شكرا كتير اخ الجراح عل المباردة الجميلة
بس انا كنت بالفئة الرابعة وتحديدا يتجربة النابض ومالاحظت حداجديد
عفوا ماعم كذبك بس يمكن ماحضرت بفئتنا
   

الفئة الرابعة كانت من الساعة 11 للساعة 2 صح ؟؟

هيك حكالي الدكتور سقراط ..

انا ما حكيت انه اجيت على وقت الفئة الرابعة ..

و انا اجيت بوقت الفئة اللي قبلكن ..

كانت الفئة التانية .. على ما أتذكر ..

كيفكون يا جماعة ......

هي إضافات الدكتور بمحاضرة مبارح ......( الملف المرفق )

والمرفق التاني هو حل لتطبيقين مو مكملين حلهن بالكتاب ......

ويا ريت إزا في أي ملاحظة تخبروني ........


ملاحظة : حطيت طريقة حساب الارتياب لتجربة النواس بالتجربة نفسها

شو شباب...
ليش ماعد حكا تجاربو..؟؟!!! 

كوكي و رؤى

ساويتو تجربة الحركة الهتزازية التوافقية ..؟؟؟؟ 

يا ريت تشرحولنا عنها وكيف نحسب الارتياب


الله يعطيكن ألف عافية... 



وسيم

التجربة الثانية : الحركة الاهتزازية التوافقية
اتفضلوا حملوها من المرفق
المرفق الأول لمستخدمي word97-2003
اما المرفق الثاني لمستخدمي word2007

انتظرونا في جديدنا



نرجو منكم الدعاء
والله ولي التوفيق

اقتباس

التجربة الثانية : الحركة الاهتزازية التوافقية
اتفضلوا حملوها من المرفق

لاحظت في الملف المرفق .. أن حساب الإرتياب لم يتم توضيحه بشك فيزيائي سليم .. و إنما وضعت العلاقات الرياضية فقط ..

أود أن أسألكم ..

ما هي مصادر الإرتياب "الخطأ في القياس" أو بالأحرى (من يأتي الإرتياب في هذه التجربة) ؟؟

والله يااخ الجراح هادا اللي فهمتوا واستوعبتوا
الظاهر اطلعت قليلت فهم ومافهمت سؤالك
ياريت تشرحوا

الله يسامحك ..

البركة فيكي والله .. بس يمكن انا لساني غليظ شوي ..

يعني .. الإرتياب هو بكل بساطة الخطأ في القياس ..

يعني لما نقيس طول .. بيكون في نسبة خطأ .. هي اسمها الإرتياب ..

طيب هو نحنا عم نقيس شو بالضبط بالتجربة ؟؟
الجواب هو ثابت الصلابة .. أو "الجساءة" ما بعرف مين أول فصيح ترجمها بهالشكل .. بس إزا لقيتو حدا عم يحكي الثابت الجساءة فهو نفس ثابت الصلابة و ليس ابن عمو ..

طيب هل هناك جاهز بنحط الجسم عليه بيقوم بيقيس ثابت الصلابة .. أكيد لأ ..

معناها بدنا نقيسه بدلالة متحولات أخرى احنا بنقيسها بادوات بسيطة مثل المسطرة و الساعة .. بس في خطأ مرتكب بالقياس "بقياس الطول و قياس الزمن" .. و بالتالي في خطأ بحساب ثابت الصلابة ..

ما بعرف إزا الفكرة صارت واضحة ..

اخ الجراح الفكرة واضحة جدا
بس الفكرة انت سألت السؤال من شان  نجاوبه من باب التسميع او الفهم مثلا او التعليق عل المرفق
   

هلأ هون ما في تسميع .. أكيد ..

و إنما من باب تعميق الفهم .. و التعليق على المرفق ..

المرفق حلو و ممتاز .. و بيوضح التجربة و طريقة إجراءها بشكل جيد ..

و لكن متل ما بتعرفو الفيزيائيين نقاقين و كتيرين غلبة .. بيحبو يغوصو بكل شي ..

الإرتياب يا جماعة الخير مو علاقة رياضيات .. الإرتياب هو مفهوم فيزيائي عميق جدًا .. و هو بسيط بنفس الوقت و مختصره "الخطأ في نتيجة التجربة" ..

هاد اللي حاولت وصله ..