مرحبا شباب وصبايا كيفكم


بلا طول سيره


انا لهلق ما قدمت التجهيزات ولامره ومعي 17 عملي


لذلك كونوا فصل اول قلت بعيد العملي يعني على الاغلب ما رح جيب اقل من 17 على اعتبار 17 جبتها وقت ما عملت بالماده شي

بقى وين بتنصحوني عيد

لاتتاخروا علي

باي

وهي أنا أول من سوف يرد


والله يا أبو عمير عملي التجهيزات متل ما بتعرف كتير سهل


وأنا  نصيحتي عيدها عند المهندس منصور يعني المهندس بيعطي علامات منيحة


وبعدين امتحانو من النوطة طبعا مع شوية نكشات للطالب الفهمان


وانت من جماعة ابو محفوظ معناها اكيد بتعرف نوطة منصور تبع العملي

وأهم شي باعادة العملي انك تخبر الاستاذ


روح وقلو انو انا طالب رابعة وبدي عيد عملي واني فهمان المادة كتير بس ما صرلي قدم فحص فأخدت 17

بلكي بيقلك لا تحضر بس تعال قدم فحص.....وموفق ان شاء الله



مجد

ازا مو حابب تعيد عند منصور شوف الحوري

انا كنت عندو السنة الماضية .... حباب وبياخد وبيعطي مع الطلاب كتير وبحب يعمل جو بمحاضرتو

مشان العلامات كالعادة في طلاب نظلمت عندو وفي متل حكايتي اخدو اكتر مما بستاهلو

يعني بتصور لو حفظك وعرفك بتظبط وضعك معو

اما الشرح  ازا كنت حابب تحضر ... بعتقد انو كان منيح لانو كانو الطلاب يتفاعلو معو  ...  انا طبعا  كنت بعالمي الخاص يعني مو مستواي حط عقلي بالمكيفات والنيوينات ينحرقو


بس كمان انا بشوف انو بلالك الحضور  ... لانو عملي المادة سهل وما بدو حضور

والله يا ابو عمير شكلو ما في غير هالخيارين قدامك


ما بتوقع في مدرس تالت للمادة....بتذكر على ايامنا كانت وحدة تدرس مدري شو اسمها



بقى ما دام القصة اعادة عملي احكي مع اللي رح تعيد عندو


واشرحلو وضعك.....والا ما يوافق انك ما تحضر ويعطيك علامة منيحة


او اذا بدك حضار مشان يحفظك وبتاخد علامة منيحة



مجد

أنا السنة الماضية كنت عند الحوري
وللعلم الحوري عطاني عملي البرمجة كمان

ومن خلال تجربتي بالمادتين مع هالأستاذ لاحظت أنو ما عندو أي أساس ليحط علامات العملي عليه
(يعني علاماتو تشليف)
لأنو الحوري ما بياخد تفقد ولا بيعمل مذاكرات وبالفحص بتكون أسئلتو صعبة شوي أو غامضة مو كتير مفهومة فأغلب الطلاب ما بيعرفو يحلوها

و بالنهاية لما بتطلع علامات العملي بتشوف عندو علامتين مميزتين بيحطهون كتير وهنن 16  و  26

فالشغلة أنت وحظك يا بتكون من جماعة الـ 16 (لاسمح الله)
أو بتكون من جماعة الـ 26 (ان شاء الله)

وأنا برأيي عيد عند منصور 
بصراحة أنا ما جربتو بس  بسمع عنو أنو  كتير منيح من حيث الشرح ومن حيث العلامات

اهههههههههههههههههههههههههه    من  الحوري الله  وكيلك  هلكنا  المحاضرة  تبعو  عبارة  عن  ساعة  ضحك  و  ربع  ساعة  مسالة  بتجي  لاخر  الفصل  مو  اخدين  غير  ربع  التجهيزات  عدا  عن  ذلك  انو  بصير  بيسال  بالفحص  اسئلة  مو  عاطيها

                     

أنا المادة إيمتن ما كان فيها شغل على المخططات و نظري متل التجهيزات بطفش منها - يعني من الشغلات يلي خلتني إحترم الدكتور وائل معلا  إنو أكتر من مرة على دوري لما كان يمر مخطط بكتاب الهيدروليك 1 كان يقول الجملة :
" إنتهى زمن الشغل على المخططات "
و أنا اسف إذا طلعت عن الموضوع شوي