السلام عليكم

باقيلي كم صفحة ترجمها من قسمي

بس ما كاتب شي عالكمبيوتر

بهالكم يوم بركي بخلصهم

بالتوفيق

بخصوص السؤال:

LVIs have to be terminally sterilized, whereas SVIs can be sterelized terminally or by aseptic filtration and proccecingترجمتها أنو:

الحجوم الكبيرة المحقونة يجب أن تكون عقيمة تماماً ,بينما الحجوم الصغيرة المحقونة يمكن أن تكون عقيمة نهائياً أو بواسطة الفلاتر المطهرة .
------------------------
وأجاب أحد الزملاء:

أعتقد أن معنى terminally مثلما قلتي "تماما أو نهائيا" حيث terminal معناها "نهاية" فالصفة أصبحت نهئيا

or by aseptic filtration and proccecing

أعتقد الأفضل أن تكون "تعقم بواسطة الترشيح العقيم أو العمليات العقيمة"

(العمليات العقيمة) aseptic proccecing أي تكون عمليات الإنتاج بشكل عقيم
>>>>>>>>>>>>>>>>>>>>>>>>>

terminally
يعني في نهاية عملية التصنيع بعد ملء الأمبولة وإغلاقها ، أو بعد ملء كيس السيروم وإغلاقه

أما
aseptic filtration and proccecing

فهو عملية ضبط العقامة آثناء التصنيع بتقليل التلوث في العمليات أو العقامة التامة ، ثم التأكد من العقامة عبر الترشيح على مرشحة جرثومية قبل التعبئة العقيمة. ويلجأ إليه في حال كانت عملية التعقيم قد تؤذي مادة دوائية حساسة للحرارة

وعليه تكون العبارة الأنسب للترجمة:
يجب أن تعقم الحجوم الحقنية الكبيرة في ختام التصنيع ، أما الحجوم الحقنية الصغيرة فيمكن أن تعقم في ختام التصنيع أو عبر التصنيع والترشيح بالشروط العقيمة.

بالمناسبة
asptic
صفة عقيم ، لا يوجد جراثيم

أما
sterlized
فصفة الفعل المتعدي يعقم ، جرى تعقيمها.

أرجو ان تكون هذه المادخلة ذات فائدة وكنت تركت المشروع منذ فترة لظني أن همت الشباب بردت!!

معكم إلى بقية المشوار

بشار الجمال

السلام عليكم.....
كيفكون يا صيادلة؟؟؟؟؟
و شو أخبار المشروع؟؟؟؟؟؟
أول شي أنا بدي أعتذر منكم كتييييييييييييييييير..لإنو لهلأ ما بلشت ترجمة !!!!
ما بعرف ليش!!! بس يمكن لإنو كنت مضغوطة شوي هالكم يوم.....
بس هلأ بدي منكم تسلموني صفحات موضوعي(HPLC) ..و أنا حاولت أحصل عليه من مصادر تانية و ما مشي الحال.....و إذا ما سلمتوني لح حط الحق عليكم بتقصيري  

ملاحظة هامة: البعض عم يقول إنو  هاد المشروع ليس فيه تنظيم و إنو البعض قال كلام و ما عاد بيَّن...
يا زملاء بتمنى إنو ما تبرد الهمة و كملوا ترجمة و خلينا نعتبر هالفترة متل (warm up)
و بعدين على بداية العام الدراسي إن شاء الله رح يكون في كلام و تنظيم تاني و بظن إنو الأمور رح تصير رسمية و منقدر نشوف بعض بالجامعة و نتبادل وجهات النظر أما هلأ عالمنتدى ما رح نقدر ننظم شي...
بعتذر من الإخوة زيد و بروتيوس لإنو هنن أصحاب المشروع و المفروض إنو هنن يحكوا بس أنا حبيت قول وجهة نظري......
مشان الله لا تنسوا تنزلولي الرابط يعني اسمو هلأ في همة.......

شكراً أخ بشار على مساعدتك لأنو فعلاً على قد ما ضغطت حالي شوي صرت علق عند بعض الأمور..

