رد مشاركة : ساعدني يا زميلي لننجح من دون تكميلي ... ( 2 صيدلة )
السلام عليكم
اقتباس
بس صحيح شو وضع الصيدلانيات عنجد الدكتور بجنن بس ما عم يعرف كيف يتعامل مع هيك طفرة من الطلاب .............اذا ضلينا ع هادا الوضع اخدنا صيدلانيات السنة
اما بالنسبة لمكبرات الصوت "لا تعليق"
... ما عم يستوعبو أنو المشكلة فيهم ... ولما يكون الدكتور جديد فمن الذوق أنو الطلاب يتعاونو معو ببداية تدريسو ... بس الحمد لله نحنا بس شاطرين ننقد ونحكي (وننشر الحكي) ونأذي غيرنا ... بكرا بيقعدو بيحكو ليبطل حدا يحضر (متل ما صار عنا) ... بس لآخر محاضرة ضليت عم أحضر وأسمع و"أفهم" الحمد لله! ومتمنية أرجع أحضر لأنو هالدكتور عندو أفكار كتيرة وجديدة ... بس بدو مين يسمعلو
***
مشان المراجع ليش عم تغلبو حالكم ... موجودين ملفات pdf ... عوقت دفعتنا توزعناهم على فلاشات
هلأ ما عارفة كيف وصلهم لأكبر قدر من دفعتكم
عطيتهم لولاء وهي ممكن تعطي اللي بتعرفهم ... بس اللي ما منعرفهم لازم نحاول نوصلهم ياهم أحسن ما يشترو السيدي
لو بتقدرو تزبطوها حدا يجيب اللاب توب تبعو بيوم معين ويخبر كل اللي بيعرفهم يجيبو فلاشات ... واللي بيعرفهم يخبرو اللي بيعرفوهم وهيك بيوصلو لعدد كبير وبيصير مع الكل إن شاء الله ... لأنو نحنا عملنا هيك وزبطت الحمد لله
بدكم تحسبو حساب أنو كل جلسة في تطليع مواد ... مو مادة وحدة ... وعدساتير الجامعة ما حدا حيقدر يعمل شي ...
وما بس في الدساتير ... في أكتر من شغلة ممكن تفيدكم لازم توصلكم
أنا عندي ياهن كلهم ... واللي طلبو عم وصلهم ياهم ... بس بيبقا عليكم الباقي لأنو يادوب لحق عالدوام تبعنا
...
***
اقتباس
هلأ هي الأنسة رزان حبابة شي
هلأ هي لما يكون في فوق راسها ناس كتير بتدايق ... بس إذا رحتي لعندها بوقت ما عندها حدا فبتكون رايقة ومتعاونة كتير
بدنا نقدّر أنو كل يوم بيمرق عليها ناس وكلهم بدهم شي ... وبالتالي إجباري ما حتتحمل كل الوقت ... بس إن شاء الله تصير تتحملنا أكتر
اقتباس
وما دوامت بفئتي رحت لعند ال7
له له ... لسا ما صدرت القوائم الجديدة ... أنا تخبصت معي الأمور بسبب هالشغلة وبالذات بسبب عطلة الخميس الجاية
يلا إن شاء الله خير ... وإن شاء الله بتنقلك وبتتيسر أمورك للي في خير ... شفت رفيقتك وشكلها ما مستعدة تستغني عنك بالفئة أبداً