[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
كلية الهندسة المدنية

مشاريع وأعمال حالية.. وإعلانات
دلـيــل الفـصـل الثـانـي-السنة الثانية 2011/2012... كلية الهندسة المدنية
أسماء المقبولين في الدراسات العليا-كلية الهندسة المدنية
نتائج الامتحان المعياري...كلية الهندسة المدنية
أسئلة الفحص المعياري ( اختصاص عام ) 2011-2012 كلية الهندسة المدنية
دليــل الفصل الأول - السنة التانيــة 2011/2012....كليــــة الهندسة المدنيــــة
... أجوبة الأستاذ المهندس حسام بلوط ...
مقابلة مع الأستاذ المهندس حسام بلوط
مجلة الهندسة المدنية 3
تعريف وقوانين القسم الصحفي ... بسم الله نبدأ ...
دليل السنة الأولى-كلية الهندسة المدنية 2010-2011
مواضيع مميزة..


.:: يـا الـلـــه مـالنـــا غيــرك يـا الـلـــه ::.




  ملتقى طلاب جامعة دمشق --> كلية الهندسة المدنية --> قسم طلاب كلية الهندسة المدنية --> السنة الأولى
    إلى طلاب السنة الاولى ,,,,,,,,, فهرس بالمواد والمفردات المناهج
عنوان البريد :  
كلمة المرور :  
                    تسجيل جـديد


صفحة 1 من 3  1 2 3->

.إلى طلاب السنة الاولى ,,,,,,,,, فهرس بالمواد والمفردات المناهج


n_blow

جامعـي اســتثنائي





مسجل منذ: 04-09-2008
عدد المشاركات: 939
تقييمات العضو: 0
المتابعون: 26

غير موجود
اشــترك بالتحديثات
رسالة مستعجلة

إلى طلاب السنة الاولى ,,,,,,,,, فهرس بالمواد والمفردات المناهج

16-09-2008 10:34 AM




إخواني طلاب السنة الاولى
حاولت في هذا الموضوع جمع مفردات المنهاج الذي ستقومون بدراسته ضمن هذه السنة في كلية الهندسة المدنية

*مادة الرياضيات (!)
تقسم هذه المادة إلى 3 أقسام :
الاول )قسم التحليل
حيث يتم به تذكير الطالب بالاستمرار والاشتقاق ولتوابع لمتغير واحد والنهايات
كما يضم هذا القسم التكامل المحدد والتكامل غير المحدد والتكامل المعتل
كما يتم به عرض فكرة مختصرة عن السلاسل الهندسية والعددية من حيث
التباعد والتقارب
الثاني ) قسم التحليلية
حيث يهتم بدراسة جمل الاحداثيات والمتجهات ومعادلة السطح ثلاثي الابعاد
ومادلة المنحني في الفضاء ودراسة السطوح بقليل من التوسع
الثالث ) قسم الجبر
يهتم هذا القسم بدراسة كثيرات الحدود وتطبيقاتها ودراسة المحددات والمصفوفات
والطرائق العددية
**************************************************************************
*الفيزياء للمهندسين
ميكانيك السوائل,طبيعة الضوء وخواصه,الكهرباء الراكدة ,التياروالحقل المغناطيسي والمقاومة
الفيزياء الحرارية , المرايا , الليزر , معادلات الحركة , القذف
*************************************************************************
*ميكانيك (1)
تصنيف جمل القوى , عزوم القوى والمزدوجات , الحاصلة العامة وعزم الحاصلة
تكافؤ ورد جمل القوى والمزدوجات , أنواع القوى , أنواع المساند الهندسية , توازن جمل القوى
الاطارات الهندسية , الاحتكاك
************************************************************************
*المعلوماتية
مقدمة تاريخية عن بدء ونشأت الحاسب
نظام الاعداد
مكونات الحاسب المادية
أنظمة التشغيل
شبكة الانترنت
حفظ وتخزين البيانات (( قواعد البيانات )
الخوارزميات
***********************************************************************
*الهندسة الوصفية والرسم الهندسي
التمثيل الفراغي للأشكال الهندسية (المنظور)
تمثيل النقطة في الهندسة الوصفية
تمثيل المستقيم في الهندسة الوصفية
اسقاط الاجسام والاشكال الهندسية
تمثيل المستوي في الهندسة الوصفية
استنتاج المسقط الثالث
*********************************************************************
كما يوجد في المنهاج مادتي ((الثقافة القومية واللغة الانجليزية ))


وبذلك نكون قد انهينا مواد الفصل الاول,,,,, أما مواد الفصل الثاني
فهي كالتالي :

