[x]

"وقـل اعمـلوا فسـيرى الله عـملكم ورسـوله والمؤمنـون"


<< المشـاركات الأخيرة : >>         مركز Protranslate - الأخبار التقنية       آخر رد : protranslate  ]        هام للباحثين في المجال الرياضي       آخر رد : د.قصي الساعدي  ]        مجلة علوم الرياضة       آخر رد : د.قصي الساعدي  ]        ما هي تقنية LTE ؟       آخر رد : تربية مقداد  ]        معلومات حول طبيعة الدراسة في كلية البحوث العلمية       آخر رد : Mara7_ite  ]        حبيت اسلم,,,عليكم ..       آخر رد : The_Sniper7  ]        مسابقة الرياضيات ..... NIGHT rider       آخر رد : *أبو عبيدة*  ]        مفكر ,,, كل عام وأنت بخير       آخر رد : سنفور غضوب  ]        كاميرات تجسس وصغيرة وغير مرئية على شكل قلم وساعة ومنبه من 01200094369       آخر رد : شركة ريماس  ]        كاميرات مراقبة وانذار وانتركم وحضور وانصراف وانذار سرقة وتتبع سيارات من 01200094369       آخر رد : شركة ريماس  ]        ماجستير اتصالات       آخر رد : zoro  ]        موفقين       آخر رد : الوراق  ]        .:: وأخيراً وبعد طول انتظار ::.       آخر رد : ابو فراس  ]        شدوا الهمة       آخر رد : الوراق  ]        كل عام وإنتو بخير يا طلاب البحوث       آخر رد : la nostalgie  ]        تهنئة ودعاء من القلب لزميلتناAlbert Einstein       آخر رد : أحدهم....  ]        هل أنت نادم؟       آخر رد : la nostalgie  ]        تلج تلج.....وأحلى صور لأحلى بحووث...       آخر رد : أمير حمص  ]        وداعاً       آخر رد : black rose..  ]        هل تعرفون ما الفرق بين الزوجة والسكرتيرة؟؟       آخر رد : عاشـق فلسـطين  ]    
...مركز رفع الصور والملفات...
النتائج الامتحانية لجامعة دمشق 2015-2016 - آخر تحديث بالأمس . 11:29 PM



..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
المعهد العالي للعلوم التطبيقية والتكنولوجيا

مواضيع مميزة..





          ( ~ ^_^ "مواضيع مميزة" ^_^ ~ )       ,,, دروة حجز وتصمصم المواقع الدرسين الثالث والرابع ,,,    < .:: HIAST ::. >      ,,, ماهو مشروع الكيمتريل ,,,    < .:: HIAST ::. >        ,,, فهرس دورة حجز وتصميم المواقع ,,,    < .:: HIAST ::. >    ,,, رسالة في التشفير (1) ,,,      < .:: HIAST ::. >    ,,, رسالة في التشفير (2) ,,,     < .:: HIAST ::. >    ,,, الرياضيات هي الموضوع الذي لا نعرف فيه عما نتحدث ,,,    < .:: HIAST ::. >      ,,, عباءة الاخفاء حلم أم حقيقة ,,,    < .:: HIAST ::. >    ,,, لغز أعجبني وعزبني ,,,      < .:: HIAST ::. >      ,,, ^_^ حزر فزر ^_^ ,,,      < .:: HIAST ::. >      ,,, افحص نظرك مباشرة عالنت ,,,      < .:: HIAST ::. >  


  ملتقى طلاب جامعة دمشق --> المعهد العالي للعلوم التطبيقية والتكنولوجيا --> الأقسام العامة لكلية البحوث العلمية --> نبذة عن ,,, كلية ,,, البحوث العلمية
    استفسار بسيط ...
عنوان البريد :  
كلمة المرور :  
                    تسجيل جـديد


صفحة 1 من 2  1 2->

.استفسار بسيط ...


Happy Dude

جامعـي جديــد




مسجل منذ: 16-08-2011
عدد المشاركات: 2
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

استفسار بسيط ...

16-08-2011 01:16 PM




السلام عليكم ....
اسمي باسل وأنا هي السنة قدمت باكالوريا والحمد لله ...
جمعت 220 طبعا بدون لغة والديانة وهدا مجموعي بالدورة الأولى والدورة الثانية ما طلعت نتائجها بس ماني متأمل منها خير زيادة (( بعرف قليل شوي بس شو سوي كانو شهرين الفحص من أسوأ أشهر الأزمة عنا وللأسف ))   ...

