والله أنا عالأغلب ما رح داوم لبعد العيد.. وخصوصاً إنو عم يقولو إنو رح ينزل البرنامج عالمنتدى .. يعني مريحة راسي.. والله الشنططة بالباصات مو قليلة بنوووب.. وخاصة برمضان.. يا سلاام والله..

سلام.. يعني منقول سلام مشان نتروحن بوجود اسمك.. ولو.. شو مفكرة حالك قليلة؟؟

سلام

السلام عليكم...........

إي الله يخلليلي ياكون شو موجبين, و الله أنا يلي بنبسط فيكون ............................

               

و مشان النزلة انزلي أول يوم ما بيصير شي بنشوف بعض و بنطمن على الجامعة........          

و شكرا مرة تانية.............      

السلام عليكم

أهلين نانون كيفك شو أم النيه عم تسألي عالدوام الله وكيلك مابعرف ليش مالي نفس داوم لبعد العيد بس إذا بدهم ياخدو الحضور بالعملي معناها مو بكيفي إجباري بدي داوم    

___________________________________

فارماسي ماشاالله عنك كيف عرفت تتصرف أنا لوصار معي هيك موقف بقول للعالم يلي قدامي خدوها اسعاف وبقعد ببكي   هي من كتر الخبرة يلي عندي الله يحميني 

___________________________________

والله بيمر عالصيدلي سمعات ومغامرات وقصص أشكال وألوان

ياجماعة بالله سمعوا هالقصة يلي صارت

مرة اجا مريض عالصيدلية آم صار يقول يادكتور والله هالدوا طعمتو مو طيبة في مجال

تبدلي ياه  بدواءبنفس التأثير بس طعمتو أطيب

آم أخدنا منو الدوا  لنشوفو شوهو وحزروا شوطلع هالدوا

أكيد مالو شراب ولامعلق ولا حب ولا مضغوطة ولاأقراص مص  ولافوار ولا  ولا..........................

احزروا  


شوماحزرتو


طلع الزلمة عم يأخذ عن طريق المص


التحاميل

       

بصراحة انا بهاللحظة ماعد عرفت شوبدي ساوي

لأنو موقف مضحك مُبكي

بس عنجد زعلت عليه كتييييييييييييييييييييييير

بس والله ماتوقعت إنو في عالم عندها جهل لهالدرجة

بس بصراحة استنتجت إنو الصيدلاني مالازم  يستهون  يقول نصائح للزبائن مهما كانت هالنصائح بديهية وبسيطة

عفوا إذا ضايقتكم بهالقصة أو سببتلكم أي إزعاج بس حبيت قلكون من شو مصدومة ومستغربة  باعتباركون زملاء مهنة

مرحبا

كيف الجميع وكيف هالصيف معكون؟؟؟؟؟
يا جماعة مشان الدوام انا اليوم كنت بالكلية
وماااااااااااافي شي نازل
لا برنامج ولا شي
حتى لوحات الاعلانات بعدا المواد والعلامات القديمة
يعني لسى ما استعدو للسنة الجديدة

مشان هيك كأنو الدوام ما رح يبدا لبعد العيد

قولو انشالله

هههههه  بلسم الآلام شو مشاااان
معقول في ناس هيك..
يعني الحق عليه 
ولا عالدكتور يلي يمكن ما قلو شلون ياخد الدوا
ولا عالصيدلاني


pharmacy

الله يعطيك العافية..وبرافو عليك
ما شالله ..منين عندك هي المعرفة أنو مريض السكري ممكن نعطيه كاسة مي ومذاب فيها بالضبط 3 ملاعق سكر..
ممكن توضحلي
يعني أنا ما بعرف عن مرض السكري إلا يلي درسناه بعلم الأمراض ..
بعتزر على معلوماتي الضحلة
وشكراً

                                                                                        تحياتي  
                                                                                          شمس

السلام عليكم:

في عندي سؤال  خطر ببالي بس ما لقيتلو جواب :

هلأ كلنا منعرف الضغط بيتراوح بين 100-140 و الانبساطي بين 60- 80

هلأ في ناس ضغطون منخفض بكون 11أو 10 على 7أو 6 بالترتيب  , فهدول لما

ينقاس ضغطتهم ويطلع مثلا 12 على 8 (يعني الطبيعي )بكون طبيعي بالنسبة

لإلهم ولا شو      .

