مرحبا شباب و صبايا


هي فتحت موضوع مستقل حسب افتراحكون و سميتو بناء على اقتراح طوق الياسمين


يا ما بدكون بطول السيرة بس حابب وضح للي ما بيعرف
هالموضوع رح يكون بس لأني حط بعض المصطلحات الصيدلانية الي بتمر معي بمادة الأدوية لأنو صعبة عليي و انا قلت من قبل اني بدرس طب بشري بحلب



اي بدي حط هلا كم سؤال و إن شاء الله ما تقل عليكون

==============================================


هلا  مر معي بأول محاضرة عن الأدوية و اشكالها الصيدلانية و التداخلات

و في فقرة اسمها  تداخل المواد الغذائية مع السواغات للادوية

1-شو يعني سواغات




2- معلق الكاؤولين - البكتين مؤلف من مواد مازه

شو يعني مواد مازه ؟



3-شو الفرق بين الامتصاص و الأدمصاص

انا فهمت انو الأمتصاص للماء و الأدمصاص بس لكل مادة تقيلة متل دسم

صحيح هالشي؟


3- يستعمل دواء الفلوكسيتين  لعلاج  الهمود و الوسواس القسري؟

شو هي همود!

و شو هاد وسواس قسري  بنعرف الوسواس بس قسري كيف صارت ؟



4- شو يعني انو المهدئ " ديازبيام" مع اي دواء اخر يشكل حثيرات و تحوصب!

مافهمت عالكلمتين

==============================================

حاليا هي الأسئلة .......و لسه هي مادرست غير محاضرتين ههه يعني الخير لقدام إن شاء الله






بس حابب قول بنهاية الموضوع لصديقنا وسيم انا لاحظت نص المنتدى تذمر منو ههه من كلية الصيدلة

بقلو هي انا قدامك و ندمان ليش ما فتت صيدلة عنجد

" يعني باختصار كلنا ما بننعطى وش ههه" صدقني ما حدا بتعجبوا حالتو |


من بعد ما شفت دكتور الأدوية و اديشو افهم دكتور بالكلية كلها و بيفهم بكل مجالات و اخنصاصات الطب

جد ندمان ليش مافتت صيدلة مع انو طموحي ماكان هون ابداً بالبكالوريا ههه و كنت ناوي عالعمارة و خالص  بس سبحان مغير الأحوال 




ويعطيكيون ألف عافية سلفاً 

بسم الله الرحمن الرحيم
الأخ الكريم أسمر
رح ساعدك حسب معلوماتي المتواضعة
1-شو يعني سواغات
تعني كل مادة تدخل في تركيب الشكل الصيدلاني باستثناء المادة الفعالة
مثلاً ملونات ..منكهات.. محليات ...عوامل رابطة....الخ
شو يعني مواد مازه ؟
عندما يكون لدينا سوائل نحتاج لادخالها إلى الشكل الصيدلاني نحمل هذا السائل على مواد مازة  والكاؤلان والبكتين من المواد المازة
مثلاً لدينا منكه بشكل سائل زيتي نريد ادخاله إلى أقراص مص نستعمل مادة مازة تثبت عليها السائل الزيتي ثم ندخله إلى الشكل الصيدلاني
ات شاء الله تكون فهمت عليي
3-شو الفرق بين الامتصاص و الأدمصاص
حسب ما أعرف أن الامتصاص للسوائل والادمصاص للأجسام الصلبة بس مو متأكدة
3- يستعمل دواء الفلوكسيتين لعلاج الهمود و الوسواس القسري؟

ما عندي فكرة
بتمنى من الأخت طوق الياسمين تفيدنا
- شو يعني انو المهدئ " ديازبيام" مع اي دواء اخر يشكل حثيرات و تحوصب!
تحوصب تعني تكتل
بس معنى كل الجملة ؟؟  
ما بعرف

أنا أفدتك بقدر ما أستطيع وإذا في استفسارات ثانية لاتتردد
   

حسب معلوماتي المتواضعة..........

سواغ يعني المواد الأخرى يلي بتشكل مع المادة الدوائية الفعالة الشكل الصيدلاني النهائي

السؤال التاني ...المادة اسمها الكاؤولان و ليس الكاؤولين.. و معنى مازة اي ادمصاصية (ادمزاز = ادمصاص )
امتصاص يعني المادة تمتص و الادمصاص يعني المادة بتتحمل (يعني بتصير محمولة ) على سطح المادة الصلبة و نستفيد من هذه الخاصة بالفصل و الاستخلاص........