*الرياضيات ( 2 )
يتم التركيز هنا على قسم التحليل والتوسع به حيث يتم دراسة
((الاشتقاقات والتكاملات والنهايات )) بجميع انواعها
********************************************************************
*الجيولوجيا الهندسية
تاريخ تطور علم الجيولوجيا
الفلزات المشكلة للصخور
الصخور وأهم أنواعها الاساسية
الحركات التكتونية
الهزات الارضية
الحت
المياه الجوفية
******************************************************************
المساحة ( ! )
مفاهيم وتعاريف اساسية في علم المساحة
نظرية الاخطاء ونظرية التربيعات الصغرى
الاجهزة المساحية
قياس المسافات
قياس الارتفاعات (التسوية )
قياس المساحات
***************************************************************
الكيمياء للمهندسين
بنية الذرات والنظرية الذرية
الروابط الكيميائية وبنية المواد
الكيمياء الحرارية والطاقة
الماء والمحاليل والحموض والاسس والاملاح
المعادن
الاسمنت البورتلاندي
تفاعلات الاسمنت مع الماء
الاضافات الكيميائية للاسمنت
أنواع الاسمنت الاخرى
*************************************************************
الميكانيك الهندسي (2)
درجات الحرية والتقييد
تقييد العناصر الهندسية
مبدا العمل الافتراضي
الطاقة الكامنة والاستقرار
الحركة المستقيمة والمنحنية للجزيئة
الدراسة التحريكية لانسحاب مستقيم
النظرية العامة لتحريك جزيئة
الحركة الاهتزازية
الحركة الدورانية
***********************************************************

الان سوف أسرد لكم رأيي الشخصي بكل مادة وبطريقة دراستها

الرياضيات 1 مادة ذات مفردات كثيرة متعبة في الدراسة لكنها سلسة اذا تابعت دراستها
من البداية قسم الجبر فيها تأتي أسئلته من المحاضرات أما قسم التحليل فهو يحتاج لجهد منك
أخي الطالب ,,,,,,,,,,,, ولا تعتمد على الدكتور كثيرا لأنك بالمحاضرة ستتمنى أن تنشق الارضوتبتلعك

الفيزياء مادة سهلة حاول أن تحصل أكبر قدر من الدرجات في قسمها العملي هذا سوف يسهل عليك كثيرا
حاول أن تعتمد على نفسك بدراسة هذه المادة فالدكتور سيكون خير وسيلة لجعلك تعتقد بأنك أغبى مخلوق
عرفته ارض كلية الهندسة المدنية

الميكانيك (1 ) من المواد المضمونة حاول التركيز مع المعيد في محاضرة العملي أفكارها قليلة واسئلتها بالامتحان مكررة
لكن رغم ذلك حاول الاعتماد على نفسك في حل المسائل فعندما ترى المعيد يحل المسألة قد تستسهلها واذا جاء الامتحان
تحاول تضييع الوقت في محاولة فاشلة أخذ ولو معلومة واحدة من زميل لك , هذه المادة برايي من مضيعت الوقت
حضور محاضرات النظري لها

المعلوماتية من أصعب المواد في الفصل الاول معلومات كثيرة وتحتاج لقدر عالي من الفهم لا يوجد لديم خيار في حضور أو عدم
حضور القسم النظري لأنه يختلف تماما عن العملي في الاجزء الاولى من المادة لاداعي لحضور النظري لكن في مواضيع قواعد
البيانات والخوارزميات اذا لم تحضر النظري تكون قد حكمت على نفسك بنتع هذه المادة وحاول جاهدا الحصول على علامة عملي جيدة

الهندسة الوصفية تحتاج بالدرجة الاولى للخيال وفي الدرجة التانية للخيال وفي الدرجة الثالثة للخيال هذه المادة تحتاج لخيال خصب
ودون ذلك اعذرني اخي الطالب سوف تتفضل مشكورا بنتع هذه المادة ,,,, الا اذا كان لديك واسطة فهذا شيء أخر

الرياضيات (2 ) مادة سهلة لا تحتاج الا التركيز قليلا مع المعيد في محاضرات العملي

الجيولوجيا مادة تعتمد على البصم في المرتبة الاولى والاخيرة حاول أن تحمل هذه المادة وانا أضمن لك ترفيعها في دورة الحملة
وبمعدل لا يقل عن الـ 80

المساحة (1) مادة سهلة سلسة مسلية يعطي هذه المادة دكتوران الاول سوف تستمتع معه كثيرا اما الثاني فلا يسعني القول
الا (( سامحك الله يا دكتور ))

الكيمياء مادة حفظية بحتة من أصعب المواد في السنة الاولى حاول أن تكون محاضرات هذه المادة هو أكثر ما تشاهد ضمن هذا الفصل
محاضراتها النظري من أهم محفزات النعاس والملل حاول الابتعاد عنها قدر الامكان

الميكانيك (2) لها 3 أقسام في قسمها الاول والثاني سوف تجد المتعة في الدراسة لكن سوف تشعر بخيبة أمل كبيرة عندما تبدأ بدراسة قسم
الدكتور مروان البشير ,,,,,,,,,, " جزاه الله عنا كل خير " من المواد كثيرة المعلومات لكنها شيقة في الدراسة حاول أن تجمع أكثر قدر
من الدرجات في قسمها العملي لتتمكن من حذف قسم الدكتور البشير في أمتحان المادة النظري

