السلام عليكم..
الكثير منا قد يسأل عن سبب اطلاق مصطلح العالم الثالث على بعض الدول و من

العالم الأول و العالم الثاني لذا قمت بالبحث في الانترنت و وجدت إجابة و هي التي

سرقتها لكم إن كان يهمكم ان تعرفوا السبب في التسمية و هي كالتالي:

بعد الحرب العالمية الثانية بدا التحدث عن عالمين ككتلتين هما دول حلف الناتو و دول

اتفاقية وارسو و استخدموا مصطلحين ليعبروا عن ذلك و هما الكتلة الغربية و الكتلة

الشرقية. و كانت غالبية الدول لا تتبع لهاتين الكتلتين لذا أطلق عليهم الفريد سوفيه

عام (1952) مصطلح العالم الثالث

و بالتالي :

دول العالم الأول هي الدول الرأسمالية المتقدمة(مثل الولايات المتحدة)

دول العالم الثاني هي الدول الشيوعية (الاتحاد السوفييتي سابقا)

دول العالم الثالث هي الدول التي لا تنتمي لأي من العالمين السابقين

و بعد ذلك أصبح مصطلح العالمين الأول و الثاني يدلان على التقدم و الرقي و

مصطلح العالم الثالث يدل على التخلف


أرجو أن يلقى ما نقلته اعجابكم

       

    والله يا شرسة 
بحب قلك أنو ,,,,,,,,,,,, مو هنن يلي بيسمونا ونحنا منمشي على التسمية

بدهم يسمو يسمو على كيفهم

بس أنا ما بقتنع بهي شغلة عالم تالت

لأنو هاد العالم التالت كان سبب نهضتهم لما كانت النهضة العلمية هون بالوطن العربي
ومازال هذا العالم هو سبب نهضتهم والدليل
هو الاستعمار الذي يتعرض له ,,,,,,,,,,,, وما حدا بيستعمر حدا الا لمصلحة وفائدة

فلو كنا عالم تالت ليش جايين لعنا ,,,,,,,,,,,,,,,,,,, 



بس التخلف عنا هو أنو منسدق هيك شغلات ومنحطها ببالنا


                     
بلا عالم تالت بلا بطيخ
سوريا مهد الحضارات كانت وما زالت
                 



شكرا على المعلومة أيتها (( الشرسة ))

بدي خبرك دريانة أنو اليوم الساعة 11 في اجتماع

المشكلة انو طلع مصطلح العالم الثالث لهدف معين متل ما قرأت بس احنا ساهمنا انو حولنا التسمية لمعنى التخلف و ما فيك تنكر انو عنا تخلف نوعا ما بالنسبة للدول المتقدمة
طبعا ما حدا بينكر انو كان عنا حضارة و انو احنا مستهدفين بس يللي عم يرجعنا لورا أكتر هي مقولة
كنا


أما بالنسبة للاجتماع فأنا دريت بس ما فيني كون للأسف

و شكرا على تعليقك

spot light
( العالم الثالث الدول النامية..................)
تعددت الأسماء والنتيجة واحدة
         

شكرا الك اخت سبوت لايت عالموضوع

وطبعا ما نقلته نال اعجابنا


وبدي قول لنوار انو نحنا كمان سبب بهي التسمية


يعني انت عم تقول انو ما رح نرضى بهي التسمية..طيب انا معك


بس الواقع شو بيقول؟؟؟


وبعدين بلاها هي اللهجة تبع حضارة وسوريا وامجاد العرب والحضارت والزمن الماضي....يعني نحنا شو اللي وصلنا للتخلف غير التمسك بشي...لايسمن ولا يغني من جوع في خضم حركة التطور العالمية


وشكرا مرة تانية


مجد

شكرا ريتشارد و معك حق تتعددت الاسماء و النتيجة واحدة 

و شكرا مجد على التعليق المنطقي

نعم
نحن من دول العالم الثالث ولأكون أكثر دقة من دول العالم قبل الأخير، يعني ما بعتقد ان ترتيبنا هو الثالث بل أكثر من ذلك بكثير وباعتبار وجود من هم **** (حذفت من الرقابة) منا فنحن ننافس على المرتبة الأخيرة
لا تقولوا لي: مهد الحضارات، وكان عندنا حضارة، وهنا خلقت الأبجدية... وكل مشكلة لدينا سببها الاستعمار والامبريالية
هذا الكلام أكل الزمان عليه وشرب، لا بل نام
لن لأقول لكم انظروا الى الغرب
بل الى الشرق
دول الشرق الأقصى جميعها استعمرت وجميعها كانت خلفنا في وجميعها عانت ظروفاً أصعب من ظروفنا..... لكنها عادت ونهضت
وخير مثال ماليزيا فهي دولة اسلامية تنافس الآن دول العالم الأول
ولنهضة ماليزيا قصة كبيرة سأحكيها لكم يوماً لكن نحن ما زلنا نتفرجج على العالم
ونتبجح بأننا أصحاب حضارة
يا أخي..
..
..
   
عزيزتي spot light
شكراً لك على الموضوع فتحتيلي جروحاتي
   

طول بالك ENGKEY ان شاء الله بتنحل

لا تنسى تحكي عن ماليزيا .. عم نستنا يمكن نتعلم شوي

العالم الثالث....
عن جد لما بسمع هالكلمة بتنزل معنوياتي لأسفل سافلين.....
بس الله ينصرنا ويصحينا بقى حاجة ...
شكرا إلك على الموضوع الحلو وفعلا نال إعجابي.......

شكرا على التعليق ..
عنجد هاد المصطلح كتير بشع بمعنا و المشكلة انو معنا حقيقي
متل ما قولتي