رنا

أول  شي محور السينات بعبر عن تقسيمات المسطرة الموجودة بالعدسة العينية

يلي منطلع فيها

و بما أنو أصغر تقسيمة فيها 0,1 فبكون الارتياب هو بمقدار نصف أصغر تدريجة

يعني 0,05



بعدين على محور السينات إذا كنتو معتبيرين  التقسيمة الوحدة يعني من

الـ 0  إلى الـ 1  بتساوي 25 مربع صغير

معناها 0,1 بتساوي 2,5 مربع صغير

و الـ 0,05 بتساوي 1,25  مربع صغير ( و هو الارتياب )





بعدين منختار قيمة لا علىالتعين من محور السينات

و مناخد 1,25 مربع صغير قبلها و 1,25 مربع صغير بعدها

و منسقط على المنحني البياني

هدول القيمتين


بيقوم بيطلع معنا نقطتين على المنحني البياني

منوجد مساقطن على محور العينات

و مناخد المسافة بيناتن و بنقسمها على 2




و هادا هو الارتياب


إن شاء الله تكون الفكرة وصلت ....؟؟!!!!!



( الارتياب بنحسبو لقيمة لا على التعين لتوفير الوقت

مع العلم أنو لكل قيمة من محور السينات حيكون ألها قيمة مختلفة

من الارتياب لأنو شكل الخط البياني منحني و ليس مستقيم )

السلام عليكم

اليوم كان عنا امتحان عملي فيزياء

وكان

كتااااااااااااااابي

والاسئلة بالمرفق

الحمد لله الاسئلة كانت معقولة

   

يا جماعة شبو مثلث باسكال والله كتير حلو  . رح اشرحلكن شو فهمت منو.
هلق لما منكون عم ندرس الطيف لشي ذرة كربون بنعد كم بروتون مجاور عم يأثر عليها و بناء عليه منختار الصف يعني إذا كان في 5 منختار الصف الخامس .
بعدين بالصف 5 في عنا أرقام 15101051 كل رقم منهن بيمثل ارتفاع ال pick يلي بدنا نرسمها .
يعني في عنا سداسية يعني 6 pick .
(هادا المثال موجودب  بروبيل البنزن)

و المثلث يا جماعة هام للفحص لأنو الواحد ما معو وقت يعد يحسب احتمالات و خصوصي لما بيكون في شي 6 بروتونات


ان شاء الله تكون الفكرة وضحت   و إزا في شي تاني وسيم اكتب السؤال هون و بجاوبك باللي بقدر عليه



                                موفقين جميعا و لاتنسونا من صالح دعائكم

إذا ممكن سؤال ! لأنو هالمادة حتجبلي الجلطة:
هلأ أول سطر بالمثلث يعني يلي مكتوب فيه بس الرقم 1 يعني إنو ما في بروتونات مجاورة..؟؟؟
يعني الله يسترنا ونرفع هالمادة وما تضل تبقانتنا شي خمس سنين وشكرأ كتير وآسفة عالإزعاج

و الله يا ياسمين

بدك تسألي سيلر مون لأنها هي يلي بتعرف



بس بما أنها غاطة و ما مبينة فرح جاوب أنا




أي بيكون أول سطر اسمو ( السطر صفر )

( و هو يلي بيتألف من رقم واحد هو 1 )

يعني لما ما بيكون في و لا بروتون مجاور



و السطر التاني هو ( السطر الأول ) يعني لما بيكون

في بروتون واحد و بيتألف هادا السطر من عددين هنن

( 1-1 )

السلام عليكم

استفسار سريع

زملائي و أصدقائي شلة الصيدلة سنة أولى ..

أول شي كيف الإمتحانات معكم ؟؟

و تاني شي .. علاماتكم الفيزياء بالعملي كيف طلعت ؟؟

وسيم .. بتسلم عليك الآنسة لمى و بتقلك شد حيلك يا أحسن طالب بالفئة ..

سلام

اخ الجراح :

والله الامتحانات كلها مشيت وهلأ علقانين عند العضوية


يمكن بس انا الكسلانة

مابعرف يمكن غير اشطر وراكد بهالمادة  وموفارقة معو

===========

والله بالنسبة لعلامات العملي

فكانت بالنسبة للبعض

وللبعض الآخر 


بالنسبة لي راضية عنها والحمد لله

مشكور .........

بالتوفيق

   

ميييييييين؟؟؟ 

أخي وحبيبي أحلى جراح بالبلد كلا هون...؟؟!!! 

يا هلا و غلا حبيب قلبي... 

نورت الموضوع والصيدلة كلا.... 

و الله الفيزيا عنا بتجنن...

يعني توقعنا علامات قليلة بس الحمد لله علامات كانت فوق فوق... 

أنا من جهتي جبت 27 ...

و الحمد لله كنت متوقع أحسن...

و سلملي كتييييييييييير عالآنسة لما ...

طب كانت ترفعلي كم علامة و جد أنا كنت أحسن طالب بالفئة لأني بعشق الفيزيا و أنت بتعرف...


أحلى جراح...