بالنسبة للدكتور جهاد انا ما حضرتلو ولا محاضرة ولهيك مابعرف ازا محاضراتو بتكفي
بس انا من جهتي وقت حاولت ادرسون ما فهمت شي وارجعت للكتاب لحتى اقدرت استوعب شوي وحسيت انو هو حاطط رؤوس اقلام  وطبعا التحليلية ازا ما فهمتا  لا رح تنحفظ ولا رح تنحل مسائلا وانا نصيحتي ادرسوها من الكتاب وركزوا على المحاضرات
اما بالنسبة للعضوية والله دورت بالمحاضرة صفحة صفحة وما لقيت الصيغة  التانية(يمكن خافف نظري عالدراسة)
   

صيدلانيات زرقية الحذف :ص330-331-332-333
والبحث كلو بيخلص عند صفحة 337بتاخدي منا أول 3سطور أماخصائص المواد اللدنة وللأخير فمحذوف .........
موفقييييييييييييييييييين ......هالمادة قاتلة الله يمرقا على خير   

ان شا الله خير
صرلي زمان ماحضرت نظري
يكتر خيركن خبرتونا انو في حذف بالصيدلانيات
أما بالنسبة لجهاد دياب
فدراسة محاضراته عنجد بدها جهاد ونضال وكفاح ومقاومة لحتى توصل للتحرير أصدي الحفظ أو الفهم
الله يوفق الجميع

الأختheartlees شكراإلك الله وكيلك إلي اسبوع عم دور واسئل علمحذوفات بلصيدلانيات
بس الله يوفقكن بحث الضبوبات سمعت إنو محذوف صحيح هلحكي ولا لأ

الأخ محمد الله يحمل معنا بلتحليلية والله هلمادةموبس بدهاجهادومقاومة بدهاحذاءالمنتظر والله فتت بمية حيط مالي عرفانةمن وين بدي ادرسها من المحاضرات ولامن الكتاب


بس ياجماعة بدي اسئل سؤال بمحاضرة الدكتورجهاد(تحليل وزني)بلصفحة2هلء بماإنو الملح راسب وغيرمنحل كيف بدو ينحل بمرحلة الإشباع

اخ اخ اخ اخ
عن جد وجعني راسي كلو درس وكلو كيميا وكلو حفظ واذا ملينا بنتفلسف مع التسويق

وصاير معي حالة احباط وحاسة مخي مسكر قلولي شو اعمل؟

وبدي خدمة انسانية عاجلة من اصحاب اللغة الفرنسية

بدي اعرف كيف بتتتتتجي الاسئلة لاني صراحة ماني عارفة شي


يعني انا ما بعرف شو بدي ادرس فيها ولا كيف بتجي الاسئلة لهيك رجاءا يللي بيعرف شئ ينورني وانا الو من الشاكرين  

بالنسبة للضبوبات محذوفة أكيد (مع إنو طلاب السنة التالتة قالو لي إنو الدكتور حذفهن للسنة يلي قبلن ومع هيك جاب منن بس أنا مارح ادرسن)
بس ما فهمت عليك مشان التحليلية عن أي راسب عم تحكي وبأي صفحة؟
وكمان في شغلة ما فهمت شو بدن بالجدول يلي عنوانوproblem يعني هدا شلون بدنا نحسب الGF تبعو؟ فهموني!
ومشان التسويق قال لازم نحفظ لمازن متل ما منحفظ الثقافة(يعني بصم بدون ما يفهم الواحد شي), أما وفاء-قدّس الله سرها- فيلي ما بيطبق مخو على مخا فلا يزعل إذا ما عرف يجاوب على أسئلتا الأسطورية, بس انشا الله يتغير الوضع بما إنها ما رح تجيب أسئلة مفتاح, ومن جهتي ما درست من هامادة غير محاضرة ونص لمازن خلال السنة, فشو رأيكن بتندرس قبل وقتا ولا بلش فيها هلق؟ مع العلم إني مو سريعة بالحفظ .
وكان الله في عون الجميع

شكراnanonوالله يجزيكي عناكل الخير
أصدي بسؤال التحليلية بمراحل الترسيب الموجودة بلتحليل الوزني بلترسيب

وبلنسبة للجدول يلي عم تقولي عنو ياريت تحدديلي مكانو


أماالتسويق فلحمدلله حسيت حالي كسرت الحاجزمعها قمت تركتا ولح ابدا بلعضوية
يعني أنابرأي إنك تقرأي محاضرات د.وفاء ولو بشكل سريع يعني تاخدي فكرة عنها

يا شباب مساعدة على حب الحبيب

من شان الأنكليزي

يعني ندروس المفردات وبس ولا شو  ؟؟؟؟

حاكم مالي عرفان شو بدي اعمل مع هي المادة   ....

كمان من شان العضوية إذا درسناها من يوم الجمعة بيمشي الحال ولا كتير عليها تسعة أيام

أرجو المساعدة

حالكم راسي لح ينفجر و الفيوزات طقو من زمان وصار شعري متل شعرات استاذ النكليزي من كتير ما شديتوون

كمان من شان الصيدلانيات قال لي الدكتور أنو المعادلات محذوفة غير مطلوبة كمان في بعض الجداول مطلوبة بالإمتحان ما بعرف إذا بتعرفوا هذا الشي
كمان في آلية التأكسد الذاتي محذوفة

ركزو أكتر شي على المستحلبات وعلى القطورات أما الباقي فتكون أقل أهمية من السابقة


سلام يا شباب السنة الثانية

أخوكم : ياسر

   

يا أختي nanon
أكيد أنت عم تحكي عن المحاضرة اللأولى لجهاد دياب يلي مكتوب عليها الثالثة

أنا ما عرفت يعني أنت شو بدك بس أنا لح ألك كيف بدنا نحسب gf اعتماداً على الصفحة يلي قبلها
أولاً : أنا بعتقد أنك لم تفهمي شلون بدنا نطلع عدد المولات
يعني أنت بدك تشوفي المعادلة
مثلاً cl2.......Agcl
يعني كل جزيء من كلور الفضة تحتاج إلى ذرة واحدة cl
بس حسب المعادلة منلاحظ أنو يوجد عندنا ذرتين من cl
وبالتالي نقلب النسبة يعني
كل عنصر (( انتبهي إلى هذه الكلمة )) تحتاج إلى جزيء واحد من Agcl
وبالتالي نضرب الوزن الجزيئي للكلور الفضة ب2 و الكلور ب 1

يعني بعتقد أنو هذا مفهوم أكتر (( طبعاً من وجهة نظري لأنني ما احضرت ولا محاضرة ))

شغلة تانية :
من شان المرسبات الموجودة بالصفحة 14
نحن مطالبين بالمركبات االمكتوبة بالخط الأسود الغامق فقط

طبعاً هنالك صعوبة بحفظها
في طريقة ساويتها أنا و أخ عزيز عليي

المركب NH3
يرسب كل من Be .. AL ... Cr .... FE ... SN .. Zr ...
احفظو اللعناصر على الشكل التالي :
آل (AL)
بيي(Be )
في (Fe )
سر ( Sr )
زر (Zr )
السن ( Sn )
يعني بيصير
آل بيي في سر زر السن
وبالفصحة
قال بابا يوجد سر زر السن

معنى زر : أي يزرر الشيء أي يحكم التواصل بينها
بيي : يعني بابا وتقال بيي على قولة أهل الريف
من شان ما تخربطو بين المواد خلص احفظوا هذا البيت

آل بيي في سر زر السن

الحمد لله ياشباب أنا مرتاح لأني خارج التغطية تماما
لهلأ مافتحت صفحة بالتحليلية
لا والله ليش الكذب يمكن فتحت لشوف الفهرس
على أي حال لوقتها بيفرجها الله بس أكيد مالح تبخلو عليي بالمساعدة ماهيك