المهم وبلا كترة حكي أنا كنت ناوي أنو أدخل هندسة معلوماتية بس ما لح يصحلي بس طلعت قدامي كلية البحوث العلمية واختصاصها المعلوماتية وحاولت اجمع معلومات عنها بس للأسف كل مصدر يقلي شكل ....

شي يقلي صعبة كتير ومدري كم فصل ومواد كتير وإذا بترسب بوحدة تعيد السنة يعني لازم تكون 24 على 24 على الكتاب ويجي واحد يقول عادي كل الفروع صعبة شو متأمل تكون الجامعة أسهل ؟؟؟؟ 

وشي يقلي عن السكن وما فيك تتحرك وشي إجباري ومدري شو وما بتشوف حدا وكل واحد بحالو (( عزلة اجتماعية !!!!!  )) يعني قالولي البحوث العلمية = غوانتانامو
بس مع نشاطات رياضية واجتماعية عالواجهة (( يعني شغل فزلكة )) .... 

بس ليش يعني معظم أفراد مجتمعنا بيمقتوا هي الكلية ماكنت أعرف !!! يعني حس الواحد يقلي فوت رياضة (( No Offence )) ولا تفوتها ...

ومن شان القبول شو وضعوا ما كنت أعرف شي,شي يقلي بدها أكتر من 219 (( مظبوط هالحكي اليوم شفتها بالمفاضلة إلا إذا كانت كلية البحوث العلمية مو المعهد العالي للعلوم التطبيقية والتكنولوجيا وقتها بيكون الحكي تمام )) وشي قلي أنو لازم اكتر شي ينقصك كم علامة على الكيمياء والفيزياء والرياضيات وإذا كانوا عاليات فبيقبلوك وشي يقول شو ما جبت بتفوتها 
فرجاء المساعدة بهي القضية كمان....

وشو من شان قضية الراتب قالولي في راتب وقال وقت أتخرج في بيت ووظيفة (( إجبارية )) مؤمنة ..


وهيك بيكون خلص استفساري البسيط    يلي حبيت فيه أعرف إجابات يلي بيدرسوا بهل الكلية لأنهن الأقدر للإجاية عن تساؤلاتي كلها وخاصة مابعرف حدا عم يدرس فيهابس بعرف فيها حدا درس واتخرج واشتغل وكلهن نصحوني فيها....

على كلن أنا لح أنزل شوفها للكلية مباشرة على الهواء في الأيام القادمة...
بس قلت اخد صورة واضحة منكن قبل بيكون أحسن وإن شاء الله تعجبني وانا أعجبها لأنو ما بدي عيد الباكالوريا ....


وشكـــــــــراً والبتوفيقـ للجميعـ
 











ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


أمير حمص

عضــو فضـي

ايدك ع سلاحك شدا




مسجل منذ: 20-07-2009
عدد المشاركات: 1232
تقييمات العضو: 10
المتابعون: 21

غير موجود
اشــترك بالتحديثات
رسالة مستعجلة

رد مشاركة : استفسار بسيط ...

16-08-2011 10:02 PM




مرحباا...


اول شي انشالله الف مبروك نجاحك؛.....


رح جاوبك بالتفصيل الممل ع استفسارك البسيط؛......تكرم عيونك...


المهم وبلا كترة حكي أنا كنت ناوي أنو أدخل هندسة معلوماتية بس ما لح يصحلي بس طلعت قدامي كلية البحوث العلمية واختصاصها المعلوماتية وحاولت اجمع معلومات عنها بس للأسف كل مصدر يقلي شكل ....

والله يا صديقي....يلي خبرك انو البحوث بدها اقل من المعلوماتية ما صدق معك....لانو حتى بعض طلاب المعلوماتية ما بيقدرو يفوتو لعنا....بسبب المجموع بالدرجة الأولى...


شي يقلي صعبة كتير ومدري كم فصل ومواد كتير وإذا بترسب بوحدة تعيد السنة يعني لازم تكون 24 على 24 على الكتاب ويجي واحد يقول عادي كل الفروع صعبة شو متأمل تكون الجامعة أسهل ؟؟؟؟  

من ناحية الصعوبة اي والله صعبة وكل ما طلعت سنة بتطلع الصعوبة معك....اذا بترسب بتعيد كل السنة بس طبعا اذا رسبت بكتلة مو بمادة.....والكتلة هيي عبارة عن مجموعة مواد....في عنا اربع كتل ...رياضيات فيزيا لغات وعلوم هندسية....وعنا 3 فصول...بكل فصل في بين 8 و 10 مواد...يعني بالسنة عنا بين 24 و 30 مادة..بس طريقة توزيع المواد بالبرنامج ما بيحسسك بهالكم الكبير بس بتحس بالضغط.....كتب ما في....في محاضرات ومراجع من المكتبة....اهم شي المحاضرة يلي بتكتبها مع الدكتور والمراجع بتعطيك معلومات زيادة وبتقويك....اما بالنسبة للجامعة....فجامعة دمشق ممكن تقول انو في مجال تقول فيا صعوبة...اما بشكل عام ما في مجال تقارن بالصعوبة والضغط مع الجامعة...عنا اصعب بكتير والحمدلله.....بس يلي بيشتغل ما بضيع تعبو....طبعا رأيي بالجامعة مبني ع اطلاع ع المناهج والأسئلة والطلاب بالجامعة بشكل عام وبالهندسات بشكل خاص....بس الجامعات فيا صعوبة من الدكاترة....اما عنا ما في هالحكي..كل واحد بياخد حقو...


واكيد لو كانت الجامعة افضل فما في داعي لوجود المعهد العالي....طالما عم يدرس اختصاصات موجودة بالجامعة...صح؟؟...وخاصة انو طلاب المعهد هنن طلاب النخبة بمجال المواد العلمية....



وشي يقلي عن السكن وما فيك تتحرك وشي إجباري ومدري شو وما بتشوف حدا وكل واحد بحالو (( عزلة اجتماعية !!!!!  )) يعني قالولي البحوث العلمية = غوانتانامو
بس مع نشاطات رياضية واجتماعية عالواجهة (( يعني شغل فزلكة )) ....

هادا الحكي مو صحيح....هلأ صحيح السكن مو خمس نجوم بس في لكل طالب غرفة وهادا احلى شي انو في استقلالية....من ناحية الحركة في حرية مطلقة واكتر من الجامعة...بالجامعة بعد العشرة ما فيك تفوت...عنا بتفوت ايمتا ما بدك....اما الزيارات فبعد الخمسة.....اما العزلة الاجتماعية فهادا بسبب الضغط الدراسي لانو دوامنا طويل شوي وفي مواد كتير ويا دوب نلحق....وبالامتحان ما عنا شي اسمو قطع والامتحان بكون خلال اسبوع واحد او عشر ايام يعني كل يوم مادة واحيانا مادتين وما في فضى بين المواد....يعني الشغل لازم يكون خلال الفصل....والنشاطات الرياضية موجودة وحلوة وابدا مو فزلكة....





ومن شان القبول شو وضعوا ما كنت أعرف شي,شي يقلي بدها أكتر من 219 (( مظبوط هالحكي اليوم شفتها بالمفاضلة إلا إذا كانت كلية البحوث العلمية مو المعهد العالي للعلوم التطبيقية والتكنولوجيا وقتها بيكون الحكي تمام )) وشي قلي أنو لازم اكتر شي ينقصك كم علامة على الكيمياء والفيزياء والرياضيات وإذا كانوا عاليات فبيقبلوك وشي يقول شو ما جبت بتفوتها

المعهد العالي هوي نفسو البحوث العلمية واسم البحوث جاي من تبعيتو لمركز الدراسات والبحوث العلمية....هلأ يلي بحقلن يقدمو هنن من ال15 بالمية الاوائل...اما يلي بينقبلو غالبا بكون مجموعن كحد ادنى 227 او 228....مع تثقيل الرياضيات والفيزياء والكيمياء...يعني بتصير المفاضلة ع المجموع من 360....اما شو ما جبت بتفوتها فأكيد لأ....


وشو من شان قضية الراتب قالولي في راتب وقال وقت أتخرج في بيت ووظيفة (( إجبارية )) مؤمنة .. 
في راتب بسبب التزام الدولة فينا او التزامنا بالدولة ازا بدك....بس شو في احلى من انو الواحد يأمن مستقبلو....اما البيت فانت بتسجل عليه...وفي بيوت ضمن حرم المركز منقلا استديوهات يعني بيوت صغيرة شوي بتنعطى للخريجين باجار رمزي....


وهيك بيكون خلص استفساري البسيط    يلي حبيت فيه أعرف إجابات يلي بيدرسوا بهل الكلية لأنهن الأقدر للإجاية عن تساؤلاتي كلها وخاصة مابعرف حدا عم يدرس فيهابس بعرف فيها حدا درس واتخرج واشتغل وكلهن نصحوني فيها....
يا سيدي اسال قد ما بدك نحنا بالخدمة....انشالله بالدورة تجيب علامات منيحة ويا ريت تخبرني بعلاماتك الرياضيات والفيزيا والكيميا لانو الن دور كبير كتير....


واهلا وسهلا فيك بتنور المعهد بوجودك.....


واي سؤال تاني لا تتردد ابدا بتلاقينا كلنا موجودين....







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


NIGHT rider

مشــــــــرف
قســــم البحــــوث العلميـــــة


We've ,, no less days ,, to sing God's ,, praise




مسجل منذ: 12-06-2008
عدد المشاركات: 2866
تقييمات العضو: 9
المتابعون: 107

غير موجود
اشــترك بالتحديثات
رسالة مستعجلة

رد مشاركة : استفسار بسيط ...

16-08-2011 10:08 PM




استفساراتك ,,, كان لها غدير ,,, بالمرصاد ,,,
.
.

مبروك نجاحك وعلاماتك ,,, وانشا الله  بتجيب بالدورة التانية علمات أفضل وأعلى ,,,
.
.
.

وانشا الله بتختار الفرع يلي بيليئ بمئامك ,,, وبتكون مبدع فيه ,,,

.
.
.

تحيتي ,,,





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


أمير حمص

عضــو فضـي

ايدك ع سلاحك شدا




مسجل منذ: 20-07-2009
عدد المشاركات: 1232
تقييمات العضو: 10
المتابعون: 21

غير موجود
اشــترك بالتحديثات
رسالة مستعجلة

رد مشاركة : استفسار بسيط ...

16-08-2011 10:20 PM




طلال الغالي منور المنتدى,,,,,,وينك يا زلمي.,.....


بجوز اخدنا دورك بس بتضل انت كبيرنا.....كل ما فات واحد سأل بتزكر حالي وقت سألت وانت جاوبت....


بشووفك...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


عبدالله الشويخ

عضــو ماسـي


.::||.............. ||::.




مسجل منذ: 21-08-2007
عدد المشاركات: 3792
تقييمات العضو: 216
المتابعون: 108

غير موجود
اشــترك بالتحديثات
رسالة مستعجلة

رد مشاركة : استفسار بسيط ...

16-08-2011 10:39 PM




لك جزيل الشكر أخي أمير حمص
فقد أثلجت صدري بأجوبتك الشافية

رح ضيف تعقيب بسيط


أن الهندسة المعلوماتية

بدها علامات فوق الريح

وهي حلم بالنسبة للطلبة

ولا أبالغ إن قلت لك أنني أفضلها

على كلية الطب البشري

تحيتي للجميع





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


أمير حمص

عضــو فضـي

ايدك ع سلاحك شدا




مسجل منذ: 20-07-2009
عدد المشاركات: 1232
تقييمات العضو: 10
المتابعون: 21

غير موجود
اشــترك بالتحديثات
رسالة مستعجلة

رد مشاركة : استفسار بسيط ...

16-08-2011 10:44 PM




اخي عبد الله لا شكر على واجب....انا طلعلي صيدلة بس ما بحبا وبفضل الهندسة لهيك فتت بحوث وانا دائما بشوف المهندس الفهمان افضل شي بالعالم....





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


Happy Dude

جامعـي جديــد




مسجل منذ: 16-08-2011
عدد المشاركات: 2
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

رد مشاركة : استفسار بسيط ...

18-08-2011 03:48 PM




السلام عليكم ...
يسلمو كتير على الإجابة 

هلأ أنا جبت على الرياضيات 58 والفيزياء 36 والكيمياء 16 ومتل مانك عم تقول ضفتهن لمجموعي العام بيصير 330 من أصل 360 يعني احتمال انقبل ضئيل على ما أعتقد ...
مظبوط ؟؟

طيب هلأ أنا لقيت أنو المعهد بدو 219 بالأحكام العامة للمفاضلة وما لقيتها مع باقي الكليات والمعاهد ومكتوب أنو في للمعهد مفاضلته الخاصة, قصدن أنو بتزيد بعد الرغبات ولا قصدهن فيها بامتحان القبول ؟؟؟ 


وشكرا مسبقا على الاهتمام وموفقـــين





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


أمير حمص

عضــو فضـي

ايدك ع سلاحك شدا




مسجل منذ: 20-07-2009
عدد المشاركات: 1232
تقييمات العضو: 10
المتابعون: 21

غير موجود
اشــترك بالتحديثات
رسالة مستعجلة

رد مشاركة : استفسار بسيط ...

19-08-2011 12:37 AM




مرحبا...


ما في داعي للشكر ابدا لانو هاد واجبنا...


هلأ أنا جبت على الرياضيات 58 والفيزياء 36 والكيمياء 16 ومتل مانك عم تقول ضفتهن لمجموعي العام بيصير 330 من أصل 360 يعني احتمال انقبل ضئيل على ما أعتقد ...
مظبوط ؟؟

بصراحة ضئيل...بس دائما منقول انو لازم الواحد يقدم وما بيعرف الله شو كاتب...


طيب هلأ أنا لقيت أنو المعهد بدو 219 بالأحكام العامة للمفاضلة وما لقيتها مع باقي الكليات والمعاهد ومكتوب أنو في للمعهد مفاضلته الخاصة, قصدن أنو بتزيد بعد الرغبات ولا قصدهن فيها بامتحان القبول ؟؟؟ 

يا سيدي هي ال219 هي عبارة عن 85 بالمية من المجموع يعني يلي بحقلن يقدمو هنن من ال15 بالمية الاوائل....ما بتلاقيها مع باقي الكليات لانو نحنا مو تابعين لوزارة التعليم العالي وانما للمركز...فيك تعتبرنا هيئة مستقلة اداريا...

هوي في امتحان قبول بس بالسنتين الماضيات ما كان الو تأثير اما السنة بعتقد انو الو دور....

مفاضلة خاصة يعني ما بتحط اسم المعهد لما تفاضل بالجامعة وانما بتقدم بالمعهد نفسو والمعهد هوي بيتولى امور المفاضلة...


ع فكرة...فيك تفوت ع موقع المعهد بتلاقي في كتب تمهيدية بالرياضيات والفيزيا بستفيد منها ازا حابب تدرس هندسة....


واهلا وسهلا فيك...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


ahmed623

جامعـي نشـيط





مسجل منذ: 04-09-2011
عدد المشاركات: 146
تقييمات العضو: 9
المتابعون: 10

غير موجود
اشــترك بالتحديثات
رسالة مستعجلة

رد مشاركة : استفسار بسيط ...

06-09-2011 03:49 AM




      مرحبا يا شباب.....
أنا جمعت 233 وحابب فوت عالمعهد.بس في كتير معارضة
يعني شو النصيحة لأقنع هالعالم ؟؟
تحياتي للجميع                           





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


أمير حمص

عضــو فضـي

ايدك ع سلاحك شدا




مسجل منذ: 20-07-2009
عدد المشاركات: 1232
تقييمات العضو: 10
المتابعون: 21

غير موجود
اشــترك بالتحديثات
رسالة مستعجلة

رد مشاركة : استفسار بسيط ...

06-09-2011 12:46 PM







مرحبا...


اخي احمد العلي...

اول شي انشالله الف مبروك نجاحك وعلامتك الحلوة...

هي المعاناة عانينا منا كتير...انو روح طب او صيدلة احسن...

هلأ بالنسبة الي انا فضلت المعهد لانو بشوفو احسن من اي شي تاني...يعني بحب العلم والفهم وفي مكانة اجتماعية بالاضافة انو رح ساهم انشالله بشغلات مفيدة للبلد...

ازا انت بتحب الحفظ اكتر فالطب والصيدلة احسن الك...اما ازا بتحب العلم وبتتحمل ضغط مواد ودراسة فالمعهد هوي الافضل...

ما بعرف شو عندك فكرة عن المعهد بس ازا في اي استفسار نحنا جاهزين...


هلأ المعارضة من العالم سببا اما خوف عليك لانو حياتنا فيا ضغط او غيرة منك...(هي متل ما صار معي)...

الحجة الاقوى انو هي رغبتك وانت حابب الفرع وغير هيك رح تأمن مستقبلك...

ازا بتحب تحكي شو النقاط او السلبيات يلي عم يعارضوك فيا تفضل..


واهلا فيم مرة تانية


سلااام...






ملتقى طلاب جامعة دمشق




أنت غير مسجل لدينا.. يمكنك التسجيل الآن.

صفحة 1 من 2  1 2->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة