مسا الخير جمييييييعااااااااااا
ولك غبت كل هالغيبة ما حدا استفقدلي.. ما قلتو لحالكن هالبنت ملحوشة بالفرشة صار لها مدري كم يوم ما عم تقدر ترفع راسها 
.. لا تصدقو الحمد لله ما فيني شي ....
ولك بلســـــــــــــم
هلأ بخصوص ..
اقتباس
وصديقتي الغالية نانون
تسلميلي يا أحلى رفيقة .. والله المنتدى ما بيسوا شي بدون غلاظتك
وحكياتك الحلوين
بس شو هي
اقتباس
ونانون تعزيل الحيطان والطلعة عالسلالم لأنو هادا اختصاصها
هيك هلأ؟؟ الله يعينك من تلفون بكرة .. لا وما بتحكي كمان.. يعني شو بحياتو ما حدا ساعد أهلو بالتعزيل؟ ضروري الفضايح هلأ؟
وبخصوص سفرتك ... لا تنسي تتعلقي بأستار الكعبة وتدعيلنا
طوق الياسمين... أرقى وأغلى إنسانة بهالمنتدى مع إني ما بعرفك شخصي بس عنجد إنك مميزة بكل شي .. ردودك وأسلوبك بالكلام ومعاملتك اللطيفة المتزنة... بس أنا ما رح قلك ماما.. لساتك صغيرة عهاللقب.. بس شو رأيك بأختي الكبيرة؟ وأحلى أخت.. الله يجزيكي الخير لأنك عم تستحملي غلاظتنا وأسئلتنا...
وأنا بكرة رح بلش الملازمة
يعني مبسوطة لأنو تدربت شوي الصيفية الماضية ولقيتها حلوة كتير بس بدها حفظ... بس بنفس الوقت آكلة هم النزلة والطلعة.. يعني قلة مروة
.. ادعوا لنا بالتيسير
Heartless تعالي اشتغلي معي بالصيدلية.. بعمل لك واسطة عند الصيدلاني
عرض خاص هه ما بيتفوت.. عنجد إذا ما لقيتي صيدلية قوليلي وبعمل جهدي إني ساعدك.. موفقة
رؤى ورنا... وين ما عدنا سمعنا صوتكن؟؟والله الكن وحشة.. ولا ما بتتذكرونا غير بالفحص؟
.. لا عم امزح.. بعرف إني بالبال ..
كيف هالعطلة معكن؟ .. اسمعوا مني.. قضوها بالطول وبالعرض.. ولاحقين عالدورات وهالحكي.. يعني حاليا مارح تفيدكن بشي بالنسبة للسنة التانية.. وإنتو أدرى بمصلحتكن
وسيم.. روح عالمعسكر ولاتنسى تعمل لك شي فصل ناقص.. مو مشان شي بس مشان يحلقوا لك عالصفر..
وأهم شي صور حالك ونزل لنا الصور عالمنتدى الله يرضى عليك.. مشان نشوف شباب الصيدلة وهنن معترين شوي.. حتى ما يتمو العالم يهتونا إنو شباب كليتنا مدللين زيادة.. وخلص منبعتلك الصفيحة والأوزي بشي طريقة ولا يهمك.. يعني إلا ما نلاقي شي واسطة ..
.. هدا مزح هه .. ان شاء الله بالسلامة
نجم.. لا تلزق عند الصيدلاني ولا شي .. لأنو بالسنة الأولى رح تحس حالك فايت بست الاف حيط .. والمواد الفعالة بالدوا رح تلاقيها بتشبه الطلاسم إلا شوي لأنك مو دارس منها شي.. بس ان شاء الله معك معك بيمشي حالك
سلام
إعلان هام لطلاب كلية الصيدلة ( تم تعديل البرنامج النهائي لامتحان ف2 )
مـنـتـدى تـرجـمــة وتـدقـيـق أقــســام الـمـوســـوعـة 
للتواصل مع الهيئة الإدارية في كلية الصيدلة اضغط هنا 
الساحة الجماعية لطلاب الصيدلة (جميع السنوات)
( شفتي أختك رنا شو مسميته قال سنفور معارض 
