مسالخير ,,,, أنا آسفة مو حابة وجعلكن راسكن ...

بس قلبي رح يوقف من كتر مو خايفة من الأدوية ... وصرت حاسبتها شي مليون مرة  ,,, وما عم اقدر ركز بالجراثيم ولا لحق شي ... 

بترجاكن اذا نزلت الأدوية بهاليومين حطولنا خبر عالمنتدى .... لأنو بعتقد بما انو ما الها عملي انو ما تتأخر


وادعولنا جميعا .... من كل قلبكن

يا رب وفقنا ولا تضيعلنا تعب ... يا أرحم الراحمين

مها والله كلنا خايفين من هالمادة
بس شو بدنا نعمل
انا بظن بدها المادة لنهار التلاتا حتى تنزل لانو في كتييييير مواد قبل الادوية لازم تنزل
موفقيييييييييييييييين

 

السلام عليكم

مها.... لا تفكري بالمادة..........نسيها و كأنك ما قدمتيها

بعدين بصير فيكي متل ما صار فيي بالطفيليات

ركزي منيح بالجاي و يا ستي كل شي بجي من الله منيح

موفقين

مها طولي بالك وما بيصير غير اللي الله كاتبه
فخلي ثقتك بالله كبيرة وكلشي بيكتبه الله هو الخير الك
صفي مخك وركزي بس عالجراثيم ولا تفكري بشي تاني
بالتوفيق للجميع
ادعولنا

الله يجزيكن الخير جميعا ,,,, وانشالله يمشي الحال ,,,,

"وعسى أن تكرهوا شيئا ويجعل الله فيه خيرا كثيرا"

**************************************************
على كل حال ليش الجراثيم بيخلص نصها بالأول!!! ,,,, اي مو معقول شو ضخمة هالمادة وبتجيب الاكتئاب ,,, أنا رح أعمل متل ما آلت نور الهداية لأنو عنجد ما في حل تاني ,,,

اللي عم بصير معي انو بدي خلص المادة (بشكل عام مو الجراثيم) بأي طريقة فما عم يكون في تركيز بالمرة ,,, ولهيك قلت الواحد يدرس 50% بتركيز أحسن ما عم ضيع بالفحص بالأسئلة كلهن ,,,

بس في حدا عندو فكرة عن توزيع الأسئلة عالدكاترة ؟؟؟

بالتوفيق

***************************************************

السلام عليكم
شو هالحكي يا مها..و الله كنت عم قول يارب تكون مها بخير لإنو ما كنت عم شوف مشاركات لإلك و قلت أكيد صاير معها شي..
و ما فيني قلك غير إنو تستبشري بالخير هي رفيئتي كانت مفكرة حالها مخبصة بالأدوية لما قدمتها و بالنتيجة جابت فوق ال80 (عالأغلب 81)
و بعدين سمعت إنو قسم د.عبد الناصر إلو 40 علامة يعني السؤال بيرجع أكتر من علامة و نحنا أغلب تخبيصنا بقسم د.سوسن..فاتفاءلي و وكلي رب العالمين..
بالنسبة للجراثيم أنا سمعت إنو نسبة الأسئلة متساوية بين الدكاترة و إنو إن شاء الله أسئلة د .ميشيل و د.فوزة مضمونين إذا الواحد دارسهم منيح..
ملاحظة: ياريت تنتبهي لكتابة (إن شاء الله)..و الله الواحد صاير عم ينسى كتير..
موفقين..

السلام عليكم

مها.... لا تحملي هم

سمعت أنو قسم مشيل و خليل دائماً دورات

و حتى لقيت أنو فوزة كمان دورات

حتى قسم خليل قرأت الدورات قبل ما ادرس المادة و عرفت نص الأسئلة

المادة مقسمة بالتساوي بين الدكاترة

أنتو توكلو عالله و كلو بهون

مها بنصحك تقرئي قسم خليل و لو حتى قراءة لأن لقيت أغلب الأسئلة سطحية

يعني الجرثوم و المرض يلي بسببو أو طريق العدوى و شغلات عادية

يعني مافي تدقيق عالصفات البيوكيميائية

موفقين جميعاً

نور الهداية ... شكرا لاهتمامك ... فاءلتيني ... وأنا كلي ثقة برب العالمين .. إن شاء الله

******************************************

زيد .... رح حاول اقرأ اللي بقدر عليه من قسم د خليل  ... لأنو متل ما بتعرف الحالة تعبانة ... وهالمرة بدي ركز عالشي المضمون ... وما بدي عيد نفس أخطائي ...
بيكفي .. أخدت درس من تجاربي السابقة ,,,

*****************************************

انشالله بتصير شي معجزة (حلوة طبعا) تفرحنا كلنا كل واحد على أد نيته ...
ولا يضيعلنا تعب ...... يا رب

السلام عليكم

أكيد الله ما بضيع تعب حدا

يعني إذا مو هالفصل يلي بعدو و إذا مو يلي بعدو يمكن يلي بعدو

و يمكن الله يعوضو بغير مجال

يعني قد ما كنت حس حالي حقي مهضوم أيام زمان

هلق صرت حاسس كتير مبسوط

حتى لو كنا مناكل هوا بكم مادة و بيطلع خلقنا

موفقين

السلام عليكم
مها.. مافي شكر  على واجب ..مو نحنا أخوات ولا شو؟ و متل ما قال زيد ربنا ما بضيع تعب حدا..
بس بدي أسأل جدول المعالجة الفيروسية مطلوب كلو ولا بكفي اسم الدوا مع المرض؟

زيد..شو هاد اللي حكيت عنو مشان طرق العدوى يعني اللي بالدورات كافيين ولا في شي كمان..و هنن بقسم د.خليل ولا شو؟
و بالنسبة للسؤال اللي سألتك ياه ..أنا قصدي التأشيب بصير بفيروسات الدنا مضاعف الطاق (حصرا) ولا بشكل عام شو ماكان شكل الدنا؟