ميمي
ملكة جمال النهفات والابتسامات
يطلع منها هيك حكي
والله كثير
خصوصاً انو انا فتت عالموضوع قبل ما تحطي مشاركتك الثانية فقمت فتت بالحيط وقلت هذه لعبة من ألعابك

   
للحقيقة اعتبر نفسي متذوق للأدب لا أكثر
يعني ما لي حق وجه انتقادات بس رح قلك انو ما في حدا بلش من القمة
وكبداية كلامك كان حلو
واضح تاثرك باسلوب نزار قباني بس هذا الشي طبيعي
خلينا نشوف دايماً كتاباتك
   

اقتباس

ميمي
ملكة جمال النهفات والابتسامات
يطلع منها هيك حكي
والله كثير

خجلتني مفتاح   

اقتباس

خصوصاً انو انا فتت عالموضوع قبل ما تحطي مشاركتك الثانية فقمت فتت بالحيط وقلت هذه لعبة من ألعابك

مفتاح الله يسامحك ليش انا ايمت لعبت عليكن ؟؟

دايما اللعبة بتكون من اختراع نوار انا بس بكون مشاركة ببطولتها مو اكتر   


اما بالنسبة ل

اقتباس

واضح تاثرك باسلوب نزار قباني بس هذا الشي طبيعي

للاسف انا ما بحب نزار بنوب ولا بقرألو ابدا   
يعني ما بعرف من قصائدو غير يلي بغنيها كاظم وبس وكمان تراطيش من هون و هون بحكم  ثقافتي المتواضعة بسبب النت
ومشان ما كون كزابة بزمناتي يعني يمكن لما كنت شي صف تامن قريت كتابين صغار الو ومن وقتها ما عدت قريتلو ابدا 

اسفة ازا كلامي جرح محبي نزار (( وخصوصا انتي ملاكي بس شو بعملك والله ما بحبو الشغلة مو بايدي ))

بقا شو سر هالتاثر يلي لمستو ما بعرف   

على كل حال انا ما بحس انو الي اسلوب معين يعني بكتب شعر عامودي وتفعيله  وخواطر نثرية  وشعر ما الو اصل وكل شي
بقا بجوز بكرا لما تقرا باقي الاشيا تحس انو بجد اسلوبي ما الو علاقة بنزار


وشكرا الك وبيسعدني انو عجبك كلامي   


وانا كمان بدي قلك عن شغلة عجبتني (( الصورة الجديدة  )) حلوة هي رسمك مو ؟؟؟

اقتباس

مسا الخير ميمي

مسا النور خالد ( او بالاحرى لازم قلك صباح النور لانو الساعة هلا 4 ونص الفجر )

اقتباس

بداية أنا متذوق للشعر القديم أما شعر التفعيلة ماعندي خبرة فيه

وانا بحب الشعر العامودي كتير وما بقرا غيرو بس بالكتابة كتير بتعزب فيه مشان الاوزان وبحور الشعر وهيك

انا بحب الشعر الجاهلي وخصوصا (( عنترة ))
يا ترى بحقلي اسال عن شاعرك المفضل ؟؟؟؟

اقتباس

الكلام اللي كاتبتيه بيدل على أنك عشقانة

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

شو يا خالد تاريك خطير

بس صدقني مو كل حدى كتب عن الحب صار بحب ولا كل مين غنا عن العشق بكون عشقان ولا شو رايك ؟؟

اقتباس

على هالحالة أنا رح غار واكتب شعري
أو شعيراتي عندي كم بيت شعر حابب اكتبون بس قررت حطهون بالمحاضرات يعني بشي محاضرة

بستنى اقراؤو  بفارغ الصبر   

اقتباس

السطر الأول بس ما عجبني حسيتوا تقيل عالتم

بجد معك حق بس يا ترى شو السبب بتعرف   

يعني انا فكرت قلت بجوز لاني بديت بكلمة كل حروفها متحركة يمكن  احسن يكون عالقليلة في حرف ساكن

او يمكن بسبب تتالي حرفين مفتوحين بكلمتين متجاورتين ( كذبكَ حَبيبي )

او لا اكيد لانو اساسا كلمة ( كذبك) تقيلة

الله اعلم  

طيب شفلي اياها لو خليتها

يقتلني كذبك يا حبي  ...................

