انا مبسوطة بئطع الكهربا !!!!! شوي مو كتير

مشاركة : 21

manaal

جامعـي مشــارك

مسجل منذ: 05-08-2008
عدد المشاركات: 38
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

10فوائد ل قطع الكهرباء

04-03-2009 02:31 AM

مرحبا يا جماعة
بالنسبة ئلي بوافق ديما الرأي!!
أنا بفرح وقتلي بيطفو الكهربا
شلون

بتقوى النجوم بالسماء وأنا شايفة المنظر الحقيقي المذهل النادر للنجوم بالريف نسبيا-بعيدا عن أماكن التلوث الضوئي-وقت مرة كنا برحلة بالليل وانطفت الكهربا بالمنطقة كلها و كنا مغمقين لجوا في أحضان الطبيعة وما عدنا عرفنا شلون بدنا نرجع وتمسكنا ببعض ومشينا على مهلنا ووقتها ما عدت عرفت شو بدي قول انعقد لساني وصرت اتشركل وأنا ماشية وانسطلت بالسماء وقلت سبحان الله وصارت أمي تسوقني متل العميان بعيد الشر وتقول اي بعرف ئنو حلو فهمنا اطلعي ادامك
كان في نهر المجرة=نهر نجوم ماشي بنص السماء و12دائرة/بقعة/تجمع نجوم كثيفة والنجوم مضيئة و كبيرة ولماعة ولها ألوان عديدة وشهب كثيرة ولون السماء مو متل ما منشوفو عادة أسود بل نيلي وحول النجوم نيلي فاتح

بيسترزقو أطباء العينية

مشان نتذكر جيراننا وأهلنا المنكوبين بالقطاع المحاصر ونتضامن معهون الله يعينهم على عدونا المشترك اللي الله يجعل كيدو بنحرو

برتاح من التلفزيون وكلو بينعاد

برتاح من:ليش هي القناة رقمها كذا تعي حطيها هون لزق هي المحطة،ليش هي القناة رايحة شوفي ترددها الجديد عالنت(توليف الديجيتال)

بصير هدوء على حين غرة بس شوي لئنو جيراننا بدقو عالدربكة(حصة رقص مدتها ساعة تقريبا)

بركد بضبضب بالبيت

محتمل كمان جلسة تأمل وتفكر،استراحة وراحة ونوم على الطراحة واكل تفاحة
بعمل يوغا وبفكر شو لازم ساوي

منحكي عن مغامراتنا وتاريخ العيلة

بتقل قيمة فاتورة الكهربا

مشان يتربو العالم بالطريقة الصعبة وما يشغلو كل شي سوا

منفكر أجدادنا شلون عاشو

شعب لبنان الشقيق أكتر شعب رومانسي بالعالم من كتر ما بيعدو ع ضوء الشموع

charity's sweet
تشاركنا لقمتنا البسيطة المتواضعة وقت صارو على فترة يعطو(يبيعو ) لبنان_جارة الوادي حيث عم ينتفو بعض_كهربا ع حسابنا(تقنين بسبب محدودية قدرات بلدنا الغالي)

يعني أكتر من 10فوائد

***
thoughts&ideas
بالنسبة لمشروع الاشتراك بمصدر واحد أو أكثر لتوحيد التزود بالطاقة الكهربائية بيننا و بين الجيران بالمنطقة وخاصة تركيا
لأ
لئنو رح تصير وسيلة للضغط علينا،رح يصير فينا متل مصر و النيل منبعه مو من عندون و اسرائيل تحث الدول عند منبعه ئنو تتحكم فيه بواسطة السدود لتحرم مصر منو،مشان هيك عم يفكرو بتحلية مياه البحر،هاد غير مشاكل التلوث(أذى مقصود)،قال يعني ما بكفي اسرائيل الها 10بالمية من أي منتج مصري(يعني عايشين ع أكتافنا)
the devil u know's better than the devil u don't
ويل لأمة تأكل مما لا تزرع وتلبس مما لا تصنع(اتكاليةdependent)
مكمن قوة جارنا الفارسي(ايران)اعتمادهم على أنفسهم+عملهم الدؤوب ليتقدمو ويواكبو ركب الحضارة=ما حك جلدك متل ظفرك

