الاسبوع الماضي رحت على احدى المديريات مشان مشروع التخرج وعرفت عنجد

شو يعني مهندسين على الورق

أكيد مهندس على الورق يعني خريج بتعينو الدولة , وبيستلم مكتب وبيصير متل اي

موظف عادي «يعني كأنو مادرس هندسة ولا يحزنون»

وكل تعلموا بالهندسة بينكب بالبحر..................والمهم انو لقبو مهندس!!!!!!!!!!!!

بس المهنس اللي عنجد بدو يكون مهندس بدو كتير يتعب على حالو ويحاول يشتغل

شغلو بإيدو يعني بالنسبة الي صحيح اني عم اهلك بمشروع التخرج ........بس

هادا الشي علمني كتير  ..................... وبالدرجة الأولى تعلمت اني أعطي حتى

استحق ان أخذ.................


سلاماتي

   

هناك بيت شعر يقول
وما نيل المطالب بالتمني          ولكن تؤخذ الدنيا غلابا
فأكيد اذا الواحد ما تعب على حالو ونزل عالواقع وشاف اكيد مابستفيد شي وبيتحول الى حارس ورقيات المكتب مثلو مثل اذن المكان الي عم يشتغل فيه                                                            

مسا الخير
لا انتا هيك ضلمتى الكلية
ضلم شديد
ليكى  الشغلة بدا تعب او حهد شخصي
شكرا

أنا برأيي اول ما فتت عالكلية قلت لحالي يبعت حمى  لابو البكالوريا ع ابو المفاضلة وسبيت الكلية شي 1000 مرة وكرهتا وكرهتا اكتر بعد ما حملت خمس مواد من الفصل الاول ورفعت الوصفية والانكليزي بس المهم مو هون بعد ما حطيت عقلي براسي اكتشفت انو القناعة احلى شي بهالدنيا عن جد اذا الواحد قنوع ما في احلى من هيك مثلا شوفو طالب الادب الانكليزي فرحان ومروق انو بدو يعمل دورة كمبيوتر بعدين يشتغل,,, طالب الاقتصاد مثلا طاير عقلو دورة كمبيوتر ودورة انكليزي والشغل وين ما كان بيلاقيه كلية الطب مثلا الطالب عرفان حالو عالعيادة ركد بعد التخرج وهيك الحياة

بس اذا طلعنا عالكلية تبعيتنا منلاقيا عن جد احسن كلية وانضف شغل بعدين مو شغلة حسابت ووجع راس متل الاقتصاد ولا شغلة رسم وشخوطة متل الفنون ولا منجيب واحد منقطعو شقف متل الطب بالعكس الهندسة المدنية احلى كلية شو عم يعمل المهندس غير يطلع عالمخطط ويعطي اما موافقة او رفض؟؟؟

اول شي عم تقولي مهندسين ع ورق انا بقلك اذا تخرجتي ورحتي قعدتي بالبيت بتكون حكيك مظبوط مهندسة بس عالورق بس اذا وسعنا افاق نظرنا منلاقي انو البلد مليانة شركات هندسية جبارة بدها حدا يشتغل فيها اسمو مهندس مدني وبالراتب اللي بدو ياه وغير هيك برا البلد الخليج وغيرا مثلا رفيقي هون سنة اولى قدم ع شغل بشركة هندسية هون بسوريا عملو معو مقابلة سألوه اسئلة كتير وسألوه اذا بتعرف اوتو كاد قال ايه وعم ياخد 12000 بالشهر وبعدو سنة اولى

حتى بأوروبا بدهن من الله مهندس مدني عالورق حتى يعملو منو مهندس حقيقي ع ارض الواقع القصة مو قصة مهندس ع ورق وهالفاشل اللي قلك هيك ما قال هالشي غير جكر من الفرع اللي عم ندرسو مو اكتر

بعدين بيكفي احترام الناس الك اجت المهندسة راحت المهندسة ولا مو هيك جد شي بيرفع الراس...



