[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
كلية الهندسة المدنية

مشاريع وأعمال حالية.. وإعلانات
دلـيــل الفـصـل الثـانـي-السنة الثانية 2011/2012... كلية الهندسة المدنية
أسماء المقبولين في الدراسات العليا-كلية الهندسة المدنية
نتائج الامتحان المعياري...كلية الهندسة المدنية
أسئلة الفحص المعياري ( اختصاص عام ) 2011-2012 كلية الهندسة المدنية
دليــل الفصل الأول - السنة التانيــة 2011/2012....كليــــة الهندسة المدنيــــة
... أجوبة الأستاذ المهندس حسام بلوط ...
مقابلة مع الأستاذ المهندس حسام بلوط
مجلة الهندسة المدنية 3
تعريف وقوانين القسم الصحفي ... بسم الله نبدأ ...
دليل السنة الأولى-كلية الهندسة المدنية 2010-2011
مواضيع مميزة..


.:: يـا الـلـــه مـالنـــا غيــرك يـا الـلـــه ::.




  ملتقى طلاب جامعة دمشق --> كلية الهندسة المدنية --> قسم طلاب كلية الهندسة المدنية --> السنة الثالثة
    ألى كتاب المحاضرات
عنوان البريد :  
كلمة المرور :  
                    تسجيل جـديد


صفحة 2 من 3 <- 1 2 3->

مشاركة : 11


Future Engineer

جامعـي اســتثنائي

عضوية ملغاة في هذا المنتدى, بطلب من صاحب العضوية




مسجل منذ: 13-07-2010
عدد المشاركات: 607
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : ألى كتاب المحاضرات

14-03-2011 02:04 PM





اقتباس
ولكن أغلب -ما كل- اللي بيكتبوا المحاضرات بيكتبوها كخدمة أكتر منها أنو تكسب هيك كانت قناعتي


خدمة أو غير خدمة أنا ما رح حاسب نوايا حدا الله وحده العالم بالنوايا, أنا يلي بيهمني من كل هالحكي إنو أي طالب بالجامعة عم يشتري و يدفع حق المحاضرات لصاحب المكتبة  عندو حق ينتقد طريقة كتابة المحاضرات و يقترح مقترحات بخصوصها بدون ما يتعرض للسخرية بسبب هالشي ( متل ما تعرضلو زميلنا امبراطور المدني) و أكيد لا أحد منا فوق النقد. بيبقى طريقة النقد يلي هوي موضوع تاني بالكامل و لكل شخص إسلوبو بهالشي.

تحياتي و السلام,,,





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 12


Engineering Lover

جامعـي اســتثنائي

متفائل رغم الألم




مسجل منذ: 16-10-2008
عدد المشاركات: 654
تقييمات العضو: 147
المتابعون: 28

غير موجود
اشــترك بالتحديثات
رسالة مستعجلة

رد مشاركة : ألى كتاب المحاضرات

14-03-2011 06:45 PM




يعني انا مابعرف ليش  مبلشين هجوم  على الاخ h.r.u


اففف شو هالكلمة هجوم


لا والله ماني شايف أي هجوم ، اللي عم يصير نقاش بكامل الاحترام


و h.r.u أخونا وغالي علينا ومنحترمه ومنحترم آراءه






ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 13


امبراطور المدني

جامعـي جديــد




مسجل منذ: 14-11-2010
عدد المشاركات: 24
تقييمات العضو: 0

غير موجود
اشــترك بالتحديثات
رسالة مستعجلة

دفاع عن امبراطور المدني و الأخ h.u.r

14-03-2011 08:10 PM




انا لما طرحت قكرة انو المحاضرة تكون غنية بالملاحظات و الافكار كان الطرح لمصلحة الطلاب جميعا و ليس للتقليل من جهود كتاب المحاضرات و لكن رغم حرصي على زملائي فقد تعرضت للنقد العنيف انا و h.u.r  و على الأغلب اكتر اللي هاجموني انا وال h.u.r هم كتيبة المحاضرات بذات نفسهم  و بالمناسبة انا مو عضو جديد انا عضو من زمان بس كنت مسافر مشان هيك ما كان اللي مشاركات قديمة يعني يا ريت تصححو معلوماتكم
................ مع تحيات    امبراطور المدني





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 14


Future Engineer

جامعـي اســتثنائي

عضوية ملغاة في هذا المنتدى, بطلب من صاحب العضوية




مسجل منذ: 13-07-2010
عدد المشاركات: 607
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : ألى كتاب المحاضرات