أما مادة اللغة الانجليزية فهي مادة مؤتمتة أي اعتمد فيها على التشليف
وكما قيل في المثل ((( مع المواد المؤتمتة شلف,,,,, أكيييييد بتنجح )))

أما مادة القومية فالاعتماد الاكبر بالنجاح فيها هو عدد السطور المكتوبة في ورقة الاجابة يعني أكتب أكتر تزيد فرصتك بالنجاح




,,,,,,,,,,,,,




همنا الاول والاخير أن تعم الفائدة على الجميع
فان عاد موضوعي عليكم بالفائدة أرجو منكم الدعاء
وان لم يكن أشكركم على قراءة موضوعي

أخوكم أبو النور  






مهما الأيام أبعدت التلاقي
   
فان الحب لك والاخلاص باقي
   
حبيبك المخلص لهوالك 
من قبل حتى ان يراكي
   
يا أنستي وفاتنتي ومرادي
   
طال شوقي متى يكون لقاكي
   
علموني النسيان كي انساكي
   
لكن النسيان انساني كيف انسى هواكي
   
ان ابعدوني عنك فلن انساكي
   
وان قتلوني ساكتب على قبري هواكي
   


أنت غير مسجل لدينا.. يمكنك التسجيل الآن.

مشاركة : 2


just smile

عضــو فضـي

سيطلع من عتمتي ... قمر




مسجل منذ: 07-08-2008
عدد المشاركات: 1995
تقييمات العضو: 44
المتابعون: 11

غير موجود
اشــترك بالتحديثات
رسالة مستعجلة

رد مشاركة : إلى طلاب السنة الاولى ,,,,,,,,, فهرس بالمواد والمفردات المناهج

21-09-2008 12:57 AM




حبيت اتطفل شوي على موضوعك ابو النور
وحط رأيي الشخصي بالمواد

يعني رأيين احسن من رأي واحد مو هيك؟؟؟


رياضيات 1

قسم الجبر حلو وبسيط كتير  ممكن بالبداية تحسوه صعب بس غالبا اسئلة الدورات بتيجي مكررة

الدكتور يلي بيعطي القسم ( الدكتور معن ازهري ) كتير حباب ومحترم ومحاضرتو بتسلي بيشرح من قلبو وببسط المعلومة كتير

هوا بنزل محاضراتو بركن الهندسة يعني ما في داعي تدرسو من برا المحاضرات ابدا


قسم التحليلية

بالنسبة الي صعب وفايت بالحيط يعني مو متل التحليلية تبع المدرسة ابدا
بس كمان غالبا اسئلة الدورات بتيجي مكررة وبسيطة مشان هيك ما تعزبو حالكن وتحاولو تفهمو
وهاد القسم يا اما رح يدرسكن اياه الدكتور ( طالب عمران )
شخص هادي كتير صوتو بيوصل للمقعد التالت لابعد تقدير يعني ازا بدك تحاول تسمع وتفهم لازم تقعد قدام يا اما نصيحة مني بلا هالمحاضرة لانو ما رح تسمع ورح تقضيها لعي او استماع لمواضيع يلي عم يلعو

وهالدكتور بقضي اغلب المحاضرات يحكيلك عن واقع الامه وشباب هالعصر والامجاد الضائعة والثقافة المعدومة

يعني مرة قضالنا المحاضرة عم يحكي بالجغرافيا وهو  عم يسال اين تقع  (الهونولولو)

حد بيعرف وين تقع الهونولولو

نحنا وقتها طلع عنا واحد مثقف

فكرو وازا عجتو سالوني

اما الاستاز التاني يلي بجوز يدرسكم المادة فوا ( عطائي )
هو استاز رياضيات وليس دكتور وليس مهندس ايضا

شخص بضل بحوص كتير وانا بتجاكر كتير من حوصتو
بعصب احيانا وبقرر المحاضرة لمجرد رنو مبايلين او تلاتة بالدرس
بفهم ماشي حالو وهوا كمان بدرس مادة التحليل مع باقي اساتزة العملي في انسة بتعطي عملي اسمها( سبع ) ظريفة كتير بنصحكن روحو عندها

التحليل مادة بدها شغل ودارسة ولازم تنفهم التكاملات منيح بس كمان اسئلة الدورات بتفيد
يعني باختصار بالرياضيات 1 عليك باسئلة الدورات



الفيزياء للمهندسين


العملي فيها ما الو علاقة بالنظري ابدا
مادة  سهلة بس ليش حملتها وعلقت فيها ما بعرف
معلوماتها مو جديدة ابدا بسيطه وسلسه
بدرس المادة ( الدكتور حجي ) انسان مزاجي يعني يا اما بقضيها ضك وتفقيس يا اما ما بتشوف ابتسامتو ابدا انت وحظك
يعني ما رح قول بفهم لاني بصراحة ما حضرت عندو الا كم محاضرة بقا بدكن تسالو يلي حضر