ومشان انك عم تقولي مراجع وما بعرف شو بصراحة انا بقلك وبدون زعل اول شي اقري كتبك كلهن بعدين فكري بالمراجع مو وقتا هلأ موادنا مكفيتنا وزيادة تاني شي ليش بدنا مراجع ووجع راس اذا كل شي جايينا ع طبق من ذهب ؟؟؟
ليش لحتى نوجع راسنا حل المسألة عم يجي لعنا مع طريقة حلو نحنا بس مطلوب نفهمو للحل اكتر الكليات الاوروبية مثلا وغيرا IUST عم يطلبو مراجع بس تقريبات نفس دراستنا ولا تنسي انو نحنا بجامعة دمشق والشهادة تبعيتا مو بسيطة...



واخر شي اكيد مو مستعجلة اصلا انا ورفيقي اول السنة فتنا ع هي المكتبة اللي جنب قاعة المطالعة واخدنا كتاب انكليزي عن الميكانيك واحد قعدنا نقراه ع أساس بدنا مراجع  .... هلأ بالكاد عم نقرا كتبنا.


لذلك الشغلة كلها توفيق من الله واغتنام فرص لا تطلعي لتحت طلعي لفوق عالمهندسين الكبار كيف صارو شو عملو لحتى نصير متلهم بعدين بعد التخرج بدنا نتدرب عند شي مهندس مدني شي 3-4-5 سنين مشان الخبرة مو منطلع دغري منستلم مشروع الشغلة معقدة كتير....

انا بصراحة هاد رأيي بالموضوع مو جاي اعمل معلمية عالشباب بس بصراحة انا كنت محبط وانقذوني رفقاتي وخلو تفكيري يصير هيك وشكراااااا





تقبلو مرورييييييييييييييييييييييي
هيثم

ماشاء الله شو متفائل ! ! ! ! ! !

ياصديقي : الكلية ستخرجك ليس مهندس على الورق بل أقل من ذلك بكثير وبالمستقبل ستستنتج

صحة ماأقول ! ! !    

ليس ذلك دافعاً للإحباط ولكنها الحقيقة المرة

ولعل الشيء الصحيح الذي قلته هو أن تتدرب عند أحد المهندسين المخضرمين ، ولكن :

هل سيعطيك المهندس خبرته مباشرة

وهل ستنتظر بعد تخرجك 4 - 5 سنوات و سنتين جيش لحتى تصير مهندس مو على الورق ! ! !  

الأمر يحتاج توفيق من الله عز وجل ومقومات خاصة للانطلاق بعالم الهندسة الرحب

بالنهاية  :

حلو الواحد يكون متفائل . . . . . . ولكن لايجب أن نتناسى الواقع الذي نعيشه فترة من الزمن فيكون

كمخدر ينسينا الآلام فترة من الزمن ، ثم يعود بجراحه و  آلامه . . . 


تقبلوا مروري : م.عبد الرزاق

   

والله حسيت بعد شوي لح تقلي أنو الشركات الهندسية واقفة على باب الكلية وعم تشحد مهندسين ليجوا يشتغلوا عندها و مو بس هيك كمان لح تفرشلن السجاد الأحمر وتعمل الأفراح والليالي الملاح لأنو وافقنا أنو نشتغل عندن 

ومين قلك إني ما لي مقتنعة 

بيكفي ثقتي المطلقة بالله الذي من غير الممكن أن يضيعني أو يضعني في المكان غير المناسب لي  طالما أنني أعمل بإخلاص

اقتباس

شو عم يعمل المهندس غير يطلع عالمخطط ويعطي اما موافقة او رفض؟؟؟

بس هيك شغلتنا !!!!!!!!!!!!!!! 

ممكن كون بس هيك بس بعد قديش من الوقت

بعد ما تكون تعبت بالدراسة  واكتساب الخبرات من الحياة العملية وأهم شي إنك تشتغل بإخلاص لأنو الشغلة مو شغلة موافقة بس وإنك طج توقيعك 

اقتباس

وهالفاشل اللي قلك هيك ما قال هالشي غير جكر من الفرع اللي عم ندرسو مو اكتر

أصلا أنا وقت نزلت الموضوع ما كان حدا قايلي بس بهالسنة سمعتها كتييير من مهندسين كبار وطلاب على أبواب التخرج

بس بيكفي قول أنو واقع جامعة دمشق يعكس هالشي ومو بس بكليتنا بكل الكليات والكلام يلي قلتو بأول ردك مخالف للواقع بشدة وبيكفيني مثال قريب مني كتير  أخي بالطب والحال الذي يعيشونه

اقتباس

بعدين بيكفي احترام الناس الك اجت المهندسة راحت المهندسة ولا مو هيك جد شي بيرفع الراس...

اللقب لا يهمني والإنسان الناجح بيقدر يخلي الناس تحترموا بشخصيته بأخلاقه بثقافته وبالأخير بشهادته

بس شو بتفيد الشهادة إذا كان الشخصية  فاضية من جوا   

اقتباس

ومشان انك عم تقولي مراجع وما بعرف شو بصراحة انا بقلك وبدون زعل اول شي اقري كتبك كلهن بعدين فكري بالمراجع مو وقتا هلأ موادنا مكفيتنا وزيادة

أنا بعرف شو عم ساوي تماما وكتبي عم اقراهن

وأنا لهلأ ما قريت شي اسمه مراجع بس الموضوع قيد الدراسة حاليا

اقتباس

ليش بدنا مراجع ووجع راس اذا كل شي جايينا ع طبق من ذهب ؟؟؟

مشان الفائدة
مشان المتعة
مشان العلم
مشان التميز

ضروري نضل عم ندرس مشان العلامة ما فينا شي مرة ندرس مشان لأنو بدنا نتعلم 

اقتباس

اكتر الكليات الاوروبية مثلا وغيرا IUST عم يطلبو مراجع بس تقريبات نفس دراستنا

ليش ما بتعرف هنن عم ياخدوا المناهج تبعن من عنا 

اقتباس

ولا تنسي انو نحنا بجامعة دمشق والشهادة تبعيتا مو بسيطة...

 
  أنعم وأكرم

أول شي شكراااااااااا عالرد الجميل تاني شي انا عرفان شو الواقع شو الحال مالي عايش بكوكب تاني وبرأيي الحياة كلها توفيق من الله يمكن نتخرج مهندسين ونشتغل شغلة ما توقعناها ولا خطرت ببالنا ونندم عالوقت اللي ضاع بالدراسة بالجامعة........


أنا حبيت كون متفائل وانظر للأشياء من باب الأمل مع اني بعرف الواقع.....

حبيت أوقد ولو شمعة خيرا من أن ألعن الظلام......

وبشكركن عالردود الحلوة وعاليأس والاستسلام  للواقع     

أنا معك أنو لازم نكون متفائلين أصلا أنا ما قلت غير هيك



بس هالتفاؤل ما لازم يكون بأنو نهون الأمور على حالنا ونقول أنو كل شي سهل وكل جاهز لخدمتنا

هالتفاؤل لازم يدفعنا أكتر للشغل والتعب على حالنا لنغير الواقع ما استطعنا  مشان هيك أنا طرحت هالموضوع


وبهالشكل منكون أوقدنا الشمعة وما لعنا الظلام 


بالنهاية :


نحن هون عم  نتبادل الأفكار وبعدين كل واحد بيختار الطريق يلي بيقتنع فيه

والله يوفقنا جميعا

احم احم

هلئ انا مو مدني ............. جارتكم اول حارة على اليسار 

عمارة 


بس بما انو الحال من بعضو حبيت اتطفل شوي 



انا برأيي ليكون الواحد مهندس حقيقي بدها 3

جهد + حنكة    + توفيق من رب العالمين


الجهد .............. انك تشتغلي على حالك وما تكتفي باللي عم تقدمو الكلية والكتب وكتير منيح اذا بتلاقي مكتب تدربي فيه ......... " لأنو بصراحة موضوع المكتب مو بهالسهولة و أغلب المكاتب بيدوروا عالطالب الراسب كونو متفرغ "

الحنكة ................. تكوني ذكية بدراستك يعني في مهم وفي أهم
لازم تعرفي شو هي المواد الأساسية اللي بتفيدك بالحياة العملية وشو هي المواد المكملة وطبعا يكون اهتمامك حسب الأولويات
وتستغلي اي فرصة 

وتدعي ربك ......... مع رشة قناعة 



وصحتين وهنا