نور الهداية :

يعني أنا إذا نحطيت بهيك موقف بخبر البنت أني معجب فيها و وقت تتحسن ظروفي بخطبها و ما منحكي مع بعض طول هالفترة و إذا في نصيب ماحدا بياخدها مني و على قولة إخواننا المصريين:محدش بياخد مرات حد

العبارة المذكورة أعلاه تنم عن أن الكاتب هو حصراً شب وليس بنت ! ! ! ! ! !  

أما بالنسبة لموانع الإفصاح فهي كثيرة وماأكثرها ولعلي مع عدم المصارحة وسأذكر الأسباب :
 
1- شباب هذا الزمن غير أهل للمسؤلية فالزواج مسؤولية ( يعني مو مزح ولا تسلاية )

2- ردة الفعل غير المتوقعة من الفتاة إن كانت غير سلبية فهي لن تكون من حيث تأثيرها إلا كقنبلة

    مدمرة محال أن ينجو الشاب من تأثيرها ( إلا مارحم ربي . . . . )

3- لنكن صادقين مع أنفسنا :

هكذا قرار ليس بيدكم ( أي الشاب والفتاة ) ولنفرض أن الوفاق تم بينكما وكان المشاعر متبادلة عن

بعد وتم الإفصاح عنها فهل تضمنون أهليكم أن يوافقوا على قراركم ! ! ! ! !

بالنسبة لي فأنا أعتقد أن رفض الأهل لهكذا موضوع لن تقل نسبته عن 85 % ! ! ! ! !

4- رأي شخصي :

ربما يكون أحد أسباب التفكك الأسري هو بعد المبدأ الحواري للخيار بين الأهل و أبنائهم ، بل أعتقد

أن السواد العظم من العائلات يرفضون رفضاً باتاً أن يختار الشاب شريكة حياته لأسباب سأذكرها :

                    أ- حجة عدم معرفتهم بالبنت وعائلتها و و و و و و

                  ب-رغبة الأهل بأن تكون زوجة المستقبل لإبنهم هي من اختيارهم فيبقى ولائها لهم ! ! ! !

                  ج-المواصفات التي يتطلبها الأهل لزوجة إبنهم لا تنطبق على الفتاة المختارة من قبل ابنهم

                    د-ظن الأهل أن هذه الفتاة تلعب على إبنهم لتوقعه بشرك الزواج ( سبحان الله ! ! ! !)

والعديد العديد من الأسباب التي قد نتوقف عند بعضها ولكن :

أنا برأيي كل شاب أدى بأهلوا فلا يورط بنات العالم معو . . . . . . . . . يعني إذا بيعرف إنوا أهلوا مارح

يوافقوا فأحسلوا ينسى أو يتناسى الموضوع وبيعينوا ألله . . . . . . . . .

تقبلوا تحياتي :             م.عبد الرزاق

                                                                   

أنا معك أختي بكل كلمة
هي هي الطريقة الصحيحة للتعارف

يعني يكون كل شي عالمكشوف وبالحلال
مو يكون حب من فوق الأساطيح

ومنشان قصة الماديات
ما بظن انو كل أهالي البنات بيفكرو بنفس الطريقة
وما بظن انو كل الأهالي بيشوفو بنتن سلعة بتنباع لأكتر واحد بيدفع

الاخلاق والدين أهم من أي شي

يعني ازا كان الشب معجب بالبنت و مقتنع انو هي اللي بدو يرتبط فيها
بيقدر يحكي مع اهلها
عالأقل انو تبقى لحد ما يصير قادر انو يتزوج ويفتح بيت
وازا كانت نيته صادقة والبنت من نصيبو الله بيوفقو

شكراً للكل و بدون أي استثناء حتى اللي هاجموني بقوة..بس فعلاً متل ما قال سيدنا محمد عليه الصلاة و السلام:(اختلاف أمتي رحمة) و أنا من اختلاف وجهة نظركم غيرت رأيي إنو عدم المصارحة أفضل لإنو فعلاً ماحدا ضامن إنو ما تتطور الأمور و تتجه نحو الحرام بلحظة ضعف إيمان متل ما خبرنا رسولنا الكريم إنو الإيمان يزيدو ينقص...
بس بصراحة اللي خلاني نزل هالموضوع إنو سمعت قصة عن شب زعلتني كتير و اختصارها إنو علق حالو ببت كزا سنة و بعدين تفاجأ برد جداً قاسي و أكيد بظن إنو تعب نفسياً كتير..
و مشان نختم الموضوع أنا بطلب من كل الشباب و حتى البنات إنو ما يتعلقوا بحدا و الخسارة بهيك قصص مالها نهاية الكون(سميتها خسارة تجاوزاً لإنو المفروض يكون عنا قناعة إنو أمر المؤمن كلو خير) و بالنهاية الحب و الزواج هو وسيلة لغاية و ليس هو الغاية....