اذا كان امتحان،عنا ضوء شاحن مو مشكلة

ممكن حط راسي ونام اذا مكسور عليّ نوم وكان اخر السهرة،نام بكير وفيق بكير وشوف الصحة كيف بتصير،السهر ضار بالصحة=الساعة البيولوجية للانسان

نحن ببلد من بلدان العالم التالت
طالما الوضع هيك دائما=عوجا،ليش ما نتعود ونفكر بالفوائد
القناعة كنز لا يفنى
ارضى بالنصيب-أبو وديع-
المنحوس منحوس ولو علقو ع راسو الفانوس
اللي ما ئلو حظ لا يتعب ولا يشقى

تدبيرات وتكيف مع انقطاع الكهربا
بالشتا مشان التدفئة،الشغلة شغلة عادة،وكوني رافضية وantisocial بلبس 4 كنزات وغرفتي بضل فيها عادي رغم أنها منشأ التيارات القطبية لأنها غربية بالصيف حريق وبالشتا غريق،وبعدين السنة الماضية أنا صوتت لصالح الغاء صوبية المازوت في بيتنا،في كتير عالم ربيو وكبرو بلا صوبيا بتدفئة رفع عتب عالكهربا والغاز مو هالشغلة العظيمة كلو وهم،والصراحة راحة معون حق لئنو يتلفلف الواحد بالبطانية ولا تنفض الصوبيا متل ما صار مع رفيئتي بالامتحان ولا نضطر نعمل تعزيلة وقائية للمدخنة كل صيف
درس جغرافيا:نحن مو بروسيا و لا بالقطب متل شعب الأسكيمو،بلادنا معتدلة و الدنيا جاية على شوب الله يجيرنا من الاحتباس الحراري،خلص الشتا ولسا ما بلش ،الكوانين اجت متل الربيع و أمطار شباط عوضت شوي كئنو الشتا عم يزحل بس على كل حال ما بيوصل الشتا لنص المعدل المفترض متل ما صار السنة الماضية،ومتل مناطق خط الاستواء المطر بيشتي على مدار السنة(معئولة تشتي ب اب-وائل كفوري).على كلّ الله يبعت الخير
وبالصيف بالبيت ببل الروب بعصرو و بلبسو،من هي الناحية منيح اللي دمي بارد الى حد ما،هاد الشي كمان بيعطي جلادة عالدراسة

by the way here's a joke(حفر وتنزيل)
كان في 3أشخاص أمريكي و أفريقي و عربي ومذيع سأل التلاتة نفس السؤال شو رأيك بطفي الكهربا؟ الأمريكي:ليش الكهربا بتنطفا؟!!الأفريقي:شو يعني هاد ال كهربا؟!العربي:شو يعني كلمة شو رأيك؟؟

في مرة كان الصابون ع وشي والكهربا انقطعت فتحت عيوني ما شفت شي سواد وأهلي مكملين حكي بالسيرة عادي فكرت حالي ما عدت شفت لاقدر الله بعدين اجت ماما:الكبريت عالشباك محطوط والشمعة عالمغسلة،وقتها عرفت ليش قبل لحظة قالو الجيران هييي

I wish the very best for all of U,guys

المرفقـات :

adorable_stars__.jpg التحميل (82) (176 KB)

« عرض آخر مواضيع العضو »

لم أعرف أبداً أنّ الدمع هو الإنسان..أنَّ الانسانَ بلا حزنٍ ذكرى انسان

يقولون أن الدهر يومان كله فيوم محبات ويوم مكاره
ما صدقوا فالدهر يوم محبة وأيام مكروه كثير البدائه

ذو العقل يشقى في النعيم بعقله و أخو الجهالة في الشقاوة ينعمُ

أنت غير مسجل لدينا.. يمكنك التسجيل الآن.