لا تواخذوني بس بالظاهر مخي عم ياخد ويعطي هالأيام فبيطلع معي أشكال

وألوان .

فما هو جوابكم على هذا السؤال ومعلش خدوني على قد عقلي   

مرحبا   
كيف الجميع  
ما شاء الله بلاقي صاير أحداث كتير بغيابي
أول الشي
كريم
Heartless
بلسم الآلام
آية الرحمن
فارما87
شكراً كتير   
وبصراحة أنا كتير كتابات وأسماء بتعجبني وبحس لكل عضو ميزة خاصة
رح قول على سبيل الذكر لا الحصر
بلسم الآلام , المرهم الشافي, آية الرحمن, Heartless
للردود اللطيفة والمريحة  
زيد , فارما87, نور الهداية, آيرون مان
ردود جريئة وصريحة ومقنعة  
طوق الياسمين
ردود مفيدة ولطيفة بنفس الوقت
 
سلام و رؤى و كريم
أفكار متميزة  ومعاملة راقية 

وما بنسى العضو الأكتر احتراماً ورقياً
الأخ محمــــــد
 
وكمان بحس في أفكار متميزة وثقافة واسعة وكتير نشيط عند نجم رغم أنه مازال سنة تانية
وفارس بتعجبني أفكار التنمية البشرية عندو بس ما بعرف وين مختفي هالأيام  

أما مشرفنا وسيم
إن شاء الله ألف مبروك الكتاب 
وأنا كنت مفكرة الموضوع منقول
طلعت إنت يلي مشتغل عليه
ما شاء الله
عقبال ما تكتب شي موسوعة صيدلانية

أما مشان موضوع التالتة يلي ما كان ينزل
طولو بالكم شوي مو محرزة تعملوا انقلاب

ومشان دوام الجامعة أنا رح داوم من أول يوم
لأني مو ناوية روح على حالي ولا يوم هالسنة
ولو آخر سنة  
حتى أيام العطل بدي إجي  
مشان سؤالك آية الرحمن
أنا بتوقع ومتل ما أخدنا أنو الضغط الطبيعي 12/8 يعني حتى لو كان الشخص بالأصل ضغطه منخفض بشكل طبيعي
بس بالعكس لو هالشخص قاسوا ضغطو 10 وهو دائماً هيك يعتبر طبيعي ولحد 12 طبيعي
فوق14 (عم أحكي عن الانقباضي) بيكون عندو ارتفاع ضغط
هيك بظن

لا تواخذوني حكيت كتير
بس صاير كتير أكشن بغيابي
   

مرحبا   
و أخيرا انأبلت على هالمنتدى الظريف و مشان الدوام مبين أنو لبعد العيد لأنو انزلت اليوم عالجامعة و لقيتا عم تصفر صفير وقالولي أنو البرنامج رح ينزل يوم الأحد مشان هيك لا حدا يعزب حالو بالنزلة و الشنططة

مرحباً:

عنجد كتير صاير أحداث.........

آية الرحمن:

إذا الواحد ضغطو الطبيعي 106 (ع فكرة أنا هيك ضغطي الطبيعي) فإذا قاسوا مرة و كان 128 أنا برأيي بيكون ضغطو مرتفع شوي بس مو لدرجة الخطورة مثل يلي الطبيعي عندو 128 و صار 1410 هون بعتقد الوضع أخطر........

فارماسي:
برافو عليك و الله أنك بتحسن التصرف بالوقت المناسب........

بلسم الآلام:

للأسف بعد كل هالتطور و الوعي عند الناس حتى البسيطين لسا منلاقي هيك ناس

السلام عليكم.............

أهلا و سهلا فيكي لمى أخت جديدة إلنا بالمنتدى,,,,,,,, و انشا الله بنضل نشوف مشاركاتك....

       

و الله أنا كمان انزلت اليوم عل الجامعة و قالولي نفس الحكي,,,,

بس حزوروا شو في شي جديد بالكلية غير تبع الحيوانات,,,,,,,,,,

             

مدهنين الطابق التاني كلو و عم يوج وج