اما ( الدكتورة ام كلثوم ) بعتقد هيك اسمها مو متاكدة
نصيحة مني ما تحضرو ولا محاضرة عندها لانو ما بتعمل غير انها بتقرا من جهاز الاسقاط وبس
يعني اقرا الدرس بالبيت احسنلك

وملاحظة الدكتورة يمكن من الجزائر  بتقرط في حرف الراء بتقولو غين
يعني في رمز اسمو ( رو ) يرمز للكتله الحجمية الدكتورة بتقولو ( غو )
وبقيت لاخر السنة وانا عم فهم الطلاب انو اسمو ( رو ) وما في خواص
بقا من هلا عم قلكن اسمو رو مو غو


ميكانيك (1)

كتير سهلة درسو فيها بس المسائل وفي كم برهان بس نظري
ما تدرسو من الكتاب لانو ضياعة وقت العملي واسئلة الدورات بكفو وزيادة

الدكتور (هشام المما ) نهفة من نهفات العصر بس شخص راقي ومحترم وزكي بجد وهوا الوحيد يلي بخاطبك بكلمة زميل وبحسسك انك بجد مهندس
لازم تفتح عقلك معو وتفهم عليه لانو بتعامل معك على اساس انك بمستوى زكاؤو
وما عندو غير كلمة (نقلوني شو اكتب ) لانو عندو قناعة انو متى ما عطاء الجانب النظري من الموضوع صرت انت متلك متلو يعني المفروض تعرف تحل مسائل لحالك
وخصوصا لو اجا حظك بالزمر يلي بيعطيها عملي

ورح انقللكن هون بعض من عباراتو يلي رح تسمعها كتير ويلي كتبها اخوكن ابو النور


اقتباس
(( زملاء أنا دكتور أنتو طلاب يعني لازم انميز هالشي هاد
زملاء في شغلات بيتميز الطالب فيها على الدكتور وفي شغلات العكس
يعني زملاء أنتو طول المحاضرة قاعدين أما الدكتور طول المحاضرة واقف
زملاء الدكتور بيحقلو  أنو يسرح بالمحاضرة ولو 5 دقايق بس الطالب ياخد راحتو
بس لاتنسو زملاء أنو الدكتور في يقلع أي طالب من المحاضرة بس الطالب مافي يقلع دكتور من المحاضرة زملاء
زملاء بدي الفت انتباهكم على شغلة انو انتو لما سجلتو بالجامعة انتو وقعتو على ورقة انتو مابتعرفو شو فيها زملاء
هي الورقة هي شروط دخولك على الجامعة زملاء وقواعد انت موافق عليها لأنك موقع عليها
زملاء فخلونا نكمل هي المحاضرة ونخلص زملاء ,,,,,,,,,,,,,,,,,,,,,,,,))



المعلوماتية
معلوماتها النظرية صعبة وكتيرة وكمان هون العملي مختلف تماما عن النظري
اما بالنسبة للخوارزميات فازا اخدتها بالحادي عشر حتلاقيها سهلة وبسيطة
بس هي بدها شغل ولو اي حد بيطلعلو مشكلة بالخوارزميات وما عرف يحل انا هون اسالوني لانو بحبها كتير

الدكتور (عبد السلام زيدان ) من العباقرة القلال يلي انجبهم الوطن
بس طبعا بما انو عبقري بدك تشغل مخك لتفهم عليه
الو ماضي جهادي عريق يعني بجوز تسمع منو قصة انو شارك في اول حرب عالمية عالنت



الهندسة الوصفية والرسم الهندسي
مادة رح تنصدم فيها اول ما تدخل لانو جديدة ومو متعودين على هيك شي بالمدرسة ابدا
بدها خيال كتير بس انا بشوف انو التعويد الو دور فيها كمان يعني كتر الشغل فيها بخلي ايدك تاخد عالرسم
هي حلوة بس لو لقيت حالك مو ماشي فيها لاتضيع وقتك فيها عالفاضي

وهالمادة كمان بحبها كتير اي حد بدو مساعدة فيها انا جاهزة

الكتور ( جمال معماري )
كلمتو المشهورة (يا طالب )
اوعى تفكر تدخل بعدو عالمحاضرة لانو ما رح تسمع غير كلمه ( يا طالب ) وباشرلك بايدو لحتى تفهم انو ( برا)
هوا بيشرح باسلوب القواعد يعني يلي مو صحبة هوا والخيال هالدكتور بيعطيه قواعد يمشي عليهن بس نصيحة قوي خيالك لانو قواعدو بوفتو بالحيط
زمان كان نمط اسئلتو واحد بس باخر كم دورة صار عم يغير من نمط الاسئلة بقا توقع المفاجات


القومية
ما رح احكيلكن شي عن الدكتور لاني ببساطة ما بعرف لا شكلو ولا اسمو
المادة بتعرفوها وانا بعتقد انكن حافظين كم درس منها من ايام المدرسة
شو ما بتعرفو اكتبو بس بصراحة بحس انو شغلتها حظ ب حظ يعني حسب مراق الدكتور يا بنجحك وبتستغرب انك نجحت يا برسبك وبتسغرب انك رسبت بقا انت وحظك