بتصير احسن او لا؟؟؟

يسلمو خالد عالنقد البناء
ناطرة جوابك   
   

من الأول شو هالعنوان محاولات بائسة ليش هالعنوان القصيدة قصيدة حب و ما لا علاقة المحاولات البائسة وين التفاؤل بدن يجلطوني هالبشر

أحم أحم طلع أسمي على التلفزيون سمعتو مهداة ألي يلا روحي ميمي على نفخ فيي

ملاكك الحارس (((( بدون تعليق )))))

و متل ما قال خالد مبين أنك عشقانة يا بنت بس أنا بقول أنك طامسة و الله مو عشقانة نيالو

على كل بنرجع للرد
القصيدة رائعة كتير أهم شي أنك تشجعت و نزلتيها و حياة الله ما عم جامل لو كانت نزلت بالخواطر الكل حيقول أكيد أنها أحلى من مية خاطرة أنا منزلها
النقد في الرد الثاني

قرأت لك تلك الكلمات
و شردت في أجمل عبرات
أوصلتني لحدود السماء
و ودعتني عند التقاء الغيمات
حبك سيدتي أدهشني
زلزل أرضي و كلماتي
و تعودين لتقولي لي نقدا
كيف سأداري حرماني
فأنا يا عطري لا أدري
أأمزق صفحاتي و أجري
بحثا عن عطرك يا قمري
فأنت شاعرتي و مبدعتي
سمعتك تغيرين تقاليد السماء
تشيعين المنطق للحكماء
و ترفضين جميع الأسماء
أن أطلقوا على الحب وفاء
صدق و صراحة و صفاء
و لكن الحب على يديك
ارجوزة الحب بالعراء
دون تقاليد دون اصول البلغاء
يا ويحهم أن بلغوا منك الجفاء
ألم يدروا أن اللذة بالألم
و أن السم أصل الدواء
فهذا ما تبغين يا صغيرتي
فهنيئا لحبك فحدوده حدود السماء


هاد الرد الأصلي
أنا بوافق الأخ خالد على أنو الجملة الأولى مو كتير متناسقة مع النص
حبيبي
يقتلني كذبك يقتلني
نصيحة في قصائد الحب للتعبير عن المشاعر يقدم أسم المحبوب على كل الاسماء
حبيبي
حمقاء يجعلني كذبك
للتقريب بينك و بين الحبيب الحبيب القب الذي اطلقتيه على نفسك ( حمقاء ) مو مني هالكلام أنت قلتي حمقاء

و الله يا ميمي القصيدة كتير رائعة و أحلى من أنو الواحد يعلق عليها الله يوفقك و يخليلك الي بتحبيه ليخليلنا أنو نسمع هيك حب حلو لأنو كتير الواحد بشتاق لحب صادق خلال الدنيا الي كلها كذب
ليك بدك تعرفينا عليه شي يوم نحنا أخواتك ها و ألا ما برضى
اللله يوفقك
و في انتظار بفارغ الصبر جديدك المبدع

تقبلي مروري

بس بدي قلك يا ميمي انه انت مو غريب عليكي هالاحساس

اقتباس

كذبك حبيبي يقتلني

بس .......................... ما لقيتي الا كذاب؟!
فكم هو احساس كريه حين يكون الشخص كاذب كأن يشعرك باهميتك الخاصة لديه فتفرحي بمحبته او صداقته ثم تصدمين بان ما يقوله  اسطوانة يرددها على مسامع الكثيرين دون ان يعي ما يقوله
تحياتي

مرحبا ميمي

يعني حبيبتي انو شو مشان عم تطلبي من عيلتك المدني الرد يعني والله طلاب العمارة ما بيشكو من شي
بس ولا يهمك بعرفك قلبك أبيض

الخاطرة بتجنن وخلتيني حب الكذب من وراكي كمان

عم بنتظر الخاطرة الجديدة

         
سلام

                WALAA

ها قد عدت لكِ يا ميمي

طلبت صراحتي وسألبي طلبك ان شاء الله


بس ما دخلني اذا طلعت صراحتي قاسية(اذا حسيتي هالشي بتمنى تخبريني حتى اكتفي بالاتعليق  )


يعني بداية انت قلتي انك قديم كنتي تكتبي احسن من هيك.....يعني انا قديم كنت اكتب اكتر بس هلأ بكتب بأسلوب مصقول اكتر وبفن اكبر ودهاء اكبر


بقى انتي شو قصتك مستواكي لازم يكون الى الأمام((((ولا لتكوني مليتي من الحبيب قام ما عاد طلع معك متل الاول   )


يا جماعة خدوها مني ميمي عشقانة وهي اعترفتلي بهالشي



بداية انا بحب يكون للكاتب اسلوب خاص يعبر عنه


يعني انا بالقصيدة حسيت بعض الكلمات التي تشير لكِ بصراحة وهذا شيء جميل....ويحسب لكِ
           

واذا كنت لا تعتبرين نفسك صاحبة باع في هذا المجال فما كتبته يعتبر رائعا  جدا ومتفدرا بعض الشيء في اسلوبه وبداية لخواطر اجمل واجمل

يعني مو شرط كل من حاول يكتب شي غريب نقلو اسلوبك متل نزار...قد يكون نزار اول من كتب شيئا غريبا ولكن لا يعني بأن من ارادا ان يكتب شيئا غريبا عن نزار ان نقول له انت متأثر بنزار

نعود لما كتبتِ.......وجدت في القصيدة بعضا من قلة السلاسة


يعني حسيت بالقراءة في طلعات ونزلات....ولا ضيم في اعادة التعديل


فأنا في بعض الاحيان اعدل شيئا كتبته قبل سنتين مثلا


بصراحة اعدت قراءة ما كتبتي اكثر من مرة


وفي كل مرة احاول اتخاذ اسلوب جديد ونبرة جديدة في القراءة....ولكني احس بانقطاع في القراءة.....لا حظي معي انقطاع في القراءة وليس قلة جمال في القراءة....يعني عن جد قريت شي كتير حلو بالخاطرة وان شاء الله اذا قدرت رح حاول فصلها(ولو اني اجد انه لا ضرورة لذلك....يعني ما بدي اخد وش زيادة...يعني مين انا حتى فصل خواطرك اللي انتي حسيتي فيها وشايفتيها حلوة....انا احيانا اكتب شيئا يعجبني كثيرا واضعه في خانة...خارج نطاق النقد....مو لشي بس مو دايما الواحد بيلاقي عالم من مستوى ما كتب حتى ينتقدو كتابتو و بكون فعلا لما كتبته حاسس باحساس رهيب وجميل ولما بدي عدلو ما بيكون عندي هالاحساس لذلك بتركه متل ما هو.....وفي شغلات متل ما قلتلك بقدر اوصل لاحساسها بعد فترة وبعدلها وحتى وان كانت خارج نطاق النقد)


قد يكون من الجميل استخدام المصطلحات البسيظة في القصيدة ولكن ليس تباعا لكيلا يغرق الكاتب او القارئ في خفة المصطلحات....فعليك كلما استطعتِ ان توجهي صدمة للقارئ بمصطلحات دهائية سلنكتيهية


طبعا هالنقد مو كلو لقصيدتك وفهو يحوي بعض النصائح المتواضعة


طبعا انا ماني شاعر محترف ولاني مقيم للشعر ولكن احببت ان اطرح(رأيي) بما كتبت لا اكثر


قد تكون صراحتي زائدة احيانا.....ولكنها تكون هكذا فقط مع من احبهم


ــــــــــــــــــــــــــــــــــــــــــــــــــ

هامش:
1-اذا لم يعجبكِ ردي فهو ايضا قابل للتعديل
2-كوني دوما الناقد الاول لما تكتبين



هدول الك                    


واذا ما عجبوكي يوم الاحد بجبلك ياسمين حقيقي(انتِ عطيني موعد وانا بحطلك اياهن بشي مكان وانتي بتبعتي حدا من عصابة اللهم عافينا اتباعك ياخدهن.....على اساس انتِ زعيمة العصابة صاحبة الشخصية الخفية  )



مجد

انها رائعة جدااااااااااااااااااااااااااااااااااااااااااااااااااااااااااااااااااااااا
veryyyyyyyyyyyyyyyyyyyyyyyyyyyyyyyyyyyyyyyyyyyyyyyy
goodddddddddddddddddddd