الله يعطيك العافية أخي أبو النور  على مشاركتك وتفاعلك الأكثر من رائع

بس ما محلاحظ أنون كبار أشوي يعني أكبر من حجم الإيقونة الطبيعي
بتمنى تصغرون شوي صغيرة
وهنن حلوين
شكراً مرة تانية لإلك 

وأنا رح اقترح أيقونة من عندي:

شو رأيكم

       
   

بسم الله ما شاء الله عليكن



متل خلية النحل



بعتذر كتير لغيابي بس كنت بالشام صرلي يومين وكان عندي حالة مرضية صعبة ب الحمد لله كلو خير





هلق يمكن بعد هالتطور اللي وصلتولو يمكن ما يكون الي حق احكي بشي لاني ما شاركت بشي ولا حتى بالحكي




بس لأ الي حق احكي انا من مؤسسين هالعيلة وابنها البار وبيطلعلي حق بالورتة كمان



هلق مشان احكي بالجمل...والله الحكي مو تنظير



بس يا جماعة لما بيكون في مشروع جماعي فهاد الموضوع يتطلب الهدوء


وكمان يتطلب قيادة حكيمة


يعني وزياد بحكم انو صاحب المشروع فهو متولي القيادة



هلق مشان الايقونات اللي حاطيتها يا زياد بصراحة انا ما عجبوني...يعني رأي مو انتقاص


بس انا كمان بشوف انو الايقونة مو كتير مهمة


يعني صحيح ما عجبوني بس بالنهاية الايقونة صورة بتنشاف لمدة كم ثانية وبس


بقى بما انو المشروع اهدافو ابعد من الايقونة فما لازم نتوقف عندها


واذا كان ولا بد فانا بختار التانية على ما اتذكر ((اللي خلفيتها زرقة تبع الجي بي اس))



ومشان البوسترات....يعني اذا انت عم تقول بوستر وبحجم اكبر من ال A4 وملون وعليه نايلونة وب5 ليرات





هلق ممكن يكون حكيك صح بما انك سألت...الله اعلم


بس منطقيا وعقلانيا هالحكي مو واقعي


يعني الالوان لحالها بتكلف كتير


وخاصة انو الامساكيات بتكون على كرتون والوان باهتة غالبا وبتكون دقتها قليلة



ومشان ايقونات نوار


يعني يا زلمة الولى عليها شعار السعودية...اي شو نحنا عيلة المدني ولا عيلة الملك سعود


وتاني وحدة يا رجل شو هالشخصية السودة المعوقة اللي حاططتها..هلق نحنا هيك!!!!


والتالتة حسيت تبع كرت قدم يعني تقول ايسي ميلان مو هيك



اي منرجع للجد


يعني مشان البوستر بما انو لولو رح تعملو فبتوقع رح يطلع حلو....((.الله يخليكي يا علا كتريلنا اللمسات الانثوية بالموضوع...هيك حطيلنا صورة شي عارضة ازياء اختصاصها هندسة مدنية مشان نجر الطلاب...... ))


لا والله جد بس كتريلنا اللون الازرق وانا برأيي نزليلنا التصميم المؤقت ومنوضع عليه التعديلات ولمرة واحدة فقط

ومن ثم نحصل على النسخة النهائية



اما من شان النسخ فممكن نوزع الموضوع او واحد يطبعو


وبتوقع اذا واحد طبعون منحصل على سعر افضل



ولكن تعو نفكر بموضوع يعني نحنا كل هالشغل على اول نسخة لازم نفكر قليلا باللي بعدين


يعني انا برأيي نحاول نوضع اساسيات للموضوع طبعا اذا حابين الموضوع يستمر بحيث انو هالاساسيات تفيدنا لقدام ونترتاح منها


متل بوستر ثابت وصالح لكل وقت..يعني مو كل مرة نطبع ونقيم ونحط



ومشان شغلة الديفيديات...واليات هنا جمع نسواني سالم


يعني انا ما عندي اي مشكلة بالتبرع المصاري موجودة والحمد لله


بس بقية الاشياء ...يعني بتأسف انا بالضيعة وما بقدر فيد

بس هي نوار متكفل الموضوع وانا على اتصال دائم معو عن طريق الاقمار الاصطناعية



يلا لهون بكفي حكي.....وسامحوني عالاطالة والمزح


واكيد انا معكن



واعود الى شعاراتي اللي تركتها لمدة




المدني....عائلة واحدة......قلب واحد....مستقبل واعد


مدنية.....للأبد





اخوكم


مجد

مستحيل يا زلمة شو صغرهم ونزلهم

ايه انا ما سدقت ايمتى نزلو معي


الـ 190 بيشل البنيقادم شل

اذا في شي عجبكم انتو نزلوه وصغروه ,,,, مابدها شي عالرسام بيمشي الحال 

الله يعطيكم العافية



شباب بالنسبة لتصميم الفلاش أنا رح اشتغل عليه


بس اذا في عندكم أفكار مبدئيه قولولي عليهم

يعني مثلاً كيف رح يكون التقسيم و شو الفروع بالمجلة و هالشغلات مشان نبدأ الشغل الاسبوع القادم

بتمنى تناقشوا هالفكرة يوم الأحد و تقولولي شو بيصير معكم




       

اقتباس

وأنا رح اقترح أيقونة من عندي:

شو رأيكم

على راسي عمي مفتاح



يلا شد الهمة لشوف



والله يخليك كبرلي صورتي بالاقونة




مجد

اقتباس

على راسي عمي مفتاح



يلا شد الهمة لشوف



والله يخليك كبرلي صورتي بالاقونة

شو مجد
الكرافتة لايقة عليك ولا بتحب غير لونها
أكيد مثل العادة استعجلت وجاوبت قبل ما تنزل الصورة بشكل صح 

اقتباس

وأنا رح اقترح أيقونة من عندي:

حلوة كتير
سلامممم

اقتباس

هلق مشان الايقونات اللي حاطيتها يا زياد بصراحة انا ما عجبوني...يعني رأي مو انتقاص

هاد رآيك وبنحترموا

اقتباس

يعني وزياد بحكم انو صاحب المشروع فهو متولي القيادة

القيادة لكل المشاركين من المشروع مو لحالي

اقتباس

بس انا كمان بشوف انو الايقونة مو كتير مهمة

أنا معك بهاد الشي

اقتباس

ومشان البوسترات....يعني اذا انت عم تقول بوستر وبحجم اكبر من ال A4 وملون وعليه نايلونة وب5 ليرات

أنا قلت خمس ليرات إذا بجملة الجملة أما بالمفرق يعني شي 10 نسخ بظن 25

اقتباس

هلق ممكن يكون حكيك صح بما انك سألت...الله اعلم

سألت رفيقي محمد هو يلي عمل الإمساكيات
وقلي أنو 300 إمساكية ب 1000 يعني الوحدة وقفت ب 3 ليرات وأنا قلت خمس من شان ما أيطير عقلكوم .

اقتباس

يعني انا ما عندي اي مشكلة بالتبرع المصاري موجودة والحمد لله

الله يجزيك الخير سلفا ً
سلامممم

اقتباس

شباب بالنسبة لتصميم الفلاش أنا رح اشتغل عليه

الله يعطيك العافية
يعني فينا نقول أنو أنت أستلمت المهمة الأولى

اقتباس

بس اذا في عندكم أفكار مبدئيه قولولي عليهم

أنا شرحت هاد الشي بالموضوعين يلي نزلتون هاد الموضوع والموضوع السابق بتمنى ترجع تراجعون

اقتباس

بتمنى تناقشوا هالفكرة يوم الأحد و تقولولي شو بيصير معكم

ن

ليش ما رح تحضر ؟

اقتباس

شو مجد
الكرافتة لايقة عليك ولا بتحب غير لونها
أكيد مثل العادة استعجلت وجاوبت قبل ما تنزل الصورة بشكل صح 

روح يا


انا لما كتبت ردي فخامة جلالتك ما كنت منزل الايقونة


بقى شو بدك تتضحك علينا



مجد

اقتباس

أنا قلت خمس ليرات إذا بجملة الجملة أما بالمفرق يعني شي 10 نسخ بظن 25

والله هيك صار منطقي اكتر

اقتباس

سألت رفيقي محمد هو يلي عمل الإمساكيات
وقلي أنو 300 إمساكية ب 1000 يعني الوحدة وقفت ب 3 ليرات وأنا قلت خمس من شان ما أيطير عقلكوم .

ما شاء الله صاحبك شكلو حربوق....والله ما كل فكري الليرة السورية بتعمل كل هاد......ما شاء الله ليرة جبارة

اقتباس

الله يجزيك الخير سلفا ً
سلامممم

الله يجزي الجميع الخير وخاصة اللي اشتغلوا يعني انا لسى ما عملت شي


لانو ما بعرف اشتغل تصميم....بقى ان شاء الله منستحق الدعوة عن جد بالايام الجاية



بس لازم تفكر بشغلة انو مو لازم كل الطلاب تاخد نسخ

وكمان اذا اليوم تأمن مين يدفع يمكن لقدام ما يتأمن


هاد مو تشاؤم بس اللي بدو يخطط بدو يحسب كل الفرضيات وخاصة السيئة




لي عودة




مجد