واللغة الانجليزية

مادة سهلة بسيطة بتعتمد عالثقافة العامة اكتر من المنهاج برايي ما حد يعزب حالو بدراستها يعني الانسة يلي كمان ما بعرف شو اسمها قضت المحاضرات وهي تقلنا ( اي برميس ) انو هاد السؤال جاي
وانا ما خليت شي قالت عندو برميس الا ودرستو اخر شي ما اجا ولا شي منن

بس بالفحص اسرع قد ما فيك لانو الوقت مو طويل
والنص دايما بيجي من برا الكتاب يعني لا تترجم ولا تقرا ولا تعزب حالك انت وثقافتك
يعني بتزكر وفتها اجانا نص في كلمة اوبرا انا فكرت عم يحكي عن غناء الاوبرا اخر شي طلع عم يحكي عن المسلسلات الطويلة !!!!!


ولهون بنكون خلصنا مواد الفصل الاول

اسفة عالاطالة بس انا بحب العي كتير




         



( ام محرقصة .............................. ميمي )






يا رب ...
احتاج الى بركتك , عفوك , رحمتك ورضاك . .
كي . . اشرق من جديد !
ربي : امطرني بتوفيق منك يروي زوايا روحي رضا بحجم السماء واكبر





أنت غير مسجل لدينا.. يمكنك التسجيل الآن.

مشاركة : 3


{{ S . K }}

جامعـي جديــد





مسجل منذ: 27-10-2008
عدد المشاركات: 25
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : إلى طلاب السنة الاولى ,,,,,,,,, فهرس بالمواد والمفردات المناهج

27-10-2008 05:16 PM




مرحبـــــــــــــــا
انا رايي الشخصي بالدكاتره
الدكتور معن ازهري  دكتووور ممتاز بس مشكلتوو  احيانا بيجيب اسأله صعبه بالامتحان محاضرته  كتيررر حلوووه وبينكت بالمحاضره بيغير الجووو   
الدكتووور طالب عمررراان  ---------------- لاداعي للتعليق بس احضرو محاضره عندو وبتعرفووو 
الاستاذ عطائي  كتير بيحووووص بس بيفهم كتيرررررررر  واسألته سهله بالامتحان العملي      دكاترت الرياضيات (2و1 )
الدكتور شاهيين غلاييني محاضراته سهله  بس بتحسه كانو عم يقرا من الورق طريقة تصليحه كتير كويسه  اسألته سهله





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


بـحــر

عضــو فضـي

ياااااااااااااااااااااا رب ~~~ ^________^




مسجل منذ: 05-10-2008
عدد المشاركات: 1410
تقييمات العضو: 119
المتابعون: 39

غير موجود
اشــترك بالتحديثات
رسالة مستعجلة

رد مشاركة : إلى طلاب السنة الاولى ,,,,,,,,, فهرس بالمواد والمفردات المناهج

28-10-2008 03:42 PM




شكرا كتير على المعلومات ، بس بصراحة في اختلاف بالآراء ببعض الدكاترة .
بدي أسألكن التمارين يلي بتكون موجودة بمحاضرات أزهري ، من وين بدنا نجيب حلها
يا ريت إذا في حدا يقلي .
وشكرا سلفا





أخشى من أن أصل لليوم الذي يجف فيه ماء بحري !



أنت غير مسجل لدينا.. يمكنك التسجيل الآن.

مشاركة : 5


{{ S . K }}

جامعـي جديــد





مسجل منذ: 27-10-2008
عدد المشاركات: 25
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : إلى طلاب السنة الاولى ,,,,,,,,, فهرس بالمواد والمفردات المناهج

29-10-2008 04:50 PM




اخي الحلول  بدك تطلبها من الدكتووور
معلووومه  بسيطه الدكتور  بيجيب الاسأله من الأمثله الموو محلوله   
       


            ازا بدك اسأل طلاب السنه الثانيه اغلبهن عندهن الحلول  انا عطيت الحلول الي كانو عندي لرفيقي بسنه اولى       
موفق شريك 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


n_blow

جامعـي اســتثنائي





مسجل منذ: 04-09-2008
عدد المشاركات: 939
تقييمات العضو: 0
المتابعون: 26

غير موجود
اشــترك بالتحديثات
رسالة مستعجلة

رد مشاركة : إلى طلاب السنة الاولى ,,,,,,,,, فهرس بالمواد والمفردات المناهج

31-10-2008 03:25 PM





اقتباس
شكرا كتير على المعلومات ، بس بصراحة في اختلاف بالآراء ببعض الدكاترة .
بدي أسألكن التمارين يلي بتكون موجودة بمحاضرات أزهري ، من وين بدنا نجيب حلها
يا ريت إذا في حدا يقلي .
وشكرا سلفا


