المتطلبات العملية من أجل مجلة كلية الهندسة المدنية الرقمية ......بلش الجد

.المتطلبات العملية من أجل مجلة كلية الهندسة المدنية الرقمية ......بلش الجد

CONCRETE

جامعـي اســتثنائي

مسجل منذ: 22-10-2008
عدد المشاركات: 975
تقييمات العضو: 0
المتابعون: 52

غير موجود
اشــترك بالتحديثات
رسالة مستعجلة

المتطلبات العملية من أجل مجلة كلية الهندسة المدنية الرقمية ......بلش الجد

03-02-2009 05:32 PM

السلام عليكم يا عيلة المدني جميعاً
يعني ما بعرف شو بدي قول فاجائتوني كتير ما كنت متوقع ردت هالفعل هي شكر اً كتير إلكم
وبما أنو عجبتكم الفكرة كتير وحبيتوا تساعدونا المساعدة يلي نحنا محتاجينها نطلب منكم جملة خدمات وطلبات
فعلى من يجد في نفسه الكفاءة لفعل ذلك فلا يتردد أبدا ً بمساعدتنا
يعني رح يلزمنا جملة شغلات بتمنى ممن يستطيع أنو يعملها فيقول وما يبخل
يعني لازمنا عدد من الأشخاص لعمل ما يلي :

1- شخص لعمل (تصميم)مقدمة فلاش تُعبر عن أنو الطلاب يلي عا ملين المجلة هم مهندسين مدنيّين
يعني بدي المقدمة تكون حلوة و معبرة عن مضمون المجلة (علمية - ثقافية - ترفيهية)
وهناك أشتراطات يجب مراعاتها لمن يريد أن يصممها :
أ- يجب أن تكون مدة المقدمة من (15-20)ثا (أرجو أن لا تكون منقولة من شي برنامج فيه مقدمات جاهزة (template))
ب- كما ذكرت سابقاً مُعبرة عن فحوى المجلة وماتكون معجوقة يعني تكون (classic)
*********
2-شخص لعمل (تصميم)غلاف لـٍ ال dvd أيكون جميل وبسيط وأنيق
ويُعبر عن فحوى المجلة (يُرجى ممن يريد هذه المهمة مراجعتي )
*********
3- شخص لعمل (تصميم)بوستر للمجلة (ورقة دعائية) يعني أيكون معلم بالشغل على ال PHOTOSHOP
*********
4- شخص لعمل (تصميم )أيقونة للمجلة
*********
5- شخص له نفوذ في الكلية لأخذ الموافقة لتوزيع المجلة على طلاب المدني
والسماح بتلزيق أوراق دعائية (على ما أظن الموافقة تكون من عند الهيئة الإدارية أو أتحاد الطلبة)
********
6- إذا في شي نسيتوا ذكروني فيه
*************************
ملاحظة مهمة جدا ً :
بتمنى من الشخص يلي أختار مهمة من تلك المهمات أنو أيخبرنا على الفور من شان ما أيصير خربطة
ولازم أيكون قد هذه المهمة ويحس بحالوا أنو هو الأنسب لفعل ذلك (واثق من نفسوا كتير )
*************************
من شان موضوع الأتوران أنا كنت بدي نزلوا بس بعد ما شافوا محمد (Mhummad) قرر أنو أيعدل عليه (قال لي بدوا كتير شغل )
وهو بعد ما أيعدل عليه بيعرضوا علينا لأخذ الموافقة النهائية
*************************

ننتقل الآن إلى البند الثاني يلي هو بند توزيع المجلة
بما أنو الشباب (خالد وmhummad و joker و محمد النفوري و أنا )موافقين على توزيع المجلة مجانا ً ( وأنتو كمان حسيت أنكم موافقين)
فهي إذا ً ستكون مجانية
ومتل ما بتعرفوا أنو لازم نساوي على الأقل (300-500) نسخة dvd
تكلفة النسخة تتراوح من (15-20)ل.س
خلينا نقول أنو ب 20 ل.س (إذا حدا بيعرف قديش التكلفة الحقيقة فياريت أيخبرنا علما ً أنو التكلفة تضمن أجور النسخ و الغلاف )
لذلك بدنا نتبرع كلنا وأ نا سوف أكون أول المتبرعين
1-أ نا (m.ziad.j)رح أتبرع ب 75 نسخة dvd يعني 1500 ل.س لطلاب السنة التانية

(كان بوّدي أتبرع بأكثر من هيك بس صدقوني صار عندي ألتزامات مادية كتيرة )ومتل ما بيقول المتل على قد حرامك مد أجريك

2-محمد النفوري (ما بتعرفوا وهو ليس عضوا في هذا المنتدى)رح يتبرع ب dvd 50 نسخة يعني 1000 ل.س لطلاب السنة الأولى
3-mhummad رح يتبرع ب 75 نسخة dvd يعني 1500 ل.س لطلاب السنة الأولى والتانية
يعني ر ح أيكو ن نصيب طلاب السنة الأولى 100 نسخة توزع على 12 زمرة
ونصيب طلاب السنة الثانية 100 نسخة توزع على 12 زمرة
بقي لدينا طلاب السنة الثالثة و السنة الرابعة
يعني بدنا من يتبرع لهم
فــهــــــل مــــــــــــن مُــــــــجــيـّـــــــب ؟؟؟؟؟؟؟؟؟؟
السنة الخامسة بعتقد ما بدون
**********
يعني بتوزيع 100 نسخة لطلاب السنة التانية بعتقد أنو ما رح أيضل حدا إلا وسوف يشاهد المجلة
(بقصد أنو الطلاب يل أخدت المجلة رح أيعيروها لبعض )وكذلك بالنسبة لبقية السنوات
بالإضافة أنو رح حط نسخة عند أب محفوظ ويلي بدوا ياها من لم يحالفهم الحظ بإخذها
بعينوا الله على حقها
وأخيراُ
يعني كلوا بيقول بدو أيساعدني طيب ساعدوني
يعني أنا ما بدي شكر وتشجيع
يعني إذا عندكم مواقع حلوة بتفيد المجلة أو كتب أو شغلات حلوة بتفيد المجلة
دلوني عليها حتى نزلها بالمجلة
باين داق خلقكم معكم حق لأني طولت كتير
بس والله أنا رغم التعب و المشقة
فرحان كتير لهذا العمل الجماعي الرائع
أنا عم أنتظر تفاعلكم وردودكم
سلام

« عرض آخر مواضيع العضو »

ملتقى طلاب جامعة دمشق

أنت غير مسجل لدينا.. يمكنك التسجيل الآن.