[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> المنتديــات العــامــة --> الـمُـضــحـــك .. الـمُـبـــكـي
    كيف بتكون انسان حباب!!......بقلم lovelyface
عنوان البريد :  
كلمة المرور :  
                    تسجيل جـديد


صفحة 1 من 3  1 2 3->

.كيف بتكون انسان حباب!!......بقلم lovelyface


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

كيف بتكون انسان حباب!!......بقلم lovelyface

14-12-2009 11:07 AM




لسلام عليكم ورحمة الله وبركاته

اعزائي الحلوين والحلوات......الغاليين والغاليات  ......ابعث لكم ارق والطف الترحيب والسلامات .....

فمشان هيك فتحولي عيونكم منيح وقرئو هل الكلمات .........لانها كتتيررح ترفعلكم من المعنويات ......وتخليكم مبسوطين ومبسوطات ...فهي مفتاح المعرفة حتى  تصيرو من فئة  الحبابين والحبابات !!!

اما الخطوات ......فهي تترواح بين الفيزيائيات –الكيميائيات وحتما الاخلاقيات!!

فصفات الانسان الحباب الفيزيائية هي كالشكل الآت :

اذا بنت : نعومة ...غنوجة ...دلولة اهلها ...والجيران ....وسوبر ستار العيلة ......
عيونها عبارة عن 4.9 غيغا بيكسل(احسن من الE71 سمالله ) .......بتجيب الصورة مية بالمية ........وادانها رادار ........قادرة على سماع كافة الاحاديث والسير يلي ممكن تفيدها وتساعد باظهار نزعتهاوشخصيتها  الحبابية الفذة!

واذا شب : شخصية قوية ...ثقافة ومعرفة  عالية .......مقضي لمصدي بمجالات الحياة .......ومتل الزبدية الصيني من وين ما دقيتو بيرن !!لسانو بيكسح النحل وعسلهم بالحلاوة والرقة  والادب والمفهومية  !!

الكيميائيات لكلا الحبابين والحبابات  :
قادر على تحمل الصعاب والمشقات ....قادر على العض على الجرح والسكوت بان واحد ...مثاله الاعلى بالحياة ايوب ...وصبر ايوب

سريع الذوبان باخر الاحداث والتطورات ...يعمل على اطلاق الايجابيات و تطويق وتقييد السلبيات!!!

وبعدالشرح والتعدادات ........نكمل برحلة لالاخلاقيات ذاكرين بعض البراهين والنظريات :

تنين صبايا نازلين على السوق  -وحدة منهن حبابة – بتجي الاولى وبتوقف عندبياع العطور وبتنقي ريحة  معينة وبتسئل الحبابة عنها رئيها فيها ؟......وهون بتظهر ظهور الشمس بشهر ثموز ....فترة الظهر تحديدا !!! الشخصية الحبابية !!
لانو  هل الحبابة رح تاخد هل البارفان ...وتاخدلها غبة .......مستنشقةً كمية كبيرة من الرائحة العطرة ......والتي اقرب ما تكون الى مفاعل كيميائي  قادر على تحقيق جائزة نوبل فئة  افضل اصدار بارفاني ........من انتاج الشركة العامة للصرف الصحي !!!
وبتطلع بالاولى بعيونها الحلوين البراقيين وبتقلها : يـــــــــــــــــــــــــــــاي يا الله شو حلوة ...بتجنن ...بتستطل ..بتطير ضبنات العقل!!

-------------

شب وبنت حابيبن قاعدين بمطعم ...بيوم عيد الفلاتنين :
الشب الحباب  بيطلع على البنت وبيقلها : حببتي ..بتعرفي اني كل يوم بشكر الله انو بعتلي ياكي ....بتعرفي اني كتتير بموت بذوقك الاكابري وحسك العالي بالموضة ......جد حبيتي انتي رائعة بختيار ملابسك ......انا بعمري ما توقعت انو البنطلون الاخضر مع الكنزة الاورانج والشال الاحمر ممكن بتواجدو باي مكان –عدا اشارة المرور طبعا- خصوصي مع الروج الخمري والظل البنفسجي وشعراتك الزرق المخلصلين باللون الدهبي الاصفر ....ولا الاكسسوارات يلي مستوحيتيهن من عظام وجماجم الانسان البشري ....والسابو يلي بيشبه البوط العسكري بس بالنسخة الفوشية منو .......جد حبيتبي انتي ملكة  الاناقة ..واكتر شي لفت نظري هو انك مو عاملة متل باقي البنات وطالسى حالك باللون الاحمر ...بهل اليوم السعيد !!