15-03-2011 12:29 AM





اقتباس
اففف شو هالكلمة هجوم


لا والله ماني شايف أي هجوم ، اللي عم يصير نقاش بكامل الاحترام


و h.r.u أخونا وغالي علينا ومنحترمه ومنحترم آراءه



تسلم زميلنا و أخونا Engineering Lover كلك زوء ,  أكيد حضرتك و الأخ za3em كمان زملاء و اخوة غاليين عليي على هالمنتدى, وهادا كان نقاش أخوي كتير عادي مو أكتر من هيك و إنا ذكرت هالشي بردودي من قبل.
تحياتي إلكم,,,
   


اقتباس
انا لما طرحت قكرة انو المحاضرة تكون غنية بالملاحظات و الافكار كان الطرح لمصلحة الطلاب جميعا و ليس للتقليل من جهود كتاب المحاضرات و لكن رغم حرصي على زملائي فقد تعرضت للنقد العنيف انا و h.u.r و على الأغلب اكتر اللي هاجموني انا وال h.u.r هم كتيبة المحاضرات بذات نفسهم و بالمناسبة انا مو عضو جديد انا عضو من زمان بس كنت مسافر مشان هيك ما كان اللي مشاركات قديمة يعني يا ريت تصححو معلوماتكم
................ مع تحيات امبراطور المدني


أهلين أخ (امبراطور المدني) 
اول شي أنا مسمى حالي هون h.r.u مو h.u.r    بس ولا يهمك مافي أي مشكلة من هالناحية
موضوعك كتير حلو و فيه وجهة نظر و الأفكار المطروحة فيه أكيد لمصلحة الطلاب و مشكور كتير عليه, و دائما" شاركنا بمواضيعك الحلوة.

تحياتي إلك,,,
   

و السلام للجميع





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 15


za3em

جامعـي نشـيط





مسجل منذ: 05-11-2010
عدد المشاركات: 126
تقييمات العضو: 0
المتابعون: 5

غير موجود
اشــترك بالتحديثات
رسالة مستعجلة

رد مشاركة : ألى كتاب المحاضرات

15-03-2011 03:25 PM




السلام عليكم


"أكيد حضرتك و الأخ za3em كمان زملاء و اخوة غاليين عليي على هالمنتدى, وهادا كان نقاش أخوي كتير عادي مو أكتر من هيك "


أهلين أخي  h.r.u  أكيد وأنت كمان أخ عزيز ولو اختلفنا بوجهات النظر


وبحب قول كلمة صغيرة ماكل مين عارض فكرتي أو وجهة نظري هو عدوي حتى ولو احتدم النقاش بيني وبينو وبالعكس فما كل مين أيّد فكرتي ووقف معها هو صديقي لأنو هادا شي وهادا شي


وإذا كان النقاش وصل لمرحلة ساخنة فهادا الشي ينعكس على الفكرة وليس على الأشخاص


فأتمنى أن يكون فقه الخلاف -كلمة عامة وليست خاصة بالدين- حاضر بيناتنا وقت اللي منتناقش


وما يتسمى هالشي هجوم أو ردود عنيفة لأنو الشغلة ما مكاسرة


سلام


 




كان يحيى بن خالد يقول لولده:
( اكتبوا أحسن ما تسمعون، واحفظوا أحسن ما تكتبون، وتحدّثوا بأحسن ما تحفظون ) .

Za3eM


أنت غير مسجل لدينا.. يمكنك التسجيل الآن.

مشاركة : 16


ammarama

جامعـي مشــارك




مسجل منذ: 07-09-2006
عدد المشاركات: 100
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

رد مشاركة : ألى كتاب المحاضرات

15-03-2011 03:37 PM




مسا الخير

بس في فكرة انعادت كذا مرة تبع انو عبيعاني يلي عبيكتب المحاضرات من الضغط ومابعرف شو

وانو لو الكل رمو الكتابة عبعض ماحتنزل ولا ورقة بالمكتبة

هلة ابدا ماحدا جابر حدا انو ينضغط

يلي عبينضغط ويتعب ويهلك من كتابة المحاضرات  وكل ورقة بالمحاضرة عبتضل شي 9 ساعات كتابة مع انو نصها بيكون فاضي وكل رسمة نص صفحة وفوقها عبيدفع من جيبتو بامكانو ببساطة يبطل ينزل محاضرات