تحياتي

أخي الشغلة بسيطة
يعني كل المطلوب منك انك تروح عند العراب ابو محفوظ
عرفتوا أكيد مو هيك
واتقلو عطيني دورات الرياضيات للسنة الاولى
   
وراح تلاقي فيها كل أسئلة الدكتور معن محلولة








***********************************
مقيم

شكرا على ردك وتعليقك ,,,,,,,,,,,, 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


just smile

عضــو فضـي

سيطلع من عتمتي ... قمر




مسجل منذ: 07-08-2008
عدد المشاركات: 1995
تقييمات العضو: 44
المتابعون: 11

غير موجود
اشــترك بالتحديثات
رسالة مستعجلة

رد مشاركة : إلى طلاب السنة الاولى ,,,,,,,,, فهرس بالمواد والمفردات المناهج

23-02-2009 01:41 AM




بسم الله الرحمن الرحيم

رح حاول استكمل الشرح عن المواد (( طبعا حسب رايي الشخصي ))


بالبداية بتمنى تكونو توفقتو بالفحص وتكونو رفعتو اكبر قدر من المواد

ولو ما رفعتوهن مو مشكلة  هاد شي طبيعي بقا ما تخافو بس حاولو تشدو الهمة 




بالنسبة للمواد هي كالتالي





التمثيل الهندسي


يعني اسهل من الوصفية بمليون مرة

ما بدو خيال

ما بدو عزاب

خطوات واضحة بتموشو عليها وخلصنا

بتاخدو فيه ميول ترابية وعبارات وجسور

بجد مادة سهلة ومضومنة ونادرا لحتى تنحمل 

بس المهم تضمنو علامة عملي منيحة وتهتمو بالوظايف واكيد تعودتو من الفصل الاول (( السرعة ))
اهم شي بمواد الرسم التدريب الكتير لحتى تاخد اديكن لانو اغلب الطلاب بتكون مشكلتن الوحيدة بالوقت 



****************************



الرياضيات 2



اسهل من ر 1 بكتيييييييييييييير


يلي بتزكرو انو هي عبارة عن 3 اقسام

الاول  ((الجبر )) بيعطيه الدكتور ((ازهري))  بتاخدو فيه مصفوفات وحل معادلات بعدة طرق القسم مو صعب ابدا

واسلوب الدراسة متل الفصل الاول يعني الدكتور بنزل المحاضرات جاهزة وهي كافية ووافية 

التاني قسم ((التحيل )) كانو يعطونا اياه اساتزة العملي بس

عبارة عن مشتقات وتوابع ونهايات كتيييييييير حلو وبسيط وبسلي 
في تكاملات كمان بس مو صعبة

القسم التالت (( نسيت اسمو  )) قسم الدكتور عمران

بس هوي كان الهندسة المدي شو 

مو صعب ابدا بس المحاضرات مو كافية بنوب

بتزكر طول الفصل ما كان يحل غير عن مثال بسيط يلي هوي اللولب

وبالفحص جبلنا مسالة مو طبيعية وبارقام خيالية واكلنا هوى 
اغلب الطلاب ما عرفو يحلوها بس وقتها تساهل معنا بالتصليح

لهيك بالرياضيات لازم تدرسو دورات كتييييييييييير بتفيد


*******************************

الميكانيك 2



اغلظ مادة على مر العصور 

ادعولي رفعها هي رابع مرة قدمها 

يعني باختصار معي فيها دكتوراه وبجوز تلاقوني اجيت انا درسكن اياها بدل الدكاترة 


المهم هي عبارة عن 3 اقسام

قسم هندسة الاشكال بيعطيه الدكتور ((المما ))

هالقسم حلو وسهل ومضمون 

يعني ما ترتعبو من المحاضرات ارجعو اقروهن بالبيت لحالكن بتلاقو كل المعلومات بسيطة ولو شفتو الدورات بتلاقو كل الاسئلة نفس النمط 

يعني هالقسم برايي اسهل شي بالميكانيك 2


القسم التاني بجوز يعطيكن اياه الدكتور (( غلاييني ))
القسم هوي الاطول ويلي عليه اكبر قدر من العلامات

فيه اشيا صعبة واشيا سهلة

العمل التفاضلي والطاقة الكامنة بجوز اصعب شي فيه و نصيحة شو ما توفر بين ايديكن مسائل عن هالدرسين اقروها بتفيدكن لحتى تفهموهن منيح يعني ممكن من اكتر من استاز عملي او من السنين السابقة

اما كماله هاد القسم فهوي سهل ما بدو شي



اما القسم التالت وما ادراكن ما القسم التالت

قيم الدكتور (( البشير ))  

رعب ابدي 

بكل بساطة كل علقتي بالميكانيك 2 من ورا هالقسم
كل دورة ما بحل ولا حرف من مساله البشير

ليش ؟؟

لانو مساؤلو مدري كيف

بجد هالقسم ما فهمتو ابدا مرة وحدة دستو وحطيت فيه كل جهدي وحسيت حالي فهمتو رحت عالفحص وشفت المسالة ما عرفت شو قصدو فيها


وهالشي مو بس عندي عند كل الطلاب

ما حد بيدرس قسم البشير لانو اساسا ما حد بيفهمو

الله يهديه الدكتور على حظكن ويصير يفهم منيح او عالقليلة يسهل اسئلتو شوي

بس هالدورة هي كانو جاب مساله سهلة نوعا ما بس انا طبعا رحت ماني قارية قسمو نهائيا لهيك وكالعادة ما حليتها


ما تعتمدو بس عالمحاضرات ادرسو الدورات كمان



******************

الكيمياء

كمان رعب 

كتاب سميك وما في تلخيص ولازم تدرسوه كلو

بجد منهاج الكيميا هوي الاضخم يلي رح يمر عليكن بالسنة الاولى

اهم شي تدرسو الاسمنت كلو نظري ومسائل بتلاقو مسائل عن الاسمنت بالدورات 
وكمان مسائل باقي البحوث كلها لازم تندرس لحتى تضمو علامة المسائل
وبعدين شو بزيد معكن وقت ادرسو النظري

لانو بصراحة كميتو هائلة وما بعتقد تتحلق معكن كلها الا ازا بلشو من هلا كل محاضرة بوقتها وما راكمتو شي



***************


الجيولوجيا


نصيحتي ادرسوها من الكتاب  خصوصا المحاضرات يلي بيعطيها الدكتور (( نزيه عبود ))
ما تدرسوها من المحاضرات يلي بنزلوها الطلاب لانو هوي ما بلخص وممكن تكون المحاضرة مختصرة زيادة عن اللزوم

انتو بجوز تلاقوها صعبة بالبداية بس صدقوني هي مو صعبة كتير بس بدها حفظ منيح وما تتركو شي فيها لانو ما بتعرفو من وين يخطر على بال الدكتور يجيب الاسئلة

ادرسو الدورات لحتى تشوفو نمط الاسئلة كيف خصوصا اخر كم دورة لانو صايرين عم يغيرو بنمط الاسئلة شوي



**********************

العربي


مادة سهلة وظريفة وحبابة

القصائد كتير بسطين متل قصائد الاعادي
في نوته كانت ما بتزكر تماما عن شو بتحكي يمكن عن القصة وعناصرها
لازم تحفظوها كلمة كلمة

واكيد اسماء الشعراء وهي الامور بتبقى الدكتورة بتنبهكن عليها


******************


المساحة 1


قسم بيعطيكن اياه الدكتور (( صيفي )) سهل ومفهوم وواضح ومضمون بالفحص

اما القسم التاني (( الدكتور رضوان )) انا شخصيا ما كنت افهم عليه
قسمو غليظ ومسائلو بالفحص فايتة بالحيط وشرحو مو واضح

لهيك اكدو على قسم صيفي بالبداية

ولازم تجيبو دورات بتفيدكن كتييييييييير


*************

الانكليزي 2


ما بتختلف عن الفصل الاول ثقافة عامة مو اكتر



**************************************


بالنسبة للطلاب يلي ما بحبو يحضرو كل شي 

حسب رايي الشخصي في مواد الحضور فيها مالو طعمة ابدا

العربي الانكليزي


اما باقي المواد

الكيميا ما استفدت شي من الحضور (( بتملل ))
والمساحة قسم رضوان ما كنت افهم عليه ليهك ما ضيعت وقتي بالحضور
ونفس الكلام بينطبق على الرياضيات بقسم عمران لانو صوتو واطي والافكار يلي كان يعطيها بالمحاضرة سهلة

جيولوجيا نظرية فيكن تستغنوا عن حضورها

والميكانيك 2 ما كنت افهم شي عالبشير لهيك عدم الحضور اشرف


ملاحظين انو كل شي عندي طلع حضوروا مالو طعمة 


لا بجد اهم شي تحضرو ازهري ,تمثيل, مما ,وغلايني ,وصيفي, والعملي وزيادة برايي


طبعا هالشي حسب الطلاب انتو هلا اكيد شفتو كل الدكاترة وفيكن تقرروا


بس انا بشوف يلي ما بتفهم عليه ما تحضرو وتضيع وقتك









وانا اكيد جاهزة لاي سؤال او استفسار او مساعدة


برجع بقلكن موفقين   


     

ميمي






يا رب ...
احتاج الى بركتك , عفوك , رحمتك ورضاك . .
كي . . اشرق من جديد !
ربي : امطرني بتوفيق منك يروي زوايا روحي رضا بحجم السماء واكبر





أنت غير مسجل لدينا.. يمكنك التسجيل الآن.

