والله يابانادول بلنسبة للمحاضرة التانية رح تلاقي فيها أخطاء كتير بس إذا بدك أنا درست هلمحاضرة  وصححت أخطاءها (من مصادر موثوقة مية بلمية)وفهمتها فأي شي بدك ياه  بهي المحاضرة اسئلي عنو وأنا بلخدمة

وبلنسبة للمحاضرة التالتة أنا اليوم بديت فيها يعني لسا ماوصلت للتربينات بس أوصلن بقلك شوبصير معي

يا جماعة بدي إسألكن سؤال, هلق عنجد الدكتور سامر حيدر حاذف فقرات من محاضراتو؟ إذا عنجد ياريت تخبرونا شو الحذف مع العلم إنو بالمحاضرة التالتة كنت عم إسألو عن الأخطاء وفي كتير شغلات قال لي إنو هي خطأ وهي ما لها طعمة.
وشغلة تانية: مر معي بالفيزيائية والتحليلية إنو بيكون عنا لوغاريتم ومنو منطالع الرقم الأساسي يعني مثلاً logA =2 ومنه A=100 طيب أنا ما فهمت هي المية كيف بدنا نطلعها سواء ع الآلة الحاسبة أو غيرها(طبعاً الأرقام يلي وردت بالمحاضرات معقدة أكتر من ال100 بس هدا مثال)
فيا ريت يلي عندو شي أجوبة عن هالسؤالين ما يبخل علينا وبكون ممنونة كتير.

السلام عليكم:

بلنسبة لحساب logA ركزي منيح شورح قلك

هلءlog تعني اللوغاريتم الذي أساسه10 وتعنيln اللوغاريتم الذي أساسهe

لذلك فإن حل المعادلةيتم برفع الطرفين إلى الأس10إذاكان اللوغريتمlog أما إذا كان lnفنرفع الطرفين إلى الأسe
أي أصبح حل المعادلة كمايلي:

                      logA=2

                2  logA
                10= 10


يذهب اللوغريتم مع 10(قاعدة أخدناها بلبكلوريا )لأنوlogأساسها10

وبلتالي ينتجA=100


مثال آخر:نحن نعلم أن lne=1

لنفرض أنe مجهول وليكنA
lnA=1

lnA 1
e= e

ومنهA=e
إنشاالله تكوني فهمتيهن
بلنسبة لمحاضرة د. سامر في محذوفات بس مابعرف شوهنن

أرجو من الجميع الموافقة

ما رأيكم في اليوم الذي ننهي فيه امتحان ما ندخل إلى المنتدى ونناقش حول المادة التي سوف نقوم بتقديمها في المرة القادمة وذلك في حال وجود حذف إضافة ....الخ

هذه فكرة .... إذا وافقتم سنكلف بلسم الآلام لأنها صاحبة الموضوع في وضع الفترة المناسبة

خطرت ببالي هذه الفكرة لأننا في اليوم الذي نقدم به امتحان لا ندرس فيه بشكل تام و كامل
لذلك يمكن الإستفادة والإفادة إنشاء الله

وآمل من أن تكون nanon قد فهمت الفكرة التي شرحتها بلسم الآلام لأن شرحها إنشاء الله كاف ....


سلامي لكم جميعاً


أخوكم : ياسر


   

أنابوافقك يا أخpharmacy على هلفكرة لأنو فعلا اليوم يلي منقدم فيه امتحان مابندرس فيه بشكل كامل

وبس يوافق الجميع منحدد الوقت يلي بناسب الكل

بس مبدئيا لح حط وقت    يلي بناسبو هلوقت بقلنا إنو منيح ويلي مابناسبو بيعترض

بلنسبة إلي ايمتى ماكان الوقت بناسبني

شورأيكن الساعة 7  (قرار قابل للطعن إذا في حدا مالو موافق)

وشكرا إلك أخونا على هلفكرة لأنو عنجد إذا وافق عليها الكل لح نستفيد كتير إنشاالله....................

فكرة حلوة كتير شكرا الك اخ ياسر
وبالنسبة للوقت انا ما عندي مشكلة بيناسبني يعني موافقة على اقتراحك بلسم الالام  وانشالله الكل يوافق لحتى نقدر نستفيد كلنا متل ما عم نستفيد هلأ  

الموضوع رائع والله يجزيكم الخير




بس يا ياسر الله يسامحك كل فكري اياك عم تحكي جد

على بركة الله
حددوا الوقت المناسب وباذن الله اكون معكم
................................................................................

شكراً كتير بلسم الآلام فهمتن منيح وانشا الله منكافيكي بالأفراح.
بس باقي الحذف يلي بيعرف عنو شي يخبرنا.
بس بالنسبة للوقت معليش تخلوها للساعة 8 لأنو صعب كتير إني اتواجد ع ال7 لأسباب (قاهرة)
وبكون ممنونة إذا بتوافقو.

شكراً جميعاً ...

من شان الوقت أنا عندي اقتراح

في اليوم الذي ننهي فيه تقديم المادة يقوم الذي يملك معلومات عن المادة التالية من حيث وجود الحذف أو و جود إضافة أو معلومات هامة عن نمط الأسئلة أن يقوم بتنزيلها في أي وقت من ذاك اليوم ولكن لا يتعدى الساعة العاشرة

أي في الساعة العاشرة يتم انهاء جميع الأفكار الذي يملكها كل واحد منا ثم يدخل الذي ينقصه أو لا يعلم كيفية الدراسة إلى هذا الموضوع بعد الساعة العاشرة فيرى ما هو المطلوب أو ما ينقصه من معلومات حول المادة التالية


فكرة  ..... نشالله تعجبكون