افتتاح قصر يلدز جديد في كلية العلوم بدمشق:
في خطوة مثيرة للجدل تم انتقال قسم النبات إلى بناء جديد مما سبب للطلاب إصابات عديدة بالأمل الكاذب و التفاؤل على الفاضي حيث تبين أن البناء المقصود أبعد بناء يتخيله العقل عن أبنية كلية العلوم وهو بلزق كلية الهندسة المعلوماتية و نظراً لتعقل القائمين على قسم الحيوان فقد رفضوا الانتقال إليه وذلك كما تبين لاحقاً بسبب كون هذا البناء مؤقت و سيتم الانتقال منه بعد سنة بالكتير يعني ما كان في داعي للنقلة كان ممكن يصبرو سنة زيادة 
وبعد موجة الجدل الواسع على انتقلنا و ما انتقلنا واجهنا مشكلة الدوام المكوكي بين 4 أبنية كيمياء فيزياءآخر طابق للمعلوماتية حيوان ثم البناء الجديد و البعيد يعني قضينا الفصل ركض و هرولة و الله المعين بلعناها بس انه نقضي شهر ونصف بدون ما تتوصل الكهربا للأجهزة تخينة
بالإضافة لحجم المختبرات القزم يعني ما بيناسب أعداد الطلاب نهائياً والله ما بتوسع مجنون يجن لحاله  يا ترى ما كان فيهن يطلبو من المهندس يللي صمم هالتحفة أنه يوسع المخابر ويصغر الممراات شوي قبل ما يوافقو على انجاز القرن بها البناء      
يعني فرحنا بالبلاط و الرخام يللي عم يلمع لمع و نسينا أهم الشروط ليييش
الحق يقال في مصعد كهربائي للعموم وليس فقط للدكاترة متل بالفيزياء وهذا يعتبر ميزة حضارية
ما بننكرها بس ما بيكفي يعني قيسوها بالمنطق شو رأيكم يا رعاكم الله!!!!

يلا منيح الحمد لله
يعني بيضل أحسن من بلا
لانو لسا الجيولوجيا ما عندون بناء لاجديد ولا قديم
وعقبال ما يصير عنا عن قريب
شكرا الك سوني عالموضوع
يعني بيفاءل شوي
شكرا

والله كل حكيك مزبوط انا سمعت من اصدقائي عن هل المشكلة يس متل ماقالت رورو نحنا جيولوجين وما دخلنا يلي فينا بكفينا لكان قسمنا تحت الارض اي شو هاد

بدي بشر طلاب الجيولوجيا اللي عم يعانو من عدم وجود بناء إن البناء المرتقب خلال سنة رح يكون مشترك بيولوجيا مع جيولوجيا و لأول مرة في تاريخ جامعة دمشق رح تاخدو حقكن لكن بعد سنة

سوني طولو بالكن يعني القصة نفسها ذاتها كل ما نقول كلية العلوم رح تتحدث و تصير متل كليات العالم منلاقيها رجعت أسوأ من أول
الحمدلله مالنا مطولين ما ضل قد اللي راح الله يكون مع الطلاب الجدد

كليتنا قديمة و اثرية وخرج عرضها بالمتحف بس الواحد تعود عليها و صارت ساكنة فيه وصرنا نشتءلها في العطلة وما افي احلى من ذكريات الجامعة  

الله يبشرك بالخير سوني مشان مبنى الجيولوجيا ، و إذا  تم هالموضوع بسرعةإلك مني أحلى بشارة

لا لا لا لا
اسمحولي
بكوني طالبة مخضرمة حاليا
بشوف الكلية الاثرية الها اهمية خاصة
و بالاخص الجنينة
شو
بزعل منكون
بعدين بيحطوها لزق الهندسة
هنن بدنيانا نمشي
رياضة يعني
ولووووووووووو
تخطيط لبعيد

ان بعض الظن اثم
السعي هرولة خلف صحة الطلبة
و الوقوف حاجز امام النجاح شحط
تحياتي
دموع القمر
60 من 100 بجدارة

سكولوبندرا
الحمدلله الله ريحنا منها عقبال الكل

انشالله كمان نخلص من غيرها

ولله علقنا علقة كبيرة

شكرا لمرورك