مسا الخير ......

 باركولي ..بعد 6 دورات ....والحمدلله رفّعت الوصفية

  بس  ........

  حملت السنة ..........

    ما بيقهرني غير انو المواد اللي بكتبا بحملا ....لك لييييش والله نيتي صافية والحمدلله

        الحمدلله  ع كل حال ......

وايت انجل طولي بالك وشوفي الوزير شو حاكي

http://www.syriandays.com/index.php?page=show_det&select_page=66&id=27915#comment

يعني في امل

بس المشكلة انو الوزير حاتط اساس دراسة قرار الترفع الاداري على نسب النجاح

ونسب النجاح عطول بتجي تشليف وخصوصي عنا بالمدني

عم نحاول نحط تعليقات على الموضوع بلكي بيسمعنا

بس هي بادرة خير

ان شاء الله ماحدا فينا رح يرسب

ابو صالح ، ،، أنا ما عدت تفرجت على الأخبار ،  عم تصيلني الأحداث قبل الأخبار

ومن شان وضع موادك بالله طمنا عنك ، وإن شاء الله ، الله يخترك الخير صديقي ، و يفرجها على الجميع

سلامممممممم

مبروكة الوصفية وايت انجل

وأهلا وسهلا فيكي معنا بشلة الراسبين

شكرا للكل 

الله يخليلي اياكن 

ويلي رسبو انشالله يا رب بيطلع القرار وبنرجع نفرح .... انا كنت متفائلة ورح ابقى متفائلة

يعني اليوم تشاءمت عن كل عمري وكفاها الله ... حاجتي حزن وهم يوم واحد بس مشان اهلي 

عيب مشان قدري وقيمتي ... لازم ورجيهن اني متدايقة شوي   

وما بقول غير يااااااااااااااااااااااا رب

شو رأيكم تعملوا نذر إذا طلع القرار تعملوا شي لوجه الله

برايد

       




*****

وايت انجل

مبروك..بدنا الحوان ايوا


بالنسبة للسنة خلص طولي بالك باذن الله في قرار ...

****

او رياض


الله يفرجها يارب

بس في اخبار ماتوصل الا على التلفزيون 

****

هبة

واضح جدا التفاؤل   

مرحبا صديقاتي اصدقائي

خطرت عبالي فكرة مهمة وحسيت لازم قول يلي ببالي :
انا مقدرة ظروف الكل وبعرف انو كتير ناس حملت مواد وكان وضعا مأساوي
لسبب أو لآخر ...!!
كتير ناس رسبت .... ولسى في ناس مو مبين شو وضعا (متل محمد
وكتير ناس مستنية القرار تبع الترفع الإداري
انشالله خير ومن كل قلبي بتمنى يطلع لحتى الكل يستفاد

وسواء نزل هالقرار او ما نزل
خلونا نتذكر سوا شغلة مهمة كتير
( الله دائما بيختار لإلنا الشي المنيح )
حتى الرسوب !!!  بعيد الشر عن الكل هون يارب
بس كتير احيان ممكن تصير معنا شغلات تكون ببدايتها مأساوية
بالنهاية منكتشف انو الله خلانا نتوجع لنوصل لشي مفاجاة كتير حلوة بالنهاية

ما منعرف الأيام شو مخبية لكل واحد فينا
وياااما ناس رسبت ... بعدين صارت ترفع موادها معدلات دائما وقدرت ترفع معدلها للتوب

( انشالله ما تكونو عم تقولو عني .. حاطة إيديها ورجليها بمي باردة وجاية تنظر

بس والله من جوات قلبي عم احكي


ارضو بأي شي الله بيبعتو
لان بالنهاية الله بيعرفنا اكتر ما منعرف حالنا
واكتر ما منعرف مصلحتنا


=====
بمختصر الكلام :  الرضـــــــــا
... والسلام

تعقيبا على كلام pride

وراء كل محنة منحة

فانظر نعم الله الباطنة في كل ابتلاء

رفيقي رسب بالسنة الأولى على علامة لكن تغيرت حياته بعد هذا الرسوب
سبحان الله ربنا بيبعتلنا منبهات بحياتنا مشان نوقف شوي مع ذاتنا ونراجع أسلوب حياتنا ومافي حدا منا خالي من العيوب

بالأخير ( وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون)

لا تفقدوا الأمل بالله

louay  pride
معكن حق   


سامحني يا الله عندما اتذمر لشيء لم تكتبه لي ... فانا اجهل حكمتك 

لكني على يقين انه الخير لي ... والحمد لك يا الهي على كل شيء