مشاركة : 8


Mo7amad

عضــو فضـي

يا اللـه مالنا غيرك يـا اللـه




مسجل منذ: 03-09-2008
عدد المشاركات: 1992
تقييمات العضو: 81
المتابعون: 32

غير موجود
اشــترك بالتحديثات
رسالة مستعجلة

رد مشاركة : إلى طلاب السنة الاولى ,,,,,,,,, فهرس بالمواد والمفردات المناهج

23-02-2009 09:12 PM




الله يعطيكي العافية ياميمي


بس عندي تعليق



اقتباس

قيم الدكتور (( البشير ))   

رعب ابدي 

بكل بساطة كل علقتي بالميكانيك 2 من ورا هالقسم
كل دورة ما بحل ولا حرف من مساله البشير



طولي بالك شوي

حتخوفي الطلاب على الفاضي

بصراحة قسم البشير كتير حلو إذا بتعملوا حالكم موشايفين محاضرات النظري

لأنو دكتور النظري بحل بطريقة المعادلات التغفاضلية ومدري شو

المهم حأحكي تجربتي

نحنا بالعملي كان يعطينا الأنسة روعة سمعان

هي الأنسة كتير محترمة بنصح بالحضور عندها

المهم أنا كنت أحضر عندها وكنت أفهم عليها

ولما عطتنا قسم البشير كان كتير سهل

بس لما حاولت أدرسو من محاضرات النظري

تخربطو كل معلوماتي وماعدت أفهم من قسم البشير شي

والحمد لله قدرت أعمل حذف لمحاضرات البشير ورحعت درسة محاضرات الأنسة

وبالنهاية جبت 82

صحيح أنها مو كتير عالية  بس كتير منيحة للي مابحب يحضر للبشير





اقتباس
الكيمياء

كمان رعب 

كتاب سميك وما في تلخيص ولازم تدرسوه كلو


لحتى ماتحسو بالرعب تبع الكيمياء لازم تقنعو حالكم أنكم بكل درس عما تفهمو شغلة بالحياة العملية

وهيك بتحسو بمتعة بدراسة هاد الكتاب


وبالنهاية بحب قول أنو أسئلة الدورات كتير مهمة

يعني يالي بحل أسئلة الدورات أكيد بينجح

هاد الحكي مو بس للكيمياء      لكل المواد


وموفقين يارب وإذا حدا بحب يسأل أي شي أنا جاهز





محمد





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


بـحــر

عضــو فضـي

ياااااااااااااااااااااا رب ~~~ ^________^




مسجل منذ: 05-10-2008
عدد المشاركات: 1410
تقييمات العضو: 119
المتابعون: 39

غير موجود
اشــترك بالتحديثات
رسالة مستعجلة

رد مشاركة : إلى طلاب السنة الاولى ,,,,,,,,, فهرس بالمواد والمفردات المناهج

24-02-2009 06:50 PM




شكرا كتيييير ميمي على المعلومات         
بس بدي وضح كم شغلة وأنا بتوقع أنو صاحبة الموضوع على علم فيهون .

بالنسبة لل ر1 : نزل كتاب جديد للجبر الخطي والكتور معن بتوقع ما لح ينزل محاضرات ، على كلن الكتاب أغلبو ر1 بس في آخر قسم للر2 فيك تصورهن  بل ما تشتري هالكتاب إلا إذا  كنت حامل ر1 فهاد الكتاب فيه حل كل التمارين يلي كانت بمحاضرات أزهري المحلولة وغير المحلولة ( هاد على قولة الدكتور )



بالنسبة للمساحة : صار تغير هاد الفصل ورح يعطينا الدكتور رضوان القسم الأول ، والدكتور صيفي القسم التاني .
يعني بالمختصر وكما صرح الدكتور رضوان الدورات ما لح تفيد كتير هالفصل . 

برجع بشكرك مرة تانية ميمي .

-----------------------------------------------------------

شكرا محمد على المعلومات ، بس بالبرنامج ما في آنسة اسمها روعة سمعان وبتعطي ميكانيك عملي .
أنت تاني شخص بتمدحلي فيها بس يظهر ما تعطي هالفصل .



اقتباس
لحتى ماتحسو بالرعب تبع الكيمياء لازم تقنعو حالكم أنكم بكل درس عما تفهمو شغلة بالحياة العملية


ما فهمت شو يعني ، فيك توضح أكتر. 













أخشى من أن أصل لليوم الذي يجف فيه ماء بحري !



أنت غير مسجل لدينا.. يمكنك التسجيل الآن.

مشاركة : 10


pure_m

عضــو فضـي




مسجل منذ: 01-11-2008
عدد المشاركات: 1118
تقييمات العضو: 17
المتابعون: 22

غير موجود
اشــترك بالتحديثات
رسالة مستعجلة

رد مشاركة : إلى طلاب السنة الاولى ,,,,,,,,, فهرس بالمواد والمفردات المناهج

24-02-2009 07:53 PM




يا جماعة اهم شي انو ماتعطينا قصار بالميكانيك العملي

والله عطتني علامة اقل من العشرة ..مع انو عندي حضور ووظايف و مذاكرة و فحص

و بسبب هالعلامة يمكن مارفع الميكانيك مع اني كاتبة منيح ..





ملتقى طلاب جامعة دمشق




أنت غير مسجل لدينا.. يمكنك التسجيل الآن.
صفحة 1 من 3  1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة