انا مسجلة ب المنتدى من 2009 و دا ئما قسم التاريخ مو من الأقسام الفعالة ابدا ب المنتدى  حتى لما منحط مواضيع من اختصاصنا ما بتلاقي تجاوب معها
ودائما بقسم التاريخ بتلاقي نفس الردود ( بدنا نتعاون لنطور القسم ) ........
يمكن الإهمال من المنتدى ؟؟؟ بس لا كمان من الطلاب لأن طلاب قسم التاريخ للأسف الشديد جوا الجامعة ما بيتفاعلو مع بعض أبدا يعني أبدا ما سمعت أي مشروع عمل جماعي متل باقي الكليات و الطلاب ما بيحتكو مع بعضون إلا إذا بيعرفو بعضون من براة الجامعة يعني مثلا اريبو أو من نفس ضيعتو أو مدينتو أو هيك
يعني ما في تعاون أبدا بقسم التاريخ ولا حتى تبادل للأفكار يمكن لان الطلاب ما بيداوموا كتير ؟؟؟
ولازم لازم يكون في مكتبة خاصة بلقسم لان دراسة هاد القسم مو ممكن تطلع بتفهم بالتاريخ وأنت يتدرس من الكتاب المقرر يلي أكترون بيجسد رأي الدكتور و الرؤية الخاصة  فيه وأكيد  المكتبة هي الحل رح تخلي ه القسم فيه روح وحيوية لان هو بالأصل إذا ما تعمق بدراستو الطالب رح يحسو جامد ويدرسو لهدف يطلع استاذ وبس...
التريخ دراستو هامة كتير وبأوروبة في كليات تاريخ وآثار مو قسم تاريخ 
الحمد الله انا اتخرجت  وانشالله تقدرو (( تتعاونو وطوروا قسم التاريخ ))
و تثبتوا انو مو العلامات هي يلي جبرتكون تفوتو تاريخ
بالتوفيق

أختي الكريمة :

شكرا جزيلا على ملاحظتك تلك اللفتة الهامة التي كنا قد تحدثنا عنها مع بعض المشرفين

من أجل تطوير قسم التاريخ ...

وان شاء الله لتكن البداية من أنفسنا ومن عندنا ، فلنبدأ بتحديث القسم من خلال المواضيع الهامة

التي تعنيه ، والدراسة وآخر الأخبار فيه ...الخ

ولايفوتني أن أبارك لك التخرج وألف ألف مبروك وعقبال الشهادات العليا

أتمنى لك المزيد من التوفيق والنجاح