[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> المنتديــات الأداريــــة --> سلة المواضيع المكررة
    ما حدا مرتاح ....عطونا حل
عنوان البريد :  
كلمة المرور :  
                    تسجيل جـديد


.ما حدا مرتاح ....عطونا حل


metalllicazoom

جامعـي مبـدعـ





مسجل منذ: 19-12-2008
عدد المشاركات: 300
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

ما حدا مرتاح ....عطونا حل

10-06-2009 04:34 PM






شو الحل؟ 

ماحدا مبسوط لا بالبلد ولا برا البلد


شبين من سوريا بالغربة: 

قلو...لك يازلمة يالله شو مشتاق لسوريا وللشام .  يلعن أبو الغربة شو صعبة (الغربة صعبة كتير يابا).. لك مو مصدق ايمتا إنزل إجازة عالشام

رد التاني: لك أخخخخ والله معك حق

  لك تضرب الساعة لي تركت فيها البلد وأجيت .. قال شو...... بدي أمن مستقبلي وأخلص من العسكرية

قلو الأول: لك مافي أحلى من بلدنا .. دخيل ترابا .. ودخيل الزحمة والناس والمشاكل.. تتذكر شو كنا مبسوطين .. كيف كنا كل يوم بالليل
بعد الشغل نروح نأركل بباب توما .. ونعمرها بعدين بشي جبل صنين سلطة  فواكه عند رامز 

رد قلو: ولا الشاورما عند الراعي .. ولا البروستد بالقصور... لك مشتهي فيئ الصبح وحدا يقلي صباح الخير واشرب القهوة معو

لك مافي ناس ما في بشر تحكي معها وتحس فيون ويحسو فيك..

الأول: قهوة شو وصباح شو... لك اذا كان حظي حلو ممكن الهندي اللي قاعد جنبي بالشغل يعبرني ويقلي كياليه (كيفك بالهندي)..... طبعا مع شوية هز بالراس ومابتعرف اذا مبسوط ولا زعلان.. وهاد كلو بعد ساعتين سواقة بالزحمة...

التاني: المصيبة انو 90 بالمية من العالم بالبلد حاسدين الشباب هون .. ولما بتشكي لحدا بتاكول بهدلة على كيفك وبيقولولك أنو أنت نقاق ومو خرج بسط..

قلو الأول: لك خليها لـ الله .. مفكرين انو المغترب ..معمر بيت من دهب.. وعم يكش دبان ...
لك يارجل..لما بنزل على سوريا بتنزل العالم فيني أسئلة : كيف الغربة ..أكيد مبسوط .. اوعى ترجع ها.... بشرفك دبرلي شغل..

ولما بقلون الشغل مو سهل والحياة صعبة كتير.. ماحد بيصدق وبيفكرو أنو مابدي ساعدهون..

التاني: سيدي .. انت نزيل وانبسط والله يمرق هالخمس سنين على خير..

الأول : قولتك رح ينزلو مدة الإغتراب؟

التاني : والله في هيك أشاعة

الأول: والله اذا بتتطلع صح.. إلك أحلى عزيمة عند موفق..  محل مشاوي بالدويلعة

التاني : ياربببببببببببببببببببببببببببببببببب




شبين من سوريا جوا سوريا:


الأول: لك الله يلعن أبو هالعيشة ..ماعاد فيني اتحمل.... زحمة وقرف و شغل بيهوي.. ومافي مصاري..بدي سافر بـأيا طريقة ..بدي روح وشوف الدنيا وانبسط.

التاني: يا أخي نحنا بعمرنا مارح نتطور.. شوف وين صارت البشر .. ونحن وين.. لك شي بيطقق .. ولا أيا شي ممكن يخليك مبسوط .. ماني مرتاح بالشغل أبدا ... مديري يقطع عمرو شو غليظ .. أغلظ من هيك مستحيل تلاقي .. مو شاطر إلا بالنئ...ومابعرف على شو حاطينو مدير ( مجرد نق طبعا متل كل الموظفين على أيا مدير) .. ياسيدي حمار معبا بي بنطلون..

الأول: ولا عنا نحنا.. الشغل بآخر الدنيا .. بدي شي ساعة لتوصل بالسرفيس.. هاد إذا لقيت سرفيس
وياريت راتب متل العالم والناس .. أنا خلص استويت ولازم لاقي شغل وين ما كان  .. يا أخي الحياة هنيك غير بسط ومصاري وسيارات وبنات ... يعني بتعيش حياتك..

التاني: معك حق .. بتقضيلك 5 سنين وبترجع مليونير.. وياسيدي بلا ماترجع بيكون أحسن ..

أنا رفيقي وعدني أنو يدبرلي شغل ويارب تظبط معي 

الأول : أنا مقدم السي في تبعي عالإنترنت ومو مخلي موقع يعتب عليي
ومبارح عملت إنترفيو مع شركة بدبي.. وقال بيردولي خبر هاليومين.. وشو ماعطوني رح اقبل.. لأنو اكيد بيكفي وزيادة..

التاني : الله يوفقك .. ويتخلص من هالعيشة


الأول :آآآآآآآآآآآآآمين.



بالنهاية : شو بدو يحكي الواحد ليحكي . اذا حكا الواحد بيقولو حكا وإذا ما حكا بيقولو ماحكا..... وشو بدو يحكي الواحد ليحكي

_______________________

مودتي .........

METALLICA






أنا إنسان مريض .. إنسان حقود ، إنسان ممقوت . وأظن أن كبدي مريضة إلا أنني، على أي حال، لا أعرف
شيئاً عن مرضي، ولا أعرف ما هي علتي. ولست أستشير طبيباً، كما أنني لم أفعل ذلك قط، رغم أنني أحترم
العقاقير والأطباء، زد على ذلك أنني متعلق بالخرافات إلى الحد الذي يجعلني أحترم العقاقير، ومهما يكن الأمر
(فإنني مثقف إلى حد يكفي ليجعلني لا أصدق الخرافات، إلا أنني أؤمن بها مع ذلك). إن حقدي هو الذي يجعلني
أرفض استشارة أي طبيب، وهذا ما لست أظنكم قادرين على فهمه، في حين إنني أفهمه جيداً. على أنني لا
أستطيع أن أوضح إيضاحاً كافياً من هو الذي أريد إذلاله بحقدي في هذه الحالة، إلا أنني أدرك إدراكاً تاماً أنني لا
أستطيع أن أؤذي الأطباء في شيء بمجرد عدم استشارتهم، بل إنني أعرف جيداً أنني أوذي نفسي بذلك ، لا
شخصاً آخر. على أن ذلك لا يغير شيئاً من حقيقة أن الحقد هو وحده الذي يمنعني من استشارة الأطباء. إن كبدي
مريضة، حسناً – لنذهب إلى الجحيم!                         


أنت غير مسجل لدينا.. يمكنك التسجيل الآن.

مشاركة : 2


حلا1010

عضــو فضـي

سكــــــــــــــ المنتدى ـــــــــــرة



مسجل منذ: 12-11-2008
عدد المشاركات: 1286
تقييمات العضو: 2
المتابعون: 10

غير موجود
اشــترك بالتحديثات
رسالة مستعجلة

رد مشاركة : ما حدا مرتاح ....عطونا حل

11-06-2009 12:49 PM




اكيد كل واحد فينا بس يكو ببلده
بتمنى يطلع منا باي طريقة
بس بيرجع يندم بس يتركها
وهاد الشي غريزو في نفس الانسان
بيحس انه ما في حدا عم يفهمه غير ولاد بلده
واهله وهاد كمان شي اكيد
شكرا على الموضوع الحلو
تقبل مروري
حلوووووووووووووش





ملتقى طلاب جامعة دمشق




أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة