فكرة حسابية جهنمية


إذا ما سألتك الآن : ما حاصل ضرب 2×3 ؟

ستجيب بكل سلاسة : 6 !

وإذا ما سألتك في كم ثانية حللت هذه المسألة ؟؟ .. ستجيب في أقل من ثانية !!

حسناً.. هل تستطيع ( بنفس السرعة ) أن تحسب حاصل ضرب 12×13 ؟

ستتردد وربما استخدمت الآلة !!.. لا لا بدون آلة..!

هناك طريقة رياضية صاروخية تضمن لك دقة النتيجة المتناهية مع سرعة رهيبة الآداء , مختصرا

بذلك الكثير من الوقت .. الهدف منها هو الحصول على نواتج ضرب الأعداد من 11 إلى 19

بنفس السرعة والكفائة التي نضرب بها الأعداد من 1 إلى 9

أكمل معنا بقية الموضوع حتى تشاهدها !

إليك الحل :

12 × 13

خذ الرقم(2) واضربه في(3) وضع أول ناتج : 6

نفس الرقم(2) اجمعه مع (3) وضع ثاني ناتح :5

ضع الواحد الأخير : 1

فتصبح النتيجة : 156

فلنجرب مثال آخر :

14×12 = ؟

4×2 = 8 وأيضا 4+2=6 . مع الواحد الأخير إذا ً الناتج هو : 168

كما ترى , نحن نأخذ الرقمين من خانة المئات , ونضربهم في بعضهم.. ونأخذ نفس الرقمين

من خانة المئات.. ونقوم بجمعهم.. بعد ذلك نضع الواحد لأن مضروب أي رقمين في

بعضهم يكون الناتج ثلاثة أرقام ورقمنا الثالث طبعا هو الواحد .


مثال للتثبيت :


11×13 = ؟

1×3 = 3 وأيضا 1+3=4 . مع الواحد الأخير فالناتج : 143

مثال أخير :


17× 12 = ؟

7×2= 4 وأيضا 7+2(+1)=0 , الواحد الأخير(+1) يكون الناتج 204


كما رأيت , في حالة كان هناك ناتج ضرب أو جمع فوق العشرة فنتعامل معها كما نتعامل مع مسائل الجمع ..

مع الوقت والتعود .. ستصبح مسألة بديهية جدا وستضرب جميع الأرقام من 11إلى19 في أقل من ثلاث ثواني !!

هل رأيت سرعتها ؟؟

الآن بعد أن تعلمتها بإمكانك تطبيقها كما تشاء ! فمن منا لم يتعامل مع الضرب في أي تطبيق من حياته..


الآن بدل من أن تضيع وقتك في التخمين أو الكتابة بالآلة أمكنك إيجاد معين مناسب لك ومختصر جدا لوقتك..

وبالتوفيق والنجاح لكل الطلاب..

تحياتى
أخوكم ميرفان       

والله انها فكرة حلوة

صحيح اني ادب انجليزي بس انا كنت علمي وروح قلبي الرياضيات

فكرة ظريفة
والله قال عيش كتير بتشوف كتير


شكرا الك

تحياتي

 
حلوة ومفيدة..
مشكورة كتيير....راح علمها لاخي الصغير.........بلكي بشوف حالو فيها على رفقاتو بالمدرسة.......
تقبلي مروري.........  

الله يعطيك العافية على هالكطريقة السلسة و الحلوة

بس انا من جهتي ما بستغني عن الالة الحاسبة باي عملية

بس اذا بدكم طريقة حلوة لتربيع عدد معين زوروا هالموقع :

http://sci.jamaa.net/art246650.html

طبعا هاد بمنتدى كلية العلوم و ما كتير الطريقة اخدت زيارات لذلك عطوني رايكم فيها

عنجد طريقة صاروخية !!!! ماكنت بعرفها

لك روح إنشالله ريتو يسلمووووو

الله يوفقك


تقبل مروري... ضروري!!!

اذا الطريقة عجبتك ؟؟

الحمد الله لذلك انا رح حط هالرابط هون و هاد بودي لمنتدى كلية العلوم و قسم اعلوم الرياضية

و هنيك بتلاقوا مواضيع مشابهة و الغاز حلوة كتيييييييييير

http://sci.jamaa.net/forum58.html

انشا الله يعجبكم

سلاممممممممممم

طريقة جديدة وحلوة كتيييييييييير
بس
بس بس أنا بكره الرياضيات وحاسة حالي دخت

تحياااااااااااااتي الك
تقبلي مروري

هي الطريقة أكتشفتها لحالي أنا و عم أدرس رياضيات 1 بالسنة الأولى مع بعض الفروقات البسيطة هي الطريقة حلوة لأن بتتعامل مع رقم الأحاد

بعدين هي الطريقة مو بس للأعداد من 11 إلى 19
فيك تطبق على فئات
يعني من 21 إلى 29
و من 31 إلى 39

وهكذا طبعا ً مع تعديل بسيط

طورت هي الفكرة أنا و صديقي محمد نفوري (وقت كنّا عم ندرس جيوديزيا مع بعض) لتشمل بقية الفئات
رح خليكون تفكروا فيها و إذا ما طلع معكون شي فصح عنها سلاممم

شكراً عالطريقة الحلوة ..

كن استخدم متل هالطريقة بمسائل الفيزياء ..

بس بصراحة مو كل مرة كانت تظبط .. يمكن لأني كنت مو مقتنع ..

بس متل ما قال المهندس زياد مو بس من 11 --> 19

أف شكر وتحية ..

فعلاً طريقة حلوة كتير وما سبق وسمعت فيها ...

شكراً لإلك mervan.......

وبالنسبة لفكرتك أخ زياد  أنها بتزبط عباقي الأرقام ففكرت شوي وطلعت معي طريقة جربتها على كذا رقم وزبطت :

أولاً: دايما منضرب الأرقام يلي بالآحاد ببعض ومنحط الناتج بمنزلة الأحاد بالناتج النهائي.

بعدين: منجمع الأرقام يلي بالآحاد و منضربهن برقم العشرات يلي طبعاً هو مشترك بين العددين يلي عم نجمعهن وجواب هالشي منحطو كرقم عشرات بالجواب

وآخر خطوة :منضرب رقم العشرات (المشترك بين الرقمين )بنفسو ومنحط الجواب كمنزلة مئات بالناتج النهائي ...

مع مراعاة أنو إذا نتج عن الخطوة الأولى والتانية رقم مؤلف من منزلتين أو أكتر منحط  رقم الآحاد منه وباقي ما تبقى منجمعو لناتج العملية يلي بعدها  بعد تنفيذها ..

يعني مثلاً:

28×27=756



أولاً: 8×7=56  يعني رقم الآحاد 6



ثانياً: 8+7=15

15×2=30    (وطبعاً ضربناها ب2 لأنو هو  بمنزلة العشرات بالرقمين المضروبين )

30+5=35      مناخد رقم العشرات 5



آخر شي:2×2=4

4+3=7            يعني رقم المئات 7

وبالتالي الناتج 756





ومثال تاني:




73×76=5548



1-
3×6=18  الآحاد 8


2-
3+6=9

9×7=63

63+1=64  العشرات 4


3-
7×7=49

49+6=55 

فبصير الرقم 5548


حسيت حالي رجعت لأيام رياضيات المدرسة.

وشكراً إلك زياد  خليتني شغل مخي شوي...

بس  شو شلون الطريقة معك؟