بلنسبة لمنحنيات المعايرة بدنا نحفظ شكلهاشي

والأرقام والحسابات المذكورةلرسم هذه المنحنيات  هي مجردة أمثلة ولا بدها حفظ بصم كمان

يعني بكفي نحفظ صفات منحني المعايرة وبس ولا لأ

هلق بالنسبة للمسائل فعلى هوا ما شفت بالدورات إنو مسائل بسيطة ومتل نمط الكتاب تماماً ما بتفرق كتير عنو
والدورات ... الدكتور جمعة ما بيجيب دورات أبداً , بينما الدكتور جهاد بيجيب بحدود 6-7 أسئلة, من جهتي رح خلي الدورات بس للاطلاع مشان أعرف نمط الأسئلة مو أكتر
ومشان المنحنيات.. والله يا بلسم الآلام بدك تحفظي الأرقام لأنو في بالصفحة 95 تحديد النقاط الوسيطية قال الكتور إنو مهم. بس ما بتوقع إنو بدو العمليات الحسابية يعني بس قيمة الph  والمصروف(V) , وشكل الخط البياني اطلعي عليه بشكل عام , لأنو بيقولوا إنو بيغير فيه بالفحص فالله يجيرنا.
أخ محمد إذا ما بدك تدرس لجهاد فإذا بيصح لك على الأقل ادرس الجداول لأنو السنة الماضية جاب منن بحدود العشر علامات. 
ادعوالنا يمر هالفحص على خير

يا جماعة الخير هلا مشان هي الترسيب بقسم جهاد مو جمعه
والدورات والله ما بعرف اذا بيكرر اولا
اما بالنسبة للمعقدات رح احاول اكتب لكم الاشيا المهمة وفي منهم مو مكتوبين بالكتاب لانه كان بيحكي بسرعة كتير جبت محاضرة للسنه الماضية واليكم البيان التالي
1.تعتمد هذا النوع من المعايرات على تشكيل معقدات مع الشاردة المعدنيه الموجبة
2.وكمان في شي اسمه احادي السن وثنائي السن ومتعدد الاسنان
a.الامونيا احادي السن
b.دي متيل امين edmثنائي سن وفي صيغته مع النحاسبالكتاب ص149
c.متعدد اسنان edtaوبيكون 6 اسنان
3.اسم الedtaهو اتيلين دي امين تترا اسيتك اسيد وممكن ندخل عليه Naوبيكون رمزه H2y-2
4.بالنسبة للمشعرات المسنخدمة في عندكم اول شي اسود الايروكروم t بيستخدم مع MgوZnوCa
وفي الكالكون بيستخدم مع Ca
وفي كمان ارجواني الفتالين بيستخدم معCoوNiوCu
5.في انواع المعايرات عندكم اول شي معايرة مباشرة عن وجود مشعر مناسب
وفي معايرة بالرجوع عندما لا يتوفر المشعر المناسب نعاير EDTA الزيادة بالرجوع بمحلول قياسي من المغنزيوم بوجود مشعر الايروكروم ويعاير بهذه الطريقه AlوMnوPbوHg
وفي معايرة بالازاحة  ومعايرة غير مباشرة ومعايرة متعددة ومعايرة قلوية
6.المشعرات المتوفرة يجب ان تكون قوة اتحادها مع المعدن اقوى من قوة اتحادها مع EDTAوكمان لازم يكون الها لون ممكن نميزه
7.لحجب شوارد Co,Ag,Ni,Hg,CD,ZN نضيف محلول من KCN
ولحجب شوارد AL,Tiنضيف لها NaF
ولحجب شوارد Fe+3نضيف ثلاثي ايتانول امين
8.لضبط الPHاثناء المعايرة
في حالة PH=8-11 نضيف وقاء كلور النشادر وكلور الامونيوم
في حاله PH=12-13 نستخدم NaoH     

وكمان في ملاحظةDMGيشكل معقد مع النيكل


بعرف طولت عليكم كتير وان شاء الله يوفقنا كلنا بيوم الفحص وبنطلع حالين كتير منيح
اليكم مني السلام
وادرسوا منيح
والله يوفق الكل

الله يجزيكي عنا كل الخير يا iron heart

يعني ما كنت ناوية ادرس المعقدات بس وقت شفت الملخص عجبني

يعني لح ادرس المعقدات من الملخص يلي حاطتي وزيادة عليها

شكرا جزيلا لك............

إنشا الله تكونو قدمتو منيح بلتحليلية

وإنشاالله ما يكون حدا آكل نفس الكم يلي أكلتو

والحمدلله آخر15 سؤال لا قريتهم ولا حليتهم

يعني إنشاالله بنجح بس عالنظام القديم


وإنتو يا أعضاء هالشلة المعترة كيف كان وضعكن

يعني من كل عقلن متوقعين نجاوب على 75 سؤااااال من هالنمط والتقل بساعة ونص  !!!  ..... كلنا اضطرينا نشلف ... لك انا بآخر نص ساعة كنت بالصفحة السادسة!!1 اللي بيزعل إنو  المسائل بتنحل بس لو في شوية وقت 
كلو نصيب ..الحمدلله 

شو هالمادة هي والله إذا بتحطولي القوانين وآلة حاسبة بسرعة خارقة وبتشتغل عالصوت بدي شي أربع ساعات لحلون
والله اشتهيت لو إني بغزة وتحت القصف ولا حل هالأسئلة

لا أقول سوى حسبي الله ونعم الوكيل
طبعا قسم جهاد 99.9999% كان بالنسبة الي تشليف
انا من هلأ أؤكد أني سأحمل هذه المادة
ولا حول ولا قوة الا بالله

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
إخواني بالنسبة للغة :
ماهو المطلوب من الجداول وغيرها ...............
من المصطلحات الطبية أرجو الافادة وجزاكم الله خيرا ورفع لكم موادكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اللهم انصر غزة ومن والاها

آآآآآآآآآآآآآآآآخ


كلمة تكفي عما حصل اليوم




والله ولي التوفيق

مشان اللغة :
الجداول  الي لونا أخضر وكمان اللي لونا برتقالي مو مطلوبة ...هو الدكتور حدد بالجداول الخضراء كلمات قال إنها مهمة للفصل التاني ولبعدين بس مو للإمتحان .....اما كل شي مصطلحات بالدروس مطلوبة ....وفي سؤال قواعد راجعوا تبع السنة الماضية ... وطبعا التمارين تبع الدروس ....موفقين