اما كذا مادة ينعمل فحصها العملي ولسة كذا محاضرة مانزلت فهاد مو اسمو ضغط

هاد اسمو قلة امانة

انا لمابدي اخد مادة بنزلها بوقتها لان اساسا انا اخدت هالامانة

مو بروح لاني انضغطت فينفلئو بائي الطلاب مشان فحصي العملي والكل مأمن فيني

وبالاخير مناكلها منية انو تفضلو علينا نزللونا محاضرات

وهاد غير لما حدا عبيكتب محاضرات يروح يصور من دفتر طالب وينزل يلي صورو  بخط ايد هالطالب  وحتى مايكتب اسم هالطالب انو عالاقل يشكرو
هاد غير منية الركن ويلي عبيبعونا المحاضرات كانو شحادة

وانا واحد من الناس يلي صرت اكتب اغلب المحاضرات بايدي واحضر كلشي لمااتحمل كلمة او منية او قلة امانة من حدا


وبالاخير اكيد مابقصد كل يلي عبيكتبو , انا عبقصد البعض

لما ينقال اني عممت

سلام.





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 17


امبراطور المدني

جامعـي جديــد




مسجل منذ: 14-11-2010
عدد المشاركات: 24
تقييمات العضو: 0

غير موجود
اشــترك بالتحديثات
رسالة مستعجلة

تعليق من امبراطور المدني

15-03-2011 04:49 PM




يا شباب انا برأيي انو المحاضرات وقود الطالب متل ما المازوت وقود السيارة و انتو شو رايكم
بتوافقوني او انتو بتحبو تدرسو من الكتاب او الدورات .......... بصراحة انا راي انو التوفيق من الله فوق كل شي لانو بمادة التجهيزات درست المحاضرات كلها و النوطة و الدورات لكن بالامتحان نسيت حل الطلب الثاني من المسألة " احسب الأبعاد المكافئة للأقطار " و رسبت المادة معي على 58 ..........  !!!!!!!!!!!!!!!!!!!!!
مع تحبات الامبراطور





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 18


NiCe*

عضــو فضـي

:(((((




مسجل منذ: 14-05-2010
عدد المشاركات: 1581
تقييمات العضو: 242
المتابعون: 26

غير موجود
اشــترك بالتحديثات
رسالة مستعجلة

رد مشاركة : ألى كتاب المحاضرات

16-03-2011 11:45 AM




  مرحبا .....
  انا هالموضوع لفت نظري من اول ما انكتب بس بصراحة من زمان ما فتت عالمنتدى وشاركت  واليوم حتى قرأت الردود ....  
  يعني يا جماعة انا كمان عندي شي حابة ئولو وضيفو ...ازا سمحتولي طبعا
هلأ الاخ كاتب الموضوع اقترح انو تكون الطباعة عالكمبيوتر هوحلوة هالفكرة بس والله رأيي انو بخط الايد احلى والكلمات بتعلق بالذاكرة اكتر ومو بس هيك يعني عالكمبيوتر رح يصير الاهتمام الاكبر بالكلمات وانو ما يكون فيها خطأ  وما رح يزيد وئت كبير للتركيز عالمعلومة كمان ما فينو يضيف كتير شغلات ويتفنن متل خط الايد هلأ هاد رايي الشخصي
لاني انا كمان جربت وكتبت مرة يعني كان المطلوب  الحق اكتب واخد بعين الاعتبار انو  في طلاب ما عندون كتاب وهيك رح تكترالمحاضرة وبالاخر بيئولو شوفو اللي كاتبة هالمادة بس بدها تكتر صفحات ولعي فاضي  .......يعني ما بتخلص شو ما عملت  .....
 
  وشغلة كمان انا مو معئول ازا رسبت بمادة حط اللوم كلو ع اللي كتب المحاضرات لانو الشغلة بدها شوية متابعة منا نحنا الطلاب يعني ابل الامتحان بكم يوم بروح جيب المحاضرات من المكتبة وادرسا اكيد ما رح افهم شي طبعا .....
  بس اكيد ما رح يحط كاتب المحاضرة قانون بحالو غلط  لانو بتكون راحت عليه ابل الكل .....

واهم شي انكن ما تفكروا انو اللي بيكتبو المحاضرات  لغاية مادية ..انا مع انو الواحد يحس حالو مسؤول عن شي كتير مهم  يعني رح يكون برقبتو مئات الطلاب .....والله مسؤولية وما تفكروا انون برفعوها بمعدل يعني احيانا بيرفعوها عالحد  واحيانا لااا.....اكيد كلكون بتعرفو مين كان يكتب محاضرات المساحة 1 و2 واكيد بتعرفو انو هو الوحيد اللي ما رفع هالمادة مع انو محاضراتو تحفة والله وبراهن  يطلع فيا غلط واحد  وكل الطلاب اللي  رفعوها بفضل رب العالمين وبعدين محاضراتو الحلوة
بس هاد التوفيق من الله مو من عند عبدالله .......
  اسفة عالاطالة .......    
          تقبلو مروري .........
 