لك بحبك بحبك بحبك .......وبنهاية الحديث

حببيتي قلتيلو لابوكي وذكرتيه  مشان موضوع  فلة بلودان ..... مشان يكتبها باسمك او اسمي مشان نمضي الصيفية فيها!!! وما حدا من اخواتك يزعجنا يا حياتي انت !!!

--------------------------

صاحب شركة كبيرة هندي الجنسية او باكستاني ........ما بيعرف بالعربي الفعل من الفاعل ....بس عندو ميول شعرية مشعورة بحتة.......وقرر يعمل امسية شعرية  ينكب ويدمر عفوا يرفع ويكرم راية الشعر والشعراء ......

وبصفتك انسان حباب وموظف بشركة  شاعرنا المشعور ....رح تستلم القصة من بابها لمحرابها ...وتنظم الاضاء والمسرح والدعوات وكافة البطاقات .......وتعزم كافة المحطات والاذاعات ......

واكيد وردا على جهودك ...رح  يعطيك شاعرنا الخطير ...شرف الاستماع الي الكارثة الشعرية  المننتظرة .....يلي ناوي يقوم فيها على الهواء مباشرة بعد لحظات .....وهنا ستسقطت الكلمات ....وتظهرالمفاجأت  الفاجعات ...... وتشعر بان الطامة الكبرى تجسدت بين طيات اللفظ والاسلوب الهندي بألقاء الشعر العربي الممزوج بحركات الراس وكثرة الهزات!!

وبس يخلص من جريمة قتل اللغة العربية والشعر العربي بيسئلك : انت شو رئيو بكتابتو لانا ؟؟......وشعرو لانا ؟؟؟

وانت  يا حباب ما عليك الا انو تهز راسك وتقول :هذا اجمل ما سمعت بكل يوم ودقيقة عشتها على وجه هذه  الحياة!!!

سلمت يداك ... عشت وعاشت الكلمات !!!

-----------

وبالختام ....

صح الكلام الحلو بلسم ببعض الحالات ......وقادر انو يعمل المعجزات ويرفع المعنويات ..بس هذا ما بيعني انو يخلينا نتحول لاشخاص مكولكين اربعة وعشرين ساعة –سبع ايام بالاسبوع فقط!!.... بنزور الواقع والحقائق بس مشان نحقق مكسب شخصي معين ..... او مشان ينقال عنا حبابين وحبابات .....رغم عدة الطبقات السطحيات يلي رح نكون اجزاء منها لا بل سنشكل الاساس الداعم والتي تقوم عليه تحديدا وبالذات !!!

//////////لانو بتضل الحقيقية وكلمة الحق  احلى واصدق اللغات  بس لما بتنقال بمكانها الصحيح ودون تجريح //////////

لكم مني ارق التحيات

lovelyface






Life's a dream we are dreaming


أنت غير مسجل لدينا.. يمكنك التسجيل الآن.

مشاركة : 2


I S S A

جامعـي اســتثنائي

~~ Justice For All ~~




مسجل منذ: 10-03-2008
عدد المشاركات: 858
تقييمات العضو: 0
المتابعون: 28

غير موجود
اشــترك بالتحديثات
رسالة مستعجلة

رد مشاركة : كيف بتكون انسان حباب!!......بقلم lovelyface

14-12-2009 12:12 PM





اقتباس
//////////لانو بتضل الحقيقية وكلمة الحق  احلى واصدق اللغات  بس لما بتنقال بمكانها الصحيح ودون تجريح //////////


معك حق ليش في أحلى من الصدق و الصراحة ..

ما في داعي لا للغش و لا للمجاملة ..

خاصة إذا كانت من اجل مصلحة ,,, فهي النفاق بعينه ...

شكر لك lovelyface







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


louna

جامعـي اســتثنائي





مسجل منذ: 21-09-2009
عدد المشاركات: 888
تقييمات العضو: 5
المتابعون: 22

غير موجود
اشــترك بالتحديثات
رسالة مستعجلة

رد مشاركة : كيف بتكون انسان حباب!!......بقلم lovelyface

14-12-2009 12:52 PM






بالبداية يا عزيزتي الله يسلم إيديكي يللي حطيتيهون عالوجع تمام..
بالنسبة إلي أنا بطلت كون حبابة من زمان.. والدليل أنو ما عاد حدا طايقني بالعيلة كلها..
اكتشفت بعد سنوات وسنوات من ((الحبابية البحتة)) ومسايرة الصغير قبل الكبير أنو مرضاة الناس غاية لا تدرك حتى ولو قلتيلهون يللي بدهون يسمعو.. يعني تخيلي تجي امك تاخد رأيك بأخوكي يللي أخد البكالوريا وقعد بالبيت عميتسلى: أدفعلو بدل للجيش ولا لأ؟؟؟!!  بتروحي انتي بتقليلها: ((طبعاً لأنك بتعرفي أديشو غالي عندها وما بدك تزعليها بشي كلمة متل ما سبق وصار كذا مرة)) ادفعيلو امي شو بدك بالشنططة بالجيش بعدين بكرة بتحطي ضعف البدل للإجازات والأذونات بقى خلصي بفرد مرة أحسن..
وبعد ما يندفع البدل((طبعاً مو استماعا لرأيك لأنو هيك هيك كان حيندفع)) بتبلشي بقى تتنقري حكي:
شفتي يا ريتني ما سمعت كلمتك,.. شايفة شورة أختك يا فلانة ليكو لا عميشتغل ولا عميرضى يكمل دراسة... الله يسامحك يا بنتي على هالنصيحة يا ريتني ما سمعت كلمتك..  

على أساس إني لو قلتلها لا تدفعي بدل كانت ما بخشت بدني بالحكي: مو طايقة أخوها وبدها ياه يتعذب بالجيش...
اي روحو عنا ياه.. والله داق خلقي منشان هيك اعتمدت سياسة الدج.. يعني قول بوشو ولا تغشو. ويللي بيرضى أهلا وسهلا ويللي بيزعل يصطفل... صحيح بيضل ضميري معذبني لأنو الكل زعلان مني. وصحيح عمأنزعج لما عميحكو عليي بس دخيلك هيك هيك ما كنت مخلصة عالأقل هلأ ارتحت من التهاب الأعصاب يللي إجاني من كتر المسايرة والكبت بالقلب...

وجعتلك راسك لا تواخذيني بس صرلي فترة متدايقة من هالشغلة وإجيتي انتي فتحتي صمام الأمان بموضوعك..

تحياتي إلك والله لا يحرمنا من هالمواضيع المميزة يللي بتكتبيلنا ياها

سلام


   




((ربّ هب لي حكماً وألحقني بالصالحين, واجعل لي لسان صدق في الآخرين))

ملتقى طلاب جامعة دمشق .. كلية العلوم The Faculty Of Science
" وَقُـلِ اعْمَـلُوا فسَــيَـرَى اللهُ عَمَـلَكُـمْ ورَسُــولُهُ وَالمُؤْمِنُـوْن "
يفتخر طلاب كلية العلوم بتقديم أول إنجازاتهم عبر ملتقى طلاب جامعة دمشق
مجلـــة ســـديــم العلـــــوم بأعدادها [الأول  ] و  [ الثاني] .. وَ[الثالث  ].

و جديدنا مشروع الترجمة العلمية - كلية العلوم
LET'S ALL TRANSLATE SCIENCE TOGETHER

للاطلاع والمشاركة:
فهرس المواضيع المترجمة

اترك بصمتك... شارك معنا ولو بكلمة...
مشروع ترجمة قاموس البيئة



أنت غير مسجل لدينا.. يمكنك التسجيل الآن.

مشاركة : 4


ماهر الزعبي

عضــو فضـي





مسجل منذ: 02-11-2007
عدد المشاركات: 1673
تقييمات العضو: 0
المتابعون: 17

غير موجود
اشــترك بالتحديثات
رسالة مستعجلة

رد مشاركة : كيف بتكون انسان حباب!!......بقلم lovelyface

14-12-2009 01:12 PM





اقتباس
قول بوشو ولا تغشو




louna ... شكرآ على هالمثل الرائع ...


انا رح قلك بوشك وماغشك:

شو قصة هالإدغام يلي عندك؟؟

عميرضى..عميشتغل...عميحكي... عميتسلى

؟؟؟؟؟؟

بالرجوع لسالي وموضوعها:

كلام حلو بالفعل الكولكة لا بتقدم ولا بتأخر ... بالعكس الشخص المكولك شخص مسكين ومريض الله يشفيه






ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


louna

جامعـي اســتثنائي





مسجل منذ: 21-09-2009
عدد المشاركات: 888
تقييمات العضو: 5
المتابعون: 22

غير موجود
اشــترك بالتحديثات
رسالة مستعجلة

رد مشاركة : كيف بتكون انسان حباب!!......بقلم lovelyface

14-12-2009 01:45 PM







اقتباس
انا رح قلك بوشك وماغشك:

شو قصة هالإدغام يلي عندك؟؟

عميرضى..عميشتغل...عميحكي... عميتسلى

؟؟؟؟؟؟


والله ما بعرف يا ماهر علمي علمك   
بكتبهون متل ما بقولهون... كيف لازم يكونو إقلاب يعني!!!
المشكلة ما بقدر ريح حالي وأكتب بالفصحى, لما بكون مزعوجة بيتخربطو القواعد براسي وما بعود بعرف الفعل من الفاعل...


تحياتي إلك ماهر بس مو عطيتك المتل منشان ترمي بوشي....

سلاااااااااااام




((ربّ هب لي حكماً وألحقني بالصالحين, واجعل لي لسان صدق في الآخرين))

ملتقى طلاب جامعة دمشق .. كلية العلوم The Faculty Of Science
" وَقُـلِ اعْمَـلُوا فسَــيَـرَى اللهُ عَمَـلَكُـمْ ورَسُــولُهُ وَالمُؤْمِنُـوْن "
يفتخر طلاب كلية العلوم بتقديم أول إنجازاتهم عبر ملتقى طلاب جامعة دمشق
مجلـــة ســـديــم العلـــــوم بأعدادها [الأول  ] و  [ الثاني] .. وَ[الثالث  ].

و جديدنا مشروع الترجمة العلمية - كلية العلوم
LET'S ALL TRANSLATE SCIENCE TOGETHER

للاطلاع والمشاركة:
فهرس المواضيع المترجمة

اترك بصمتك... شارك معنا ولو بكلمة...
مشروع ترجمة قاموس البيئة



أنت غير مسجل لدينا.. يمكنك التسجيل الآن.

مشاركة : 6


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : كيف بتكون انسان حباب!!......بقلم lovelyface

14-12-2009 04:52 PM





اقتباس
معك حق ليش في أحلى من الصدق و الصراحة ..

ما في داعي لا للغش و لا للمجاملة ..

خاصة إذا كانت من اجل مصلحة ,,, فهي النفاق بعينه ...


شكرا لرئيك  المتميز ومرورك الجميل عزيزي عيسى

لك تحياتي




Life's a dream we are dreaming


أنت غير مسجل لدينا.. يمكنك التسجيل الآن.

مشاركة : 7


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : كيف بتكون انسان حباب!!......بقلم lovelyface

14-12-2009 04:57 PM





اقتباس
اي روحو عنا ياه.. والله داق خلقي منشان هيك اعتمدت سياسة الدج.. يعني قول بوشو ولا تغشو. ويللي بيرضى أهلا وسهلا ويللي بيزعل يصطفل... صحيح بيضل ضميري معذبني لأنو الكل زعلان مني. وصحيح عمأنزعج لما عميحكو عليي بس دخيلك هيك هيك ما كنت مخلصة عالأقل هلأ ارتحت من التهاب الأعصاب يللي إجاني من كتر المسايرة والكبت بالقلب



لا  شو دج ما دج.......بدك تصلي على النبي وتروقي

وخلي شعارك شو ما جرى طنجرة   

ووساعاتها ما رح تعاني لا من التهاب اعصاب ولا وجع قلب الله يبعدهن عنك يا رب




اقتباس
وجعتلك راسك لا تواخذيني بس صرلي فترة متدايقة من هالشغلة وإجيتي انتي فتحتي صمام الأمان بموضوعك..

تحياتي إلك والله لا يحرمنا من هالمواضيع المميزة يللي بتكتبيلنا ياها



لا ولو انا عطول بالخدمة .....وان شاء الله تكوني هلق احسن 
والله لا يحرمني مرورك الجميل على كلماتي البسيطة

لك تحياتي لونا

lovelyface




Life's a dream we are dreaming


أنت غير مسجل لدينا.. يمكنك التسجيل الآن.

مشاركة : 8


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : كيف بتكون انسان حباب!!......بقلم lovelyface

14-12-2009 05:02 PM





اقتباس
بالرجوع لسالي وموضوعها:

كلام حلو بالفعل الكولكة لا بتقدم ولا بتأخر ... بالعكس الشخص المكولك شخص مسكين ومريض الله يشفيه


وبالرجوع الى مرور ماهر وردو :


رئي دبلوماسي ........والله يشفينا جميع ...........ويبعد عن المكولكين والنفاق


لك تحياتي ماهر

lovelyface




Life's a dream we are dreaming


أنت غير مسجل لدينا.. يمكنك التسجيل الآن.

مشاركة : 9


انسانة فضولية

عضــو ماسـي


.. You Melted My Heart Away With Your Smile ..




مسجل منذ: 23-10-2008
عدد المشاركات: 3115
تقييمات العضو: 0
المتابعون: 25

غير موجود
اشــترك بالتحديثات
رسالة مستعجلة

رد مشاركة : كيف بتكون انسان حباب!!......بقلم lovelyface

15-12-2009 04:46 PM




ساااااااالي

الموضوع مو طبيعي شو حباب 


اقتباس
اذا بنت : نعومة ...غنوجة ...دلولة اهلها ...والجيران ....وسوبر ستار العيلة ......
عيونها عبارة عن 4.9 غيغا بيكسل(احسن من الE71 سمالله ) .......بتجيب الصورة مية بالمية ........وادانها رادار ........قادرة على سماع كافة الاحاديث والسير يلي ممكن تفيدها وتساعد باظهار نزعتهاوشخصيتها  الحبابية الفذة!


هلأ هون ما فهمت شو دخل تكون حبابة لحتى تكون عشرة ععشرة 


اقتباس
جد حبيتي انتي رائعة بختيار ملابسك ......انا بعمري ما توقعت انو البنطلون الاخضر مع الكنزة الاورانج والشال الاحمر ممكن بتواجدو باي مكان –عدا اشارة المرور طبعا- خصوصي مع الروج الخمري والظل البنفسجي وشعراتك الزرق المخلصلين باللون الدهبي الاصفر


ههههههههههههههههههههههه

ولي تخيلي بنت بهيك منظر   

أما خطيرة حتطلع

يحرء حريشك على هالوصف

بس اسمحيلي هون حبيبها مو مكولك هاد نصاب يخرب بيته بده ياها كرمال الفيلا 

و بالنهاية يا سوس و الله الكولكة صايرة مرض اجتماعي الله يبعده عنا    يعني و الله مو طبيعي العالم شو صايرة كشاشة و صايرين عم نخاف نتعامل معها كرمال ما عاد عرفنا المكولك من غير المكولك

الله يبعدنا عن هيك عالم و بالأخير بتبقى الصراحة و لو بتجرح ببعض الأحيان أحسن من كلمة كولكة

يعطيكي العافية عالموضوع الحلو 

سلامااااااااات 







أنا امرأة لا أنحني إلا في صلاتي ..

و لا أصمت إلا عندما تنعدم كلماتي ..

و لكن احذروا عندما أبدأ في انفعالاتي ..

فلا يهمني شئ سوى أن أنهي مأساتي ..



   


أغار عليك من قطرات المطر .........فكيف لا أخاف عليك من نظرات البشر !!!....


أنت غير مسجل لدينا.. يمكنك التسجيل الآن.

مشاركة : 10


joy

جامعـي اســتثنائي





مسجل منذ: 04-11-2009
عدد المشاركات: 641
تقييمات العضو: 0
المتابعون: 10

غير موجود
اشــترك بالتحديثات
رسالة مستعجلة

رد مشاركة : كيف بتكون انسان حباب!!......بقلم lovelyface

15-12-2009 05:08 PM




غاليتي



حبيت الموضوع كتييييييير


ولقيته فعلا مهضوم وبيشد من العنوان للاخر ...........


وبالنسبة ل louna لا تصدقوها لا بـ تدج ولا شي  بالعكس متل البلسم بينحط ع الجرح بيطيب ياريت اتعلم اللطافة منها ...........


حبيبتي

lovelyface



الف شكر وتسلم ايدك




joy




you may only be one person to the world
but you may also be the world to one person






أنت غير مسجل لدينا.. يمكنك التسجيل الآن.
صفحة 1 من 3  1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة