السلام عليكم جميعاً ...

الحمد لله على كل حال اليوم ... صحيح أن الإنسان ما بيصير إلا ما يغلط وخاصة بالفحص بس ما في مشكلة الله كريم

نشالله تكونوا جميعاً من الناجحين بالمادة (( وأنا كمان ))



من شان التحليلية:

لازم من الأول نبدا بقسم جمعة زهوري لأنه سهل كمان من شان نخلص منو ونترك الباقي لجهاد دياب (( إذا زاد أيام طبعاً ))

أنا من ناحيتي لح حاول خلص جمعة خلال يومين و الباقي لجهاد ....
شو رأيكون

من شان قسم جهاد دياب :


في الصفحة  14 المطلوب هو المركبات ذات اللون الغامق فقط
وكذلك في الصفحة 15

بالصفحة 15 القسم السفلي نحفظ المركبات المشار عليها برمز صح
وكذلك في الصفحة 16

من شان قسم جمعة زهوري
بالنسبة للمعقدات
من خلال أسئلة الدورات تبين أن أكثر الأسئلة تتمركز في الصفحة 169 وما بعدها
ركزوا عليها منيح في حال دراستكم للمحاضرة

طبعاً قسم جمعة زهوري يعتمد على الفهم من شان هيك أفهموا قدر المستطاع وإذا ما مشي الحال منساوي الطريقة المألوفة وهي البصم


والله ما عندي معلومات كتير عن المادة وكمان خلقة نفسيتي تعبانة من الفحص اليوم

لا تآخذوني ما احسنت اعطي أكتر من هيك

عكل بالتوفيق جميعاً



خادمكم ياسر

       

شو مشان يا ((( المرهم الشافي )))

هلأ أن مستحي

ما لقيتي غيري مستحي بهي الدنيا 


بس أنا خايف تكوني مخربطة بالكتابة بكلمة مستحي

يمكن مخربطة بين حرف السين و اللام

يعني أصدق ملتحي 


سلامي لكم جميعاً


أخوكم ياسر

والله ردك انسة بلسم منور بس حابة حط توضيح(وشوش=مرات) تاني توضيح (انا اول مرة بدرس بسرعة لحتى اخد فكرة عن الموضوع وبعدين بمخمخ بالمرة التانية بس اكيد ما في مرة تالتة لانو اليوم عندي بس 24 ساعة ما بعرف يمكن عندك5ساعات
اخ هدهد الحال من بعضو يعني نحنا ازا حضرنا بنكون عم نحكي الحكي يلي ماخلص برا يعني مو مع الدكتور ابدا
وقت الفحص بنصير ندور عالعالم الفهمانة لحتى نعرف شو صار بالمحاضرة

معقول


بتدرس banadol المادة 3 مرات أثناء فترة الفحص

ولي على حظي

اثناء السنة طيب كم مرة بتدرس المادة  ؟؟

إذا خلال 5 أيام 3 مرات

بالشهر 28 مرة

بالشهرين 56 مرة


والله انا لازم عيد حساباتي بدراستي حاكم حاسس حالي مقصر


56 مرة والله حرام



سلامي لكم جميعاً

         

شكرا كتير اخPharmacy واختnanon عالمعلومات
وياريت اسبرين تشاركينا بمعلوماتك ولا حابة تجيبي مية لحالك؟؟؟؟؟؟؟؟؟؟؟؟؟؟؟

الانسة بلسم اكيدكانت نايمة او عم تحشش وقت حكت هيك
لانو انا درست العضوية خلال عشرة ايام  مو خمسة ومرتين مو تلاتة
وبعدين كل واحد الو طريقتو بالدراسة يعني ما في داعي لكل هالحسابات

طولي بالك بانادول  شوبك عصبتي عم امزح معك إنتي بتدرسي المادة أربع وشوش

(وشوش=مرات) موتلاتة


شكرا أخ ياسر علمعلومات بس من وين بتجيبها حاسستك بتتعامل مع الدكاترة

ومتفق معن ياالله سيدي الله يوفق لنصفق خليك صحبة مع الدكاترة وجبلنا معلومات منهن

منشكرك من كل قلبنا على مساعداتك الإنسانية

انا اسفة كتير ما كنت عم ادخل عالمنتدى كتير وما شفت الموضوع هلا شفته مشان الصيدلانيات الضبوبات محذوفة من قسم د/انطون بالنسبة لمازن والله اخر محاضرة هي اللي حضرتها وعطى من الفصل الرابع ص321 الىص336 وكمان هاد الجزء المكمل الها من اول الصفحة من فوق ص337 يعني وصل لخصائص المواد اللدنة ما عطاها        ايه نسيت كمان في ص 330و331و332و333 مو معنا يا ريت تكون/ي فهمت مني والله يوفقنا كلنا

الله يهنيكم يا جماعة الخير ...............................
انا خلوني نايم عم اندب حظي المعتر ..................
والله يهني اللي بيدرسوا المادة مدري كم وش الله يهنيهم .........
أما اللي متلي بزيادة عليهم نص ربع خمس وش وزيادة ....................
ان شا الله بالتوفيق جميعااااا
....................................................................................................................

ولا يهمك أخ محمد  بسيطة كل واحد إلو طريقتو بدراسة الله وكيلك من وقت ماكنت

بلمدرسة ولهلأ وبعمري كلو مارحت على فحص وأنا مخلصة المادة كلها يعني بتصير

مع الكل بس إنت شد همتك شوي مشان ترفع هالمواد وتخلص منن يالله

الله يوفقنا كلنا ويخلصنا من هلسنة على خير

nanonشكرا إلك لأنك خبرتينا بعلامات العملي