نعم هذه انا ...ولن اتظاهر بالحياد او الخوف ....
نريد الحرية
نريد بناء سورية الحرة المستقلة

نريد محاسبة الخونة والجلادين


--------------------------------
اللهم ارحم شهداء سوريا .....
شهداء ثورة الحرية والكرامة .....

-------------------------------

أنت غير مسجل لدينا.. يمكنك التسجيل الآن.

مشاركة : 19


OMAR.SCH

عضو ذهبي






مسجل منذ: 12-08-2009
عدد المشاركات: 2095
تقييمات العضو: 57
المتابعون: 14

غير موجود
اشــترك بالتحديثات
رسالة مستعجلة

رد مشاركة : ألى كتاب المحاضرات

16-03-2011 10:14 PM




السلام عليكم


هلق بالنسبة للموضوع الاساسي فبشوف انو في اقتراحات من حق اي واحد انو يطلبها ((بغض النظر عن اهميتها  )) بس مو مجبر يلي عم يكتب المحاضرة انو ينفذها (( باستثناء الملاحظات يلي بيحكيها الدكتور طبعا )) هي من ناحية


من ناحية تانية


اقتباس
برأيي الشخصي الطلاب يلي عم يكتبو المحاضرات عم يقبضو حقها مصاري من المكتبة (يعني مو عم يشتغلو لسواد عيونا) , و أخونا (امبراطور المدني) عم يدفع حق المحاضرات مصاري مو عم يشحدها شحادة من المكتبة(بمعنى اخر الموضوع تجاري) مشان هيك عندو الحق الكامل يطالب بإنو تكون المحاضرات (على اكمل وجه), أو يقدم إقتراحاتو بخصوصها 


هلق اذا الموضوع تجاري اخي الكريم صدقا الواحد يشتغل عتال بسوق الهال ولا يستلم هيك مسؤولية مع هالمردود العالي من كتابة محاضرة

باكدلك مو تجارية ((على الاقل بنسبة تسعين بالمية من يلي عم ينزلو المحاضرات ))


هلق مضطر اضربلك مثال بس مشان تحس بقضية انو مو تجاري وموشغلة مصاري

هالفصل عم ناخد تكنولوجيا نظري ((بتوقع انو نحنا زملاء بالرابعة طبعا )) عند الدكتور شكري البابا والدكتور ما رضي ينزل محاضراتو النظري وكان واعدنا بداية بتنزيل المحاضرات وبعدين قلنا انو ما رح ينزل غير المحاضرة الاولى فقط ((وحط خطين تحت فقط ))

طب هالمادة كونوا ما حدا مستلمها وما كانت رح تنزل بالركن

وبحب قلك انو هالاسبوع اجاني اكتر من اربعين مطالبة انو نزل هالمادة وفتت بنقاش مع كذا زميل بخصوص هالموضوع وبالاخر قررت انو نزل قسم من المحاضرات انا وقسم تاني مع زميلي ايلي

طب اخر الشي رح تطير هالعطلة قريب الخمس ايام بين تجميع وكتابة وتوثيقات مشان تنزل اربعين صفحة ((وصدقا كنت مو ناوي نزلها )) يعني بالحسابات والمصاري يلي رح تغني عيلتي رح يطلعلي الف ليرة  وعامل حسابي اطلع فيها سياحة على تركيا

بقلك ياها زميلي والله العظيم لولا رفقاتي والطلبات يلي اجتني ما كنت رح انزلها بس هي خدمة

لاتفكر اخي اني زعلان منك لشخصك بس بجد كلمة انو الشغلة كلها تجارية وعم ياخد حقها مصاري اذا انت شايف انها مو اهانة فهاد لانو ما مستك بشكل مباشر


اقتباس
  عندو حق ينتقد طريقة كتابة المحاضرات و يقترح مقترحات بخصوصها بدون ما يتعرض للسخرية بسبب هالشي ( متل ما تعرضلو زميلنا امبراطور المدني) و أكيد لا أحد منا فوق النقد 


اي تمام معك بس يعني مشان النكت ومشان نتسلى براي كيلو بزر بسلو اكتر من المحاضرة
فيك تطلب بس الطلب لازم ما يكون في سخرية او انتقاص من قيمة الشيء
ببساطة اذا كنت عند ملك وقلك اطلب وتمنى ما بتطلب منو كاسة شاي لانو  بتنحسب اهانة

