز التوسل بأسماء الله تعالى وصفاته كذلك جاز التوسل بالعمل الصالح فعلته أنت وتعتقد بصلاحه يدل على ذلك قصة الثلاثة الذين أغلقت عليهم باب مغارة صخرة ...... فدعا كل واحد منهم بعمل صالح كان قد فعله حتى فرج الله عنهم .
وهي قصة رواها الحبيب محمد صلى الله عليه وسلم
أخيرا لابد من سؤال ثقات العلماء والشام فيها منهم الكثير ....

السلام عليكم :
مشان البرنامج رح نزل موضوع بساحة السنة الخامسة.......
مشان الفئات بعدهم 8 فئات........
العملي هالسنة كل الفئات متل بعضها.....

يفضل من كل سنة شي طالب ينزل موضوع بالبرنامج....