مسا الخير للكل :
ما كنت اعرف انو اجى وقتي للاعتراف و التحميص .. 
و مين مبلش فية ( بائع الكبريت )
اقتباس
مرام .......انسانة راقية تعرف حدود النفس الا قليل
ما فهمتها هاي الا قليل بس عالعموم شكرا
اقتباس
حساسة كتير هيك بحسها ..........متواضعة ......ولكن عندها اشياء خفية بتحب تحتفظ فيها لنفسها
حساسة شيء طبيعي لاني بنت
.. و متواضعة بيجوز .. اما بالنسبة للاشياء الخفية فأكيد الكل زيي مش بس انا
اقتباس
قليلة الثقة بالا خرين بس مو كتير يعني شوي بس
بحب اصلح الجملة .. كنت قليلة الثقة بالاخرين .. و هلا نعدمت الثقة ؟
اقتباس
بس عندها سرعة بالحكم على الاشخاص دون النظر بالبواطن وما وراء السطور
هاي معك حق فيها 100% و السبب ما بعرفه اذا هو طيبة او قلة خبرة و غباء مني .
اقتباس
شخصيتها شوي مو كتير غامضة
و الله بحاول اكون غامضة بس للاسف بفشل دايما ..
تعليق رائع و جميل اخي بائع الكبريت .. رغم بعض المغالطات فيه كونك لاتعرفني عن قرب .. لكن اتمنى ان اكون وضحت بعضا من جوانب شخصيتي
......................................................................
الان سأجيب عن الاسئلة .. أعانني الله عليها
بسم الله الرحمن الرحيم
! وين بتلاقي مرام الحقيقية
بلاقي مرام بكتير اشياء .. بالفقرا بالاطفال الايتام .. بلاقيها بالمظلومين . بلاقيها بالفشلة .. بلاقيها بالام و الاب ... بلاقيها بالغربة .. رغم اني ما عشت ولا وحدة من هدول الاشيا الا اني بحس فيهم و بعتبر نفسي منهم .. لهيك دايما مستعدة
2 ماذا تعني لك الثقة
الثقة باختصار انك تضع كل حبك و وفائك .. حزنك و فرحك .. اسرارك و تفاصيل حياتك مع شخص يقدر يحافظ عليك و على كل شيء بيخصك .. و وفت تحتاج هاد الشخص بدون ما تناديه تلاقيه يجي لعندك ..
3: اذا خانتك ظروفك يوما ماذا تفعلين
غالبا ما تخونني ظروفي .. فأبحث عن طريق جديد .. و حلم جديد بهدف جديد
4: اذا خانك لسانك وعقلك بتجاه احد الاشخاص كيف يكون التبرير
نادرا ما ابرر لاحد .. اولا اعترف بخطئي و لو بعد فترة .. و لا اترك هذا الشخص الا ان اتأكد انه سامحني من كل قلبه .. ثم ابدا بعد ذلك بتبرير موقفي .. و اعد نفسي ثم اعده بانني لن اخطئ بحقه مرة اخرى ..
5: ما مقياس الاعتراف بالخطأ لديك
مقياس الاعتراف بالخطأ هو بالطبع مدى صدق الانسان مع نفسه و اقتناعه بأنه مخطئ .. لانه قليل يعترف الشخص بغلطه .. فاذا كان الشخص صداق مع نفسه سيكون صادق مع الاخرين و بالتالي سيتجنب الوقوع بالخطا مرة اخرى .
6 : ما هو سبب وجودك في المنتدى
سبب وجودي منذ البداية لا اعرفه بصراحة ... فقد اكون اشتركت بالمنتدى بالصدفة و ربما لا فهذا المنتدى هو محطتي الاولى في الانترنت و تجربتي الثانية في عالم المنتديات .
حاولت مرارا ان اتركه بسبب الهزات الارضية التي تعرضت لها هنا ..
اما عن سبب بقائي فيه فهو رابطة الاخوة التي تجمعني مع الكثير من اعضاء هذا البيت الصغير و السبب الاخر هو شعوري بالمسؤولية تجاه الاشراف و أنني قد اساعد فيه و لو بشيء بسيط
7 احكلنا عن اغرب الشخصيات التي وجدتيها هون بالمنتدى
اغرب شخصيات .. بصراحة هالكلمة كتير مخفية بس انا حقلك .. هلا كلمة شخص غريب الها مدلولين .. مدلول سلبي و مدلول ايجابي
المدلول السلبي ما في داعي اخوض فيه لاني ما بحب اجرح بشخص اي انسان .. بس اكيد كلنا بشر و بنغلط
اما المدلول الايجابي فهو اكيد بلاقيه في نوعين من الاعضاء هون .. اعضاء تركو بصمتهم و رحلو عنا و بتمنى من ربي انهم يرجعو و االنوع التاني هم الاعضاء الي لازلت احتفظ فيهم في كل لحظة بوجودي هون .. راح اذكرلك الاعضاء الي ما بيروحو من بالي نهائيا رغم رحيلهم :..
girl .. nada-star ...eeh..egypt girl .. zooba allord .. اماني .. عبد الله الشيوخ .. محمد عبد الصاحب
8: احكيلنا بدون ذكر اسماء عن اشخاص كرهتي فيهم تصرفاتهم
ما بقدر انتقد تصرف اي شخص .. لانو هيك بكون بتعدى حدودي معه ..خصوصا انه هون احنا بالمنتدى بنتعامل مع شباب واعين مش اطفال او مراهقين
بس طبعا اكتر شيء بيدايقني ببعض الاعضاء هي ظاهرة
القنـــــاع
9: شو يلي دفعك بما انك فلسطينية ومن فلسطين حتى تشاركي هون بالمنتدى
سبق و قلت انه اشتراكي بالمنتدى كان بنوع من الصدفة و لم يكن هناك اي دافع لا قومي و لا غيره وراء انضمامي للاسرة
رغم ان هناك بعض اللحظات اندم على اشتراكي لانني فلسطينية و اشعر كانني غريبة وسطكم و ان وجودي خطأ
و لو اني رأيت ان المنتدى له اي علاقة بفلسطين اعتقد انني لم اكن لاسجل فيه . لان تجربتي الاولى في المنتديات كان في منتدى يحمل اسم فلسطين و هو بعيد كل البعد عن فلسطين و قضيتها ... انما هو فقط متاجرة بالاسم .. تماما كمن يتاجر في القضية لذلك لم اتردد ثانية في الانسحاب منه .. و الحمد لله بعد انسحابي منه تم اختراقه نهائيا
10 :اكتر شخصية حبيتها هون
بدك شخصية و لا شخصيات ؟؟
بما انو انا دبلوماسية فحقول شخصيات كتيرة اخترقت حياتي من هالمنتدى .. بس مـــــــــدى بضل التوأم ...
11: اكتر شخصية حستيها قريبة منك
( مدى .. جودي .. sunset .. بنان ) ما بدي احكي عن شباب عشان الرقابة
12: بشو بتحبي تنصحي المشرفين
بحب اقلهم .. قلدوني و ياريت تصيرو زي هههههههه
لا بمزح طبعا .. بحب اقلهم المسؤولية كبيرة .. واذا بيوم حسيتو انكم مش قد المسؤولية .. اعطو الرايا لحد تاني ولا انكم ما تقومو بواجبكم
13:متى بتحسي انك ما بقى تدخلي للمنتدى
بس تقطع الكهربا ...
اكيد في لحظات بحس بإحباط منه .. بس بثواني بيروح هالشعور و ببرجع زي الوحش تاني
14: لقيتيني غليظ على هيك اسئلة مو وله غليظ على كل الاحوال
اه و الله ... الله يعين الغلاظة عليك .. كانك متأثر بالمحقق كونان صح ههههههه
شكـــــــــــــرا بائع الكبريت .. و اهلا بك من جديد
مشرف تحت الضوء
"
لا ترجعي هون تاني