هي من ناحية


من ناحية تانية للاخ النمر الباكري

اقتباس
هذا حقنا الطبيعي بانو تكون المحاضرات  مكتوبة علىword  لانو احيانا بدنا حدايترجملنا شو مكتوب , هلق بيقولوا بتاخد وقت يا شباب اعتبروها تدريب على الكمبيوتر لفائدتكم وفائدتنا   


هالحق الطبيعي من وين فرضتوا ؟؟

هاد الشي ماحدا التزم في ممكن الواحد يعمل هالشغلة محبة انو يزيد النفع بس مو مفروضة عليه


اقتباس
بعدين شفتوا شي حدا عم يكتب مادة وحملها 


طب انا بالسنة الاولى نزلت رياضيات 1 وحملتها فيك تتاكد من النتائج القديمة اذا بدك وبالسنة التانية نزلت مقاومة وحملتها


بجميع الاحوال الله اعلم بالنوايا

سلام





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 20


The Dark Dragon

عضو ذهبي


الحمد لله




مسجل منذ: 07-02-2008
عدد المشاركات: 2376
تقييمات العضو: 129
المتابعون: 26

غير موجود
اشــترك بالتحديثات
رسالة مستعجلة

رد مشاركة : ألى كتاب المحاضرات

16-03-2011 11:44 PM




قد يكون تدخلي متأخرا جدا
ولكن لعل فيه فائدة

خلينا نفهم الأمور بشمولية أكتر يا شباب


  • كاتب المحاضرات بياخد فائدة مادية ما حدا فيه ينكر...وعبر عنها الأخ اتش ار يو ب "الموضوع تجاري....أو حقها مصاري" والإخوان البقية اعترضوا عالموضوع واعتبروا فيه إهانة...
  • و بيستفيد من كتابتو للمحاضرات بأنه بيكون قبل الفحص باصم المادة بصم وفهمانها كتير منيح
  • أما قصة انو الصفحة بتاخد كتابة 3 ساعات !!!!!! فهي مبالغ فيها كتير مو شوي...يعني السطر بياخد معو تقريبا 7 دقايق كتابة كونوا الصفحة فيها 25 سطر .
  • مشتري المحاضرات بيدفع حق المحاضرة مصاري هاد واقع...و الواقع كمان بيقول انو كاتب المحاضرات متلو متل اللي بيشتغل أي مهنة بالعالم.....يعني لما بينزل محاضرة حلوة أو سؤال مهم وبيجي بالفحص فبتوقع أبدا طلاب كليتنا ما بيبخلو عليه بالشكر والثناء والمديح...ولما بيقصر كمان ما بيقصروا معو بتسميع الحكي والاستياء والامتعاض.
  • وموضوع الطلبات الإضافية عالمحاضرات من نكت وبزر وصور وفيديوهات وروابط صفحات حلوة عالفيس بوك....فهي بقى شغلات إضافية عالمحاضرات وبتوقع ما في منها فائدة....أما ملاحظات الدكتور المهمة فهي أكيد ضرورية
  • يعني بالنهاية كل الأطراف مستفيدة....أما تقييم فائدة كل طرف فصدقوني ما رح توصلوا فيه لنتيجة لأنو اللي بيكتب المحاضرات رح يقول أنا بكتبها خدمة للطلاب ومو مهم عندي المصاري وما عم قصر بالكتابة...واللي بيشتري بيقلك أنا عم ادفع مصاري وبدي شي منيح وما دخلو حدا فيني اذا حضرت ولا ما حضرت ولازم اللي بيكتب المحاضرات يكون قد الأمانة........وكلامممممم كتير ما منو فائدة...رب العالمين أعلم بالنوايا والله يوفق الجميع ويعطيهن العافية سواءً كاتبي المحاضرات أو المشترين .

يعني بالنهاية بتوقع الأفكار اللي فوق الكل موافق عليهن بس كانت طريقة تعبير كل شخص عنون بتختلف عن الآخر...

وأكيد بالحوار فوق ما شفت هجوم ولا شفت معارك ولا شفت تسميع حكي...الكلام كان واضح بكل رد " ولو انو في شي واضح انو في ردود كتير محذوفة من الموضوع "...يعني هو طرح لوجهات النظر والاختلاف على طريقة الطرح وليس على الطرح نفسه


لذلك.....كل الأمور تمام والحمد لله

مجد






ملتقى طلاب جامعة دمشق




أنت غير مسجل لدينا.. يمكنك التسجيل الآن.
التعليق باستخدام الفيسبوك
صفحة 2 من 3 <- 1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة