أخي شبل العقيدة أنا موافقتك على فكرتك عندي سكنر بالمنزل ومستعدة صور أي شي بتمنى ننظم هالشي وأنا جاهزة

خادم رسول الله

شكرا لك والله يبارك فيك يا رب

و انشالله منردلك ياها بالأفراااااح

طيب بالنسبة الي

طالب كلية اقتصاد سنة اولى عندي ما يلي

بس عندي ملاحظة صغيرة....اني انا هلق بالرياض اذا حدا محتاجون هون بوصلون لعندو براسي وبكون كسبت شوفتوه واذا مافي حدا محتاجون هون بقدر وصلون على الجامعة اول ما اوصل انشاء الله بشهر 12

1-كتاب مبادئ المحاسبة1
2-كتاب انجليزي تبع الفصلين محلول فيه
3-صورة من كتاب القانون المدني(يعني مصورو تصوير) +محاضراتها
4-محاضرات الثقافة القومية+اسئلة الدورات محلولة
5-محاضرات عربي +اسئلة دورات محلولة
6-نوطة محاسبة1 كامل المنهج من معهد الرؤيا الجديدة(ممتاااااااااااااازة)
7-نوطة محاسبة2 كامل المنهج من معهد الرؤيا الجدية ايضا (ممتااااازة كمان)
8- محاضرات رياضيات اقتصادية+اسئلة دورات محلولة
9-محاضرات احصاء +اسئلة دورات محلولة

أنا صيدلة بس مصرفة غراضي .....


لكن عنا بالبيت كتب عمارة للمهتمين.....صراحة ما بعرف شو هنن بس لما تحضروا آلية لتسليم الكتب يا ريت تخبرونا لجيبهم

أول مرة بشوف الموضوع ..!

الفكرة مذهلة .. وكلنا معك بإذن الله .. وبانتظار تحديد طريقة التسليم ..

_______________

أطيب الأمنيات .. :)

  لقد اعجبتني الفكرة كثيرا وبارك الله لكم وجزاكم الخير في هذه الفكرة المباركة لدي كتب اللغة الانكليزية وهي كتب جديدة جدا كنت اعتمد ع المحاضرات ولم استخدم الكتب اخبروني عن طريقة الارسال فأنا بحاجة لمساعدة الاخرين كوني كنت اعاني جدا حتى احصل ع الكتب او المحاضرات وكما قلت الفقر ليس عيب
ولدي كتب قسم الترجمة تعليم مفتوح

أنا هلأ سنة تالتة محاسبة عندي من السنة الماضية كتاب مبادئ تمويل ومحاضرات اقتصاد كلي ومالية عامة من نعمة ومحاضرات تمويل ومحاسبة شركات من الأنوار بس للصراحة محاضرات المحاسبة ناقصهم تلت محاضرات بس بفيدوا يعني أحسن من بلا وعندي أسئلة دورات وانكليزي تلاتة وأربعة ومالية عامة ومعلوماتية ومحاسبة شركات وأساسيات تسويق ومبادئ تمويل وجمعتهم وظبطتن عم نستناكم ها لا تتأخروا مشان الطلاب حرام يبلشوا من اول السنة فيهم

الفكرة كتير حلووة و انا بدي شارك بالمشرووووع
   

أنا عندي محاضرات من السنة الاولى و التانية اقتصاد
بس خبرونا كيف بدنا نوصلها الكم

مشكور اخ خادم رسول الله فكرة كتير قيمة
انا مستعدة شارك فرعي بيولوجيا وعندي النسخة الكاملة تبع السنة الاولى ما كبيت شي عملي ونظري
في شي عند رفقاتي بس انا متشجعة للفكرة وبشوف اللي حواليي اذا بيقدروا يساعدوا
انا بقترح ناس من كل كلية تشرف عالموضوع يعني الموظفين اغلبن مو ثقة وحسب عدد اللي محتاجين كتب ممكن يسعوا يجيبوا اكتر اذا ما كفت الكتب
تحيتي