السلام عليكم

اقتباس

هي أول مرة بروح بشوف فيها الخواريف... منظرهم بجنن

عفكرة الريحة ما حلوة ابدا ... بدك تحطي كمامة 

اقتباس

وأول مرة بشوف إنو لازم نفلي إذا سنانه كاملين

 

وانا اول مرة بسمع فيها 

بس بعرف انو لازم نفحصو من الامراض ....

وبالتحديد نفحص مشيتو (اذا كان اعرج او لا )
ونفحص عيونو (اذا كان اعور او لا )

لانو اذا في شي مرض بصير بيتأخر عن رفقاتو وقت الاكل وبالتالي بصير هزيل الجسد .....

بس في شغلة كمان ....

قال حرام ينباع الصوف تبعو ...
لانو في ناس بيعطو للحام كأجرة ....

السلام عليكم

اقتباس

عفكرة الريحة ما حلوة ابدا ... بدك تحطي كمامة

   

عنجد بالمرة... بس منظرهم حلو... وفي كان كمان معزاية وبقر وهلم جر من هالمواشي... عنجد كلهم على بعض بضحكوا كثير.... 

اقتباس

وانا اول مرة بسمع فيها

هلأ أنا شفت الزلمة لما عم يفرجي لبابا أول شي بفرجي سنانو... يمكن مشان يأكدلو إنو كبير... لإنو في واحد كثير حلو أبيض على أشقر عجبني.. بس لما فتحنا تمو طلع صغير وسنانه لبنية.. فما مشي الحال... :(

اقتباس

لانو في ناس بيعطو للحام كأجرة .... 

     

هلأ تعطلوا على أجرة اللحام لحتى روحوا الثواب....

السلام عليكم

اقتباس

لإنو في واحد كثير حلو أبيض على أشقر عجبني.. بس لما فتحنا تمو طلع صغير وسنانه لبنية.. فما مشي الحال...

كنت حفكر انو عم تحكي على شي بيبي او بيبية   

اقتباس

هلأ تعطلوا على أجرة اللحام لحتى روحوا الثواب....

مرة جدي عمل هيك ...

بس ما كانت اضحية ... يعني خاروف عادي ...

يمكن بس بالاضحية حرام ...

السلام عليكم

الأضحية لازم كل جزء فيها يتوزّع
                                                 
ما بصير تعطي الجلد والشعر والراس والمقادم أجرة للّحام
                                     
لأنو هيك كأنك بعت جزء منها
                                               
بتعطيه أجرة نقدية
                                                   
بعدين إذا حبيت بتعطيه هالشغلات هدية إذا ما حدا بيستفيد منهم

إلهي .. مولاي .. سيدي ..

إن أو حشتني الخطايا من محاسن لطفك .. فقد أنسني اليقين بمكارم عطفك ..

وإن أماتتني الغفلة عن الاستعداد للقائك .. فقد أنبهتني المعرفة بكريم آلائك ..

إلهي ..

نفسي قائمة بين يديك .. وقد أظلها حسن التوكل عليك ..

فاصنع بي ما أنت أهله .. ولا تعاملني بما أنا أهله ...

إلهي يا واسع المغفرة .. تغمدني برحمة منك ، فأنت أعلم بي من نفسي ..

ونفسي قد أشقتني حين أبعدتني عنك .. فتولني بلطفك ، ولا تكلني إلى نفسي

طرفة عين ..


   

اقتباس

حاسة رح تصير خناقة مشان كلمة "بخير"

كلمة وبتنقال يا جماعة.....!!!!

حاجة لسا الكل واقف لبعضو على الكلمة

مافي خناقة و لا شي

الكل بحترم رأي الآخرين

بس انا كنت معصبة شوي....

اقتباس

طيب مسموح نقول "كل سنة وأنتم سالمين" أو "أضحى مبارك" ؟
هي أكثر دقة وتشمل سلامة الشخص بحد ذاته 

الله يسامحك عالسخرية

خلص كل واحد حر كيف بدو يعيد.....

السلام عليكم
                                   
طولو بالكم يا جماعة
                             
ما حدا فينا حاسس بأي سعادة بهالعيد
                                                           
بس ما فينا غير نتمنى لبعض ولإخواتنا بالبلد الخير والسلامة
                                 
ونشالله قرّبت
                                             
وإن ما خربت ما بتعمر

«أربع لا تجوز في الأضاحي: العوراء البين عورها، والعرجاء البين عرجها، والمريضة البين مرضها، والعجفاء التي لا تنقي» يعني التي لا نقي لها لا مخ لها.

..................................................................................

وبالنسبة للمعايدة كلو احد يعيد متل مالو شايف الوضع من ناحيته.

ما بدها أخذ أبعاد أكتر من حجمها.......اسمعوا رأي المعايدة بهديك العبارة من وجهة نظر إنشائية نحوية


((((هذه الجملة خبرية لفظا إنشائية معنى والغرض منها الدعاء (كل عام وأنتم بخير)، والواو هنا تكون واو الحال، أما بدون الواو فهي جملة خبرية تفيد معنى أنهم فعلا بخير ولا تفيد معنى الدعاء ))))

بغض النظر عن دقة التفسير بس تأكدوا لما بتنقال ما حدا قاصد منها قلة وطنية أو أنو مبسوط من يللي عم يصير بس هي دعاء وعبارة "مو غلط" أننا متعودين عليها

ما بالعادة إني شارك بأي نقاش من هالنوع .. بس أنا مع "غولدن بل" .. الفكرة هي انو نحنا تحت ضغوط أو ظروف معينة عم نعيشها كل يوم لأسباب مختلفة أو متشابهة شو مااا كان نوعها ... صايرة عنا عتبة التحسس وأخد الموقف والتدقيق عالكلام كتير منخفضة .. لدرجة انو بدو يصير الواحد يتابع كلامه ويقراه أكتر من مرة خوفاً من كلمة هون ولا هون قد يساء فهمها .... ولهيك هالشي عم يشكّل حمل عالعضو يلي صار بدو يعدّ للمليون قبل ما يكتب إضافة الرد ... 

الله يفرّج .... وصلوا عالنبي (اللهم صل على سيدنا محمد وعلى آله وصحبه وسلم)