بس عم تفاجؤني أنو ما عم ترجموا لأنو الكل كان عندو همة ....شو صار هلق؟؟؟؟
و أنا ما بفضل أبداً أنو نأجل العمل للعام الدراسي لأنو كتير تأجل بما فيه الكفاية و هلق أفضل لأنو عطلة و على كل حال ....الكل بيعرف أنو الفصل الجايي مو سهل أبداً .......


على كل أنا رح حاول ترجم يلي علي لأنو ما بضمن حالي بعدين(بالعام الدراسي)...


و بتمنى منكم إذا في ملاحظات مفيدة على ترجمتي تفيدوني.....

السلام عليكم

عزيزتي golden pill   
الله يخليكي أنا وقت أكتب مشاركة ياريت تقرأيها منيح و تفهمي شو قصدي و لا تقتطعي الكلام....
يعني أنا عم شجع الطلاب و شجع حالي مشان نضل عم نترجم هلأ و إنو مع بداية العام الدراسي رح يكون في تنظيم تمام و ما في أي شي بكلامي بدل إني عم أطلب نأجل المشروع!!!!!!!!
على كل حال برافو عليكي إنك عم ترجمي و هاد إن دل على شيء فبدل إنك بتتحملي مسؤولية......
عم أنتظر استلام موضوعي...
بالتوفيق.......

السلام عليكم

نور الهداية

منشان قسم الـHPLC رح حاكيلك بروتيوس

بس بنصح كل واحد يتصفح الكتاب كلو

مشان الترجمة هلأ كل واحد يترجم قسمو مشان فائدتو الشخصية

و بعدين يطلع على كل الأقسام و هيك الكل بيستفيد

و بالتوفيق للجميع

الأخت (نور الهداية) دائماً متسرعة بالحكم على ردودي
فاجأتيني بردك الأخير لأني ما قرأت ردك الأولاني و لو قريتو كنت وجهت الرد إلك(أصلاً ما ظهر عندي لما حكيت هيك, كان الصفحة بدها تحديث)... بس أنا كنت عم أحكي بشكل عام لأنو صرت أسمع من كتير أصدقاء أنو رح يأجلوا الشغل للعام الدراسي فبادرت بكتابة ردي حتى أعرف أنو هالفكرة واردة عند الكل و لا لأ.........
                                                و ع كل حال بعتذر على إزعاجك...............

على أي حال(يا أعضاء المنتدى) أنا بقترح أنو ننهي إذا مو كل المشروع فثلاثة أرباعه لأنو بتوقع أنو بعد بداية العام الدراسي رح ينسحب كتير طلاب بحجة الدراسة ....و أنا ما بلومهم....

صحي تذكرت....حدا عرف عدد الطلاب المشاركين بالمشروع

يعني بيطلعوا 200 طالب؟؟؟ لأنو إذا ما تجمع كتير طلاب يمكن يزيد عدد الصفحات المطلوبة من كل طالب و هادا الشي لحالو رح يطيل مدة العمل...... 

golden pill

سبحان الله يعني حتى لو قررنا إنو ما نتخانق بتقوم بتصير شغلات لا عالبال و لا عالخاطر بتخلينا نتخانق..........
هههههههههههه...
عم أمزح معك .......    
يلا مومشكلة و أنا بعتذر على إزعاجك......

"زيد"
بس ياريت  يستعجل شوي بروتوس لإنو من غير شي حلت علي الكآبة لإنو لهلأ ما ترجمت شي.......
و شكراً كتير.....

السلام عليكم
زيد انا رأيت الكتاب التالي
Encyclopedia of Pharmaceutical Technology, Third Edition.pdf

فهل هو المطلوب

اللي عندي غلافه ازرق عليه صورة حبوب
وشكرا سلفا

السلام عليكم

nouna

الكتاب يلي غلافو بالأزرق هو الكتاب يلي بنترجم منو

نور الهداية

رح إحكيلك مع بروتيوس بس إزا اطلعتي على الكتاب كلو أحسن لأنو مواضيعو حلوة

بالتوفيق للجميع