طبعاً يمكن شوي عنوان غريب....
بس هو بالحقيقة خاطرة مرت في ذهني يمكن يكون فيها شوية حكمة
في مرة من المرات لما كنت واقف الصبح عم استنى شي سرفيس (يرموك مزة اوتستراد)
(طبعاً مشان اركب عالواقف لأنو مستحيل تلاقي كرسي فاضي) 
وشفت منظر الناس يللي كلون عم يستنوا بفارغ الصبر وكأنو جاية من الفضاء الخارجي
وخاصة لما يفتح الباب.....يا لطيف ألطف................ 
كتلة بشرية تتزاحم أمامه محاولة الدخول من الشبابيك ...... 
لكن خطر في بالي
أنو كل واحد بها الحياة ألو جهة سير هو عرفان لوين رايح...
يعني يللي لح يركب بهالمكرو العجيب
أكيد لح يكون رايح عالمزة أو اليرموك أو.....ألخ
طيب ما تتصوروا معي أنو في بالحياة سرفيسين غير مرئيين؟؟؟؟
وكل واحد منا عم يركبهن وهو عرفان ومو حاسس؟؟؟
السرفيس الأول : الآخرة....القبر....الجنة
السرفيس الثاني : الدنيا....القبر...النار
فمن ركب في السرفيس الأول يكون قد اختار الآخرة على الدنيا...فلا شهوات ولا معاصي....
طاعة فطاعة....وطبعاً سيوصله السرفيس لنهاية الخط......الجنة (برحمة الله)
و أما من ركب في الثاني(لاحظ أن الركوب بالاختيار) فأيضاً سيوصله السرفيس لنهاية الخط......والعياذ بالله!!!!!
ألا تلاحظون أن كلا السرفيسين سيتقاطعان عند مكان واحد؟؟؟
القبر.....لا مفر منه.
لكن تبقى البداية هي الاختيار......
فأي السرفيسين ستختار؟؟؟؟؟؟



شكراً يا
يرموك-مزة-اوتستراد.




أخوكم وسيم 

والله أنا بفضل مزة جبل ....... (عم بمزح طبعا )

طبعا الكل رح يجاوب : السرفيس الأول

بس المشكلة إزا طلع الواحد بالسرفيس التاني

ومفكر حالو طالع بالأول ومالو عرفان إنو ماشي بالطريق الغلط ...

على كلن الله يجعلنا من جماعة السرفيس الأول جميعا ...........

شكرا ع الخاطرة .........

شكرا وسيم علموضوع

والله يجيرنا ويجعلنا من الفائزين بجنانه

ونشالله تكون بدايتنا واختيارنا صحيح حتى نوصل

يسعدني أخ وسيم أن أكون أول المعلقين على موضوعك المميز
برأيي أنه لا يمكن للانسان أن يختار الآخرة ويترك الدنيا أو العكس بل إن الانسان المسلم عليه أن يجعل من الدنيا طريقاً يوصله للآخرة
وأن يستغل كل نعم الله عزوجل التي أنعمها عليه في سبيل ارضائه
وأن تكون الدنيا في يده لا في قلبه
وبالنسبة لي أحب المقولة
اعمل لدنياك كأنك ستعيش أبداً واعمل لآخرتك كأنك ستموت غداً
تقبل مروري
   

كوكي
فعلاً مشكلة...
أنو يكون واحد ماشي بالطريق الغلط وهو مفكر حالو صح...
(قل هل ننبأكم بالأخسرين أعمالا.الذين ضل سعيهم في الحياة الدنيا وهم يحسبون أنهم يحسنون صنعا)
شكراً على اللفتة...

sweetlife
أكيد
ولا تنسى نصيبك من الدنيا
و القول يللي ذكرتيه يكتب بماء الذهب...


حلا
شكراً عالمرور..




وسيم

لفضل السرفيس الاول والله يجيرنا من السرفيس الثاني انا متأكد انو السرفيس التاني من دون نمرة

عم امزح شكرا اخي وسيموووووووووووووووو

          السلام عليكم

شكرا الك اخي وسيم وجزاك الله كل خير......... ان شاء الله نكون من

السائرين في طريق الجنة ....... أمين يا رب العالمين....

    والسلام عليكم

شكراً لكم اخوتي على الردود

بس في مشكلة بالمنتدى

أنو الردود على هذا الموضوع وعلى مواضيع أخرى (بسبب خطأ فني)
تنزل على الرابط :
http://www.jam3h.co.cc/art23214-2.html
فيللي بيحب يشوف مشاركتو
أو يشارك عن جديد في هذا الموضوع
ينزل رد هون ، ويروح بعدين يشوف مشاركتو هنيك....

ملاحظة:
لا تضغطوا على الرابط مباشرة....
بل اعملوا نسخ و لصق ....
يعني انسخوا الرابط على ملف وورد خارجي بعدين انقلوا على مكان العناوين
تبع الانترنت.....
بس والله شي غريب !!!!!!!!!!!


هكذا أخبرني المشرف Y4$$3R N3T

وشكرأ

.......
كما تفضل الأخ سويت لايف:

هذه أفضل مقولة تقال :

اعمل لدنياك كأنك ستعيش أبداً واعمل لآخرتك كأنك ستموت غداً

واجعل الدنيا في يدك لا في قلبك ......

وان شا الله من كون نحن وانتو من ركاب الباص الأول ......ز


............  يا رب أدخلنا الجنة برحمتك .........