انا هاد اللي بعرفو و باقي سؤالين ممكن طلاب السنة 3 و 4  يفيدوك أكتر

سلام

السلام عليكم
أنا كنت قد شاركت بالموضوع وأجبت على استفسارات أسمر بس ما بعرف وين راحت المشاركة ........
على كل حال
أخ زيد مشان مصدر المعلومات.........
تعريف السواغات والحثيرات والتحوصب من صيدلانيات1 وتكنو1
أما معنى الامتزازو الامتصاص والادمصاص فمن موسوعة وكبيديا.........
أما معنى الوسواس القهري والهمود فمن محاضرات الطب النفسي لطلاب الطب سنة خامسة.........
أخ أسمر إذا كنت ما وجدت إجابات أستفساراتك خبرني حتى ارجع جاوب عليهن
سلام

لك يسلمواااااا ايديكون يا رب


اخخخ هلا انا دخلت للبيت و صرلي 24ساعة مو نايم لأنو كان عنا رحلة الكلية للاذقية و كسب و هالمناطق حوالي اللاذقية  جد انبسطنا كتير و 24 ساعة ما وقفنا غنى و رقص نكت و مزح


ان شاء الله بتطلعوا رحلة انتوا كمان و تغيروا شكل مشان تشحنوا طاقة للدرس لأنو جد بس بتنبسط هيك لدرجة كبيرة  بيصير ما يعود عندك حجة لتقصر بدراستك

و كمان انتو بحاجة لرحلة مشان تطلعوا من الحكي بقصة الأنكليزي تبع السنة التانية و النتائج


قلكون شي هههه اليوم بالباص قصدي مبارح يعني

قال بالباص عملنا فريقين لنتسابق اغاني و نكت و هيك قصص

قام اقترحوا البنات انو نعمل مسابقة بمادة الأدوية و المنهاج

لك اتخيلو  رحلة و بدون يدرسوا

بس ما تخافوا  قمعنا هالرأي بأغلبية ساحقة

يييي طولت عليكون و طلعت عن الموضوع الأساسي

اي بخصوص الردود  thanks X 99999999999999999


sweetlife

شكراً إلك ما قصرتي ة بخصوص مواد مازه وصلت فكرتك 


لموش
شكراً لتوضيحك ....و بخصوص الأمتصاص و الأدمصاص بتوقع كلام هوه الازبط مع احترامي للكل


و بخصوص الكاؤولين  نحنا هيك بنسميه و ورد اكتر من مرة بالمحاضرات و ماممكن يكون خطأ

بس ستي .......طنشي لأنو ع كل بدنا ندرس الأسماء بالأنكليزي و نقراها بالأنكليزي بالأخير  لأنو      المشكلة بس مشكلة تعريب و وجهة نظر

ههه هلا ذكرتيني  باسم شركة الgoogle  قال  عربوها نظامي بسبب كتير انتشارها في الوطن العربي هالكلمة  فعملوها "قوقل" ههه  


نينو
شكراً كتير عالمراجع    بس باينتك خبيرة


طوق الياسمين

شكرأ إلك كمان كتير كتير كتير لأنو وضحتيلي الهمود و الوسواس القسري

بس فيكي تقوليلي شو الفرق بيتن الوسواس و الوسواس القهري؟

لازم يكون في فرق ما ؟


و ع فكرة اسمك بيجنن  لأنو اسم غنية لماجدة الرومي و هالغنية جد بتجنن و هيه بقائمة المفضلة عندي ع طول

بس  بدي اسأل  كمان عن شغلة

شو يعني  ( امبولات )

الأخ أسمر
محاليل الحقن (يعني الابر) تعطى للمريض بأحد شكلين
إما أمبولة يعني بيكون سائل جاهز للحقن موضوع في عبوة زجاجية مدببة الرأس يكسر رأسها ثم يدخل فيها السيرنغ وتحقن
أو فيال تكون على شكل عبوة في رأسها غطاء مطاطي تحل قبل الحقن
إن شاء الله تكون فهمت عليي
   

آسف أخي أسمر لأني طولت بالرد

بس والله هلأ لحتا قريت موضوعك...

و مشاني...

يا ريت تفوت على موضوع الناقم على الصيدلة تبعي

وتقرا كل الردود و المشاكل يللي صارت بتعرف السبب

و هلأ نحنا مالنا بصدد فتح ملفات قديمة

وموضوعك كتير حلو ومفيد و مو ناقصو وجع راس

بس حبيت فهمك وضعي



شكراً الك صديقي